រដ្ឋបាលឃុំតាតោក

អនុក្រឹត្យ​ស្ដីពីការកំណត់ចំនួនសមាជិកក្រុមប្រឹក្សាឃុំ សង្កាត់សម្រាប់អាណត្តិទី6
សម្រាប់ឃុំទាំង7ក្នុងស្រុកសំឡូត ខេត្តបាត់ដំបង មានចំនួន5នាក់ក្នុង1ឃុំ

📌​រដូវកាលនេះបងប្អូនប្រជាពលរដ្ឋអាចនឹងចូលព្រៃដើម្បីរកផ្សិតប៉ក់ ឬផ្សិតផ្សេងៗ ឬកាប់ឆ្ការដាំដំណាំ ជាសារកើនរំលឹកសូមមានការប្រុងប្រយ័ត្ន និងសូមប្រើប្រាស់ស្បែកជើងកៅស៊ូកវែង ស្រោមដៃ ឬសម្ភារៈដែលមានសុវត្ថិភាព ជៀសវាងមានគ្រោះថ្នាក់ផ្សេងៗដោយសារសត្វមានពិស ចឹក ខាំ។
ករណីខាងលើកើតឡើងចំពោះប្រជាពលរដ្ឋ ឈ្មោះ ហ.រ ភេទស្រី ពេលរកផ្សិតប៉ក់ត្រូវបានពស់ពឹសចឹកឪ្យមានរបួសកាលពីថ្ងៃទី11 ខែឧសភា ឆ្នាំ2026 ស្ថិតនៅភូមិភ្នំរៃ ឃុំតាតោក ស្រុកសំឡូត ខេត្តបាត់ដំបង។

ថ្ងៃសុក្រ ១៥កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែឧសភា ឆ្នាំ២០២៦
លោក អ៊ុន ខែម មេឃុំតាតោក បាន​សហការ​ដឹកនាំ​រៀបចំកម្មពិធីបុណ្យ​វិសាខ​បូជា ពីសាលាឃុំតាតោក ទៅវត្តគរីព័ទ្ធជុំ ហៅវត្តអូរតាទៀត ដែលមានការនិមន្ត និងអញ្ជើញចូលរួមពីពុទ្ធបរិស័ទចំណុះជើងវត្ត។
សូមអនុមោទនា​បុណ្យវិសាខបូជា ដោយសេចក្តីជ្រះថ្លា!

ថ្ងៃអង្គារ ១២កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែមេសា ឆ្នាំ២០២៦។
ភូមិពាម ឃុំតាតោក ស្រុកសំឡូត ខេត្តបាត់ដំបង។

ខែក្តៅដូច្នឹង! ពេលបងប្អូនពលរដ្ឋមកទទួលសេវារដ្ឋបាលនៅសាលាឃុំតាតោក អ្នកអាចបរិភោគទឹកសុទ្ធត្រជាក់ៗបានដោយឥតគិតថ្លៃ ប៉ុន្តែសំណូមពរជួយសម្អាត ជួយថែរក្សាអនាម័យ និងទុកដាក់សំរាមឪ្យបានត្រឹមត្រូវ។

នាព្រឹកថ្ងៃទី24 ខែមេសា ឆ្នាំ2026 រដ្ឋបាលឃុំតាតោកបានរៀបចំកិច្ចប្រជុំសាមញ្ញរបស់ក្រុមប្រឹក្សាឃុំលើកទី៤៦ អាណត្ដិទី៥ ក្រោមអធិបតីភាពលោក អ៊ុន ខែម ប្រធានក្រុមប្រឹក្សាឃុំ និងជាប្រធានអង្គប្រជុំ ដែលមានសមាជិក សមាជិកា និងតំណាងអង្គភាពពាក់ព័ន្ធចូលរួម វត្ដមានចូលរួមសរុប36នាក់ ស្រី11នាក់។

ក្រសួងធនធានទឹក និងឧតុនិយម សូមជម្រាបជូនដំណឹងស្ដីពីស្ថានភាពព្យុះទី៤ ឈ្មោះ ស៊ីនឡាគូ
ចាប់ពីថ្ងៃទី១៤ ដល់ថ្ងៃទី២៥ ខែមេសា ឆ្នាំ២០២៦ នឹងមានភ្លៀងធ្លាក់តាមតំបន់មួយចំនួន។

នារសៀលថ្ងៃទី9 ខែមេសា ឆ្នាំ2026
រដ្ឋបាលឃុំតាតោកបានរៀបចំកិច្ចប្រជុំវិសាមញ្ញក្រោម អធិបតីភាព លោក អ៊ុន ខែម មេឃុំ ដើម្បីរៀបចំផែនការ និងត្រៀមលក្ខណៈរៀបចំរក្សាសន្តិសុខ សណ្តាប់ធ្នាប់ នាឱកាសបុណ្យចូលឆ្នាំប្រពៃណីជាតិខ្មែរខាងមុខ។
ក្រោយពីបញ្ចប់កិច្ចប្រជុំរដ្ឋបាលឃុំបានឧបត្ថម្ភអង្ករ ជូនមន្ត្រីនគរបាលប៉ុស្តិ៍4នាក់ និងប្រជាការពារភូមិ48ដែលបានមកចូលរួមក្នុងកិច្ចប្រជុំ ក្នុង1នាក់ អង្ករ25 Kg ដើម្បីជាការលើកទឹកចិត្ត និង អបអរសាទរ​បុណ្យចូលឆ្នាំថ្មីប្រពៃណីជាតិខ្មែរនាថ្ងៃខាងមុខ។