នាយកដ្ឋានមុខងារ និងធនធាន

កិច្ចប្រជុំលើកទី៤របស់គណៈកម្មាធិការអចិន្ត្រៃយ៍សម្របសម្រួលការអនុវត្តគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិកនៅប្រទេសកម្ពុជា

.....................

ក្រសួងមហាផ្ទៃ៖ នាព្រឹកថ្ងៃទី៥ ខែមិថុនា ឆ្នាំ២០២៦ លោក អ៊ឹង កែវរតនៈ ប្រធាននាយកដ្ឋានមុខងារ និងធនធាន និងជាអនុប្រធានគ្រប់គ្រងគម្រោង បានចូលរួមកិច្ចប្រជុំលើកទី៤របស់គណៈកម្មាធិការអចិន្ត្រៃយ៍សម្របសម្រួលការអនុវត្តគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិកនៅប្រទេសកម្ពុជា នៅសាលប្រជុំនៃទីស្ដីការក្រសួងមហាផ្ទៃ។

កិច្ចប្រជុំនេះប្រព្រឹត្តទៅក្រោមអធិបតីភាព ឯកឧត្តម អ៊ុំ ម៉ារ៉ា រដ្ឋលេខាធិការ ក្រសួងមហាផ្ទៃ និងជាប្រធានគណៈកម្មាធិការអចិន្ត្រៃយ៍សម្របសម្រួលការអនុវត្តគម្រោង និងមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធ រួមមាន ក្រសួងសាធារណការ និងដឹកជញ្ជូន ក្រសួងសេដ្ឋកិច្ច និងហិរញ្ញវត្ថុ ក្រសួងបរិស្ថាន ក្រសួងការងារ និងបណ្តុះបណ្ដាលវិជ្ជាជីវៈ ក្រសួងអប់រំ យុវជន និងកីឡា ក្រសួងសង្គមកិច្ច អតីតយុវជន និងយុវនីតិសម្បទា ព្រមទាំងតំណាងរដ្ឋបាលថ្នាក់ក្រោមជាតិដែលជាសមាជិកនៃគណៈកម្មាធិការរអចិន្ត្រៃយ៍សម្របសម្រួលការអនុវត្តគម្រោង រួមមាន តំណាងរដ្ឋបាលខេត្ត និងរដ្ឋបាលក្រុង ស្រុកនៃខេត្តគោលដៅទាំង៥មាន ខេត្តសៀមរាប ខេត្តកណ្តាល ខេត្តកំពង់ស្ពឺ ខេត្តបាត់ដំបង និងខេត្តព្រះសីហនុ សរុបចំនួន៥០រូប។

កិច្ចប្រជុំនេះ រៀបចំឡើងក្នុងគោលបំណងបង្ហាញពីវឌ្ឍនភាព បញ្ហាប្រឈម និងទិសដៅការងារនៃការអនុវត្តគម្រោង ព្រមទាំងវឌ្ឍនភាពនៃការដោះស្រាយផលប៉ះពាល់ទីតាំងដីសម្រាប់រៀបចំជាទីលានទុកដាក់សំរាមស្តង់ដាអនាម័យ និងការផ្តល់អនុសាសន៍នានា ដើម្បីពង្រឹងប្រសិទ្ធភាពនៃការអនុវត្តគម្រោង។

........……….

អត្ថបទ៖ ស.ក

Website : https://www.owso.gov.kh/
Channel Telegram : https://t.me/dfr_moi

សិក្ខាសាលាចែករំលែកចំណេះដឹង និងបទពិសោធស្ដីពីការធ្វើវិមជ្ឈការហិរញ្ញវត្ថុនៃបណ្ដាប្រទេសក្នុងតំបន់ និងប្រទេសអាល្លឺម៉ង់

-------------------------------

រាជធានីភ្នំពេញ៖ នៅថ្ងៃទី៤ ខែមិថុនា ឆ្នាំ២០២៦ ក្រុមការងារនាយកដ្ឋានមុខងារ និងធនធាន នៃអគ្គនាយកដ្ឋានរដ្ឋបាល ក្រសួងមហាផ្ទៃ បានចូលរួមសិក្ខាសាលាចែករំលែកចំណេះដឹង និងបទពិសោធស្ដីពីការធ្វើវិមជ្ឈការហិរញ្ញវត្ថុនៃបណ្ដាប្រទេសក្នុងតំបន់ និងប្រទេសអាល្លឺម៉ង់ នៅសណ្ឋាគារ Novotel Phnom Penh BKK1។

