រដ្ឋបាលខេត្តមណ្ឌលគិរី

ពិធី​ សូត្រមន្តប័ង្សុកូល និងពិធីប្រគល់ទទួល និងធ្វើមាតុភូមិនិវត្តន៍ អដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានពលីក្នុង សម័យសង្គ្រាមនៅក្នុងខេត្តមណ្ឌលគិរី សម្រាប់រដូវប្រាំងឆ្នាំ២០២៥-២០២៦

នៅព្រឹកថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦​ លោកស្រី​ កែវ សាវឿន អភិបាលរង​ នៃគណៈអភិបាលខេត្ត​ និងលោក ឌិញ វ៉ាន់ហឹង ប្រធានស្នងការនយោបាយ នៃបញ្ជាការដ្ឋានយោធា ខេត្តដាក់ឡាក់ និងជាអនុប្រធានគណៈកម្មការជំនាញខេត្តដាក់ឡាក់ បានអញ្ជេីញ​ជាអធិបតី​ ក្នុងពិធី​ សូត្រមន្តបង្សុកូល និងពិធីប្រគល់ទទួល និងធ្វើមាតុភូមិនិវត្តន៍ អដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានពលីក្នុង សម័យសង្គ្រាមនៅក្នុងខេត្តមណ្ឌលគិរី សម្រាប់រដូវប្រាំងឆ្នាំ២០២៥-២០២៦​។
ពិធីនេះ​ក៏មានការអញ្ជើញចូលរួមពីសំណាក់​ លោកស្រីនាយិការងរដ្ឋបាលសាលាខេត្ត​ លោក លោកស្រី ជាអនុប្រធាន សមាជិក សមាជិកា នៃ គណៈកម្មការជំនាញ ក្រុមK51 ព្រមទាំងប្រតិភូអមដំណើរ
មេបញ្ជាការរង កង កម្លាំងប្រដាប់អាវុធទាំងបី ប្រធានមន្ទីរ អង្គភាពពាក់ព័ន្ធ​ លោកគ្រូ អ្នកគ្រូ និងសិស្សានុសិស្ស។
ពិធីនេះ​ប្រព្រឹត្តទៅ​នៅ​បរិវេណ​ ស្តូបមិត្តភាពកម្ពុជាវៀតណាម​ ខេត្តមណ្ឌលគិរី។

នារសៀលថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦ ឯកឧត្តម គង់ គឹមនី អភិបាល នៃគណៈអភិបាលខេត្តមណ្ឌលគិរី បានអនុញ្ញាតឱ្យថ្នាក់ដឹកនាំ និងមន្ត្រីរាជការ នៃមន្ទីរសុខាភិបាល ខេត្តមណ្ឌលគិរី និងមន្ទីរមុខងារសាធារណៈខេត្តមណ្ឌលគិរី ដែលដឹកនាំដោយ លោក ប៊ុន សួរ ប្រធានមន្ទីរ សុខាភិបាលខេត្តមណ្ឌលគិរី និងលោក ពុច សុរិយា ប្រធានមន្ទីរ មុខងារ សាធារណៈ ខេត្តមណ្ឌលគិរី អញ្ជើញចូលជួបសំណេះសំណាល និងសម្តែងការគួរសម ពិធីនេះក៏មានការអញ្ជើញចូលរួមពីសំណាក់ លោកអភិបាលរងខេត្ត កិច្ចសំណេះសំណាលនេះប្រព្រឹត្តទៅនៅសាលប្រជុំ បដិសណ្ឋារកិច្ច អគាររដ្ឋបាលខេត្តមណ្ឌលគិរី។

ឯកឧត្ដម គង់ គឹមនី អភិបាលខេត្តមណ្ឌលគិរី ចុះសំណេះសំណាលសួរសុខទុក្ខ និងណែនាំពីបញ្ហាអនាម័យ សណ្តាប់ធ្នាប់ ដល់អាជីវករផ្សារសែនមនោរម្យ

