Sveitarfélagið Vogar

Nýkjörin bæjarstjórn Sveitarfélagsins Voga kom saman til síns fyrsta fundar fimmtudaginn 11. júní 2026.

Á fundinum tóku nýir bæjarfulltrúar formlega til starfa í kjölfar sveitarstjórnarkosninganna sem fram fóru 16. maí. D-listi Sjálfstæðisflokks og óháðra hlaut þrjá bæjarfulltrúa, A-listi Fyrir samfélagið tvo, E-listi Strandar og Voga einn og L-listi Lista fólksins einn.

Kristinn Björgvinsson var kjörinn forseti bæjarstjórnar og Birgir Örn Ólafsson formaður bæjarráðs.

Bæjarstjórn gekk jafnframt frá skipan í fastanefndir sveitarfélagsins, ráð og stjórnir og samþykkti ráðningarsamning við Björgu Ástu Þórðardóttur sem bæjarstjóra Sveitarfélagsins Voga fyrir kjörtímabilið 2026–2030.

Á fundinum var lögð fram yfirlýsing um málefnasamning D-lista, E-lista og L-lista um samstarf á kjörtímabilinu 2026–2030. Þar kemur fram að samstarfið byggi á breiðum grunni og að lögð verði áhersla á traustan rekstur, öfluga þjónustu, skýra forgangsröðun, aukið gagnsæi og gott samtal við íbúa.

Eitt af fyrstu verkefnum nýrrar bæjarstjórnar verður áframhaldandi vinna við að fjölga leikskólaplássum. Á fundinum var fjallað um viðauka við fjárhagsáætlun vegna kaupa og uppsetningar á færanlegum kennslustofum fyrir Heilsuleikskólann Suðurvelli.

Fundargerð bæjarstjórnar er aðgengileg á vef sveitarfélagsins en unnið er að því að koma fylgiskjölum fundarins á vefinn.

Ný bæjarstjórn tók til starfa í Vogum Nýkjörin bæjarstjórn Sveitarfélagsins Voga kom saman til síns fyrsta fundar fimmtudaginn 11. júní 2026.

🇮🇸 🇮🇸 🇮🇸
17. júní verður haldinn hátíðlegur í Sveitarfélaginu Vogum

Hátíðar dagskrá í Tjarnarsal 🙌

📃 14:00 Ávarp bæjarstjóra
🤹 14:05 Sirkus Íslands
🎖️ 14:30 Menningarverðlaun veitt
🤵‍♂️ 14:40 Tónlistaratriði - Gissur Páll stórsöngvari
🪄 15:00 Töframaður

Á útisvæði við Stóru-Vogaskóla frá kl. 14-16 verða hoppukastalar og fleira skemmtilegt fyrir yngri kynslóðina 🏰🎈

Boðið verður upp á kaffi og tertur í Tjarnarsal ☕🍰

Höldum þjóðhátíðardaginn saman í heimabyggð! 🇮🇸

💙 Slökun í vatni með Aqua Jóga
📍 Íþróttamiðstöðin í Vogum
📅 Jónsmessa 24. júní

Sjá nánar ⬇️

✨ Slökun í sundlauginni í Vogum á Jónsmessunni

💙 Slökun í vatni með Aqua Jóga
📍 Íþróttamiðstöðin í Vogum
📅 Jónsmessa 24. júní

Á Jónsmessunótt er sagt að mörkin milli hins sýnilega og ósýnilega verði örlítið þynnri. Þetta er nótt kyrrðar, birtu og töfra.

Laugin verður hituð upp og fáið þið allan þann búnað sem þarf til að fljóta áreynslulaust í dýrmæta vatninu okkar á meðan slakandi tónlist og andrúmsloft hjálpa þér að sleppa tökunum og njóta augnabliksins.

✨ Kyrrð fyrir hugann
✨ Hvíld fyrir líkamann
✨ Næring fyrir sálina
✨ Töfrandi stund á björtustu nótt ársins

💧 Hentar öllum sem vilja slaka á og njóta.

📞 Skráning og nánari upplýsingar eru hjá Aqua Jóga
💰 Verð: 1.500 kr.

Innifalið er aðgangur í laugina og heitt seremóníu kakó.