សិក្ខាសាលានេះប្រព្រឹត្តទៅក្រោមអធិបតីភាពរបស់ ឯកឧត្តម សក់ សេដ្ឋា ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានអចិន្ត្រៃយ៍នៃលេខាធិការដ្ឋាន គ.ជ.អ.ប. និងលោក Christof Weigelmeier ប្រធានកិច្ចសហប្រតិបត្តិការអភិវឌ្ឍន៍នៃស្ថានទូតអាល្លឺម៉ង់ប្រចាំព្រះរាជាណាចក្រកម្ពុជា ព្រមទាំងមានការឣញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក ក្រុមប្រឹក្សាភិបាល អភិបាលនៃគណៈអភិបាលរាជធានី ខេត្ត ប្រធានអង្គភាព អស់លោក លោកស្រីអគ្គនាយករង អនុប្រធានអង្គភាព ប្រធាន អនុប្រធាននាយកដ្ឋាន អនុប្រធានការិយាល័យ មន្ត្រីបច្ចេកទេសពាក់ព័ន្ធមកពីក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ ក្រសួងមុខងារសាធារណៈ ក្រសួងយុត្តិធម៌ តំណាងអគ្គលេខាធិការដ្ឋានគណៈកម្មាធិការដឹកនាំកែទម្រង់ការគ្រប់គ្រងហិរញ្ញវត្ថុសាធារណៈ រដ្ឋបាលសាធារណៈ ប្រព័ន្ធយុតិ្តធម៌ ការកែទម្រង់ច្បាប់ ធនាគារពិភពលោក ធនាគារអភិវឌ្ឍន៍អាស៊ី ដៃគូអភិវឌ្ឍន៍ និងអង្គការសង្គមស៊ីវិលដោយផ្ទាល់ និងពីចម្ងាយតាមប្រព័ន្ធ Microsoft Team សរុបចំនួន ១២៣រូប។

សិក្ខាសាលានេះ រៀបចំក្នុងគោលបំណង៖

• ចែករំលែកមេរៀន និងបទពិសោធពីការធ្វើវិមជ្ឈការហិរញ្ញ្វវត្ថុ និងការគ្រប់គ្រងហិរញ្ញវត្ថុរបស់រដ្ឋបាលមូលដ្ឋាននៅប្រទេសអាល្លឺម៉ង់ និងឧត្ដមានុវត្តន៍នៅបណ្ដាប្រទេសមួយចំនួនក្នុងតំបន់

• សម្របសម្រួលកិច្ចសន្ទនាលើផ្នែកគោលនយោបាយរវាងក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ និងដៃគូអភិវឌ្ឍន៍

• កំណត់នូវបញ្ហាប្រឈមគន្លឹះៗផ្នែកគោលនយោបាយដែលមានផលប៉ះពាល់ដល់ការធ្វើវិមជ្ឈការហិរញ្ញវត្ថុ និងការគ្រប់គ្រងហិរញ្ញវត្ថុរដ្ឋបាលថ្នាក់ក្រោមជាតិ និង

• ផ្តល់នូវអនុសាសន៍លើផ្នែកគោលនយោបាយដែលអាចអនុវត្តបានស្របតាមស្ថានភាពជាក់ស្ដែង និងដំណាក់កាលនៃកម្មវិធីកែទម្រង់នានារបស់កម្ពុជា និងផែនទីបង្ហាញផ្លូវក្នុងការអនុវត្តកំណែទម្រង់ពាក់ព័ន្ធនៅកម្ពុជាលើការធ្វើវិមជ្ឈការហិរញ្ញវត្ថុ និងការគ្រប់គ្រងហិរញ្ញវត្ថុរដ្ឋបាលថ្នាក់ក្រោមជាតិ។

