أعترافات سريه secret confessions

مرحبا
رجاءا بدون اسم او صوره
انا بنت عمري ١٧ سنه تعرفت قبل تقريبا ٣ سنين ع شب اجنبي كنت انا بعدني صغيره كتير و مو واعيه متل هلاء المهم بعد فتره صرنا صحاب و مقربين كمان كتير و هوه اعترفلي انو بحبني انا معرفت شو اعمل لانو انا من عائله محترمه و مابدي اي علاقه بس انا صرت كتير متعلقه بي فئلتلو اني بحبو كمان هوه شب كتير منيح و معمل معي اي شي خطا و احنا لهلاء مستمرين ع علاقنا و انا كبرت و هلا انا بكلوريا و اهلي بدون اطلع معدل عادي مشان الجامعه بس انا مبئدر اتركو يعني يوم واحد مبئدر افارقو هذي مشلكه المشكله التانيه انو انا كتير حساسه و هوه اكبر مني ب ٦سنين فعقلو واعي و انا تصرفاتي لسه طفوليه بس هوه بحسو كتير يعصب مني و صارلو كم يوم بجرحني كتير حته مرات بحس روحي مخنوئه بس هوه يعصب و ميقبل انو اكون حزينه و هيك بس هوه يجرحني كتير و انا معدني غيرو مبدي انو اكون سبب لازعاجو
في كتير حجات انا مبحبها في و انا بئلو ياها و هوه مبدو يتغير مشاني و يئلي انو مبفكر غير بحالي بس هوه كمان هوه اناني كتير
حكالي انو لمن نتزوج لازم انا اطبخ قلتلو و انته كمان تساعدني بس هوه مبدو شو بدي اعمل هوه كمان بتجاهلني كتير بس انا هلا كتير تعبانه نفسيا لانو كل سبوع احنا بنتخانئ كمان انا مبئدر هلا اقولو اي شي لانو بخاف اذا عصب مني 😔 انا بفكر هلا انو اترك الفيس بوك و ظل ع دراستي و اهلي بس مبئدر 😔

بدون اسم
لو سمحتو بدي رأي صائب انا ضايعه بين نارين انا حبيت شب سنه وكنا نحب بعض جداا فجاه وبدون مقدمات الشب صار بده يتركني وبطل يرن او يبعت وتغير كلياً واحاول اسأله واحكي معه بس على الفاضي بده يبعد وبس وانا واجهته وصارحني بده نترك و كنت متعلقه فيه جداا وبحبه كتير بس احترمت رغبته وتركته وبلكته من كل مكان لانه مش اول مره وكرامتي نهزت كثير فعلاقتنا فبكفي وكانت اسوء مرحله بحياتي تعذبت بكل ثانيه عشان انساه وبعد ما انا رجعت لحياتي واحتمال اخطب من شخص تاني تقليدي هو رجع بنفس اليوم لما صليت استخاره والشب اللي رح اخطبه فيه كل المواصفات المنيحه الي كنت بحلم فيها مع العلم اني كنت مستغنيه عنها مع اللي بحبه لانه مش قدرته وما بتهمني المصاري وراجع بده نرجع لبعض واستناه وانه كان بمر بظروف ..... استناه وارجعله ولا اكمل مع يلي اتقدملي وانساه ،ولو سمحتو بدون تجريح ... بعتذر على الاطاله

مسا الخير يا جماعه مين بقدر يساعدني ب واسطه رخصه بترخيص ماركا و ما رح اقصر معو يا ريت الي بقدر يساعدني يعلق وما رح اقصر يا جماعة

انشر يا ادمن لو سمحت
بدي احكي قصتي قلبي محروق بعرف انو على الفاضي وبعرف يمكن تسبو علي بس بدي احكي
انا كان الي سلفه ما بتخلف جوزها تجوز عليها وكلنا كنا متامرين وسلفاتي وحماتي وبناتنا وولادنا يعني باختصار الكل عليها كان.. ضرتها حملت وجابت ولد وصار الكل يقهر فيها وهي ساكته ما كانت تحكي اشي تخاف لانو اهلها متوفين واخوانها كل واحد ببيتو كانت تخاف تحرد لانو ما بدها تقعد عند اخوانها ما ضل اشي الا وعملناه معاها من ظلم وكلام يجرح القلب كانت تبعت لحماتي اكل والله منظرو بشهي تحكي حماتي يع كبوه وفعلا يكبوه تجيب هدايا مثلا لحماتي تقعد تتمسخر والي كان يقهر انها كانت تسكت وتنزل على بيتها كنا نقعد مع بعض بساحه البيت ونضحك وما نحكيلها تعالي اقعدي معنا نشوفها ابتطلع من الشباك علينا وتسكر بسرعه كنا نقهرها بابن جوزها ولما تجي عند حماتي ونجتمع نحكي على الخلفه والولاد بالعامد عشان تنقهر وتقوم وفعلا تنزل وتقوم ما بعرف شوو كنت استفيد لما كنت متامره معاهم كانت مكسورة مقهورة وحيده بهالدنيا احس قلبها مكسور ومع هيك مشيت وراهم وكنت مفكره حالي شاطره وراح اكسبهم بيوم وليله سلفتي مرضت ودخلت المشفى وبعد عشر ايام توفت وراحت لما ودعتها ضليت فوق راسها واحكيلها سامحيني سامحيني وابكي وابكي صرت انزل باب بيتها وابكي واقلها ارجعي ارجعي يا جماعه ندمانه على كلشي عملتو وانا ما قلت كلشي من الي عملناه معاها ما كتبت كلشي انا تعبانه كتير كتير بدي اشي يريحني ماتت قهر من الكل شو اعمل لحتى اريح ضميري