Leyfðu vatninu að halda utan um þig á Jónsmessunótt 💙

Þrjú verkefni í Sveitarfélaginu Vogum hljóta rúmlega þrjár milljónir króna úr aukaúthlutun Uppbyggingarsjóðs Suðurnesja 💫

Uppbyggingarsjóður Suðurnesja hefur lokið aukaúthlutun styrkja fyrir árið 2026 og hlutu þrjú verkefni í Sveitarfélaginu Vogum samtals 3 milljónir króna í styrki. Úthlutunin er ánægjuleg áminning um þann kraft, sköpunargleði og frumkvæði sem býr í samfélaginu á Suðurnesjum og styður við mikilvæga uppbyggingu á sviði menningar, sögu og varðveislu minja.

Tvö verkefni Minjafélags Vatnsleysustrandar fengu styrki við úthlutunina. Annars vegar hlaut verkefnið Skólahúsið Norðurkot styrk að upphæð 1.100.000 krónur. Minjafélag Vatnsleysustrandar hefur frá árinu 2005 unnið ötullega að varðveislu sögu og menningararfs sveitarfélagsins. Skólahúsið Norðurkot á Kálfatjörn, sem í dag hýsir skólaminjasafn, er eitt af mikilvægustu verkefnum félagsins. Styrkurinn verður nýttur til að koma húsinu í betra ástand og tryggja að bæði húsið sjálft og þeir munir sem þar eru varðveittir verði varðir gegn skemmdum.

Hins vegar hlaut verkefnið Vélbáturinn Huginn – viðhald og varðveisla styrk að upphæð 800.000 krónur. Huginn var smíðaður í Danmörku árið 1931 fyrir Útgerðarfélag Vatnsleysustrandarhrepps og er í dag þriðji elsti plankabyggði bátur landsins. Báturinn er friðaður vegna aldurs og menningarsögulegs gildis og telst ómetanleg heimild um sögu sjávarútvegs á Íslandi á 20. öld. Styrkurinn mun stuðla að áframhaldandi viðhaldi og varðveislu þessa merkilega minnisvarða.

Þá hlaut verkefni Fjölskyldusviðs Sveitarfélagsins Voga, Lifandi menning og minjar, styrk að upphæð 1.100.000 krónur. Verkefnið miðar að því að efla menningarlíf í sveitarfélaginu, auka þátttöku íbúa í menningar- og sögutengdum verkefnum og styrkja varðveislu og miðlun menningarminja. Meðal markmiða verkefnisins er að kortleggja menningarminjar í sveitarfélaginu og gera þær aðgengilegri íbúum og gestum með fjölbreyttum miðlunarleiðum.

Sveitarfélagið Vogar fagnar þessum styrkveitingum sem styðja við mikilvæga varðveislu menningararfs, sögu og sjálfsmyndar samfélagsins. Verkefnin þrjú endurspegla fjölbreytileika og metnað þeirra einstaklinga og félagasamtaka sem vinna að því að halda sögu og menningu sveitarfélagsins lifandi fyrir komandi kynslóðir.

Þrjú verkefni í Sveitarfélaginu Vogum hlutu styrki Uppbyggingarsjóður Suðurnesja hefur lokið aukaúthlutun styrkja fyrir árið 2026 og hlutu þrjú verkefni í Sveitarfélaginu Vogum samtals 3 milljónir króna í s

🚶‍♀️🚶‍♂️🏊‍♂️🤽‍♂️
Kynnið ykkur frábæra heilsudagskrá sumarsins hér í Vogum ⬇️

Frábær mæting á Bestar á Breytó 👭💪
Mikil ánægja ríkti á fræðslukvöldinu Bestar á Breytó sem haldið var í Álfagerði í Vogum þann 19. maí síðastliðinn. Kvöldið var samstarfsverkefni Sveitarfélagsins Voga, verkefnissins Saman í samfélagi, GeoSilica og Röggu Nagla og vakti mikla athygli meðal kvenna á Suðurnesjum.

Lesa alla fréttina hér ⬇️

Frábær mæting á fræðslukvöldið „Bestar á Breytó“ í Vogum Mikil ánægja ríkti á fræðslukvöldinu Bestar á Breytó sem haldið var í Álfagerði í Vogum þann 19. maí síðastliðinn. Kvöldið var samstarfsverkefni Sveitarfél

17. júní verður haldinn hátíðlegur í Sveitarfélaginu Vogum 🇮🇸

SamFest 2026 👫💫

Föstudagskvöldið 8. maí fóru tuttugu ungmenni frá Vogum á SamFest 2026 í Laugardalshöll. S*x starfsmenn fylgdu hópnum og var farið saman með rútu til og frá viðburðinum. Ferðin gekk mjög vel og hópurinn var til fyrirmyndar.

