Georgia in Jordan

📢 საგარეო საქმეთა სამინისტრო აცხადებს დედაენის დღისადმი მიძღვნილ საგრანტო კონკურსს „ჩემი ენა ქართული“

📌პროექტის მიზანი:

➡️ქართული ენისა და კულტურის პოპულარიზაცია საზღვარგარეთ;
➡️დიასპორული ინიციატივების მხარდაჭერა და დედაენის დღის აღნიშვნის ხელშეწყობა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების აქტიური ჩართულობით.

✅კონკურსში მონაწილეობა შეუძლიათ:

➡️საზღვარგარეთ მოქმედ ქართულ დიასპორულ ორგანიზაციებს;
➡️ქართულ საკვირაო სკოლებს;
➡️საზღვარგარეთ მოქმედ არაკომერციულ ორგანიზაციებს, რომლებიც საქმიანობენ ქართული ენისა და კულტურის პოპულარიზაციის მიმართულებით;
➡️სულ მცირე ბოლო ერთი წლის განმავლობაში საზღვარგარეთ მცხოვრებ და ადგილსამყოფელ ქვეყანაში არანაკლებ შემდგომი ექვსი თვის მანძილზე ცხოვრების უფლების მქონე საქართველოს მოქალაქეებს.

📩 განაცხადები მიიღება 2026 წლის 14 მაისის ჩათვლით, ელ-ფოსტის მისამართზე: [email protected]

📍კონკურსის შედეგები გამოცხადდება 2026 წლის 26 მაისს.

🔗 დამატებითი ინფორმაცია იხილეთ: https://jordan.mfa.gov.ge/news/055174-sagareo-saqmeta-saministro-atskhadebs-dedaenis-dghisadmi-midzghvnil-sagranto-konkurss-chemi-ena-qart

სრულიად საქართველოს ვუსამძიმრებ ჩვენი ერის სულიერი მამის, სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის გარდაცვალებას.

მისი გარდაცვალებით დასრულდა უდიდესი ეპოქა ჩვენი დედაეკლესიისა და ქართული სახელმწიფოს ისტორიაში. უწმინდესის მწყემსთავრობის პერიოდი ჩვენი ქვეყნისთვის ურთულეს, გარდამტეხ წლებს დაემთხვა. ამ ისტორიულ გზაზე იგი მუდმივად რჩებოდა ერის სულიერ წინამძღვრად და ერთიანობის სიმბოლოდ. პატრიარქმა საკუთარი სიბრძნით, მოყვასისადმი სიყვარულით, უსაზღვრო მოთმინებითა და მიტევების უნარით შეძლო ჩვენს გულებში რწმენის განმტკიცება.

უწმინდესის ღვაწლი სცდება წმინდა სასულიერო განზომილებას. ეროვნული თვითმყოფადობის შენარჩუნების, ტრადიციების გადარჩენისა და სახელმწიფოებრიობის განმტკიცების საქმეში ილია II-ის ღვაწლი ფასდაუდებელია. უფლის, სამშობლოსა და ადამიანისადმი უანგარო მსახურებით მან სამუდამოდ დაიმკვიდრა ადგილი ჩვენი მრავალსაუკუნოვანი ისტორიის უდიდეს მოღვაწეთა შორის.

გულწრფელ სამძიმარს ვუცხადებ საქართველოს სამოციქულო ავტოკეფალურ მართლმადიდებელ ეკლესიას, წმინდა სინოდს, მღვდელმთავრებს, მრევლს და თითოეულ თანამოქალაქეს. ჩვენი და ყველა მომავალი თაობის ვალია, ღირსეულად გავუფრთხილდეთ ჩვენი სულიერი მამის უდიდეს მემკვიდრეობას.

საუკუნოდ იყოს მისი ხსენება.

საქართველოს პრემიერ-მინისტრი
ირაკლი კობახიძე

I extend my condolences to all of Georgia on the passing of the spiritual father of our nation, His Holiness and Beatitude Ilia II, Catholicos-Patriarch of All Georgia.

