ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ

ករណីហិ ..;ង្សាសិស្ស មួយក្រុមព្រួតវា ..;យសិស្សម្នាក់ នៅវិទ្យាល័យច្បារអំពៅ សមត្ថកិច្ចឃាត់ខ្លួនសិស្សបង្ក២នាក់យកមកសាកសួរនៅអធិការដ្ឋាននគរបាលខណ្ឌច្បារអំពៅ

កាលពីថ្ងៃទី៤ ខែមិថុនា ឆ្នាំ២០២៦ ម៉ោង១០:៣០នាទីព្រឹក នៅវិទ្យាល័យច្បារអំពៅ មានសិស្សមួយក្រុមព្រួតគ្នាវា ..;យសិស្សម្នាក់ ដែលមានការផ្សព្វផ្សាយតាមបណ្តាញសង្គម ។សមត្ថកិច្ចយោងពាក្យបណ្ដឹងសិស្សរងគ្រោះ ឈ្មោះសូនី ហេងលី ភេទប្រុស មុខរបរសិស្ស ស្នាក់នៅផ្ទះ៧៩ ផ្លូវ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។

នៅថ្ងៃទី៥ ខែមិថុនាឆ្នាំ២០២៦ ម៉ោង០៩:០០នាទី សមត្ថកិច្ចនគរបាលខណ្ឌច្បារអំពៅ បានឃាត់ខ្លួនសិស្សបង្ក០២នាក់ ៖
១-ឈ្មោះ សុខ វិជ្ជា ភេទប្រុស មុខរបរសិស្ស ស្នាក់នៅភូមិដើមម៉ាក់ក្លឿ សង្កាត់ច្បារអំពៅ១ ខណ្ឌច្បារអំពៅ។
២-ឈ្មោះ តឹក សុវណ្ណរ័ត្នមុនី ភេទប្រុស មុខរបរសិស្ស ស្នាក់នៅផ្ទះជួល ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ។

មូលហេតុ: រវាងសិស្សរងគ្រោះនិងសិស្សបង្កនិយាយ ពាក្យសំដីឌឺដងដាក់គ្នា។

បច្ចុប្បន្នសិស្សបង្កខាងលើសមត្ថកិច្ច កំពុងធ្វើការសាកសួរ ដោយឡែកអ្នកពាក់ព័ន្ធមួយចំនួនទៀត សមត្ថកិច្ចកំពុងបន្តស្រាវជ្រាវយកមកអនុវត្តតាមនីតិវិធី៕

ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ សូមគោរពជូនពរ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ជាទីគោរពដ៏ខ្ពង់ខ្ពស់ នាឱកាសដ៏មហានក្ខត្តឫក្ស នៃពិធីចម្រើនជន្មាយុ៕

កម្លាំងប៉ុស្តិ៍នគរបាលរដ្ឋបាលចោមចៅទី២ នៃអធិការដ្ឋាននគរបាលខណ្ឌពោធិ៍សែនជ័យ បង្រ្កាបជនសង្ស័យ១នាក់ អំពើលួចទូរស័ព្ទ

-នៅថ្ងៃទី ០៣ ខែ មិថុនា ឆ្នាំ២០២៦ វេលាម៉ោង ០៨និង ៣០ នាទី នៅចំណុផ្ទះស្ថិតនៅភូមិ ជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យឈ្មោះ រ៉េន សំអាន អាយុ 28 ឆ្នាំភេទប្រុសស្នាក់នៅភូមិជ្រៃកោងសង្កាត់ចោមចៅទី 2 ខណ្ឌពោធិ៍សែនជ័យរាជធានីភ្នំពេញ ត្រូវបានសមត្ថកិច្ចឃាត់ខ្លួនបន្ទាប់ពីបានធ្វើសកម្មភាពលួចទូរស័ព្ទដៃពី ជនរងគ្រោះឈ្មោះ ឈ្មោះ រ៉េន ស្រីស្រស់ ភេទស្រីអាយុ ៣៤ឆ្នាំ នៅភូមិជ្រៃកោង សង្កាត់ ចោមចៅទី២ ខណ្ឌពោធិ៍សែនជ័យ រាជធានី ភ្នំពេញ។
-សម្ភារ ដកហូតបានទូរស័ព្ទ iphone ១៣ពណ៌ផ្កាឈូកប្រគល់ឲ្យទៅជនរងគ្រោះវិញ។
+ បច្ចុប្បន្នជនសង្កស័យ ត្ម្លាំរូវបានងប៉ុស្តិ៍នគរបាលរដ្ឋបាលចោមចៅទី ២ បញ្ជូនទៅផ្នែកជំនាញនៃអធិការដ្ឋាននគរបាលខណ្ឌពោធិ៍សែនជ័យបន្តនីតិវិធី៕

សមត្ថកិច្ចធ្វេីការស្រាវជ្រាវបង្ក្រាបឃាត់ខ្លួនជនសង្ស័យចំនួន២នាក់ ករណីហិង្សាដោយចេតនាមានស្ថានទម្ងន់ទោស (ក្រុមក្មេងទំនេីង ប្រេីដាវកែច្នៃកាប់ទៅលេីជនរងគ្រោះបណ្តាលឲ្យរងរបួសប្រអប់ដៃខាងស្តាំធ្ងន់ធ្ងរ នៅខណ្ឌចំការមន

ដោយអនុវត្តតាមបទបញ្ជា ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការរាជធានីភ្នំពេញ ដឹកនាំបញ្ជា កម្លាំងដោយលោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ លោកវរសេនីយ៍ឯក ម៉ម សាវន នាយការិយាល័យព្រហ្មទណ្ឌកម្រិតស្រាល និងលោក វរសេនីយ៍ទោ ហួរ ម៉េងហួន អធិការនគរបាលខណ្ឌចំការមន និងដឹកនាំកម្លាំងស្រាវជ្រាវផ្រាវបង្ក្រាបផ្ទាល់ពីលោក វរសេនីយ៍ទោ អន សុខវិបុល្លា អធិការរងទទួលផែនការងារព្រហ្មទណ្ឌខណ្ឌចំការមន កម្លាំងផ្នែកជំនាញខណ្ឌ កម្លាំងការិយាល័យព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ បានសហការជាមួយកម្លាំងនៃអធិការដ្ឋាននគរបាលក្រុង សំរោង នៃស្នងការដ្ឋាននគរបាលខេត្តឧត្តរមានជ័យ បានធ្វេីការឃាត់ជនសង្ស័យចំនួន២នាក់ ដែលប្រេីដាវកែច្នៃកាប់ទៅលេីជនរងគ្រោះបណ្តាលឲ្យរងរបួសធ្ងន់ធ្ងរនៅប្រអប់ដៃខាងស្តាំ កាលពីយប់ថ្ងៃទី២៣ ខែឧសភាឆ្នាំ២០២៦នៅវេលាម៉ោង០៣និង៥០នាទី យប់ឈានចូលថ្ងៃទី២៤ ខែឧសភាឆ្នាំ២០២៦ ជនសង្ស័យបន្ទាប់មក បានគេចខ្លួនទៅខេត្តសៀមរាប នឹងខេត្តឧត្តរមានជ័យ ។
រហូតដល់ថ្ងៃទី១ ខែមិថុនាឆ្នាំ២០២៦ វេលាម៉ោង១២និង០០នាទី កម្លាំងសមត្ថកិច្ចបានបង្ក្រាបជនសង្ស័យទាំង២នាក់ នៅចំណុចភូមិកំណប់ សង្កាត់បន្សាយរាក់ ក្រុងសំរោង ខេត្តឧត្តរមានជ័យ ។ជនសង្ស័យ ១. នាង អ៊ីឈៀង ភេទប្រុស អាយុ១៩ឆ្នាំ ស្នាក់នៅសង្កាត់ចាក់អង្រែក្រាម ខណ្ឌមានជ័យ រាជធានីភ្នំពេញ មុខរបរសិស្ស ២.គន្ធី បញ្ញរិទ្ធ ភេទប្រុស អាយុ១៨ឆ្នាំស្នាក់នៅសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ មុខរបរសិស្ស ។បច្ចុប្បន្នជនសង្ស័យខាងលើកំពុងយកមកសាកសួរនៅអធិការដ្ឋាននគរបាលខណ្ឌចំការមន ដើម្បីចាត់ការតាមនីតិវិធី៕