-------------------------------
អត្ថបទដោយ៖ ស.ម

Website : https://www.owso.gov.kh/
Channel Telegram : https://t.me/dfr_moi

សេចក្ដីជូនដំណឹង ស្តីពីការដាក់ឱ្យអនុវត្តជាផ្លូវការនូវការផ្តល់សេវារដ្ឋបាលតាមប្រព័ន្ធអនឡាញ (Online) នៅអង្គភាពច្រកចេញចូលតែមួយខេត្តមណ្ឌលគិរី
https://online.owso.gov.kh
សូមចុចលើតណភ្ជាប់នខាងលើនេះដើម្បីធ្វើការស្នើសុំសេវាតាមប្រព័ន្ធអនឡាញនៅនៅអង្គភាពច្រកចេញចូលតែមួយរាជធានី ខេត្ត
Website : https://www.owso.gov.kh/
Channel Telegram : https://t.me/dfr_moi

កិច្ចប្រជុំពិភាក្សាលើសេចក្តីព្រាងយុទ្ធសាស្រ្តជាតិស្តីពីការអភិវឌ្ឍទីក្រុងឆ្លាត
.........................
ក្រសួងមហាផ្ទៃ៖ នៅថ្ងៃទី២ ខែមិថុនា ឆ្នាំ២០២៦ លោក បួន ចំរើន អនុប្រធាននាយកដ្ឋានមុខងារ និងធនធាន នៃអគ្គនាយកដ្ឋានរដ្ឋបាល ក្រសួងមហាផ្ទៃ បានអញ្ជើញចូលរួមកិច្ចប្រជុំពិភាក្សាលើសេចក្តីព្រាងយុទ្ធសាស្រ្តជាតិស្តីពីការអភិវឌ្ឍទីក្រុងឆ្លាត។

សិក្ខាសាលានេះប្រព្រឹត្តទៅក្រោមអធិបតីភាពឯកឧត្តម អ៊ុំ ម៉ារ៉ា រដ្ឋលេខាធិការ ក្រសួងមហាផ្ទៃ និងជាប្រធានគណៈកម្មការសម្របសម្រួល និងដឹកនាំការងារទីក្រុងឆ្លាត និងមានការអញ្ជើញចូលរួមពីលោក លោកស្រី អគ្គនាយករង ប្រធាននាយកដ្ឋាន អនុប្រធាននាយកដ្ឋាន ទីប្រឹក្សាក្រសួងមហាផ្ទៃ ព្រមទាំង មន្ត្រីពាក់ព័ន្ធ។

កិច្ចប្រជុំនេះរៀបចំឡើងក្នុងគោលបំណងដើម្បីធ្វើការពិភាក្សានិងផ្ដល់មតិយោបល់ សម្រាប់ផ្ដល់ធាតុចូលបន្ថែមលើសេចក្តីព្រាងយុទ្ធសាស្រ្តជាតិស្តីពីការអភិវឌ្ឍទីក្រុងឆ្លាត ឱ្យកាន់តែមានភាពគ្រប់ជ្រុងជ្រោយស្របតាមគោលនយោបាយរបស់រាជរដ្ឋាភិបាល និងលិខិតបទដ្ឋាននានាដែលនៅជាធរមាន។
................
អត្ថបទដោយ៖ ប.ណ.

Website : https://www.owso.gov.kh/
Channel Telegram : https://t.me/dfr_moi

សេចក្ដីជូនដំណឹង ស្តីពីការដាក់ឱ្យអនុវត្តជាផ្លូវការនូវការផ្តល់សេវារដ្ឋបាលតាមប្រព័ន្ធអនឡាញ (Online) នៅអង្គភាពច្រកចេញចូលតែមួយខេត្តស្វាយរៀង

https://online.owso.gov.kh
សូមចុចលើតណភ្ជាប់នខាងលើនេះដើម្បីធ្វើការស្នើសុំសេវាតាមប្រព័ន្ធអនឡាញនៅនៅអង្គភាពច្រកចេញចូលតែមួយរាជធានី ខេត្ត

Website : https://www.owso.gov.kh/
Channel Telegram : https://t.me/dfr_moi

សេចក្ដីជូនដំណឹង ស្តីពីការដាក់ឱ្យអនុវត្តជាផ្លូវការនូវការផ្តល់សេវារដ្ឋបាលតាមប្រព័ន្ធអនឡាញ (Online) នៅអង្គភាពច្រកចេញចូលតែមួយខេត្តព្រៃវែង

https://online.owso.gov.kh
សូមចុចលើតណភ្ជាប់នខាងលើនេះដើម្បីធ្វើការស្នើសុំសេវាតាមប្រព័ន្ធអនឡាញនៅនៅអង្គភាពច្រកចេញចូលតែមួយរាជធានី ខេត្ត