بدون اسم لو سمحت

انا صبيه خطبت تقليدي من شهرين اول اسبوع عقدنا وشرينا الدهب ب ٣١٠٠
وبعد العقد ب اسبوعين خطيبي اجا لعندي وحكالي بدي اطلب منك طلب وشو ما كان جوابك عالطلب قلتي اه او لا.. ماا تجيلي سيره لاهلك واعتبريني ما حكيت اشي
حكيتله اوك
قلي بدي اسواره من اساورك الدهب ابيعها وبرجعلك اياها نفسها بالزبط قبل العرس لانه محتاج جدا هالمبلغ
حكيتله اوك تكرم(طبعا الاسواره سعرها ٣٨٠)
وانا ااستغربت طلبه لانه حالتهم الماديه جيده وعنده سياره مرتبه
المهم
العرس الاسبوع الجاي وما جاب سيرة الاسواره بالمرره
ف حكيتله عرسنا الاسبوع الجاي متى رح ننزل انا وانت نشتري بدالها
حكالي والله حاولت ادبر حقها بس ما قدرت ف اذا بتقبلي اجيبلك بدالها وحده روسي وبعد العرس بكم شهر بشتريلك بدالها وعد مني....
محتاره والله مش عارفه اتصرف او احكي لاهلي او لا، هو نبهني كتير انه ما بده اياهم يعرفو
شو بتنصحوني

رسالة من شب 📩

اذا سمحتو انا من بعد كم يوم خطبتي مبارح المسا وانا عند خطيبتي عم نتفق عالتحضيرات وتفرجيني الفستان يلي بدها تلبسو من صفحة عالفيس بيطلع أجارو ١٣٠ دينار ومع حجوزات الكوافيرة بطلع تقريباً ٨٠٠ دينار رجعت تحكيلي حجزت لأمي وأخواتي ٣ بنات غيرها عند الكوافيرة ليعملو تسريحات للخطبة وتستأجر فساتينن إلهم و رح يكونو أقل من سعر فستاني لأنه مو حلوة انا المخطوبة يلبسو أغلى واثقل مني مش حلوة بحقي وبحق المعازيم طبعا هون أمها قاعدة ماحكت شي بس بتطلع وبتبتسم وماحكت ولاكلمة وبالأساس كنت متوقع تحكيلي تعال نعمل حفلة ع ضيق بس لاهلي وأهلك وبلا كل هالتكاليف
المهم انو بدي استفسر يعني الوضع هيك عادي وطبيعي للمخطوبين ولا اتخورفت انا انصحوني بالله عليكم.

من دون اسم

مرحبا يا جماعة اليوم صار موقف بصراحة صدمني اليوم اتفقت انا وزوجي نطلع مشوار برا البيت ...هلأ احنا امو لزوجي ساكنة معنا بنفس البيت الي صار انو زوجي حكالها احنا طالعين هي كانت قاعده برا البيت ...بيتنا زي مقسوم قسمين قسم الها وقسم النا جينا بدنا نطلع لقينا السيارة مش راضية تشتغل ف التغى المشوار وفتنى ع اابيت وسكرنا الباب. احنا قاعدين بالغرفة ما بنسعاها غير فاتحة ااباب طبعا انت ما بقفلو خلص بكون مأمنه انها بالدار وبصراحة بخجل اقفل بخاف تزعل .....فتحت ااباب لقيتنا قاعدين انصدمت بتحكيلنا مش طالعين الي انا صدمني شو بدها ببيتي لحتى تفوت واحنا مش في .... ما حكيت اشي انا ولا كأنه صار اشي حكيتلها فوتي اقعدي معنا ما رضيت ضلت رايحة ...ابنها بصراحة ضل ع صفنتو بس انا ما حطيتلو ولا اشي ولا بينتلو اني انزعجت واابيت الو حرمتو ...اذا كانت نيتها من فوته الدار واحنا مش فيها الله يسامحها ...بعين ربنا لو كنتو مكاني شو بتعملو

