Apostolic Prefecture of Battambang

Happy Birthday Br. JED,MCCC

គណៈប្រតិភូ សភាលោកអភិបាលកាតូលិក ឡាវ កម្ពុជា (CELAC) ចូលគាល់សម្តេចប៉ាប ឡេអូ ១៤ ក្នុងដំណើរទស្សនកិច្ច "ad Limina Apostolorum"។ ជំនួបនេះបានប្រព្រឹត្តទៅនៅថ្ងៃសុក្រ ទី២៩ ខែឧសភា ឆ្នាំ២០២៦។

A delegation from the Episcopal Conference of Laos and Cambodia (CELAC) was received in audience by Pope Leo XIV during their 'ad Limina Apostolorum' visit. The meeting took place on Friday, May 29, 2026.

គណៈកម្មការទី១ព្រឹទ្ធសភា រួមជាមួយក្រុមសមាជិកព្រឹទ្ធសភាភូមិភាគទី៤ ប្រារព្ធទិវាកុមារអន្តរជាតិ និងទិវាប្រឆាំងពលកម្មកុមារ នៅខេត្តបាត់ដំបង
=======
នៅព្រឹកថ្ងៃចន្ទ ទី១ ខែមិថុនា ឆ្នាំ២០២៦ គណៈកម្មការសិទ្ធិមនុស្ស ទទួលពាក្យបណ្តឹង អង្កេត និងអធិការកិច្ចនៃព្រឹទ្ធសភា (គណៈកម្មការទី១) រួមជាមួយក្រុមសមាជិកព្រឹទ្ធសភាប្រចាំភូមិភាគទី៤ សហការជាមួយអង្គការការីតាសកម្ពុជា និងអាជ្ញាធរខេត្តបាត់ដំបង បានរៀបចំពិធីអបអរសាទរ ទិវាកុមារអន្តរជាតិ ១មិថុនា ខួបលើកទី៧៧ ទិវាពិភពលោកប្រឆាំងនឹងពលកម្មកុមារ ១២មិថុនា និងទិវាកុមារកម្ពុជា ឆ្នាំ២០២៦ ក្រោមប្រធានបទ៖ «សន្តិភាពជាមូលដ្ឋានគ្រឹះនៃការគោរព និងកិច្ចគាំពារសិទ្ធិកុមារ» ក្រោមអធិបតីភាពឯកឧត្តម ងី ច័ន្ទ្រផល ប្រធានគណៈកម្មការទី១ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៤ និងលោកជំទាវ នៅពេទ្យយាយជី នៃអង្គការការីតាសកម្ពុជា ស្ថិតក្នុងភូមិរំចេក១ សង្កាត់រតនៈ ក្រុងបាត់ដំបង ខេត្តបាត់ដំបង ដោយមានអ្នកចូលរួមសរុបចំនួន ៣០០នាក់។

ក្រោយការប្រកាសហេតុ គោរពភ្លេងជាតិ និងគោរពវិញ្ញាណក្ខន្ធវីរកងទ័ពរួចមក អង្គពិធីទាំងមូលបានទស្សនានូវ «របាំជូនពរ» សម្តែងដោយក្រុមកុមារព្រះសហគមន៍ព្រះកាតូលិកខេត្តបាត់ដំបង។ បន្ទាប់មក ឯកឧត្តម ពិន ប្រាកដ អភិបាលរងខេត្តបាត់ដំបង បានឡើងមានមតិស្វាគមន៍យ៉ាងកក់ក្តៅ រួមជាមួយនឹងការថ្លែងចំណាប់អារម្មណ៍ពីលោក គឹម រតនា នាយកប្រតិបត្តិអង្គការការីតាសកម្ពុជា និងការទស្សនា «របាំព្រាបសសន្តិភាព» យ៉ាងជក់ចិត្ត។