Website : https://www.owso.gov.kh/
Channel Telegram : https://t.me/dfr_moi

សេចក្ដីជូនដំណឹង ស្តីពីការដាក់ឱ្យអនុវត្តជាផ្លូវការនូវការផ្តល់សេវារដ្ឋបាលតាមប្រព័ន្ធអនឡាញ (Online) នៅអង្គភាពច្រកចេញចូលតែមួយខេត្តកណ្ដាល

https://online.owso.gov.kh
សូមចុចលើតណភ្ជាប់នខាងលើនេះដើម្បីធ្វើការស្នើសុំសេវាតាមប្រព័ន្ធអនឡាញនៅនៅអង្គភាពច្រកចេញចូលតែមួយរាជធានី ខេត្ត

Website : https://www.owso.gov.kh/
Channel Telegram : https://t.me/dfr_moi

កិច្ចប្រជុំប្រចាំខែឧសភា ឆ្នាំ២០២៦ និងលើកទិសដៅបន្ត របស់នាយកដ្ឋានមុខងារ និងធនធាន
__________________________________

ក្រសួងមហាផ្ទៃ៖ នៅរសៀលថ្ងៃទី២ ខែមិថុនា ឆ្នាំ២០២៦ លោក អុឹង កែវរតនៈប្រធាននាយកដ្ឋានមុខងារ និងធនធាន នៃអគ្គនាយកដ្ឋានរដ្ឋបាល ក្រសួងមហាផ្ទៃ បានដឹកនាំកិច្ចប្រជុំប្រចាំខែឧសភា ឆ្នាំ២០២៦ និងលើកទិសដៅបន្ត របស់នាយកដ្ឋានមុខងារ និងធនធាន នៃអគ្គនាយកដ្ឋានរដ្ឋបាល ក្រសួងមហាផ្ទៃ នៅសាលប្រជុំ នៃអគារក្រសួងមហាផ្ទៃ។

កិច្ចប្រជុំនេះមានការចូលរួមពីលោក លោកស្រី អនុប្រធាននាយកដ្ឋាន ប្រធាន អនុប្រធានការិយាល័យ មន្ត្រី និងបុគ្គលិកទាំងអស់នៅក្នុងនាយកដ្ឋានមុខងារ និងធនធាននៃអគ្គនាយកដ្ឋានរដ្ឋបាល សរុបចំនួន ៣៦រូប ។

កិច្ចប្រជុំមានរបៀបវារៈសំខាន់ៗដូចខាងក្រោម៖
- ទី១៖ ការរាយការណ៍ដោយសង្ខេបពីលទ្ធផលកាងារប្រចាំខែឧសភា របស់លោក លោកស្រីប្រធានការិយាល័យចំណុះនាយកដ្ឋាន
-ទី២៖ ការផ្ដល់យោបល់បន្ថែមពីលោក លោកស្រីអនុប្រធាននាយកដ្ឋានទទួលបន្ទុក
-ទី៣៖ ការបូកសរុបជារួមរបស់លោកប្រធាននាយកដ្ឋាន
- ទី៤៖ ដោះស្រាយបញ្ហាប្រឈមនានា
- ទី៥៖ លើកទិសដៅការងារសម្រាប់ខែមិថុនា
……………………………………………

អត្ថបទដោយ៖ រ.ន

Website : https://www.owso.gov.kh/
Channel Telegram : https://t.me/dfr_moi

កិច្ចប្រជុំពិនិត្យវឌ្ឍនភាពនៃការអនុវត្តការងាររបស់ក្រុមហ៊ុនCrisil ក្នុងគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិកនៅប្រទេសកម្ពុជា

