រដ្ឋបាលស្រុកឯកភ្នំ

រដ្ឋបាលស្រុកឯកភ្នំ ខេត្តបាត់ដំបង សូមជូនដំណឹងដល់បងប្អូន ប្រជាពលរដ្ឋ និងសាធារណជនទាំងអស់ មេត្តាជ្រាបថា ការិយាល័យច្រកចេញចូលតែមួយនៃរដ្ឋបាលស្រុកឯកភ្នំ អនុវត្តការផ្តល់សេវាតាមតារាងតម្លៃការផ្តល់សេវាសាធារណៈ របស់រដ្ឋបាលក្រុង ស្រុក ខណ្ឌ ដោយផ្អែកលើប្រកាសរបស់អន្តរក្រសួងលេខ ៣៤៣សហវ.ប្រក.អទច ចុះថ្ងៃទី២៨ ខែមេសា ឆ្នាំ២០២៦ រវាងក្រសួងសេដ្ឋកិច្ចនិងហិរញ្ញវត្ថុ និងក្រសួងមហាផ្ទៃ ស្តីពីការផ្តល់សេវារដ្ឋបាលរបស់រដ្ឋបាលក្រុង ស្រុក ខណ្ឌ ដោយគិតចាប់ពីថ្ងៃទី២៦ ខែឧសភា ឆ្នាំ២០២៦នេះតទៅ។

កិច្ចប្រជុំស្ដីពីការពង្រឹងលើកិច្ចការសម្របសម្រួលព័ត៌មាន និងដោះស្រាយសាធារណៈមតិ ក្នុងបណ្តាញសង្គម ស្ថិតក្នុងដែនសមត្ថកិច្ច ខេត្តបាត់ដំបង

នាព្រឹកថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦ លោក ប៊ី សុភាព អភិបាលរងនៃគណៈអភិបាលស្រុកឯកភ្នំ បានដឹកនាំក្រុមការងារសម្របសម្រួលព័ត៌មានស្រុក ចូលរួមកិច្ចប្រជុំស្ដីពីការពង្រឹងលើកិច្ចការសម្របសម្រួលព័ត៌មាន និងដោះស្រាយសាធារណៈមតិ ក្នុងបណ្តាញសង្គម ស្ថិតក្នុងដែនសមត្ថកិច្ច ខេត្តបាត់ដំបង ក្រោមអធិបតីភាពឯកឧត្តម សុខ លូ អភិបាលនៃគណៈអភិបាលខេត្ត នៅសាលប្រជុំសាលាខេត្តបាត់ដំបង។
​
#រដ្ឋបាលស្រុកឯកភ្នំ #ខេត្តបាត់ដំបង #អរគណសន្តិភាពនិងការអភិវឌ្ឍន៍

យុទ្ធនាការប្រមូលសំរាមនៅទីប្រជុំក្នុងឃុំព្រែកនរិន្ទ ស្រុកឯកភ្នំ ខេត្តបាត់ដំបង

នាព្រឹកថ្ងៃច​ន្ទ ៩កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ លោក រ៉ាន់ សុឃឿន អភិបាលរងនៃគណៈអភិបាលស្រុក និងជាប្រធានអនុគណៈកម្មាធិការគ្រប់គ្រងសំរាម សំណល់រឹង ទីប្រជុំជនក្នុងស្រុកឯកភ្នំ ខេត្តបាត់ដំបង បានដឹកនាំក្រុមការងារអនុគណៈកម្មាធិការគ្រប់គ្រងសំរាម សំណល់រឹង ទីប្រជុំជនក្នុងស្រុកឯកភ្នំ ធ្វើយុទ្ធនាការប្រមូលសំរាម នៅក្នុងភូមិស្ដី ឃុំព្រែកនរិន្ទ ស្រុកឯកភ្នំ ខេត្តបាត់ដំបង

#រដ្ឋបាលស្រុកឯកភ្នំ #ខេត្តបាត់ដំបង #អរគុណសន្តិភាពនិងការអភិវឌ្ឍន៍

គោរពទង់ជាតិ នៃព្រះរាជាណាចក្រកម្ពុជា នៅសាលាស្រុកឯកភ្នំ

នាព្រឹកថ្ងៃចន្ទ​ ៩កើត ខែជេស្ឋ ឆ្នាំមមី អដ្ឋស័ក ព.ស.២៥៧០​ ត្រូវនឹងថ្ងៃទី២៥ ខែឧសភា ឆ្នាំ២០២៦ គណៈ អភិបាលស្រុក និងមន្ត្រីរាជការបានចូលរួម គោរពទង់ជាតិ នៃព្រះរាជាណាចក្រកម្ពុជា នៅសាលាស្រុកឯកភ្នំ ខេត្តបាត់ដំបង។

#រដ្ឋបាលស្រុកឯកភ្នំ #ខេត្តបាត់ដំបង #អរគណសន្តិភាពនិងការអភិវឌ្ឍន៍

ពិធីចែកស្បៀងលើកទឹកចិត្តដល់ប្រជាការពារ ចំនួន ៧៧នាក់ ក្នុងឃុំព្រែកហ្លួង ស្រុកឯកភ្នំ ខេត្តបាត់ដំបង

នារសៀលថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦ លោក រ៉ាន់ សុឃឿន អភិបាលរងនៃគណៈអភិបាលស្រុក តំណាងលោក ម៉ិល សុផល អភិបាលនៃគណៈអភិបាលស្រុកឯកភ្នំ បានអញ្ជើញជាអធិបតីក្នុងពិធីចែកស្បៀងលើកទឹកចិត្តដល់ប្រជាការពារឃុំ ចំនួន ៧៧នាក់ ក្នុងឃុំព្រែកហ្លួង ស្រុកឯកភ្នំ ខេត្តបាត់ដំបង។ កម្មវិធីចែកស្បៀងខាងលើប្រារព្ធនៅសាលាឃុំព្រែកហ្លួង ស្ថិតក្នុងភូមិស្ដីលើ ឃុំព្រែកហ្លួង ស្រុកឯកភ្នំ ខេត្តបាត់ដំបង ដោយក្នុង១នាក់ទទួលបាន៖
-អង្ករ ២៥គីឡូ
-មី១កេស
-ត្រីខ ១យួរ
-ទឹកត្រី៣ដប
-ទឹកស៊ីអ៉ីវ៣ដប។

#រដ្ឋបាលស្រុកឯកភ្នំ #ខេត្តបាត់ដំបង #អរគណសន្តិភាពនិងការអភិវឌ្ឍន៍

កម្មវិធីចុះផ្សព្វផ្សាយ App NoDrug និងផលប៉ះពាល់នៃគ្រឿងញៀន ក្មេងទំនើង ដល់សិស្សានុសិស្ស នៃវិទ្យាល័យ ស្រុកឯកភ្នំ

នាព្រឹកថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែឧសភា ឆ្នាំ២០២៦ លោក ម៉ិល សុផល អភិបាលនៃគណៈអភិបាលស្រុកឯកភ្នំ បានអញ្ជើញជាអធិបតីក្នុងកម្មវិធីចុះផ្សព្វផ្សាយ App NoDrug និងផលប៉ះពាល់នៃគ្រឿងញៀន ក្មេងទំនើង ដល់សិស្សានុសិស្ស នៅវិទ្យាល័យ ស្រុកឯកភ្នំ ស្ថិតនៅភូមិព្រែកហ្លួង ឃុំព្រែកហ្លួង ស្រុកឯកភ្នំ ខេត្តបាត់ដំបង ដែលមានសមាសភាពចូលរួម អភិបាលរងស្រុក មន្ត្រីរាជការ កម្លាំងអធិការនគរបាលស្រុក មូលដ្ឋានកងរាជអាវុធហត្ថស្រុក មេឃុំ ប៉ុស្ដិ៍នគរបាលរដ្ឋបាលឃុំ លោកគ្រូ-អ្នកគ្រូ យុវជន ស.ស.យ.ក ស្រុក និងសិស្សានុសិស្សសរុប ១ ២៥០នាក់ ស្រី ៨៥០នាក់។

#រដ្ឋបាលស្រុកឯកភ្នំ #ខេត្តបាត់ដំបង #អរគណសន្តិភាពនិងការអភិវឌ្ឍន៍

រដ្ឋបាលស្រុកឯកភ្នំ សូមថ្លែងអំណរគុណដល់លោក ចាប សែង ម្ចាស់សិប្បកម្ម វ៉ាយគ្លីន (White Clean) ដែលបានឧបត្ថម្ភ សាប៊ូ វ៉ាយគ្លីន ដល់រដ្ឋបាលស្រុកឯកភ្នំ ខេត្តបាត់ដំបង ចំនួន ១កេស(២៤កញ្ចប់) ១យួរ(១២ដប) និង១ធុងចំណុះ ៣.៥គីឡូក្រាម។ សិប្បកម្ម វ៉ាយគ្លីន (White Clean) មានអាសយដ្ឋានស្ថិតនៅភូមិសំរោងស្នោ ឃុំសំរោងក្នុង ស្រុកឯកភ្នំ ខេត្តបាត់ដំបង។

#រដឋបាលស្រុកឯកភ្នំ #ខេត្តបាត់ដំបង #អរគណសនតិភាពនិងការអភិវឌ្ឍន៍

កម្មវិធីប្រកាសដាក់ឱ្យដំណើរការគម្រោងអភិវឌ្ឍបំណិនមូលដ្ឋានរបស់កុមារតូចតាមរយៈបច្ចេកវិទ្យា (NEST) តាមប្រព័ន្ធអនឡាញ (Google Zoom)

នាព្រឹកថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦ លោក ម៉ិល សុផល អភិបាលនៃគណៈអភិបាលស្រុកឯកភ្នំ បានអញ្ជើញចូលរួមក្នុងកម្មវិធីពិធីប្រកាសដាក់ឱ្យដំណើរការគម្រោងអភិវឌ្ឍបំណិនមូលដ្ឋានរបស់កុមារតូចតាមរយៈបច្ចេកវិទ្យា (NEST) នៅសាលប្រជុំសាលាស្រុកឯកភ្នំ តាមរយៈប្រព័ន្ធផ្សព្វផ្សាយពីចម្ងាយ Goggle zoom ជាមួយអង្គការសន្ដិស្មគ្រ័ចិត្ត(SVA ) ដែលសមាសភាពចូលរួមមាន៖ អភិបាលរងស្រុក ការិយាល័យអប់រំយុវជននិងកីឡាស្រុក លោកនាយក នាយិកា គ្រូមត្តេយ្យសិក្សា គណៈកម្មការគ្រប់គ្រងសាលារៀន ទាំង៩សាលាគោលដៅ សរុប ៣៦នាក់ ស្រី ២៨នាក់។

#រដ្ឋបាលស្រុកឯកភ្នំ #ខេត្តបាត់ដំបង #អរគណសន្តិភាពនិងការអភិវឌ្ឍន៍