មានប្រសាន៍ក្នុងឱកាសនោះ ឯកឧត្តម ងី ច័ន្ទ្រផល បាននាំមកនូវការផ្តាំផ្ញើសាកសួរសុខទុក្ខ និងសេចក្តីនឹករលឹកដ៏ជ្រាលជ្រៅពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រមុខរដ្ឋស្តីទី, ឯកឧត្តមអនុប្រធានទី១ និងឯកឧត្តមអនុប្រធានទី២ព្រឹទ្ធសភាជូនដល់ក្មួយៗកុមារ និងអ្នកចូលរួមទាំងអស់។ ឯកឧត្តមក៏បានសម្តែងនូវការកោតសរសើរ និងវាយតម្លៃខ្ពស់ចំពោះក្រុមការងារគណៈកម្មការទី១ព្រឹទ្ធសភា ក្រុមសមាជិកព្រឹទ្ធសភាភូមិភាគទី៤ អង្គការការីតាសកម្ពុជា ព្រមទាំងអាជ្ញាធរ និងដៃគូពាក់ព័ន្ធទាំងអស់ ដែលបានរួមគ្នាយ៉ាងសកម្មក្នុងការរៀបចំកម្មវិធីនេះឡើង។
ឯកឧត្តមប្រធានគណៈកម្មការ បានគូសបញ្ជាក់ថា «ទិវាកុមារអន្តរជាតិ ១មិថុនា មិនមែនគ្រាន់តែជាពិធីអបអរសាទរប៉ុណ្ណោះទេ ប៉ុន្តែជាថ្ងៃដែលមានអត្ថន័យក្នុងការលើកកម្ពស់សិទ្ធិ សេចក្តីថ្លៃថ្នូរ និងអនាគតរបស់កុមារទូទាំងពិភពលោក។ កុមារគឺជាទំពាំងស្នងឫស្សី ជាកម្លាំងបន្តវេន និងជាអនាគតដ៏ភ្លឺស្វាងរបស់ប្រទេសជាតិ»។ ឯកឧត្តមបានបន្តថា ទោះបីជារាជរដ្ឋាភិបាលកម្ពុជាបានផ្តល់សច្ចាប័នលើអនុសញ្ញាអន្តរជាតិជាច្រើន និងបានដាក់ចេញនូវគោលនយោបាយយ៉ាងម៉ឺងម៉ាត់ដើម្បីគាំពារកុមារក៏ដោយ ប៉ុន្តែកុមារមួយចំនួននៅតែជួបបញ្ហាប្រឈមដូចជា ភាពក្រីក្រ ការបោះបង់ការសិក្សា អំពើហិង្សា ពលកម្មកុមារ និងការកេងប្រវ័ញ្ចផ្សេងៗ។ ហេតុដូចនេះ ការការពារ និងលើកកម្ពស់សិទ្ធិកុមារ មិនមែនជាកាតព្វកិច្ចរបស់រាជរដ្ឋាភិបាលតែម្នាក់ឯងនោះទេ ប៉ុន្តែជាការទទួលខុសត្រូវរួមរបស់គ្រួសារ សហគមន៍ សាលារៀន អង្គការដៃគូ និងសង្គមទាំងមូល។

នៅក្នុងកម្មវិធីនោះ ឯកឧត្តម ងី ច័ន្ទ្រផល ក៏បានបង្កើតបរិយាកាសយ៉ាងស្និទ្ធស្នាល និងរីករាយបំផុត តាមរយៈការនិទានរឿងខ្លីៗអប់រំដល់ក្មួយៗកុមារ។ ឯកឧត្តមក៏បានផ្ដាំផ្ញើសារអប់រំដ៏មានតម្លៃដល់ក្មួយៗទាំងអស់ត្រូវ៖ ១. ត្រូវខិតខំរៀនសូត្រ និងស្វែងរកចំណេះដឹង, ២. ត្រូវមានវិន័យ សីលធម៌ និងគោរពអ្នកធំ, ៣. ត្រូវជឿជាក់លើខ្លួនឯង និងកុំបោះបង់ក្តីសង្ឃឹម, និង ៤. ត្រូវជៀសវាងពីអំពើអបាយមុខ និងគ្រោះថ្នាក់សង្គមគ្រប់ប្រភេទ។ ឯកឧត្តមបានសង្កត់ធ្ងន់ថា «ចំណេះដឹង គឺជាទ្រព្យសម្បត្តិដ៏មានតម្លៃ ដែលគ្មាននរណាអាចលួចយកពីយើងបានឡើយ»។ បន្ថែមពីនេះ ឯកឧត្តមបានអំពាវនាវដល់គ្រប់ភាគីពាក់ព័ន្ធ សូមបន្តរួមសហការគ្នា ក្នុងការបង្កើតបរិយាកាសសុវត្ថិភាព ក្តីស្រឡាញ់ និងឱកាសស្មើភាពសម្រាប់កុមារគ្រប់រូប ដើម្បីធានាថា គ្មានកុមារណាម្នាក់ត្រូវបានទុកចោលឡើយ។

