លាង វាសនា Leang Veasna

ខ្ញុំបាទចុះសំណេះសំណាល ចែកបណ្ណសមធម៌ និងបណ្ណងាយរងហានិភ័យ ជូនដល់គ្រួសារប្រជាពលរដ្ឋក្រីក្រទាំង ៦ភូមិ ក្នុងសង្កាត់អូរចារ ចំនួន ៧៨បណ្ណ នៅក្នុងបរិវេណសាលាសង្កាត់អូរចារ ។

ថ្ងៃចន្ទ ២កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦

គោរពទង់ជាតិនៃព្រះរាជាណាចក្រកម្ពុជា !
18/5/26

រសៀលថ្ងៃអាទិត្យនេះ ខ្ញុំបាទដឹកនាំកិច្ចប្រជុំការងារចាំបាច់ជាមួយលោកប្រធានគណៈកម្មាធិការគណបក្សទាំង ១០សង្កាត់ នៅសាលប្រជុំទីស្នាក់ការគណបក្សប្រជាជនក្រុងបាត់ដំបង ។

ថ្ងៃអាទិត្យ ១កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែឧសភា ឆ្នាំ២០២៦

ថ្ងៃអាទិត្យនេះ ៚ចូលរួមប្រជុំពេញអង្គគណៈកម្មាធិការគណបក្សប្រជាជនកម្ពុជាខេត្តបាត់ដំបង ក្រោមអធិបតីភាពដ៏ខ្ពង់ខ្ពស់ឯកឧត្តម សុខ លូ ប្រធាន គណបក្សខេត្តបាត់ដំបង ដើម្បីពង្រឹងរចនាសម្ពន្ធ័ និងកិច្ចការការងារមន្ត្រីបក្សគ្រប់លំដាប់ថ្នាក់ក្នុងខេត្ត ត្រូវខិតខំបម្រើការពារបងប្អូនប្រជាពលរដ្ឋឲ្យកាន់តែល្អ ។

17/5/2026

ថ្ងៃសៅរ៍នេះ ខ្ញុំបាទចុះសួរសុខទុក្ខ សមាជិកគ្រួសារបក្សដល់ខ្នងផ្ទះ និងនាំយកអំណោយឯកឧត្តម សុខ លូ ប្រធានក្រុមការងារបក្សចុះជួយក្រុង និងជាប្រធានគណបក្សប្រជាជនកម្ពុជាខេត្តបាត់ដំបង ចែកជូនដល់គ្រួសារសមាជិកក្រុមបក្សចំនួន ១០គ្រួសារ ក្នុងភូមិអង់ និងភូមិព្រៃកូនសេក សង្កាត់អូរចារ ក្រុងបាត់ដំបង។
ដោយក្នុង១គ្រួសារៗទទួលបាន អង្ករ ២៥គីឡូក្រាម, ទឹកត្រីទឹកសុីអ៉ីវចំនួន ១យួរ, មី ១កេស និងត្រីខ ១យួរ ។

ថ្ងៃសៅរ៍ ១៥រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ត្រូវនឹងថ្ងៃទី១៦ ខែឧសភា ឆ្នាំ២០២៦

៚ចូលរួមពិធីអបអរសាទរខួបលើកទី១៩ ទិវាអតីតយុទ្ធជន និងនិវត្តន៍ជនកម្ពុជា ១២ ឧសភា ២០២៦ ក្រោមអធិបតីភាពដ៏ខ្ពង់ខ្ពស់ឯកឧត្តម សុខ លូ អភិបាលខេត្តបាត់ដំបង និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្ត នៅទីស្នាក់ការគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្ត ស្ថិតនៅក្នុងភូមិបែកចានថ្មី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។

ថ្ងៃព្រហស្បតិ៍ ១៣រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែឧសភា ឆ្នាំ២០២៦

អបអរសាទរ ព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា គម្រប់ ៧៣ព្រះវស្សា យាងចូល ៧៤ព្រះវស្សា 🙏🙏🙏

ក្រុងបាត់ដំបង 14/05/26
……………………………………

៚ចូលរួមកិច្ចប្រជុំពិភាក្សា ស្តីពីការជំរុញការងារទីក្រុងឆ្លាត របស់រដ្ឋបាលខេត្តបាត់ដំបង ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តាមរយៈប្រព័ន្ធកម្មវិធីវីដេអូហ៊្សូម(Zoom) នៅសាលប្រជុំសាលាខេត្ត ។

ថ្ងៃពុធ ១២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦

លោក លាង វាសនា អភិបាលក្រុងបាត់ដំបង អញ្ជើញចូលរួមកិច្ចប្រជុំការងារចំពោះកិច្ចទទួលបន្ទុកអនុវត្តបញ្ជារបស់រាជរដ្ឋាភិបាល ក្នុងការបង្ការ ទប់ស្កាត់ និងបង្ក្រាបបទល្មើសឆបោកតាមប្រព័ន្ធបច្ចេកវិទ្យា(ONLINE SCAMS) ក្រោមអធិបតីភាពឯកឧត្ដម ផេង សិទ្ធី អភិបាលរងខេត្តបាត់ដំបង នៅសាលប្រជុំក្រុងបាត់ដំបង ។

ថ្ងៃអង្គារ ១១រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែឧសភា ឆ្នាំ២០២៦

ព្រឹកថ្ងៃអង្គារ ទី១២ ខែឧសភា ឆ្នាំ២០២៦ ចូលរួមកិច្ចប្រជុំ គណៈបញ្ជាការឯកភាពរដ្ឋបាលខេត្តបាត់ដំបង ក្រោមអធិបតីភាព ឯកឧត្ដម សុខ លូ អភិបាល នៃគណៈអភិបាលខេត្តបាត់ដំបង ។

តបតាមបទបញ្ជាឯកឧត្តម សុខ លូ អភិបាលខេត្តបាត់ដំបង ខ្ញុំបាទដឹកនាំកម្លាំងគណៈបញ្ជាការឯកភាពរដ្ឋបាលក្រុង ដាក់ប៉ុស្តិ៍ចល័តត្រួតពិនិត្យអាវុធជាតិផ្ទុះ… តាមគោលដៅសំខាន់ៗក្នុងភូមិសាស្រ្តក្រុងបាត់ដំបង ដើម្បីធានាឲ្យបានសន្តិសុខសុវត្ថិភាពជូនបងប្អូនអ្នកបាត់ដំបង និងភ្ញៀវទេសចរជាតិ អន្តរជាតិឲ្យទទួលបានសេចក្តីសុខសប្បាយ

11/5/2026