គម្រោងអាហារូបត្ថម្ភនៅកម្ពុជា ដំណាក់កាលទី១ សមាសភាព២ និងដំណាក់កាលទី២

ផ្សព្វផ្សាយពីការថែទាំសុខភាពកំឡុងពេល​១០០០ដំបូងនៃជីវិត និងបានធ្វើការបង្ហាញពីការធ្វើបបរខាប់គ្រប់គ្រឿង ឃុំកំពង់ដំរី
------
ស្រុកឆ្លូង ខេត្តក្រចេះ៖ ​នៅថ្ងៃទី២៨ ខែឧសភា ឆ្នាំ២០២៦ ​ក្រុមគ្រូពេទ្យមណ្ឌលសុខភាព សហការជាមួយរដ្ឋបាលឃុំកំពង់ដំរី បានចុះផ្សព្វផ្សាយពីការថែទាំសុខភាពកំឡុងពេល​១០០០ដំបូងនៃជីវិត និងបានធ្វើការបង្ហាញពីការធ្វើបបរខាប់គ្រប់គ្រឿងជូនដល់ក្រុមមាតា និងកុមារញុំាផងដែរ នៅភូមិវាលកន្សែង ឃុំកំពង់ដំរី ស្រុកឆ្លូង ខេត្តក្រចេះ ដោយមានអ្នកចូលរួមសរុបប្រមាណ ៨០នាក់ ក្នុងនោះស្រី ៥៥នាក់។

ព្រឹតិ្តការណ៍អាហារូបត្ថម្ភ ការបង្ហាញពីការធ្វើបបរខាប់គ្រប់គ្រឿង ឃុំក្បាលត្រាច
----------
ស្រុកក្រគរ ខេត្តពោធិ៍សាត់៖ រសៀលថ្ងៃទី២៨ ខែឧសភា ឆ្នាំ២០២៦ រដ្ឋបាលឃុំក្បាលត្រាច សហការជាមួយមណ្ឌលសុខភាព បានរៀចំព្រឹតិ្តការណ៍អាហារូបត្ថម្ភ (បបរខាប់គ្រប់គ្រឿង) សម្រាប់មាតា និងកុមារតូច នៅភូមិត្រពាំងរំដេញ ដោយមានអ្នកចូលរួមប្រមាណ ៨០នាក់ ក្នុងនោះមាស្រី៥២នាក់។

ចុះផ្សព្វផ្សាយស្ដីពីអាហារូបត្ថម្ភក្នុងពេលបំបៅដោះកូន អាហារបន្ថែមនិងវិធានការបង្កាគ្រោះថ្នាក់ក្នុងពេលសម្រាល សង្កាត់ម្កាក់
-------
ក្រុងសិរីសោភ័ណ ខេត្តបន្ទាយមានជ័យ៖ ថ្ងៃទី២៩ ខែឧសភា ឆ្នាំ២០២៦ លោកសែម ថូយ ចៅសង្កាត់ម្កាក់ បានដឹកនាំ ក្រុមប្រឹក្សាសង្កាត់ អ្នកទទួលបន្ទុកកិច្ចការនារី និងកុមារ ក្រុមទ្រទ្រង់សុខភាពភូមិ អង្កភាពភូមិឈូក បានចុះផ្សព្វផ្សាយស្ដីពីអាហារូបត្ថម្ភក្នុងពេលបំបៅដោះកូន អាហារបន្ថែមនិងវិធានការបង្កាគ្រោះថ្នាក់ក្នុងពេលសម្រាល កុមារអាយុក្រោម២ឆ្នាំ និងស្ដីពីការ លើកកម្ពស់បណ្ណ័សមធម៌ ការការពារមេរោគអេដស៍នៅភូមិឈូកអ្នចូលរួមមានអាណាព្យាបាល៦៣ស្រី៤៥នាក់កុមារ៣១ស្រី១៧នាក់ ស្រ្តីមានផ្ទៃពោះ៥នាក់។

ចុះតាមដាន និងស្វែងរកកុមារខ្វះអាហារូបត្ថម្ភ ឃុំរុងរឿង
-------------
ស្រុករវៀង ខេត្តព្រះវិហារ៖ នៅថ្ងៃទី២៦ ខែឧសភា ឆ្នាំ២០២៦ ក្រុមការងារនៃរដ្ឋបាលឃុំរុងរឿង សហការជាមួយគ្រូពេទ្យមណ្ឌលសុខភាពរវៀងបានចុះមកតាមដានការលូតលាស់ដើម្បីស្វែងរកកុមារខ្វះអាហារូបត្ថម្ភ ដោយបានវាស់កម្ពស់ ថ្លឹងគីឡូ និងវាស់ពាក់កណ្ដាលដើមដៃកុមារបានចំនួន ១០៩នាក់ ។