أنا ساكنة مع حماتي وحماي ببيتهم من وقت تجوزت وعندهم بناتهم سبعة متزوجين و بيوتهم قريبة لبيتنا .
كل يوم يزورونا هما وأزواجهم و أولادهم ما يروحوا لبيوتهم إلا بالليل ياكلوا ويشربوا ويروحوا .
قلت لزوجي نستأجر بيت لحالنا . قالي مستحيل .
روتين حياتي أفيق كل يوم الساعة الخامسة صباحا أبدأ أعمال المنزل .
من يوم ما تزوجت ما نمت قيلولة إلا مرتين .
الغدا أطبخ بالطنجرة الخاصة بالولائم لكثرة الافراد و ما أطلع من المطبخ إلا لما تكون الساعة ١٢ بالليل . ساعات ألاقي جوزي مستنيني وساعات كتير يكون نام .
تعبت كتير وهو ما يساعدني أبدا 😤.
بيوم من الأيام عملت حالي سكبت إناء كبير ماء بارد ورميتها في المجلى على أساس ماء ساخن وبديت أصرخ واقول : أنا بريئة أنا بريئة مو أنا اللي قتلتلك أولادك .
و ركضتت لغرفة حماتي و بدأت أكسر و أصرخ ... بردت قلبي 😈 المكبوتات كلها طلعت ، حتى طلعو كلهم و في بالهم إنو سكنّي جني 😁😁😁.
أبو زوجي حط إيدو على جبيني وبدأ يقرأ علي قرآن وأنا أبكي وبقلبي ميتة من الضحك 🤣 .
كلمو زوجي جابلي راقي .. بدأ يرقيني و أنا مغمضة عيوني و أقول لهم : اليوم سوف أقتلكم و أذكر أسماء بنات حماي وحماتي 😈😈😈 . هون الراقي بدأ يقرب علي . طلّعت فيه و وقلتلو اليوم سوف أحرقلك لحيتك 😈 قام هرب و قالهم الجن كافر😂.
بهذيك الليلة كلهم راحوا على بيوتهم . و ثاني يوك كانت أول مرة بحياتي الزوجية أفيق الساعة عشرة و لقيت حماتي جاية عندي .. بحلقت فيها قامت هربت ركض و بعثت مع زوجي القهوة والفطور ههههه .
جابوا راقي تاني... لما دخل عندي نطيت لأهجم عليه فهرب و جابوا راقي ثالث هو بدأ يرقيني وكانت أسنانو متفرقة لما شفت لسانو طلع من بين أسنانه انفجرت ضحك 🤣🤣🤣 قام قاللهم ماسكينها قبيلة من الجن ولازملها راقي متمكن😂😂.
جابولي واحد قالي : أوامرك أيها الجن . قلتلو : أنا مبعوث وهذا البيت انقتلوا فيه أولادي و لو ما طلعت المرأة اللي رمت الماء الساخن من هذا البيت سأحرقه بمن فيه .
هلئ صارلي أسبوع وأنا نايمة بغرفتي معززة مكرمة والأكل بيوصل لحد عندي 😎.
و بنات حماي ولا واحدة فيهم زارتنا من يومها بالعكس بيطبخوا في بيوتهم ويبعثولي بس منشان ما أحرقهم😂😂 و بكرى إن شاء الله طالعة على بيت جديد لحالي .. باركولي
😁😁 😂😂

ممكن تزلي بو سمحتي .انا مبارح كان عيد ميلاد ابني .عملت حفله صغيره وهيك المهم اجا اخوي ومرته عندي وزوجي لسا كان عند اهله .المهم قعدنا وهيك المهم اخدت راحتي باللبس وهيك لانه ما في حد غريب .مهم حسيت اخوي بطلع علي وعلبسي وهيك هو متدين شوي وكانت نضراته غريبه شوي استحيت منه صراحه فكرت مو حابب البس هيك.المهم دخلنا انا ومرته مطبخ نجهز جاتو والعصير انسيت تلفوني بغرفه قعده رحت اجيبه عشان اصور الجاتو وهيك .رحت اخدت تلفون واستغربت ما لقيت اخوي فكرته طلع او روح .اسمعت صوت بغرفه نوم دخلت فجأه لقيته داخل غرفتي وفاتح خزانتي وبفتش بملابسي الداخليه والخاصه وماسكهم في ايده وهيك تفاجئت وهيك وهو اتفاجئ اني دخلت فبحكيلي بدي شاحن بدور عشاحن .انا حكيتلك اوكي هلا بجبلك شاحن وخليت موضوع عادي.محتاره ولهلا بفكر معقول متلا بده يسرق او يوخد شي مستحيل اخوي يعني بصراحه مش عارفه اركز