នាព្រឹកថ្ងៃទី០៤ ខែមិថុនា ឆ្នាំ២០២៦ នេះ ឯកឧត្ដម គង់ គឹមនី អភិបាល​នៃគណៈអភិបាលខេត្ត​ បានដឹកនាំក្រុមការងារ រួមមានលោកអភិបាលរងខេត្ត អាជ្ញាធរក្រុងសែនមនោរម្យ និងអាជ្ញាធរសង្កាត់ស្ពានមានជ័យ ចុះជួបសំណេះសំណាលសួរសុខទុក្ខផ្ទាល់ជាមួយបងប្អូនប្រជាពលរដ្ឋ និងអាជីវករដែលកំពុងប្រកបរបរលក់ដូរនៅក្នុងផ្សារសែនមនោរម្យ។
នៅក្នុងឱកាសចុះសាកសួរសុខទុក្ខនោះ ឯកឧត្ដម គង់ គឹមនី បានសម្តែងនូវការគិតគូរ និងក្តីនឹករលឹកយ៉ាងជ្រាលជ្រៅចំពោះសុខទុក្ខ និងជីវភាពរស់នៅប្រចាំថ្ងៃរបស់បងប្អូនអាជីវករ ក៏ដូចជាប្រជាពលរដ្ឋទាំងអស់។ ជាមួយគ្នានោះដែរ ឯកឧត្ដមអភិបាលខេត្ត បានចំណាយពេលជជែកលេងយ៉ាងស្និទ្ធស្នាល និងស្វែងយល់ពីការលក់ដូរ។សកម្មភាពនេះទទួលបានការត្រេកអរ និងការគាំទ្រយ៉ាងខ្លាំងពីបងប្អូនអាជីវករ និងប្រជាពលរដ្ឋ ដោយពួកគាត់បានសន្យានឹងចូលរួមសហការជាមួយអាជ្ញាធរគ្រប់លំដាប់ថ្នាក់ ដើម្បីធ្វើឱ្យផ្សារសែនមនោរម្យមានបរិស្ថានស្អាត និងសណ្តាប់ធ្នាប់ល្អជានិច្ច៕

សេចក្តីប្រកាសព័ត៌មាន
ស្តីពី លទ្ធផលកិច្ចប្រជុំសាមញ្ញលើកទី២៤ អាណត្តិទី៤ របស់ក្រុមប្រឹក្សាខេត្តមណ្ឌលគិរី

សារលិខិតជូនពរ​ ឯកឧត្ដម​អភិសន្តិបណ្ឌិត​ ស​ សុខា​ ឧបនាយករដ្ឋមន្ត្រី​ រដ្ឋមន្ត្រីក្រសួងមហាផ្ទៃ​ ក្នុងឱកាសចម្រើនជន្មាយុគម្រប់ ៤៤ឆ្នាំឈានចូល ៤៥ឆ្នាំ

នារសៀលថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦​ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត ព្រមទាំងឯកឧត្តម លោកជំទាវ ជាសមាជិក និងសមាជិកាក្រុមប្រឹក្សាខេត្ត បានអញ្ជើញចូលរួមគោរពវិញ្ញាណក្ខន្ធសព ឯកឧត្តម ឈាង ប៊ុនស្រ៊ុន ទីប្រឹក្សាក្រសួងសាធារណការ និងដឹកជញ្ជូន និងជាអតីតសមាជិកក្រុមប្រឹក្សាខេត្តមណ្ឌលគិរី។

ក្នុងឱកាសនោះ ឯកឧត្តម ម៉ែន ង៉ុយ ក៏បាននាំយកមូលនិធិមរណសង្គ្រោះក្រុមប្រឹក្សារាជធានី-ខេត្ត ចំនួន ៤,០០០,០០០ រៀល និងបច្ច័យរបស់ក្រុមប្រឹក្សាខេត្ត ចំនួន ១,០៥០,០០០ រៀល ជូនដល់ក្រុមគ្រួសារនៃសពផងដែរ។

ក្នុងនាមក្រុមប្រឹក្សាខេត្ត យើងខ្ញុំមានសេចក្តីក្តុកក្តួល និងសោកស្តាយជាពន់ពេក ចំពោះដំណឹងដ៏ក្រៀមក្រំស្តីពីមរណភាពរបស់ ឯកឧត្តម ឈាង ប៊ុនស្រ៊ុន ទីប្រឹក្សាក្រសួងសាធារណការ និងដឹកជញ្ជូន និងជាអតីតសមាជិកក្រុមប្រឹក្សាខេត្តមណ្ឌលគិរី ដែលបានទទួលមរណភាពនៅថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦ វេលាម៉ោង ២:០០ នាទីរំលងអធ្រាត្រ ក្នុងជន្មាយុ ៧២ ឆ្នាំ ដោយរោគាពាធ នៅភូមិពូទ្រូ ឃុំសែនមនោរម្យ ស្រុកអូររាំង ខេត្តមណ្ឌលគិរី។

