ESEA-Aichi Japan ក្រុមការងារតំបន់អាយឈិ ប្រទេសជប៉ុន

ទូលព្រះបង្គុំជានាងខ្ញុំ ជាកូន ជាចៅ ជាប្រជានុរាស្រ្ត សូមក្រាបថ្វាយបង្គំ ថ្វាយព្រះពរ​ «ព្រះករុណាព្រះបាទសម្តេចព្រះបរមនាថ នរោត្តម សីហមុនី» ព្រះមហាក្សត្រ នៃព្រះរាជាណាចក្រកម្ពុជា​ សូមព្រះអង្គមានព្រះរាជសុខភាពល្អបរិបូរ​ណ៍ ព្រះរាជពលានុភាពរឹងមាំ ព្រះជន្មាទីឃាយុយឺនយូរជាងរយព្រះវស្សា​ និងសូមព្រះអង្គចៀសចាកឆ្ងាយពីព្រះរោគាព្យាធិនានា ដើម្បី​គង់ប្រថាប់ជាម្លប់ដ៏ត្រជាក់ត្រជុំ សុខសាន្ត និងសម្បូរថ្កុំថ្កើងដល់កូនចៅ ចៅទួតរបស់ព្រះអង្គ ជាយូរអង្វែងតរៀងទៅ​ 🙏​ ។

រសៀល ថ្ងៃព្រហស្បតិ៍ ៣រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៥ ខែកុម្ភៈ ឆ្នាំ២០២៦

លោកជំទាវឧកញ៉ា សែន ពិសិដ្ឋវណ្ណីដា ប្រធានក្រុមការងារតំបន់អាយឈិ បានដឹកនាំក្រុមការងារ និងសមាជិក អញ្ជើញសួរសុខទុក្ខ ឯកឧត្តម ហ៊ូ វុឌ្ឍី រដ្ឋលេខាធិការ ក្រសួងការងារ និងបណ្តុះបណ្តាលវិជ្ជាជីវៈ ដែលកំពុងសម្រាកព្យាបាលជំងឺនៅមន្ទីពេទ្យកាល់ម៉ែត រាជធានីភ្នំពេញ។

ក្នុងឱកាសនេះដែរ តាមយៈលោកជំទាវឧកញ៉ាប្រធាន បាននាំយកការផ្ញើសួរសុខទុក្ខពីសមាជិកទាំងអស់ រួមទាំងផ្លែឈើ និងថវិកាមួយចំនួនផងដែរ៕

យើងខ្ញុំក្រុមការងារតំបន់អាយឈិនៃប្រទេសជប៉ុន សូមប្រកាសថ្កោលទោសយ៉ាងដាច់អហង្ការចំពោះ
សង្គ្រាមឈ្លានពានរបស់ថៃមកលើអធិបតេយ្យភាពនៃព្រះរាជាណាចក្រកម្ពុជា

ញត្តិថ្កោលទោស ការបាញ់ប្រហាររបស់យោធាថៃមកលើប្រជាពលរដ្ឋខ្មែរនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ

យើងខ្ញុំទាំងអស់គ្នាជាថ្នាក់ដឹកនាំ និងសមាជិក សមាជិកា នៃក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជានៅទ្វីបអាស៊ីខាងកើត និងអាគ្នេយ៍ ក្រុមការងារតំបន់អាយឈិ សូមប្រកាសថ្កោលទោស យ៉ាងដាច់អហង្ការចំពោះអំពើរំលោភបំពានយ៉ាងគឃ្លីនពីសំណាក់កងទ័ពថៃ ដែលបានបើកការបាញ់ប្រហារពី សំណាក់យោធាថៃមកលើប្រជាពលរដ្ឋខ្មែរ បណ្តាលឱ្យជនស៊ីវិល ១រូបបាត់បង់ជីវិត និង ៣រូប ផ្សេងទៀតរងរបួស នៅក្នុងភូមិព្រៃចាន់ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ នៅវេលាម៉ោងប្រមាណ ១៥:៥០នាទី ថ្ងៃពុធ ទី១២ ខែវិច្ឆិកា ឆ្នាំ២០២៥។

នៅថ្ងៃពុធ ទី២២ ខែតុលា ឆ្នាំ២០២៥ លោកជំទាវឧកញ៉ា សែន ពិសិដ្ឋវណ្ណីដា ប្រធានក្រុមការងារតំបន់អាយឈិ បានដឹកនាំកិច្ចប្រជុំប្រចាំខែតុលា តាមប្រព័ន្ធអនឡាញ zoom ដែលមានការចូលរួមអនុប្រធាន​ សមាជិក​ សមាជិកា​ ក្រុមការងារតំបន់អាយឈិ​ និងប្រធានសាខាគណៈកម្មាធិការនៃគណបក្សប្រចាំខេត្តណាហ្គូយ៉ា និងខេត្តតូយ៉ូហាស៊ីនៃប្រទេសជប៉ុន ដែលពិភាក្សាការងារក្នុងការកសាងកម្លាំង និងទិសដៅការងារបន្ត។

