អធិការដ្ឋាននគរបាលស្រុក រុក្ខគិរី-Police Inspection of Rukhakiri District

កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុករុក្ខគិរី ទទួលបានបណ្តឹងតាមរយៈ App NoDrug បង្រ្កាបឃាត់ខ្លួនមុខសញ្ញាចំនួន០១នាក់ ករណីប្រើប្រាស់ដោយខុសច្បាប់នូវសារធាតុញៀន÷
- --------------------- -
នៅថ្ងៃទី១ ខែមិថុនា ឆ្នាំ២០២៦ វេលាម៉ោង១១:៣០នាទី ដោយអនុវត្តនូវបទបញ្ជាយ៉ាងហ្មឹងម៉ាត់ពីលោក ឧត្តមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាល
ខេត្តបាត់ដំបង និងតាមយោបល់ដឹកនាំដោយលោកវរសេនីយ៍ទោ ម៉ៅ សុវណ្ណ អធិការនៃអធិការដ្ឋាននគរបាលស្រុករុក្ខគិរី លោកវរសេនីយ៍ត្រី ផុន បូរី អធិការរងផ្នែកប្រឆាំងគ្រឿងញៀន បានដឹកនាំកម្លាំងជំនាញ សហការជាមួយប៉ុស្តិ៍នគរបាលរដ្ឋបាលឃុំព្រែកជីក ចុះប្រតិបត្តិការបង្ក្រាប នៅចំណុចភូមិព្រែកជីក ឃុំព្រែកជីក ស្រុករុក្ខគិរី ខេត្តបាត់ដំបង ករណីរប្រើប្រាស់ដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង (តាមរយៈបណ្តឹង App NoDrug)។

ក្នុងកិច្ចប្រតិបត្តិការនេះ សមត្ថកិច្ចឃាត់ខ្លួនជនសង្ស័យ០១នាក់ឈ្មោះ ថន ប៊ុល ភេទប្រុស អាយុ២៨ឆ្នាំ មានទីលំនៅភូមិខ្នាចអំពរ ឃុំព្រែកជីក ស្រុករុក្ខគិរី ខេត្តបាត់ដំបង។

បច្ចុប្បន្ន កម្លាំងជំនាញនៃអធិការដ្ឋាននគរបាលស្រុក កំពុងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់វិធានការតាមនីតិវិធី៕

ក្រោយពលរដ្ឋរាយការណ៍តាម App NoDrug! កម្លាំងនគរបាលឃាត់ខ្លួនជនសង្ស័យ​ចំនួន​ ២នាក់​ ​នៅក្រុង​បាត់ដំបង​ ខេត្ត​បាត់ដំបង​ ពាក់ព័ន្ធករណីគ្រឿងញៀន

(ខេត្តបាត់​ដំបង​)៖ នៅថ្ងៃទី២៩​ ខែឧសភា​​​ ឆ្នាំ២០២៦ ក្រោយពីកម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទទួលព័ត៌មានតាមរយៈកម្មវិធីទូរស័ព្ទដៃ NoDrug ថាមានករណី​ ប្រើ​ប្រាស់​ដោយខុសច្បាប់នូវសារធាតុញៀន នៅចំណុច​ក្រុម​ទី​២០​ភូមិ​កាប់​គោថ្មី​ សង្កាត់​អូរចារ​ ក្រុង​បាត់​ដំបង​ ខេត្តបាត់​ដំបង​ បានទំនាក់ទំនងជាមួយកម្លាំងគណៈកម្មការគ្រប់គ្រងកម្មវិធីទូរស័ព្ទ NoDrug និងបញ្ជូនព័ត៌មានភ្លាមៗ ទៅកាន់សមត្ថកិច្ចជំនាញនៅមូលដ្ឋាន។

ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការសហការ និងផ្តល់ព័ត៌មានដល់កម្លាំងជំនាញដោយមានការដឹកនាំដោយលោក​ វរសេនីយ៍ឯក​ សុខ​ និមល​ ស្នងការរង​ ផែនការងារ​ប្រឆាំង​គ្រឿងញៀន​ សហការជាមួយ​កម្លាំង​ជំនាញ​ការិយាល័យ​ប្រឆាំង​គ្រឿងញៀន​ សហការ​ជាមួយ​អធិការ​ដ្ឋាន​នគរ​បាល​ក្រុង​បាត់​ដំបង​​​ បានចុះដល់ទីតាំងប្រតិបត្តិការបង្ក្រាបករណី​ ប្រើ​ប្រាស់​​ដោយ​ខុសច្បាប់​នូវ​សារធាតុ​ញៀន​ ក្នុង​បទល្មើស​ជាក់ស្ដែង​ និង​បាន​ធ្វើ​តេស្ត​ទឹក​នោម​ស្វែង​រក​សារធាតុ​ញៀន​ ជា​លទ្ធផល​វិជ្ជមាន​(+)​​ និង​បាន​ឃាត់​ខ្លួន​ជន​សង្ស័យ​ចំនួន​ ២នាក់​។