-------------------------
ទីស្តីការក្រសួងមហាផ្ទៃ ៖ នាថ្ងៃទី០១ ខែមិថុនា ឆ្នាំ២០២៦ លោក អុឹង កែវរតនៈ ប្រធាននាយកដ្ឋានមុខងារ និងធនធាន និងជាអនុប្រធានគ្រប់គ្រងគម្រោង បានដឹកនាំកិច្ចប្រជុំពិនិត្យវឌ្ឍនភាពនៃការអនុវត្តការងាររបស់ក្រុមហ៊ុនCrisil ក្នុងគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិកនៅប្រទេសកម្ពុជា​ដោយមានការអញ្ជើញចូលរួមផ្ទាល់ពីលោក លោកស្រីមន្ត្រីគម្រោង លោកទីប្រឹក្សាគម្រោង តំណាងក្រុមហ៊ុនCrisil និងក្រុមបច្ចេកទេសរបស់ក្រុមហ៊ុនCrisilតាមប្រព័ន្ធអនឡាញ សរុបប្រមាណ ៣០រូប ។

កិច្ចប្រជុំនេះរៀបចំឡើងក្នុងគោលបំណងដើម្បី៖

១.ពិនិត្យវឌ្ឍនភាពនៃការអនុវត្តការងាររបស់ក្រុមហ៊ុនCrisil

២.ពិភាក្សាអំពីបញ្ហាប្រឈម ដំណោះស្រាយ និងលើកទិសដៅការងារបន្តទៀត។

.................
អត្ថបទដោយ: ស.ក

Website : https://www.owso.gov.kh/
Channel Telegram : https://t.me/dfr_moi

កិច្ចប្រជុំពិភាក្សាអំពីកិច្ចការត្រួតស៊ីគ្នា និងការរួមបញ្ចូលគ្នានៃការអនុវត្តការងាររបស់ក្រសួង ស្ថាប័ន និង ការងារគណនេយ្យភាពសង្គម

...................................

រាជធានីភ្នំពេញ៖ នាព្រឹកថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ លោកស្រី ហ៊ាង ឆយី អនុប្រធាននាយកដ្ឋានមុខងារ និងធនធាន បានដឹកនាំក្រុមការងារនាយកដ្ឋានមុខងារ និងធនធាន ចូលរួមកិច្ចប្រជុំកិច្ចពិភាក្សាអំពីកិច្ចការត្រួតស៊ីគ្នា និងការរួមបញ្ចូលគ្នានៃការអនុវត្តការងាររបស់ក្រសួង ស្ថាប័ន និង ការងារគណនេយ្យភាពសង្គម ដែលប្រព្រឹត្តនៅសាលប្រជុំលេខាធិការដ្ឋាន គ.ជ.អ.ប. នៃទីស្តីការក្រសួងមហាផ្ទៃ។

កិច្ចប្រជុំនេះ ប្រព្រឹត្តទៅក្រោមការដឹកនាំរបស់ ឯកឧត្តម ឆ៊ឹម សំអែល ប្រធានអង្គភាព ត្រួតពិនិត្យ វាយតម្លៃ និងព័ត៌មាន និងជាប្រធានគ្រប់គ្រងគម្រោងគណនេយ្យភាពសង្គម នៃលេខាធិការដ្ឋាន គ.ជ.អ.ប. ដោយមានការអញ្ចើញចូលរួមពីលោកស្រី Maria Manuela Faria តំណាងធនាគារពិភពលោក និងតំណាងក្រសួងមហាផ្ទៃ តំណាងក្រសួងសុខាភិបាល តំណាងក្រសួងអប់រំ យុវជន និងកីឡា និងព្រមទាំងក្រសួង ស្ថាប័ន ក្រុមការងារលេខាធិការដ្ឋាន គ.ជ.អ.ប. និងអង្គការដៃគូរពាក់ព័ន្ធសរុបប្រមាណ 20រូប។

កិច្ចប្រជុំនេះផ្តោតលើការពិភាក្សាបច្ចេកទេស ដើម្បីស្វែងរកវិធីសាស្ត្របញ្ចូលការងារ គណនេយ្យភាពសង្គមទៅក្នុងប្រព័ន្ធឬ យន្តការការងាររបស់ក្រសួង នីមួយៗដែលមានស្រាប់ ព្រមទាំងជំរុញការសម្របសម្រួល និងកិច្ចសហប្រតិបត្តិការ រវាងស្ថាប័ននានា ដើម្បីជៀសវាងការស្ទួននៃប្រព័ន្ធគ្រប់គ្រង និង ប្រមូលទិន្នន័យ។
..................................................

អត្ថបទដោយ៖ ស.ជ.វ