11/08/2024
ឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ព្រមទាំងកងកម្លាំងមន្ត្រីនគរបាលក្រោមឱវាទ សូមប្រកាសគាំទ្រទាំងស្រុង លើគម្រោងអភិវឌ្ឍន៍តំបន់ត្រីកោណ កម្ពុជា ឡាវ និងវៀតណាម និងប្រឆាំងដាច់ខាតចំពោះការបង្ហោះព័ត៌មានញុះញង់ ប៉ះពាល់ដល់សុខសន្តិភាព និងសណ្តាប់ធ្នាប់សង្គម ។
ក្នុងនាមកងកម្លាំង ស្នងការដ្ឋាននគរបាលខេត្ដកំពង់ស្ពឺ សូមចាត់ទុកថា គម្រោងអភិវឌ្ឍន៍រួមគ្នាកម្ពុជា ឡាវ វៀតណាម នឹងជួយផ្តល់អត្ថប្រយោជន៍ជាច្រើនដែលជួយលើកស្ទួយវិស័យសេដ្ឋកិច្ច វិស័យពាណិជ្ជកម្ម និងវិស័យទេសចរណ៍ រួមទាំងវិស័យផ្សេងៗជាច្រើនទៀត ជាពិសេសជួយសម្រួលដល់ជីវភាពបងប្អូនប្រជាពលរដ្ឋ ដែលរស់នៅខេត្តជាប់ព្រំដែនឲ្យកាន់តែមានភាពប្រសើរឡើង។
តំណាងឱ្យអង្គភាពមន្រ្ដីអ្នកអនុវត្ដច្បាប់ សូមអំពាវនាវឲ្យបងប្អូនប្រជាពលរដ្ឋ និងកងកំលាំងតាមបណ្ដាអង្គភាពចំណុះស្នងការដ្ឋាននគបាលខេត្ដទាំងអស់ មេត្តាចូលរួមគាំទ្រដល់គម្រោងសហប្រតិបត្តិការអភិវឌ្ឍន៍តំបន់ត្រីកោណ កម្ពុជា ឡាវ និងវៀតណាម ហើយប្រឆាំងដាច់ខាត ចំពោះការបង្ហោះព័ត៌មានឬចែកចាយខ្លឹមសារវីដេអូ ដែលមានលក្ខណៈញុះញង់ រើសអើងពូជសាសន៍ និងធ្វើឲ្យប៉ះពាល់ដល់សុខសន្តិភាព សណ្តាប់ធ្នាប់សង្គម និងសាមគ្គីភាពជាតិ។
#អរគុណសន្ដិភាព! !
#អរគុណនយោបាយឈ្នះឈ្នះ
04/03/2023
11/09/2022
30/06/2022
08/05/2022
07/05/2022
06/05/2022