មន្ទីរទេសចរណ៍ខេត្តរតនគិរី Ratanakiri Department of Tourism

https://www.facebook.com/share/18hcvmsU9J/?mibextid=wwXIfr

កម្ពុជាត្រូវបានដាក់បញ្ចូលក្នុងបញ្ជីទេសចរណ៍បៃតងពិភពលោក “Travel Green List™ 2026” របស់ទស្សនាវដ្តីល្បីឈ្មោះចក្រភពអង់គ្លេស

=======================
កម្ពុជាត្រូវបានដាក់បញ្ចូលទៅក្នុងបញ្ជីទេសចរណ៍បៃតង “Travel Green List™ 2026” របស់ទស្សនាវដ្តី Wanderlust ក្នុងនាមជាគោលដៅទេសចរណ៍មួយក្នុងចំណោមគោលដៅតែពីរគត់នៅអាស៊ីអាគ្នេយ៍ រួមជាមួយប្រទេសហ្វីលីពីនផងដែរ ដែលត្រូវបានទទួលស្គាល់ចំពោះការធ្វើទេសចរណ៍ប្រកបដោយការទទួលខុសត្រូវ និងនិរន្តរភាព ។
Wanderlust The Travel Green List គឺជាបញ្ជីឈ្មោះ ឬពានរង្វាន់ប្រចាំឆ្នាំ ដែលរៀបចំឡើងដោយ Wanderlust ដែលជាទស្សនាវដ្តីធ្វើដំណើរ (Travel Magazine) ដ៏ល្បីល្បាញ និងចំណាស់ជាងគេមួយរបស់ចក្រភភពអង់គ្លេស។

យោងតាមក្រសួងទេសចរណ៍ ដំណើរការនៃការទទួលស្គាល់កម្ពុជា ជាសកលនៅក្នុងបញ្ជីទេសចរណ៍បៃតងប្រចាំឆ្នាំ២០២៦នេះ គឺមានដំណើរដើមទងបន្តពីកាលពីខែវិច្ឆិកា ឆ្នាំ២០២៥ ទស្សនាវដ្តីទេសចរណ៍ដ៏ល្បី និងបោះពុម្ពច្រើនជាងគេនៅប្រទេសអង់គ្លេស និងតំបន់អឺរ៉ុប Wanderlust Magazine សន្យាជួយផ្សព្វផ្សាយពីសក្តានុពលទេសចរណ៍កម្ពុជាឱ្យកាន់តែទូលំទូលាយដល់ប្រជាជនអង់គ្លេស និងពិភពលោក ។ ការសន្យានេះ បានធ្វើឡើងក្នុងជំនួបពិភាក្សាការងារ រវាង ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ជាមួយលោកស្រី Lyn Hughes សហស្ថាបនិកទស្សនាវដ្តី Wanderlust ទស្សនាវដ្តីទេសចរណ៍ដ៏ល្បីចាប់តាំងពីឆ្នាំ១៩៩៣ មក និងមានអ្នកអាននាំមុខគេនៅក្នុងប្រទេសអង់គ្លេស និងទ្វីបអឺរ៉ុប ។ លោកស្រី សហស្ថាបនិកទស្សនាវដ្តី Wanderlust បានសន្យាជួយផ្សព្វផ្សាយពីសក្តានុពលទេសចរណ៍កម្ពុជាដ៏សំបូរបែបដល់ប្រជាជនអង់គ្លេស និងពិភពលោក។