With his passing, a great era in the history of our Mother Church and the Georgian state has come to an end. The period of patriarchate of His Holiness coincided with the most difficult and pivotal years for our country. Along this historic path, he remained a spiritual leader of the nation and a symbol of unity. Through his wisdom, love for others, boundless patience and capacity for forgiveness, the Patriarch strengthened faith in our hearts.

The legacy of His Holiness goes beyond the purely spiritual dimension. His contribution to preserving national identity, safeguarding traditions and strengthening statehood is invaluable. Through his selfless service to God, the homeland and humanity, Ilia II has secured an eternal place among the greatest figures in our centuries-old history.

I extend my sincere condolences to the Georgian Apostolic Autocephalous Orthodox Church, the Holy Synod, the clergy, the faithful and every single citizen of the country. It is the duty of us and all future generations to carefully preserve the immense legacy of our spiritual father.

May his memory be eternal.

Irakli Kobakhidze
Prime Minister of Georgia

საქართველოს საგარეო საქმეთა სამინისტრო ყურადღებით და ღრმა შეშფოთებით აკვირდება ვითარებას ახლო აღმოსავლეთში. ხაზს ვუსვამთ დიპლომატიური ძალისხმევის მნიშვნელობას რეგიონში დეესკალაციის მისაღწევად და სტაბილურობის უზრუნველსაყოფად.

მოვუწოდებთ საქართველოს მოქალაქეებს, იხელმძღვანელონ ოფიციალური მითითებებით და მიიღონ ყველა საჭირო ზომა საკუთარი უსაფრთხოების უზრუნველსაყოფად. რეგიონის ქვეყნებში საქართველოს საელჩოები სრულად ფუნქციონირებენ და მზად არიან, საქართველოს მოქალაქეებს საჭიროების შესაბამისად გაუწიონ დახმარება.

იორდანიის ჰაშიმიტურ სამეფოში საქართველოს საელჩოს ცხელი ხაზი: +962 797 299 799

The Embassy of Georgia extends its warmest greetings to all on the occasion of Ramadan. May this holy month bring peace, compassion, and prosperity to all. 🌙

سفارة جورجيا تتقدم بأحرّ التهاني للجميع بمناسبة حلول شهر رمضان المبارك، راجين من المولى عز وجل أن يحمل هذا الشهر الفضيل السلام والرحمة والبركة للجميع. 🌙

🔈🇬🇪საქართველოში მოგზაურობის მსურველთა საყურადღებოდ!

გაცნობებთ, რომ „ტურიზმის შესახებ“ საქართველოს კანონის თანახმად, 2026 წლის 1 იანვრიდან საქართველოში შემომსვლელი ყველა ტურისტისთვის სავალდებულოა ჯანმრთელობისა და უბედური შემთხვევის დაზღვევის მოქმედი პოლისის ქონა.

საქართველოში შემოსვლისას თითოეულმა ტურისტმა უნდა წარადგინოს მოქმედი სადაზღვევო პოლისი მატერიალური ან ელექტრონული ფორმით, რომელიც შედგენილი იქნება ქართულ ან ინგლისურ ენაზე.

სადაზღვევო პოლისი შეიძლება გაცემული იყოს როგორც ქართული, ისე უცხო ქვეყნის სადაზღვევო კომპანიის მიერ და სადაზღვევო თანხა უნდა შეადგენდეს არანაკლებ 30 000 ლარს.

დაზღვევის პოლისი უნდა შეიცავდეს შემდეგ სავალდებულო ინფორმაციას:
▫️ დაზღვევის ხელშეკრულების მხარეები;
▫️ დაფარული ტერიტორია;
▫️ დაზღვევის საგანი;
▫️ სადაზღვევო პერიოდის დაწყებისა და დასრულების დრო;
▫️ სადაზღვევო რისკები;
▫️ სადაზღვევო თანხის ოდენობა (ლიმიტები);
▫️ სადაზღვევო შესატანის მოცულობა, მისი გადახდის ადგილი და ვადა.

დაზღვევა ძალაში უნდა იყოს ტურისტის საქართველოში შემოსვლის მომენტიდან ქვეყნის დატოვებამდე სრული პერიოდის განმავლობაში.

სავალდებულო დაზღვევის მოთხოვნა არ გავრცელდება:
▫️ დიპლომატიური ან სპეციალური ვიზის მქონე პირებზე;
▫️ დიპლომატიური, ოფიციალური, სამსახურებრივი ან სპეციალური პასპორტის მქონე პირებზე;
▫️ საქართველოში დიპლომატიური წარმომადგენლობების, საკონსულო დაწესებულებების, საერთაშორისო ორგანიზაციების და მათთან გათანაბრებული წარმომადგენლობების აკრედიტებულ თანამშრომლებზე, აგრეთვე ამ თანამშრომელთა აკრედიტებულ ოჯახის წევრებზე;
▫️ პირებზე, რომელთა საქართველოში შემოსვლა გათვალისწინებულია საქართველოს საერთაშორისო შეთანხმებებით ან ხელშეკრულებებით;
▫️ საერთაშორისო საავტომობილო სატვირთო გადაზიდვებსა და სამგზავრო გადაყვანებში ჩართულ მძღოლებზე.

🔈🇬🇪 Attention to those wishing to travel to Georgia!

Please be informed that according to the Law of Georgia "On Tourism," starting January 1, 2026, it is mandatory for all tourists entering Georgia to possess a valid health and accident insurance policy.

Upon entering Georgia, every tourist must present a valid insurance policy in either physical (printed) or electronic form, written in Georgian or English.

The insurance policy may be issued by either a Georgian or a foreign insurance company, and the insurance coverage must be at least 30,000 GEL.

Required Information

The insurance policy must contain the following mandatory details:

▫️ Parties to the insurance contract;
▫️ Covered territory;
▫️ Subject of insurance;
▫️ Start and end dates of the insurance period;
▫️ Insurance risks;
▫️ Insurance coverage amount (limits);
▫️ The amount of the insurance premium, as well as the place and deadline for payment.

The insurance must be valid for the entire duration of the stay, from the moment the tourist enters Georgia until they leave the country.

Exemptions

The mandatory insurance requirement does not apply to:

▫️ Holders of diplomatic or special visas;
▫️ Holders of diplomatic, official, service, or special passports;
▫️ Accredited employees of diplomatic missions, consular offices, international organizations (and equivalent representations) in Georgia, as well as their accredited family members;
▫️ Individuals whose entry into Georgia is provided for by Georgia's international agreements or treaties;
▫️ Drivers involved in international road freight and passenger transportation.

🇻🇪ყურადღებით ვადევნებთ თვალს ვენესუელაში მიმდინარე მოვლენებს, იმედით, რომ შემდგომში პროცესები ვენესუელელი ხალხის ინტერესების შესაბამისად განვითარდება.

🔹 იმის გათვალისწინებით, რომ ვენესუელის ხელისუფლებამ საქართველოს ოკუპირებული რეგიონები, აფხაზეთი და ე.წ. სამხრეთ ოსეთი დამოუკიდებელ სახელმწიფოებად საერთაშორისო სამართლის უხეში დარღვევით აღიარა, იმედს გამოვთქვამთ, რომ ბოლოდროინდელი მოვლენები საქართველოს ეროვნული ინტერესებისა და საერთაშორისო სამართლის პრინციპების შესაბამისად ამ უკანონო გადაწყვეტილების გაუქმებას გამოიწვევს.