សូមចូលរួមរំលែកទុក្ខដ៏ក្រៀមក្រំជាមួយក្រុមគ្រួសារនៃសព និងសូមឧទ្ទិសបួងសួងឱ្យវិញ្ញាណក្ខន្ធ ឯកឧត្តម ឈាង ប៊ុនស្រ៊ុន បានទៅកាន់សុគតិភពកុំបីឃ្លៀងឃ្លាតឡើយ។

ថ្នាក់ដឹកនាំខេត្តមណ្ឌលគិរី​ បានអញ្ជេីញបួងសួងសុំសេចក្ដីសុខ និងសិរីសួស្តី

នាព្រឹកថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត ឯកឧត្តម គង់ គឹមនី អភិបាល នៃគណៈអភិបាលខេត្ត ព្រមទាំងឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត មេបញ្ជាការកងកម្លាំងទាំងបី លោក លោកស្រី ប្រធានមន្ទីរ អង្គភាពជុំវិញខេត្ត បានអញ្ជើញចូលរួមពិធីបួងសួងសុំសេចក្ដីសុខ និងសិរីសួស្តីពីលោកតាភ្នំដោះក្រមុំ ក្នុងឱកាសដែលឯកឧត្តម គង់ គឹមនី អភិបាល នៃគណៈអភិបាលខេត្តមណ្ឌលគិរី បានអញ្ជើញមកកាន់តំណែងថ្មី។

ក្នុងឱកាសដ៏ប្រពៃនេះ សូមបួងសួងដល់ម្ចាស់ទឹក ម្ចាស់ដី ម្ចាស់ព្រៃភ្នំ និងជាពិសេសលោកតាភ្នំដោះក្រមុំ សូមជួយថែរក្សា បីបាច់ការពារ ឯកឧត្តម គង់ គឹមនី អភិបាល នៃគណៈអភិបាលខេត្តមណ្ឌលគិរី និងក្រុមគ្រួសារ ឱ្យទទួលបាននូវសុខភាពល្អ បរិបូរណ៍ កម្លាំងមាំមួន ប្រាជ្ញាឈ្លាសវៃ និងជួបប្រទះតែសំណាងល្អ សិរីមង្គល វិបុលសុខ និងជោគជ័យគ្រប់ភារកិច្ចការងារ ដើម្បីបន្តដឹកនាំ និងអភិវឌ្ឍខេត្តមណ្ឌលគិរីបន្តទៀតឱ្យកាន់តែរីកចម្រើនថែមទៀត។

ក្រោមការដឹកនាំចង្អុលបង្ហាញពីឯកឧត្តម​ គង់​ គឹមនី​ អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត​ និងអនុវត្តតាមអនុសាសន៍ណែនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ

ថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ «កម្លាំងជំនាញ នៃស្នងការដ្ឋាននគរបាលខេត្តមណ្ឌលគិរី បានចុះធ្វើរដ្ឋបាលចំហរលើទីតាំង
ជនបរទេសស្នាក់នៅប្រមូលផ្ដុំ សង្ស័យជាមុខសញ្ញាប្រព្រឹត្តបទល្មើស Online Scams»
វេលាម៉ោង ៩:២៦នាទីព្រឹក កម្លាំងផែនការងារជំនាញ នៃស្នងការដ្ឋាននគរបាលខេត្តមណ្ឌលគិរី ដឹកនាំដោយលោកឧត្តមសេនីយ៍ត្រី ទៀង សៅរតន៍ ស្នងការរងទទួលផែនការងារអន្តោប្រវេសន៍ សហការចូលរួមដោយគណៈបញ្ជាការឯកភាពរដ្ឋបាលក្រុងសែនមនោរម្យ ដឹកនាំដោយលោក មាស ចន្នី អភិបាលរង នៃគណៈអភិបាលក្រុងសែនមនោរម្យ ដោយមានការសម្របសម្រួលនីតិវិធីពី លោក ស៊ាវ ងីឈាន់ ព្រះរាជអាជ្ញារង នៃអយ្យការអមសាលាដំបូងខេត្តមណ្ឌលគិរី បានចុះធ្វើរដ្ឋបាលចំហរលើទីតាំងជនបរទេសស្នាក់នៅប្រមូលផ្ដុំ ទីតាំង រីស៊ត គុជសារ ស្ថិតនៅភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។
ជាលទ្ធផល៖ រកឃើញជនបរទេសសរុបចំនួន ៣០នាក់ ស្រីចំនួន ២នាក់ ស្មើនឹង ១សញ្ជាតិ (ចិន) ក្នុងនោះដែរ រកឃើញជនបរទេសក្នុងទីតាំងចំនួន ១៧នាក់ ស្រីចំនួន ១នាក់ និងបន្តរកឃើញ (ដេញប្រផាប់ចាប់ប្រភីង) ជនបរទេសដែលរត់ចេញពីទីតាំងរីស៊តចំនួន ១៣នាក់ ស្រីចំនួន ១នាក់។ ធ្វើការឆែកឆេរ និងចាប់យកវត្ថុតាងរួមមាន៖ កុំព្យូទ័រ Laptop ចំនួន ២គ្រឿង, ទូរស័ព្ទដៃចំនួន ១២គ្រឿង, IPad ចំនួន ២គ្រឿង, គ្រែដេក (២ជាន់) និងកៅអីមួយចំនួនរក្សាទុកក្នុងឃ្លាំងចំនួន ២ និងលិខិតឆ្លងដែនចំនួន ៣០ក្បាល (ផុតសុពលភាពទិដ្ឋាការ ១)។
យោងតាមការត្រួតពិនិត្យលើទីតាំង និងវត្ថុតាងជាក់ស្តែង កម្លាំងសមត្ថកិច្ចជំនាញ សន្និដ្ឋានថា ជនជាតិចិនចំនួន ៣០នាក់ ស្រីចំនួន ២នាក់ ជាមុខសញ្ញាសង្ស័យប្រព្រឹត្តបទល្មើស Online Scams ដែលចាកចេញពីកន្លែងណាមួយមកសម្ងំលាក់ខ្លួននៅ រីសត ឈ្មោះ គុជសារ។
បច្ចុប្បន្នជនជាតិចិនទាំង ៣០នាក់ ស្រី ២នាក់ រួមនឹងវត្ថុតាងមួយចំនួន បានបញ្ជូនមកស្នងការដ្ឋាននគរបាលខេត្តមណ្ឌលគិរី ដើម្បីបន្តនីតិវិធី។

កិច្ចប្រជុំ ស្តីពីលទ្ធផលការចុះត្រួតពិនិត្យលើការអនុវត្តគម្រោងអភិវឌ្ឍន៍បញ្ចប់ ឆ្នាំ២០២៥ និងវឌ្ឍនភាពនៃការអនុវត្តគម្រោងអភិវឌ្ឍន៍ ឆ្នាំ២០២៦ របស់រដ្ឋបាលខេត្តមណ្ឌលគិរី

នាព្រឹកថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ លោក លន់ សុភាព អភិបាលរង នៃគណៈអភិបាលខេត្ត បានអញ្ជើញជាអធិបតី ក្នុងកិច្ចប្រជុំ ស្តីពីលទ្ធផលការចុះត្រួតពិនិត្យលើការអនុវត្តគម្រោងអភិវឌ្ឍន៍បញ្ចប់ ឆ្នាំ២០២៥ និងវឌ្ឍនភាពនៃការអនុវត្តគម្រោងអភិវឌ្ឍន៍ ឆ្នាំ២០២៦ របស់រដ្ឋបាលខេត្តមណ្ឌលគិរី​ ដោយមានការអញ្ជើញចូលរួមពីសំណាក់ ក្រុមការងារអគ្គនាយកដ្ឋានរដ្ឋបាល នាយកដ្ឋានកិច្ចការរដ្ឋបាលរាជធានី ខណ្ឌ និងខេត្ត នៃក្រសួងមហាផ្ទៃ លោកស្រីប្រធាននាយិការង រដ្ឋបាលសាលាខេត្ត លោកនាយកទីចាត់ការ អង្គភាព ចំណុះរដ្ឋបាលខេត្ត និងមន្ត្រីជំនាញពាក់ព័ន្ធ កិច្ចប្រជុំនេះប្រព្រឹត្តទៅនៅសាលប្រជុំសុខដុម រដ្ឋបាលសាលាខេត្ត។

ញត្តិគាំទ្រ
ចំពោះសេចក្តីថ្លែងការណ៍
របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ពាក់ព័ន្ធការសម្រេចចិត្តរបស់រាជរដ្ឋាភិបាលក្នុងការប្តឹងតាមរយៈយន្តការផ្សះផ្សាដោយ បង្ខំ ក្រោមអនុសញ្ញា UNCLOS ដើម្បីដោះស្រាយបញ្ហាដែនសមុទ្រជាមួយថៃ