សូមបញ្ជាក់ជូនដល់ សាធារណជនមេត្តាជ្រាបថា :ករណីឃាតកម្ម ដែលជនជាតិចិនចា ..;ក់សម្លា ..;ប់ជនជាតិចិនគ្នាឯង រួចដាក់ក្នុងរថយន្តព្រូស ប្លុងចោលនៅក្នុងខណ្ឌដង្កោ រាជធានីភ្នំពេញ (កាលពីយប់ថ្ងៃទី២៩ ខែឧសភា ឆ្នាំ២០២៦) សមត្ថកិច្ចជំនាញនៃស្នងការដ្ឋាននគរបាលរាជធានីភ្នំពេញ កំពុងសហការជាមួយ នាយកដ្ឋានជំនាញចំណុះអគ្គស្នងការដ្ឋាននគរបាលជាតិ ធ្វើការស្រាវជ្រាវតាមចាប់ខ្លួនជនសង្ស័យនោះហើយ៕

ស្នងការដ្ឋាននគរបាលរាជធានីភ្នំពេញ បានធ្វើការបង្ហាញមុខជនសង្ស័យចំនួន០៤នាក់ ពាក់ព័ន្ធករណីចាប់ជំរិតទារប្រាក់ និងឃាតកម្មគិតទុកជាមុន

ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងអនុវត្តតាមបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នាព្រឹកថ្ងៃទី៣ ខែមិថុនា ឆ្នាំ២០២៦ នៅស្នងការដ្ឋាននគរបាលរាជធានីភ្នំពេញ បានធ្វើការបង្ហាញលទ្ធផលកិច្ចប្រតិបត្តិការបង្ក្រាបជនសង្ស័យចំនួន០៤នាក់ (ជនជាតិខ្មែរ និងចិន) ពាក់ព័ន្ធករណីចាប់ជំរិតទារប្រាក់ និងឃាតកម្មគិតទុកជាមុន។

នៅថ្ងៃទី១ ខែមិថុនា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលខណ្ឌច្បារអំពៅ និងកម្លាំងអធិការដ្ឋាននគរបាលខណ្ឌជ្រោយចង្វារ ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកម្រិតស្រាល និងលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានធ្វើការឃាត់ខ្លួនជនសង្ស័យចំនួន០៤នាក់ ពាក់ព័ន្ធករណីចាប់ជំរិតទារប្រាក់ និងឃាតកម្មគិតទុកជាមុន ប្រព្រឹត្តិនៅចំណុចផ្ទះសំណាក់១៦៨D ផ្លូវបេតុង ភូមិកោះក្របី សង្កាត់ព្រែកថ្មី ខណ្ឌច្បារអំពៅ កាលពីថ្ងៃទី២៣ ខែឧសភា ឆ្នាំ២០២៦ វេលាម៉ោង២៣:៣០នាទី។

ជនសង្ស័យទាំង០៤នាក់:
១-ឈ្មោះ សុខា ដានី ភេទប្រុស អាយុ២៧ឆ្នាំជនជាតិ ខ្មែរ។
២-ឈ្មោះ យុន គឹមហ៊ន ភេទប្រុស អាយុ៤០ឆ្នាំ ជនជាតិខ្មែរ ។
៣-ឈ្មោះ WONG YENLONG ភេទប្រុសអាយុ៣១ ជនជាតិចិន ។
៤-ឈ្មោះ YU WEIMING ភេទប្រុស អាយុ២៦ ជនជាតិចិន ។