SamFest er einn stærsti viðburður félagsmiðstöðva á landinu en í ár mættu um 4.500 ungmenni frá 104 félagsmiðstöðvum. Viðburðurinn er tóbaks-, áfengis- og vímuefnalaus og mikil áhersla er lögð á öryggi, góða upplifun og skemmtun ungmenna.

Ungmennin okkar komu ánægð heim eftir vel heppnað og skemmtilegt kvöld 🙌

Meira um kvöldið hér ⬇️

SamFest 2026 Föstudagskvöldið 8. maí fóru tuttugu ungmenni frá Vogum á SamFest 2026 í Laugardalshöll. S*x starfsmenn fylgdu hópnum og var farið saman með rútu til og fr

Íþróttamiðstöðin í Vogum með frábæra upptalningu á fjölbreyttum og heilsueflandi leiðum í sveitarfélaginu okkar 🤸‍♀️🤸‍♂️

Endilega kynnið ykkur málið 👇

Eins og síðustu dagar bera vitni um þá er sumarið loksins komið.
Þá er ekki úr vegi að minna íbúa og gesti á fallegu náttúruna og möguleikana til útvistar hér í Vogum og í kringum bæinn 🤸‍♀️

🏊 Sund sund sund. Fyrir okkur er augljósasti kosturinn að koma við í sundlauginni. Synda nokkrar ferðir (eða margar), njóta heitu pottanna og nýja saunaklefans á milli þess sem þið sólið ykkur á sólbekkjunum. Sundlaugin í Vogum er fræg (sáu þið ekki örugglega áramótaskaupið) og fólk kemur langt að til að njóta fegurstu aðstöðunnar og kyrrðarinnar 🥰

🚴 Þeir sem eiga hjól ættu að nýta góðar stundir til að hjóla inn Vatnsleysuströnd og út að Stapa og í áttina að Njarðvík. Það er líka hægt að hjóla að Reykjanesbraut og undir hringtorgið og fara meðfram brautinni utanvegar (þeir sem eru á góðum dekkjum þ.e.a.s.). Hefur þú hjólað hérna í kring og ertu með meðmæli að góðri hjólaleið?

🏃 Mikið er af göngustígum sem henta vel í gönguferðir og skokk. Vinsælt að fara í Háabjalla, labba meðfram Stapanum, fara inn á Strönd og þess vegna innanbæjar, enda fallegt bæjarstæði og mikið líf núna þegar það er orðið svo bjart allan daginn. Hvaða leið er þín uppáhalds?

👣 Aragerði er dásamlegur áningastaður inn í miðjum bænum, hvort sem það er fyrir gesti eða íbúa. Þar er hægt að sitja með krökkunum í lautarferð, grilla pylsur þegar það er barnaafmæli, fara í útileiki, sitja í kyrrðinni eða hvað sem er. Aparólan og hoppubelgurinn eru vinsæl leiktæki fyrir börnin en hefur fullorðan fólkið prufað? Hvað finnst þér skemmtilegast að gera í Aragerði?

⛰ Folfvöllurinn. Ekki má gleyma 9 holu folfvellinum sem er við íþróttamiðstöðina og Aragerði. Fljótlega verður hægt að leigja folfsett í íþróttamiðstöðinni (frá 1. júní) og hvetjum við öll til að koma og prufa.

⛳ Golfklúbbur Vatnsleysustrandar við Kálfatjörn er einn vinsælasti ferðamannastaður sveitarfélagsins. Glæsilegur 9 holu völlur og öll aðstaða til fyrirmyndar.

🏊 Saunagus og sjósund nýtur sífellt vaxandi vinsælda og er það nú stundað árið um kring hér í Vogum. Tilvalið að skoða heimasíðu Saunagus Reykjanes til að sjá hvort þau eru ekki með tíma sem hentar þér. Mælum svo sannarlega með.

Þetta er alls ekki tæmandi upptalning og hvetjum við ykkur til að setja í athugasemdir það sem ykkur finnst gaman að gera hér í Vogum og í kring yfir sumartímann 😃