Battambang Tourism Vacational Training Office

ថ្ងៃទី២៤ ដល់២៦ ខែកុម្ភៈ ឆ្នាំ២០២៦

មន្ទីរទេសចរណ៍ខេត្តបាត់ដំបងសហការជាមួយ សហភាពសហព័ន្ធយុវជនកម្ពុជាស្រុកបាណន់ ក្រោមការឧបត្ថម្ភពីកម្មវិធីអភិវឌ្ឍជំនាញ របស់អង្គការស្វីសខន់ថាក់ (Swisscontact) បានធ្វើការបណ្តុះបណ្តាលបដិសណ្ឋារកិច្ចកម្ពុជា (HoKa) លើជំនាញសេវាកម្ម ម្ហូបអាហារ និងភេសជ្ជៈ ជូនដល់ម្ចាស់ និងបុគ្គលិកភោជនីយដ្ឋាន អាហារដ្ឋាន តូបអាហារក្នុងស្រុកបាណន់ នៅទីស្នាក់ការ សសយកស្រុកបាណន់។

[English Below] នាថ្ងៃទី ១០ និង ១១ ខែមករា ឆ្នាំ២០២៦ ក្រុមគ្រូបង្គោលហូកា (HoKa) នៃមន្ទីរទេសចរណ៍ខេត្តបាត់ដំបង បានចុះបេសកកម្មដោយផ្ទាល់ដើម្បីបណ្តុះបណ្តាល និងពង្រឹងសមត្ថភាពបន្ថែមលើជំនាញ ការិយាល័យជួរមុខ (Front Office) និង ផ្នែកគេហកិច្ច (Housekeeping) ជូនដល់បងប្អូនបុគ្គលិកដែលកំពុងបម្រើការងារក្នុងវិស័យទេសចរណ៍ នៅក្នុងស្រុកសំឡូត។

បេសកកម្មនេះមានគោលបំណងសំខាន់ៗដូចជា៖
✅ លើកកម្ពស់គុណភាពសេវាកម្ម៖ ត្រៀមលក្ខណៈទទួលស្វាគមន៍ភ្ញៀវទេសចរជាតិ និងអន្តរជាតិ មកកាន់តំបន់ប្រវត្តិសាស្ត្រ និងធម្មជាតិនៃស្រុកសំឡូត។
✅ វិជ្ជាជីវៈការិយាល័យជួរមុខ៖ បង្កើនបច្ចេកទេសទំនាក់ទំនង និងការផ្តល់ព័ត៌មានប្រកបដោយភាពរាក់ទាក់ និងច្បាស់លាស់។
✅ ស្តង់ដារគេហកិច្ច៖ ពង្រឹងការរៀបចំបន្ទប់ស្នាក់នៅឱ្យមានអនាម័យ សុវត្ថិភាព និងសោភ័ណភាពស្របតាមស្តង់ដារទេសចរណ៍។

ការពង្រឹងសមត្ថភាពបុគ្គលិកនៅពេលនេះ គឺជាការរួមចំណែកយ៉ាងសំខាន់ក្នុងការជំរុញសេដ្ឋកិច្ចមូលដ្ឋាន និងកសាងរូបភាពវិជ្ជមាននៃ វិស័យទេសចរណ៍ក្នុងខេត្តបាត់ដំបងទាំងមូល។

មន្ទីរទេសចរណ៍ខេត្តបាត់ដំបង នៅតែបន្តខិតខំប្រឹងប្រែងអភិវឌ្ឍន៍ធនធានមនុស្ស ដើម្បីធានាថាគ្រប់ភ្ញៀវទេសចរដែលមកកម្សាន្តនឹងទទួលបាននូវ "សេវាកម្មល្អ ស្នាមញញឹមរាក់ទាក់ និងការចងចាំមិនអាចបំភ្លេចបាន"។

From 10 to 11 January 2026, the HoKa master trainers of Battambang provincial tourism department went on mission directly to train and advance additional capacity on Front Office and Housekeeping skills to the staffs serving in the tourism sector in Samlot district.

The mission is of main objectives:
- Advance service quality: To get ready for welcoming national and international visitors coming to visit the historical and natural sites of Samlot district.
- Front office professionalism: Increase technic in communication and information provision in a friendly and clearly manner.
- Housekeeping standard: Strengthen room arrangement with sanitation, safety, and beauty in line with tourism standard.
Building capacity for staffs today is a significant contribution to pushing local economy and generating positive images of the tourism sector in entirely Battambang province.

The Battambang provincial tourism department remains committed to developing human resources to make sure that the visiting visitors will gain good services, friendly smile, and unforgettable memories.

#មន្ទីរទេសចរណ៍ខេត្តបាត់ដំបង #ស្រុកសំឡូត #បណ្តុះបណ្តាលហូកា #ទេសចរណ៍កម្ពុជា

សេចក្តីជូនដំណឹង
ស្តីពីការបើកវគ្គបណ្តុះបណ្តាលបដិសណ្ឋារកិច្ចកម្ពុជា (ហូកា) ដោយឥតគិតថ្លៃ លើជំនាញចុងភៅ

មន្ទីរទេសចរណ៍ខេត្តបាត់ដំបង សូមជូនដំណឹងដល់ប្រតិបត្តករទេសចរណ៍ បុគ្គលិកបម្រើការងារក្នុងវិស័យទេសចរណ៍ទាំងអស់ ឱ្យបានជ្រាបថាមន្ទីរទេសចរណ៍ខេត្ត នឹងបើកវគ្គបណ្តុះបណ្តាលលើជំនាញចុងភៅ ដោយឥតគិតថ្លៃ ដែលនឹងប្រព្រឹត្តរយៈពេល ០៧ ថ្ងៃ ដែលនឹងប្រព្រឹត្តទៅតាមកាលបរិច្ឆេទដូចខាងក្រោម៖
• សិក្សាលើទ្រឹស្តី ចាប់ពីថ្ងៃទី៣០ ខែវិច្ឆិកា ដល់ថ្ងៃទី០២ ខែធ្នូ ឆ្នាំ២០២៥ តាមប្រព័ន្ធអនឡាញ (Zoom platform)
• សិក្សាលើការអនុវត្តផ្ទាល់ជំនាញចម្អិនម្ហូប ចាប់ពីថ្ងៃទី ៨ ដល់ ១១ ខែធ្នូ ឆ្នាំ២០២៥ នៅមន្ទីរទេសចរណ៍ខេត្តបាត់ដំបង
***លក្ខខណ្ឌជ្រើសរើស
- បេក្ខជន បេក្ខនារីទាំងពីរភេទត្រូវមានអាយុចាប់ពី ១៨ ឆ្នាំឡើងទៅ
- បុគ្គលិក អ្នកគ្រប់គ្រង/ម្ចាស់អាជីវកម្មពីវិស័យបដិសណ្ឋារកិច្ច ដែលកំពុងបំរើកាងារលើផ្នែកម្ហូបអាហារ ក្នុងខេត្តបាត់ដំបង
- អាចចូលរួមវគ្គបណ្តុះបណ្តាលពេញលេញទៅតាមចំនួនថ្ងៃដែលបានកំណត់ (៧ថ្ងៃពេញ)

ទំនាក់ទំនងចុះឈ្មោះតាមរយៈ លោក នី រស្មី លេខទូរស័ព្ទ៖០៨៩ ៥៦៥ ២៧៥ (តេឡេក្រាម) ឬតំណរភ្ជាប់ខាងក្រោម https://ee.kobotoolbox.org/x/coFOuZRu
សូមអរគុណ។

មន្ទីរទេសចរណ៍ខេត្តបាត់ដំបង ជ្រើសរើសសិក្ខាកាមចូលរៀនវគ្គបណ្តុះបណ្តាល ហូកា ជំនាញ ការិយាល័យជួរមុខ ដោយឥតគិតថ្លៃ។

សូមចុះឈ្មោះចូលរៀនតាមលីងខាងក្រោម!

https://ee.kobotoolbox.org/x/coFOuZRu

កំណត់ហេតុរបស់ក្រសួងការពារជាតិកម្ពុជា ស្តីពីការឈ្លានពានរបស់ថៃ នៅថ្ងៃទី២៦ ខែកក្កដា​ ឆ្នាំ២០២៥