ជនរងគ្រោះ
១- ឈ្មោះ តាំង ស៊ីម៉េង ភេទប្រុស (ក្លែងភេទជាស្រី) អាយុ៣៥ឆ្នាំ ជន​ជាតិខ្មែរ មុខរបរ បុគ្គលិកក្រុមហ៊ុន មានទីលំនៅស្នាក់នៅ ភូមិ៦ សង្កាត់អូរឫស្សីទី២ ខណ្ឌ៧មករា (ស្លា ..;ប់) ។
២- ឈ្មោះ អែម គីមស៊្រុន ភេទ ប្រុស អាយុ៣៨ ជនជាតិ ខ្មែរ មុខរបរ បើកបររថយន្ត តាក់ស៊ី មានទីលំនៅស្នាក់នៅ ភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ (ស្លា ..;ប់)។

នៅចំពោះមុខសមត្ថិច្ច តាមចម្លើយសារភាពរបស់ជនសង្ស័យខាងលើ សមត្ថកិច្ចក៏បានស្រាវជ្រាវរកឃើញសាកសពជនរងគ្រោះទាំងពីរខាងលើ កប់ក្នុងរណ្តៅលូ មានចាក់បេតុងពី នៅចំណុចផ្ទះគ្មានលេខ ផ្លូវបេតុង ភូមិបាក់ខែង សង្កាត់ព្រែកលៀប ខណ្ឌជ្រោយចង្វារ។

វត្ថុតាងចាប់យក: ដំបង ចំនួន០១, ពូថៅ ចំនួន០១, ខ្សែភ្លើងមួយចំនួន និងទូរស័ព្ទម៉ាកអាយហ្វូន ០១គ្រឿង។

បច្ចុប្បន្នជនសង្ស័យខាងលើ និងវត្ថុតាង កម្លាំងជំនាញព្រហ្មទណ្ឌ បានកសាងសំណុំរឿងចាត់ការតាមនីតិវិធី។ ចំណែកបក្ខពួកសេសសល់ សមត្ថកិច្ចកំពុងស្រាវជ្រាវចាប់ខ្លួន៕

សមត្ថកិច្ចឃាត់ខ្លួនបានជនសង្ស័យម្នាក់ករណីលួចយកម៉ូតូ ក្រោយមានការផ្សព្វផ្សាយតាមបណ្តាញសង្គម ស្រែកចោរនៅបឹងទំពន់

នៅថ្ងៃទី៣០ ខែឧសភា ឆ្នាំ២០២៦ កម្លាំងប៉ុស្តិ៍នគរបាលរដ្ឋបាលស្ទឹងមានជ័យទី១ បានសហការជាមួយនឹងកម្លាំងប៉ុស្តិ៍នគរបាលរដ្ឋបាលបឹងទំពុនទី១ ចេញល្បាតនៅក្នុងមូលដ្ឋាន លុះជិះមកដល់ចំណុចផ្លូវប្រឡាយ ភូមិ សន្សំកុសល១ សង្កាត់បឹងទំពុនទី១ ក៏បានជួបជនសង្ស័យ០២នាក់ ឈ្មោះ សៅ មិត្ត និងឈ្មោះ លី ជិះម៉ូតូ០២គ្រឿង ដោយជនសង្ស័យ ឈ្មោះសៅ មិត្ត ជិះម៉ូតូ Honda Airblade ជិះធាក់រុញម៉ូតូ ម៉ាក Honda Dream ដែលជិះដោយជនសង្ស័យ ឈ្មោះ លី ដោយមានការសង្ស័យសមត្ថកិច្ចក៏ហៅជនសង្ស័យទាំង០២នាក់ ដើម្បីសាកសួរ ស្រាប់តែជនសង្ស័យទាំងពីរបានរត់គេចខ្លួន ដូច្នេះ
សមត្ថកិច្ចក៏ដេញតាមឃាត់ខ្លួនបានជនសង្ស័យ០១នាក់ ឈ្មោះ សៅ មិត្ត ចំណែកឯជនសង្ស័យឈ្មោះ លី គេចខ្លួនបាត់ បន្ទាប់មកសមត្ថកិច្ចក៏នាំខ្លួនជនសង្ស័យ ឈ្មោះសៅ មិត្ត និងម៉ូតូ០២គ្រឿង យកមកស្នាក់ការប៉ុស្តិ៍នគរបាលរដ្ឋបាលស្ទឹងមានជ័យទី១ ដើម្បីធ្វើការសាកសួរ។ នៅមុខសមត្ថកិច្ចជនសង្ស័យ ឈ្មោះសៅ មិត្ត បានសារភាពថាម៉ូតូម៉ាកខាងលើ ខ្លួននិងបក្ខពួក ០២នាក់ទៀតបានធ្វើសកម្មភាពលួចពីចំណុច ផ្ទះជួល ភូមិទ្រា៣ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ រហូតដល់វេលាម៉ោង០៨:៣០នាទី ថ្ងៃខែឆ្នាំដដែល ទើបជនរងគ្រោះ ឈ្មោះ រឿន ញុឹប បានមកដាក់ពាក្យបណ្ដឹងនៅទីស្នាក់ការប៉ុស្តិ៍នគរបាលរដ្ឋបាលស្ទឹងមានជ័យទី១ ។

