03/11/2026
Comune di San Sperate
SU COMUNU CUNTZILLAT - Annoamentu de s’Albu Únicu Comunali de is Iscrutadoris de ségiu eletorali - Istàntzia in línia
Su Síndigu:
• bistu s’art. 3 de sa lei de s’8 de Martzu 1989, n. 95, e modificatzionis afatantis, chi previdit s’afissioni de unu manifestu apósitu po invitai totu is eletoris e is eletoras, chi tenint is rechisitus chi previdit sa lei nemonada, a presentai domanda de inserta in s’albu únicu comunali de is iscrutadoris de ségiu eletorali;
• bista sa tzirculari de su Ministeru de s’Internu de su 13 de Cabudanni 1999, n. 166, chi tenit a ogetu “Albu de is personis idòneas a s’ufítziu de iscrutadori de ségiu eletorali, art. 9 de sa lei 30 de Abrili 1999, n. 120”;
• bista sa tzirculari de su Ministeru de s’Internu - Diretzioni Tzentrali de s’Amministratzioni Tzivili - Diretzioni Tzentrali po is servítzius eletoralis 3 de Friaxu 2000, n. 9;
fait isciri chi totu is eletoris e is eletoras de su Comunu, chi tenint assumancu su títulu de istúdiu de s’iscola de s’óbbligu, e chi ddis iat a pràxiri a èssiri insertaus in s’albu únicu comunali de is personis idòneas a s’ufítziu de iscrutadori de ségiu eletorali, depint presentai sa domanda intru su 30 de Dognasantu 2026.
Segundu cantu previdint is artículus 38 de su D.P.R. 30 de Martzu 1957, n. 361 e 23 de su D.P.R. 16 de Maju 1960, n. 570 e modificatzionis afatantis, de is funtzionis de iscrutadori de ufítziu eletorali de setzioni funt esclúdius:
• is dipendentis de is Ministérius de s’Internu, de is Postas e telecomunicatzionis e de is trasportus;
• is chi faint parti de is Fortzas Armadas in servítziu;
• is méigus provintzialis, is ufitzialis sanitàrius e is méigus de basi;
• is candidaus a is eletzionis chi pertocant sa votatzioni.
Modalidadi de presentatzioni de is domandas
Sa domanda tocat a dda fai isceti in modalidadi in línia a partiri de s’1 de Dognasantu 2026 finas a su 30 de Dognasantu 2026, pustis de autenticatzioni po mesu de SPID/CIE o CNS, cumpilendi su módulu apósitu disponíbbili a cust’acàpiu:
• https://servizionline.comune.sansperate.ca.it/portale/contactcenter/istanzeonline.aspx?IDNODE=&IDC=58&IDR=&CW=ELET&P=100
aundi fait a ddoi lòmpiri fintzas po mesu de custu percursu (partendi de sa pàgina printzipali de su situ istitutzionali):
• SERVÍTZIUS IN LÍNIA A SU TZITADINU > TZITADINUS E IMPRESAS > ISTÀNTZIAS IN LÍNIA > ABERTURA PRÀTIGAS > Eletorali > Albu Presidentis e iscrutadoris > Domanda iscritzioni albu iscrutadori de ségiu > CUMENTZA PRÀTIGA
Is eletoris giai iscritus a s’albu podint pediri, intru su Mesi de Idas chi intrat, de si fai cantzellai po motivus gravis, giustificaus e cumproaus.
DONA ATENTU: a cust’acàpiu
•https://www.comune.sansperate.ca.it/download/p1k63rlpuj108l13712vh1aptn6d3.pdf
est disponíbbili su MANUALI OPERATIVU PO IS ISTÀNTZIAS IN LÍNIA, chi su Servítziu Informàticu Comunali at redatzionau po donai suportu a is Tzitadinus candu funt cumpilendi s’istàntzia. Si incapitant dificultadis o probblemas ténnicus, pustis de ai circau solutzionis in custu manuali etotu, fait a iscriri preguntas e rechestas a s’indiritzu de posta eletrónica [email protected].
***
SA LÌNGUA CHI CONTAT - Progetu finantziau cun su dinai de sa Regione Autònoma de Sardigna cunformas a sa L. 482/99 e a sa L.R. 22/2018