ក្នុងនាមជាប្រធាន សមាជិក សមាជិកា ក្រុមការងារតំបន់អាយឈិ ប្រទេសជប៉ុន

សូមបួងសួងដល់វត្ថុស័ក្តសិទ្ធិក្នុងលោក ប្រោសប្រទានពរជ័យ បវរសួស្តី សិរីមង្គល វិបុលសុខ មហាប្រសើរ គោរពជូនចំពោះ សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល ក្នុងឱកាសចម្រើនជន្មាយុ ៤៨ ឆ្នាំ ឈានចូល ៤៩ ឆ្នាំ។

ថ្ងៃចន្ទ ១៣រោច ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២០ ខែតុលា ឆ្នាំ២០២៥

នៅថ្ងៃសុក្រ ទី៥ ខែកញ្ញា ឆ្នាំ២០២៥ លោកជំទាវឧកញ៉ា សែន ពិសិដ្ឋវណ្ណីដា ប្រធានក្រុមការងារតំបន់អាយឈិ បានដឹកនាំកិច្ចប្រជុំប្រចាំខែកញ្ញា តាមប្រព័ន្ធអនឡាញ zoom ដែលពិភាក្សាការងារក្នុងការកសាងកម្លាំង និងទិសដៅការងារបន្ត ❤️❤️

នៅថ្ងៃអាទិត្យ ទី២៧ ខែកក្កដា ឆ្នាំ២០២៥
-លោកជំទាវឧកញ៉ា សែន ពិសិដ្ឋវណ្ណីដា ប្រធានក្រុមការងារតំបន់អាយឈិ​ សហការជាមួយ
-លោកស្រី ម៉ី ឆវី ប្រធានសាខាគណបក្សប្រជាជនកម្ពុជា
ប្រចាំខេត្តអាយឈិ
-លោក ឡាយ សុខុន ប្រធានសាខាគណបក្សប្រជាជនកម្ពុជាប្រចាំក្រុងតូយ៉ូហាស៊ី នៃខេត្តអាយឈិ បានជួបជុំបងប្អូនប្រជាពលរដ្ឋខ្មែរយើង ដោយមានការចូលរួមពីសមាជិក សមាជិកា និងបងប្អូនខ្មែរដែលរស់នៅ និងកំពុងធ្វើការនៅតំបន់អាយឈិ ប្រទេសជប៉ុន ដើម្បីគាំទ្រលើកទឹកចិត្តដល់កងទ័ពកម្ពុជាដែលកំពុងការពារព្រំដែននៅសមរភូមិមុខ ប្រឆាំងនឹងការឈ្លានពានពីចោរសៀម។

នៅថ្ងៃអាទិត្យ ទី២៩ ខែមិថុនា ឆ្នាំ២០២៥ តាមរយៈប្រព័ន្ធ​ Zoom លោកជំទាវឧកញ៉ា សែន ពិសិដ្ឋវណ្ណីដា ប្រធានក្រុមការងារតំបន់អាយឈិ ព្រមទាំងអនុប្រធាន​ សមាជិក​ សមាជិកា​ បានសហការជាមួយគណៈកម្មាធិការសាខាគណបក្សប្រជាជនកម្ពុជាប្រចាំខេត្តអាយឈិ រៀបចំពិធីអបអរសាទរខួបអនុស្សាវរីយ៍លេីកទី៧៤ នៃថ្ងៃបង្កេីតគណបក្សប្រជាជនកម្ពុជា (២៨ មិថុនា ១៩៥១ - ២៨ មិថុនា ២០២៥) ក្រោមអធិបតីភាពលោកស្រី ម៉ី ឆវី ប្រធានសាខាគណបក្សប្រជាជនកម្ពុជាប្រចាំខេត្តអាយឈិ និងលោក ឡាយ សុខុន ប្រធានសាខាគណបក្សប្រជាជនកម្ពុជាប្រចាំក្រុងតូយ៉ូហាស៊ី ខេត្តអាយឈិ នៃប្រទេសជប៉ុន ។ ពិធីនេះមានការចូលរួម សមាជិក សមាជិកាគណបក្សប្រមាណ ៦០នាក់។

តាងនាមថ្នាក់ដឹកនាំ សមាជិក សមាជិកា នៃក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជានៅទ្វីបអាស៊ីខាងកើត និងអាគ្នេយ៍ ទទួលបន្ទុកតំបន់អាយឈិ សូមប្រកាសគាំទ្រយ៉ាងពេញទំហឹងចំពោះចំណាត់ការរបស់ សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជា ប្រធានយុវជនគណបក្សថ្នាក់កណ្តាល ក្នុងការដោះស្រាយបញ្ហាព្រំដែនរវាងប្រទេសកម្ពុជា-ថៃ ដោយ ប្រើប្រាស់យន្តការទ្វេភាគី យុទ្ធសាស្ត្រការពារខ្លួនក្នុងករណីចាំបាច់ និងនាំយកបញ្ហានេះដាក់ជូនទៅដល់តុលាការ យុត្តិធម៌អន្តរជាតិ (ICJ)