សម្ភារបន្សល់ទុកៈ ម៉ូតូ០២គ្រឿង ម៉ាក Honda Airblade ពណ៌ខ្មៅ (ជារបស់ជនសង្ស័យជិះធ្វើសកម្មភាព ) និង ម៉ាក Honda Dream ពណ៌ខ្មៅ ពាក់ផ្លាកលេខ តាកែវ 1AD 4879 (ជារបស់ជនរងគ្រោះ)។

បច្ចុប្បន្នជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់ការតាមនីតិវិធី។ ចំណែកម៉ូតូរបស់ជនរងគ្រោះ សមត្ថកិច្ចបានប្រគល់ជូនជនរងគ្រោះវិញតាមការស្នើសុំ៕

សមត្ថកិច្ចនៃអធិការដ្ឋាននគរបាលខណ្ឌដូនពេញ ចុះអនុវត្តគោលនយោបាយភូមិ សង្កាត់ មានសុវត្ថិភាព ពង្រឹងកិច្ចការងារការពារសន្តិសុខក្នុងមូលដ្ឋាន ស្រាវជ្រាវបង្រ្កាបជនសង្ស័យគ្រឿងញៀន២នាក់!
អនុវត្តតាមគោលការណ៍ដឹកនាំរបស់ឯកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ
កម្លាំងសមត្ថកិច្ចជំនាញនៃអធិការដ្ឋាននគរបាលខណ្ឌដូនពេញ បានស្រាវជ្រាវឈានដល់ការបង្រ្កាប ករណី ជួញដូរ រក្សាទុកនិងប្រើប្រាស់ដោយខុសច្បាប់នូវសារធាតុញៀនកាលពីថ្ងៃទី៣០ខែ ឧសភា ឆ្នាំ២០២៦ វេលាម៉ោង២៣ម៉៣០នាទី ជនសង្ស័យចំនួន០២នាក់ នៅចំណុចផ្លូវ១៣ សង្កាត់ផ្សារចាស់ ខណ្ឌដូនពេញ។ រួមនិងវត្ថុតាងចាប់យកដូចខាងក្រោម÷
១-ក្រាមពណ៍សរថ្លា សង្ស័យជាគ្រឿងញៀនចំនួន៥៦កញ្ចប់តូច។
២-កូនជញ្ជីងសម្រាប់ថ្លឹងចំនួន០១គ្រឿង
៣-ក្រាមពណ៍សថ្លាសង្សយ័ជាគ្រឿងញៀនចំនួន១៨កញ្ចប់តូច និងឧបករណ៍សម្រាប់ប្រើប្រាស់គ្រឿងញៀនមួយចំនួន។
-ចំពោះមុខ បច្ចុប្បន្នកម្លាំងជំនាញបាននិងកំពុងចំណាត់តាមនីតិវិធី៕