ក្នុងជំនួបកាលណោះ ឯកឧត្តមរដ្ឋមន្រ្តី បានអញ្ជើញលោកស្រី និងសហការី មកទស្សនកិច្ចនៅកម្ពុជា ដើម្បីជ្រាបកាន់តែច្បាស់ពី សក្តានុពលទេសចរណ៍កម្ពុជា ដើម្បីជួយផ្សព្វផ្សាយឱ្យកាន់តែទូលំទូលាយដល់ប្រជាជនអង់គ្លេស និងពិភពលោកទាំងមូល៕
ការដាក់បញ្ចូលក្នុងបញ្ជីនេះ បានផ្ដោតសំខាន់លើគោលដៅទេសចរណ៍ និងគំនិតផ្តួចផ្តើមនានាដែលជំរុញដល់ការអភិរក្សបរិស្ថាន និងគាំទ្រដល់សហគមន៍មូលដ្ឋាន ។ ក្នុងចំណោមសមិទ្ធផលលេចធ្លោរបស់កម្ពុជា រួមមាន រមណីយដ្ឋានតង់បោះជំរំជួរភ្នំក្រវាញ ស្ថិតក្នុងឧទ្យានជាតិបុទុមសាគរ ដែលទទួលបានការកោតសរសើរយ៉ាងខ្លាំងចំពោះបដិសណ្ឋារកិច្ចដែលផ្សារភ្ជាប់នឹងការអភិរក្ស និងកិច្ចខិតខំប្រឹងប្រែងការពារព្រៃទឹកភ្លៀង ។

ជាមួយគ្នានេះដែរ ប្រទេសកម្ពុជាក៏ត្រូវបានបង្ហាញខ្លួននៅក្នុងការធ្វើដំណើរពិសេសដែលមាន ១៥ទំព័ររបស់ទស្សនាវដ្តី Wanderlust ដែលរំលេចពីជីវៈចម្រុះ វប្បធម៌ និងបទពិសោធន៍ធ្វើដំណើរដ៏ពិតប្រាកដនៅក្នុងព្រះរាជាណាចក្រកម្ពុជា។ ការទទួលស្គាល់ជាអន្តរជាតិនេះ ធ្វើឡើងចំពេលដែលកម្ពុជាស្ថិតក្នុង «រដូវកាលបៃតង» (Green Season) ដែលជាពេលវេលាធ្វើឱ្យទេសភាពធម្មជាតិទូទាំងប្រទេសប្រែជាមានភាពស្រស់បំព្រង និងខៀវស្រងាត់បំផុត។

👉 ចូលគ្រុប តេលេក្រាម ៖ https://t.me/theonemediakhmer
====================
ចុះផ្សាយ 28/05/2026 ដោយ THE ONE
#ព័ត៌មានជាតិ #សេដ្ឋកិច្ច #ព័ត៌មានអន្តរជាតិ #ព័ត៌មានថ្មីៗ

ដោយទទួលបានការអនុញ្ញាតពី លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរី នាព្រឹកថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ ក្រុមការងារមន្ទីរដឹកនាំដោយ លោក ធី ចាន់ដាលីន អនុប្រធានមន្ទីរទេសចរណ៍ខេត្ត បានរៀបចំកិច្ចប្រជុំដោយផ្ដោតទៅលើការងារសំខាន់ៗចំពោះមួយចំនួន និងជាពិសេសការងារចុះផ្សព្វផ្សាយអប់រំ ដល់មូលដ្ឋានអាជីវកម្ម សេវាកម្មទេសចរណ៍អំពី Online Scam នៅក្នុងភូមិសាស្រ្តខេត្តរតនគិរី។

សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា​ បានចេញអនុក្រឹត្យ ដោយកំណត់យកថ្ងៃទី១១ ខែកក្កដា ជារៀងរាល់ឆ្នាំ ជាថ្ងៃ «ទិវាជាតិប្រជាជន»។

ការរៀបចំឱ្យមាន ទិវាជាតិប្រជាជន ក្នុងគោលបំណងរំឭកដល់ ជនរួមជាតិទាំងអស់ឱ្យបន្តផ្តោតការយកចិត្តទុកដាក់ និងរួមគ្នាដោះស្រាយបញ្ហាបម្រែបម្រួលប្រជាសាស្ត្រនៅព្រះរាជាណាចក្រកម្ពុជា ដើម្បីកសាងសង្គមជាតិមួយ ប្រកបដោយភាពធន់ប្រជាជន និងប្រកបដោយសុខដុមរមនា។

https://www.facebook.com/share/17jN9pZTwk/?mibextid=wwXIfr

លោក ​ហួត ​ហាក់ ​រដ្ឋមន្ត្រីក្រសួងទេសចរណ៍ ​មានប្រសាសន៍ថា​ ការវិនិយោគក្នុងវិស័យទេសចរណ៍ មិនត្រឹមតែរួមចំណែកជំរុញកំណើនសេដ្ឋកិច្ចប៉ុណ្ណោះទេ ​ប៉ុន្តែក៏ជាកត្តាសំខាន់ក្នុងការបង្កើតការងារ លើកកម្ពស់ជីវភាពប្រជាពលរដ្ឋ និងគាំទ្រដល់ការអភិវឌ្ឍសហគមន៍មូលដ្ឋានប្រកបដោយចីរភាព។