ចុះសិក្សាស្វែងយល់ និងប្រមូលព័ត៌មានអំពីមេរៀនបទពិសោធន៍ នៅរដ្ឋបាលឃុំតាលោ
-----------
ស្រុកតាលោសែនជ័យ ខេត្តពោធិ៍សាត់៖ ថ្ងៃទី ២៧ ខែមេសា ឆ្នាំ២០២៦
ក្រុមការងារតម្រោងអាហារូបត្ថម្ភនៅកម្ពុជានៃលេខាធិការដ្ឋាន គ.ជ.អ.ប បានចុះជុំពិភាក្សាជាមួយរដ្ឋបាលឃុំ និងមណ្ឌលសុខភាព ក្រុមទ្រទ្រង់សុខភាពភូមិ និងប្រជាពលរដ្ឋ ដើម្បីសិក្សាស្វែងយល់ និងប្រមូលព័ត៌មាន អំពីមេរៀនបទពិសោធន៍ ក្នុងការគ្រប់គ្រងក្រុមទ្រទ្រង់សុខភាពភូមិ និងការរៀបចំព្រឹត្តិការណ៍សហគមន៍ ដើម្បីរៀបចំចងក្រងទុកជាឯកសារមេរៀន និងបទពិសោធន៍ល្អៗ ក្នុងអំឡុងពេលអនុវត្តមូលនិធិក៏ទការ ផ្តល់សេវាឃុំ សង្កាត់ នៃគម្រោងអាហារូបត្ថម្ភនៅកម្ពុជា នៅសាលឃុំតាលោ ដោយមានអ្នកចូលរួមសរុបចំនួន ១៥រូប។

កិច្ចប្រជុំផ្សព្វផ្សាយពីការបំបៅកូនដោយទឹកដោះម្តាយតែមួយមុខ ឃុំបឹងកន្ទួត
-------
ស្រុកក្រគរ ខេត្តពោធិ៍សាត់៖ ព្រឹកថ្ងៃទី២៧ ខែមេសា ឆ្នាំ២០២៦ រដ្ឋបាលឃុំបឹងកន្ទួត សហការជាមួយគ្រូពេទ្យមណ្ឌលសុខភាព បានរៀបចំកិច្ចប្រជុំផ្សព្វផ្សាយពីការបំបៅកូនដោយទឹកដោះម្តាយតែមួយមុខ នៅភូមិតាកែវ ដោយមានអ្នកចូលរួមអញ្ជើញមកពីភូមិចំនួន៣ សរុបចំនួន៥០នាក់ ក្នុងនោះមានស្រី៣២នាក់។

ចុះស្វែងរកកុមារខ្វះអាហារូបត្ថម្ភ សង្កាត់ផ្ទះព្រៃ
-----------

ក្រុងពោធិ៍សាត់ ខេត្តពោធិ៍សាត់​៖ នៅរសៀលថ្ងៃទី២៧ ខែមេសា ឆ្នាំ២០២៦ លោកប្រធានមណ្ឌលសុខភាពពាលញែក សមាជិកក្រុមប្រឹក្សាទទួលបន្ទុក គណកម្មាធិការទទួលបន្ទុកកិច្ចការនារី និងកុមារ សង្កាត់ផ្ទះព្រៃ ព្រមទាំងថ្នាក់ភូមិ និងទ្រទ្រង់សុខភាពភូមិសំពៅមាស បានចុះវាស់ដើមដៃរកកុមារកង្វះអាហារូបត្ថម្ភ ចាប់ពីអាយុ៦ខែ ដល់៥៩ខែ បានចំនួនសរុប២១នាក់

ចុះសិក្សាស្វែងយល់ និងប្រមូលព័ត៌មានអំពីមេរៀនបទពិសោធន៍ នៅរដ្ឋបាលឃុំស្រែឫស្សី
-----------