បន្ទាប់ពីការទស្សនា «របាំមោទនភាពជាតិខ្មែរ» រួចមក គណៈអធិបតីបានអញ្ជើញប្រគល់លិខិតថ្លែងអំណរគុណជូនដល់សប្បុរសជន និងអង្គការដៃគូឧបត្ថម្ភកម្មវិធី, ចែកកង់ចំនួន ១៥គ្រឿង ជូនដល់សិស្សានុសិស្ស និងកុមារក្រីក្រចំនួន ១៥នាក់, ចែកសម្ភារៈសិក្សាជូនដល់កុមារ និងសិស្សានុសិស្សទាំងអស់ដែលបានចូលរួម, ប្រគល់អំណោយថ្នាំពេទ្យ អង្ករ និងថវិកា ដល់ពេទ្យយាយជី និងមណ្ឌលបណ្តុះបណ្តាលស្រ្តីរងគ្រោះ ស្នឹង។

មុននឹងបញ្ចប់កម្មវិធី គណៈអធិបតីបានអញ្ជើញទស្សនកិច្ចមណ្ឌលសុខភាព, សិប្បកម្មផលិតឧបករណ៍ជំនួយជនមានពិការភាព នៅក្នុងបរិវេណអង្គការ ព្រមទាំងទស្សនាការលេងបាល់បោះរបស់ក្រុមកុមារពិការ៕

នៅថ្ងៃទី៣០-៣១ ខែឧសភា ឆ្នាំ២០២៦ មណ្ឌលប្រកាសដំណឹងល្អសន្តកាឡូសបូរ៉ូមេ នៅភូមិភាគបាត់ដំបង ដែលមានលោកឪពុក សិលា ទម្លាប់ សុផល ណែនាំការបង្រៀនព្រះគម្ពីរដល់លោកគ្រូអ្នកគ្រូអប់រំជំនឿ គ្រីស្តបរិស័ទ និងយុវជនដែលមកពីព្រះសហគមន៍នានាក្នុងភូមិភាគបាត់ដំបង។ គួរបញ្ជាក់ផងថា ការសិក្សាព្រះគម្ពីរ បង្រៀនរៀងរាល់មួយខែម្តង ក្នុងសប្តាហ៍ទី៣ ។

នៅថ្ងៃទី៣១ ខែឧសភា ឆ្នាំ២០២៦ ក្រុមគ្រូអប់រំជំនឿព្រះសហគមន៍កាតូលិកបាត់ដំបង បានរៀបចំកម្មវិធីសំណាក់ធម៌សិស្សអប់រំជំនឿ ក្រោមប្រធានបទ៖ អគ្គសញ្ញាអរព្រះគុណ ឬទទួលព្រះកាយព្រះគ្រីស្ត៕ ដោយមានការអញ្ជើញចូលរួមពីសំណាក់លោកឪពុក គ្លេន ឌីយ៉ាស បូជាចារ្យទទួលខុសត្រូវព្រះសហគមន៍បាត់ដំបង លោកគ្រូអ្នកគ្រូអប់រំជំនឿ និងសិស្សអប់រំជំនឿចូលរួមយ៉ាងច្រើន។

គណៈប្រតិភូ សភាលោកអភិបាលកាតូលិក ឡាវ កម្ពុជា (CELAC) ចូលគាល់សម្តេចប៉ាប ឡេអូ ១៤ ក្នុងដំណើរទស្សនកិច្ច "ad Limina Apostolorum"។ ជំនួបនេះបានប្រព្រឹត្តទៅនៅថ្ងៃសុក្រ ទី២៩ ខែឧសភា ឆ្នាំ២០២៦ វេលាម៉ោង ៩:៣០ ព្រឹក ( ម៉ោងនៅក្រុងរ៉ូម) ។

A delegation from the Episcopal Conference of Laos and Cambodia (CELAC) was received in audience by Pope Leo XIV during their 'ad Limina Apostolorum' visit. The meeting took place on Friday, May 29, 2026, at 9:30 AM (Rome time).

សាលាមត្តេយ្យពន្លកថ្មី នៃព្រះសហគមន៍កាតូលិកបាត់ដំបង បានប្រារព្ធទិវាកុមារអន្តជាតិ ១ មិថុនា នៅថ្ងៃទី២៩ ខែឧសភា ឆ្នាំ២០២៦ ដោយមានការលេងល្បែងកំសាន្ត និងមានការចែកកាដូជូនសិស្ស។ កម្មវិធីនេះមានការអញ្ជើញចូលរួមពីសំណាក់លោកបូជាចារ្យ គ្លេន ឌីយ៉ាស បូជាចារ្យទទួលខុសត្រូវព្រះសហគមន៍កាតូលិកបាត់ដំបង លោកបូជាចារ្យ ហានូ បូជាចារ្យទទួលខុសត្រូវសាលាមត្តេយ្យពន្លកថ្មី លោកបូជាចារ្យយ៉ូសែប និងបងស្រី ឌិន ចន្ថា ជាអ្នកគ្រប់គ្រងសាលាមត្តេយ្យពន្លកថ្មី ព្រមទាំងមានការចូលរួមពីសំណាក់អ្នកគ្រូ មាតាបិតា អាណាព្យាបាល និងសិស្សមត្តេយ្យ។ ក្នុងនោះផងដែរលោកបូជាចារ្យ គ្លេន ឌីយ៉ាស បានមានបនរសាសន៍ថា ៖ សូមឪពុកមា្តយ យកចិត្តទុកដាក់មើលថែរក្សាកូនៗ ជាពិសេសជំរុញកូនៗឱ្យមកសាលារៀន ព្រោះថ្នាក់មត្តេយ្យជាគ្រឹះដ៏សំខាន់សម្រាប់កុមារឆ្លងទៅថ្នាក់បន្ទាប់។ បងស្រី ឌិន ចន្ថា បានមានសាសន៍ថា៖ សូមឪពុក ម្តាយយកចិត្តទុកដាក់នាំកូនមកសាលារៀនឱ្យបានទៀងទាត់ និងពេលមកទទួលកូនៗផ្ទះក៏មកឱ្យទាន់ពេលវេលា ជាពិសេសបច្ចុប្បន្ននេះ យើងឃើញមានបញ្ហាចាប់ចម្រិតកុមារតូចៗ ដែលជាក្តីបារម្ភ ដូច្នេះឪពុក ម្តាយគួរតែមានការប្រុងប្រយ័ត្ន និងសហការណ៍ជាមួយអ្នកគ្រូក្នុងសាលាផង។ ឆ្លៀតក្នុងឱកាសនោះ អាណាព្យាបាលសិស្សបានមានប្រសាសន៍ថ្លែងអំណរដល់អ្នកគ្រូ ដែលបានខិតខំបង្រៀន និងមើលថែទាំកូនៗបានយ៉ាងល្អ។

⚽️ថ្ងៃអាទិត្យ ទី២៤ ខែឧសភា ឆ្នាំ២០២៦ សប្តាហ៍ទី៣ នៃការប្រកួតបាល់ទាត់ពានរង្វាន់លោកអភិបាល អេនរីគេ ហ្វីការេដូ អភិបាលភូមិភាគបាត់ដំបង ឆ្នាំ២០២៦ ⚽️🏆
24 May 2026

ដំណើរទស្សនកិច្ចរបស់សភាលោកអភិបាលឡាវនិងកម្ពុជា នៅបុរីវ៉ាទីកង់ និងថ្វាយអភិបូជានៅ វិសាលវិហារ សន្តប៉ូល (Basilica of St. Paul Outside the Walls)