លោក ​ហួត ​ហាក់ ​បាន​លើកឡើង​ក្នុង​កិច្ចប្រជុំតុមូលកម្រិតខ្ពស់ស្តីពី​ «ទស្សនវិស័យវិនិយោគ​ទេស​ចរណ៍​ប្រកបដោយចីរភាព ​និង​ភាពធន់របស់អាស៊ាន ឆ្នាំ២០៣០» ដែលរៀបចំដោយធនាគារ​អភិវឌ្ឍន៍អាស៊ី (ADB) នៅថ្ងៃទី ១៩ ខែឧសភា ឆ្នាំ ២០២៦។​

ក្នុងកិច្ចប្រជុំពិគ្រោះយោបល់កម្រិតខ្ពស់ និងមានសារៈសំខាន់ ដើម្បីផ្លាស់ប្តូរទស្សនៈ និងស្វែងរកកាលានុវត្តភាពថ្មីៗសម្រាប់ការវិនិយោគក្នុងវិស័យទេសចរណ៍ប្រកបដោយចីរភាព និងភាពធន់ លោករដ្ឋមន្រ្តី បានគូសបញ្ជាក់ថា ប្រទេស​កម្ពុជា ​មានសក្តានុពលទេសចរណ៍យ៉ាងសម្បូរបែប ទាំងផ្នែកវប្បធម៌ ប្រវត្តិសាស្ត្រ ធម្មជាតិ និងទេសចរណ៍បៃតង ដែលអាចឆ្លើយតបទៅនឹងនិន្នាការ​ទេសចរណ៍សកលនាពេលបច្ចុប្បន្ន។ ​

កម្ពុជាកំពុងបន្តអភិវឌ្ឍហេដ្ឋារចនាសម្ព័ន្ធឱ្យកាន់តែប្រទាក់ក្រឡាបន្ថែមទៀត និងបង្កើនការតភ្ជាប់​ឱ្យកាន់តែច្រើនផ្តល់ភាពងាយស្រួល និងសន្សំសំចៃពេលវេលា ដើម្បីទាក់ទាញវិនិយោគិន និងភ្ញៀវទេសចរអន្តរជាតិ។

លោករដ្ឋមន្រ្តី ក៏បានលើកឡើងពីយុទ្ធនាការ «ទស្សនាកម្ពុជា នារដូវបៃតង» ដែលជាការជំរុញ​ការធ្វើដំណើរទេសចរណ៍ក្នុងរដូវវស្សា និងបង្ហាញពីសម្រស់ធម្មជាតិដ៏ស្រស់ ត្រកាលរបស់កម្ពុជា ស្របតាមពាក្យស្លោក ៦ចំណុច រួមមាន៖ ត្រូវមើល ត្រូវស្នាក់នៅ ត្រូវភ្លក់រសជាតិ ត្រូវទស្សនា ត្រូវសាកល្បង និងត្រូវទិញ ដើម្បីផ្តល់បទពិសោធន៍ថ្មីៗ ជូនភ្ញៀវទេសចរ និងបន្តលើកកម្ពស់​ភាពទាក់​ទាញរបស់គោលដៅ ទេសចរណ៍កម្ពុជាដែលអាចទស្សនាបានគ្រប់រដូវកាល៕
---------------
©KPT Economy

សូមព្រះបរមរាជានុញ្ញាតសម្តែងនូវព្រះពរជ័យ សិរីវឌ្ឍនា បរវមហាប្រសើរថ្វាយ ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជពិធីចម្រើនព្រះជន្មាយុ គម្រប់ខួប ៧៣ ព្រះវស្សា យាងចូល ៧៤ ព្រះវស្សា (១៤ ឧសភា ១៩៥៣ - ១៤ ឧសភា ២០២៦)។