ស្រុកថាឡាបរិវ៉ាត់ ខេត្តស្ទឹងត្រែង៖ ថ្ងៃទី ២៧ ខែមេសា ឆ្នាំ២០២៦ របស់រដ្ឋបាលឃុំស្រែឫស្សី រួមមាន៖
ក្រុមការងារតម្រោងអាហារូបត្ថម្ភនៅកម្ពុជានៃលេខាធិការដ្ឋាន គ.ជ.អ.ប បានចុះជុំពិភាក្សាជាមួយរដ្ឋបាលឃុំ និងមណ្ឌលសុខភាព ក្រុមទ្រទ្រង់សុខភាពភូមិ និងប្រជាពលរដ្ឋ ដើម្បីសិក្សាស្វែងយល់ និងប្រមូលព័ត៌មាន អំពីមេរៀនបទពិសោធន៍ ក្នុងការគ្រប់គ្រងក្រុមទ្រទ្រង់សុខភាពភូមិ និងការរៀបចំព្រឹត្តិការណ៍សហគមន៍ ដើម្បីរៀបចំចងក្រងទុកជាឯកសារមេរៀន និងបទពិសោធន៍ល្អៗ ក្នុងអំឡុងពេលអនុវត្តមូលនិធិក៏ទការ ផ្តល់សេវាឃុំ សង្កាត់ នៃគម្រោងអាហារូបត្ថម្ភនៅកម្ពុជា នៅសាលឃុំស្រែឫស្សី ដោយមានអ្នកចូលរួមសរុបចំនួន ១៥រូប។

កិច្ចប្រជុំផ្សព្វផ្សាយអំពីសុខភាព និងអនាម័យ ឃុំតាផូ
------------
ស្រុកស្វាយចេក ខេត្តបន្ទាយមានជ័យ៖ ថ្ងៃទី ២៨ ខែមេសា ឆ្នាំ ២០២៦
ក្រុម​ការងារថ្នាក់ឃុំ សហការជាមួយក្រុមទ្រទ្រង់សុខភាពភូមិ បានចុះផ្សព្វផ្សាយគម្រោងអាហាររូបបត្ថមលើប្រធានបទស្តីពីការបរិភោគទឹកស្អាតមានសុវត្ថិភាព និងអនាម័យដល់ស្រ្តី និងកុមារអាយុក្រោម ២ឆ្នាំ នៅភូមិចំនួន២ រួមមានភូមិព្រេចកី និងភូមិឃ្មាស់ ដោយមានអ្នកចូលរួមសរុប ៥៧នាក់។

ការបង្ហាញពីការធ្វើបបរខាប់គ្រប់គ្រឿង និងស្វែងរកកុមារខ្វះអាហារតូបត្ថម្ភ ឃុំរាំងទិល
------------
ស្រុកកណ្ដៀង ខេត្តពោធិ៍សាត់៖ ថ្ងៃទី២៨ ខែមេសា ឆ្នាំ២០២៦ រដ្ឋបាលឃុំរាំងទិល សហការជាមួយក្រុមគ្រួពេទ្យមណ្ឌលសុខភាព និងក្រុមទ្រទ្រង់សុខភាពភូមិ បានរៀបចំកិច្ចប្រជុំផ្សព្វផ្សាយ និងបានបង្ហាញពីការធ្វើបបរខាប់គ្រប់គ្រឿង និងវាស់ពាក់កណ្តាលដើមដៃកុមារដើម្បីស្វែងរកកុមារខ្វះអាហារូបត្ថម្ភចាប់ពីអាយុ៦ខែ ដល់៥ឆ្នាំ នៅភូមិចារុះ ដោយមានអ្នកចូលរួមសរុបចំនួន ៥៥នាក់ ក្នុងនោះមានស្រី៥៣នាក់ និងកុមារចំនួន ៤៨នាក់

កិច្ចប្រជុំជាមួយក្រុមសវនកម្មវឯករាជ្យ ឃុំសេកុង
-----------
ស្រុកសៀមប៉ាង ខេត្តស្ទឹងត្រែង៖ ថ្ងៃទី២៨ ខែមេសា ឆ្នាំ២០២៦ ក្រុមការងារគម្រោងអាហារូបត្ថម្ភថ្នាក់ឃុំបានជួបប្រជុំជាមួយក្រុមសវនកម្មឯករាជ្យដើម្បីពិនិត្យលើការងារវាយតម្លៃមូលនិធិគាំទ្រការផ្តល់សេវាឃុំសង្កាត់ ការងារហិរញ្ញវត្ថុ និងពិនិត្យសម្ភារៈគម្រោង ដោយមានអ្នកចូលរួមសរុបចំនួន៦នាក់ (ស្រ្តី២នាក់)។