វត្ថុ​តាង​ចាប់​យក​ -​ សម្ភារៈ​សម្រាប់​ប្រើ​ប្រាស់​ថ្នាំ​ញៀន​មួយ​ចំនួន​ ,​ ម៉ូតូ​ចំនួន​ ១គ្រឿង​។

បច្ចុប្បន្នជនសង្ស័យខាងលេី​ និង​វត្ថុ​តាង​ ត្រូវ​បាន​កសាងសំណុំ​រឿង​ បញ្ជូន​ទៅតុលាការចាត់ការតាមនីតិវិធីច្បាប់៕

-ព្រឹកថ្ងៃចន្ទ ទី២៥ ខែឧសភា ឆ្នាំ២០២៦ ដោយបានការណែនាំពីលោកឧត្តមសេនីយ៍ទោ ដាញ់អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ ម៉ៅ សុវណ្ណ អធិការនៃអធិការដ្ឋាននគរបាលស្រុករុក្ខគិរី បានដឹកនាំលោកនាយប៉ុស្តិ៍នគរបាលរដ្ឋបាលទាំង៥ ចូលរួមប្រជុំ សេចក្តីណែនាំ អំពីការផ្សព្វផ្សាយពត៌មានសន្តិសុខ សណ្តាប់ធ្នាប់សង្គម សម្រាប់មន្ត្រីមានសមត្ថកិច្ច ក្របខ័ណ្ឌក្រសួងមហាផ្ទៃ តាមរយៈប្រព័ន្ធ Zoom នៅអធិការដ្ឋាននគរបាលស្រុករុក្ខគិរី៕

_ លោកវរសេនីយ៍ទោ ម៉ៅ សុវណ្ណ ដឹកនាំកម្លាំងនគបាលគោរពទង់ជាតិ នៃព្រះរាជាណាចក្រកម្ពុជា÷
---------------
ថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ លោកវរសេនីយ៍ទោ ម៉ៅ សុវណ្ណ អធិការនៃអធិការដ្ឋាននគរបាលស្រុករុក្ខគិរី ដឹកនាំកម្លាំងនគរបាលជាតិ ចំណុះអធិការដ្ឋាននគរបាលស្រុក និងប៉ុស្តិ៍នគរបាលរដ្ឋបាលទាំង៥ គោរពទង់ជាតិនៃព្រះរាជាណាចក្រកម្ពុជា នៅបរិវេណអធិការដ្ឋាននគរបាលស្រុក៕

កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុករុក្ខគិរី ទទួលបានបណ្តឹងតាមរយៈ App NoDrug បង្រ្កាបឃាត់ខ្លួនមុខសញ្ញាចំនួន០១នាក់ ករណីប្រើប្រាស់ដោយខុសច្បាប់នូវសារធាតុញៀន÷
- --------------------- -
នៅថ្ងៃទី១៨ ខែឧសភា ឆ្នាំ២០២៦ វេលាម៉ោង១៦:៣០នាទី ដោយអនុវត្តនូវបទបញ្ជាយ៉ាងហ្មឹងម៉ាត់ពីលោក ឧត្តមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាល
ខេត្តបាត់ដំបង និងតាមយោបល់ដឹកនាំដោយលោកវរសេនីយ៍ទោ ម៉ៅ សុវណ្ណ អធិការនៃអធិការដ្ឋាននគរបាលស្រុករុក្ខគិរី លោកវរសេនីយ៍ត្រី ផុន បូរី អធិការរងផ្នែកប្រឆាំងគ្រឿងញៀន បានដឹកនាំកម្លាំងជំនាញ សហការជាមួយប៉ុស្តិ៍នគរបាលរដ្ឋបាលឃុំព្រែកជីក ចុះប្រតិបត្តិការបង្ក្រាប នៅចំណុចភូមិបឹងធ្មួយ ឃុំព្រែកជីក ស្រុករុក្ខគិរី ខេត្តបាត់ដំបង ករណីរប្រើប្រាស់ដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង (តាមរយៈបណ្តឹង App NoDrug)។

ក្នុងកិច្ចប្រតិបត្តិការនេះ សមត្ថកិច្ចឃាត់ខ្លួនជនសង្ស័យ០១នាក់ឈ្មោះ វ៉ាន់ ធឿន ហៅ បញ្ញា ភេទប្រុស អាយុ២៣ឆ្នាំ មានទីលំនៅភូមិបឹងធ្មួយ ឃុំព្រែកជីក ស្រុករុក្ខគិរី ខេត្តបាត់ដំបង។

បច្ចុប្បន្ន កម្លាំងជំនាញនៃអធិការដ្ឋាននគរបាលស្រុក កំពុងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់វិធានការតាមនីតិវិធី៕