រដ្ឋបាលស្រុកសំពៅលូន ខេត្តបាត់ដំបង

ថ្ងៃទី៣ ខែមិថុនា ឆ្នាំ២០២៦
រដ្ឋបាលស្រុកសំពៅលូន បានរៀបចំកិច្ចប្រជុំផ្ទៃក្នុង
ក្រោមអធិបតីភាព លោក ហម សំខាន់ អភិបាល នៃគណៈអភិបាលស្រុក។

រដ្ឋបាលស្រុកសំពៅលូន សូមគោរពថ្លែងអំណរគុណ
យ៉ាងជ្រាលជ្រៅបំផុតចំពោះ លោក អៀវ កង និងភរិយា ជាអាជីវករលក់គ្រឿងអលង្ការ ផ្សារសិរីសោភណ្ឌ ខេត្តបន្ទាយមានជ័យ ដែលបានឧបត្ថម្ភអង្ករចំនួន ១០០០គីឡូក្រាម សម្រាប់ជាជំនួយដល់ប្រជាពលរដ្ឋទីទាល់ក្រ។
សូមគោរពជូនពរ លោក លោកស្រី ព្រមទាំងក្រុមគ្រួសារទទួលបាននូវពុទ្ធពរទាំង៤ ប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។ 🙏🙏🙏

ថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី២ ខែមិថុនា ឆ្នាំ២០២៦

រដ្ឋបាលស្រុកសំពៅលូន បានបើកកិច្ចប្រជុំគណៈអភិបាលស្រុកក្រោមអធិបតីភាព លោក ហម សំខាន់ អភិបាលស្រុក។

រសៀលថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័កព.ស.២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦

ដោយទទួលបានការអនុញ្ញាតពី លោក ហម សំខាន់ អភិបាលស្រុក លោក​ ត្រៃ​ រ័ត្ន​ អភិបាល​រង​ស្រុក​ បាន​ដឹកនាំ​កិច្ច​ប្រជុំ​ណែនាំ​ស្ដីពី​ការ​ប្រមូល​គម្រោង​សកម្មភាព​ជា​អាទិភាព​សម្រាប់​រៀប​ចំ​កម្ម​វិធី​វិនិយោគ​បី​ឆ្នាំ​រំកិល​ស្រុក​(២០២៧​-២០២៩) នៅ​សាល​ប្រជុំ​សាលា​ស្រុក​សំពៅលូន។

ព្រឹកថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័កព.ស.២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦

លោក យន់ សង្ហា អភិបាលស្តីទី នៃគណៈអភិបាលស្រុកសំពៅលូន បានដឹកនាំកិច្ចប្រជុំ ស្តីពីការធ្វើបច្ចុប្បន្នភាពសេចក្តីសម្រេចការបង្កើតគណៈកម្មាធិការគ្រប់គ្រង គ្រោះមហន្តរាយស្រុក និងរៀបចំផែនការបម្រុងសម្រាប់ឆ្លើយតបសង្គ្រោះបន្ទាន់គ្រោះ មហន្តរាយស្រុក ឃុំ។

សិក្ខាសាលាផ្សព្វផ្សាយ ផែនការអនុវត្តរយៈពេលប្រាំឆ្នាំ ដំណាក់កាលទី២ (២០២៦-២០៣០) នៃកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដំណាក់កាលទី២ តាមរយៈប្រព័ន្ធ Video conference (Zoom) ដោយមានការអញ្ជើញចូលរួមពី ក្រុមប្រឹក្សា គណៈអភិបាល មេឃុំ និងស្មៀន នៃរដ្ឋបាលស្រុកសំពៅលូន។

ព្រឹកថ្ងៃអង្គារ ៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី១៩ ខែឧសភា ឆ្នាំ២០២៦

លោក ហម សំខាន់ អភិបាលស្រុកសំពៅលូន បានជួបពិភាក្សា និងផ្តល់នូវបទសម្ភាសន៍ ស្តីពី ព័ត៌មានមួយចំនួនពាក់ព័ន្ធនឹងការរៀបចំផែនការ អភិវឌ្ឍន៍តំបន់ព្រំដែននាពេលអនាគត ជាមួយក្រុមប្រតិភូ លេខាធិការដ្ឋានកិច្ចការព្រំដែន ដឹកនាំដោយ ឯកឧត្តម ស៊ុម សុខម្ភូ រដ្ឋលេខាធិការ នៃរដ្ឋលេខាធិការដ្ឋានកិច្ចការព្រំដែន នៅសាលាខេត្តបាត់ដំបង។

ថ្ងៃចន្ទ ២កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី ១៨ ខែឧសភា ឆ្នាំ 2026.
_ _ _ _ _ _ _ _ _ _ _ _ _ _ _ _
សកម្មភាពគោរពទង់ជាតិនៃព្រះរាជាណាចក្រកម្ពុជារបស់រដ្ឋបាលស្រុកសំពៅលូន។

លិខិតថ្វាយព្រះពរ ព្រះ​ករុណាព្រះបាទ​សម្ដេចព្រះបរមនាថ នរោត្ដមសីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាស ដ៏មហាប្រសើរនៃ
ព្រះរាជពិធីបុណ្យចម្រើនព្រះជន្ម គម្រប់ ៧៣ យាងចូល ៧៤ ព្រះវស្សា។ 🙏🙏🙏

ថ្ងៃអង្គារ ១១រោច ខែពិសាខ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី១២ ខែឧសភា ឆ្នាំ២០២៦

លោក ហម សំខាន់ អភិបាល នៃគណៈអភិបាលស្រុកសំពៅលូន បានអញ្ជើញចូលរួមកិច្ចប្រជុំគណៈបញ្ជាការឯកភាពរដ្ឋបាលខេត្តបាត់ដំបង ក្រោមអធិបតីភាពដ៏ខ្ពង់ខ្ពស់ ឯកឧត្តម សុខ លូ អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង។