ក្រុមការងារចុះជួយឃុំព្រៃក្រសាំង ស្រុកសាមគ្គីមុនីជ័យ ខេត្តកំពង់ស្ពឺ

២៩.០២.២០២៦ កិច្ចប្រជុំអណត្តិប្រចាំខែមីនា នៅស្នាក់ការគណៈកម្មាធិការបក្សឃុំព្រៃក្រសាំង

ព្រឹកថ្ងៃចន្ទ៦រោច ខែផល្គុន ឆ្នាំម្សាញ់ សប្តស័ក ព.ស២៥៦៩ ត្រូវនិង, ថ្ងៃទី០៩ ខែមីនា ឆ្នាំ២០២៦ លោក ជឿង ស៊ីថា សមាជិកក្រុមប្រឹក្សាស្រុកសាមគ្គីមុនីជ័យ ជាអនុប្រធានក្រុមការងារចុះឃុំព្រៃក្រសាំង និងភរិយា លោក ជា សារឿន សមាជិកក្រុមប្រឹក្សាស្រុក បាននាំមកនូវអំណោយមួយចំនួនដើម្បីចែកជូនគ្រួសារក្រីក្រក្នុងឃុំព្រៃក្រសាំង ភូមិទាំង១៥ ក្នុង១គ្រួសារទទួលបាន ÷
១. អង្ករ ២៥គីឡូ
២. ទឹកត្រី ១យួរ
៣. ទឹកស៊ីអ៊ីវ ១យួរ
៤. មី ១កេះ
៥. ត្រីខ ១យួរ
៦. ម្រេច ប៊ីចេង ១កញ្ចប់
៧. ខ្ទឹមស ១ថង់
លោក ជឿង ស៊ីថា និងភរិយា ក៏បានឧបត្ថម្ភថវិកា៥០.០០០៛ មករដ្ឋបាលឃុំសម្រាប់ទិញទឹកសុទ្ធ

ក្នុងនាមខ្ញុំជាប្រធានក្រុមប្រឹក្សាឃុំ សូមថ្លែងអំណរគុណយ៉ាងជ្រាលជ្រៅជាមោទនភាពបំផុតចំពោះលោក និងភរិយា ដែលបានយកចិត្តទុកដាក់ចំពោះប្រជាពលរដ្ឋក្នុងឃុំព្រៃក្រសាំងយើង ដែលកំពុងជួការលំបាកនេះ ។

ព្រឹកថ្ងៃអាទិត្យ ១៤កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែកុម្ភៈ ឆ្នាំ២០២៦ នៅស្នាក់ការគណៈកម្មាធិការបក្សឃុំព្រៃក្រសាំងស្រុក សាមគ្គីមុនីជ័យ ឯកឧត្ដម ហន ភក្តី សមាជិកអចិន្ដ្រៃយ៍គណៈកម្មាធិការបក្សខេត្ត អនុប្រធានក្រុមចុះជួយស្រុក ប្រធានក្រុមការងារចុះជួយឃុំព្រៃក្រសាំង លោក ស៊ុន មានជ័យ ឯកឧត្ដម គង់ ឆាយ សមាជិកគណៈកម្មាធិការបក្សខេត្តនិងអនុប្រធានក្រុមការងារចុះជួយឃុំ បានដឹកនាំកិច្ចប្រជុំប្រចាំខែមករា និងទិសដៅការងារកុម្ភៈ ដោយមានការចូលរួមពីប្រធានគណបក្សឃុំ សាខាបក្សភូមិ អនុប្រធាន និងសមាជិក សមាជិកា ក្រុមការងារទាំងអស់ផងដែរ។