გაცნობებთ, რომ საქართველოს განათლებლის, მეცნიერებისა და ახალგაზრდობის სამინისტროს მხარდაჭერით ხორციელდება დისტანციური სწავლების პროგრამა „ქართული ენა ემიგრანტებისთვის“ (https://distancelearning.mes.gov.ge), რომლის მიზანია საზღვარგარეთ მცხოვრებ ბავშვებსა და მოზარდებში ქართული ენის ფლობის დონის გაუმჯობესება, ეროვნულ-კულტურული იდენტობის განმტკიცება და განათლებაზე თანაბარი ხელმისაწვდომობის უზრუნველყოფა, თანამედროვე დისტანციური სწავლების მექანიზმების გამოყენებით.

პროგრამა ეფუძნება საქართველოს ზოგადი განათლების სფეროში მოქმედ საგნობრივ სტანდარტებს, დიასპორის მხარდაჭერის სახელმწიფო პოლიტიკის დებულებებსა და დისტანციური სწავლების მარეგულირებელ საკანონმდებლო ჩარჩოს.

პროგრამის ფარგლებში სწავლების პროცესს ახორციელებენ მაღალი კვალიფიკაციის მქონე პედაგოგები. სასწავლო მოდელი მორგებულია ემიგრანტი ბავშვებისა და მოზარდების ასაკობრივ, ენობრივ და კულტურულ თავისებურებებზე. დაფუძნებულია თანამედროვე პედაგოგიურ მიდგომებსა და საერთაშორისო სტანდარტებზე.

პროგრამა სრულად ფინანსდება საქართველოს განათლების, მეცნიერებისა და ახალგაზრდობის სამინისტროს მიერ და განკუთვნილია 5-18 წლის ასაკის ემიგრანტი მოსწავლეებისთვის. ჯგუფებში განაწილება ხდება ასაკისა და ენის ფლობის დონის მიხედვით, რაც უზრუნველყოფს სწავლების ოპტიმალურ ხანგრძლივობას და ინდივიდუალურ საჭიროებებზე მორგებას.

პროგრამის ადმინისტრირება სრულად ხორციელდება პორტალის საშუალებით, რაც მოიცავს სწავლების მართვისა და მხარდაჭერის სრულ ფუნქციონალს, მათ შორის:
🔹მოსწავლის ან მშობლის რეგისტრაციასა და ავტორიზაციას;
🔹 სასურველი პედაგოგისა და სასწავლო ჯგუფის შერჩევის შესაძლებლობას;
🔹 ყველა საჭირო სასწავლო რესურსზე ერთიან, წვდომას;
🔹 გაკვეთილების ორგანიზებულ, სტრუქტურირებულ და ტექნოლოგიურად გამართულ პროცესს.

გაკვეთილები ტარდება კვირაში ორჯერ, Microsoft TEAMS პლატფორმის საშუალებით.

🔗პროგრამაში ჩასართავად და პორტალზე რეგისტრაციისთვის, გთხოვთ, გამოიყენოთ შემდეგი ბმული: https://distancelearning.mes.gov.ge

🇬🇪 🇯🇴 🇬🇪 🇯🇴 🇬🇪 🇯🇴

🔹2025 წლის 25 ნოემბერს იორდანიის ჰაშიმიტურ სამეფოში საქართველოს საგანგებო და სრულუფლებიანმა ელჩმა, არჩილ ძულიაშვილმა, შეხვედრა გამართა იორდანიის ჰაშიმიტური სამეფოს კულტურის მინისტრთან, მუსტაფა ალრავაშდესთან.
🔹მხარეებმა განიხილეს ქვეყნებს შორის კულტურის მიმართულებით არსებული თანამშრომლობის გაღრმავების პერსპექტივები.

🇬🇪 🇯🇴 🇬🇪 🇯🇴 🇬🇪 🇯🇴
🔹On 25 November 2025, the Ambassador Extraordinary and Plenipotentiary of Georgia to the Hashemite Kingdom of Jordan, Archil Dzuliashvili, held a meeting with the Minister of Culture of the Hashemite Kingdom of Jordan, Mustafa Al-Rawashdeh.
🔹The parties discussed prospects for further deepening cultural cooperation between the two countries.