មន្ទីរវប្បធម៌ និងវិចិត្រសិល្បៈខេត្តកំពង់ស្ពឺ

ថ្ងៃសុក្រ ទី២២ ខែឧសភា ឆ្នាំ២០២៦

លោក ឃឹម សុខន អនុប្រធានមន្ទីរវប្បធម៌ និងវិចិត្រសិល្បៈខេត្ដកំពង់ស្ពឺ បានអញ្ជើញចូលរួមប្រជុំស្ដីពីការរីករាលដាល មេរោគអេដស៍ និងអ្នកជំងឺអេដស៍ ក្រោមអធិបតីភាព ឯកឧត្ដម ធៀង វណ្ណដារ៉ុង តាមប្រព័ន្ធ Zoom Meeting។

“ការចុះអង្កេត ស្រង់ទិន្នន័យ និងវាស់វែងទីតាំងដីអាស្រ័យផលជាក់ស្ដែងរបស់ប្រជាពលរដ្ឋ”

ថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែឧសភា ឆ្នាំ២០២៦ លោក ស៊ុន មានជ័យ ប្រធានមន្ទីរវប្បធម៌ និងវិចិត្រសិល្បៈខេត្តកំពង់ស្ពឺ បានចាត់លោក អ៊ុក ណេង ប្រធានការិយាល័យបេតិកភណ្ឌ ឱ្យចូលរួមជាមួយក្រុមការងារចម្រុះថ្នាក់ខេត្ត ចុះអង្កេត ស្រង់ទិន្នន័យ និងវាស់វែងទីតាំងដីអាស្រ័យផលជាក់ស្ដែងរបស់ប្រជាពលរដ្ឋដែលមានជាប់ពាក់ព័ន្ធជាមួយនឹងអង្គភាពបញ្ជាការដ្ឋានរថក្រោះ អគ្គបញ្ជាការ និងសាលាហ្វឹកហ្វឺនកងកម្លាំងរក្សាសន្តិភាពពហុជាតិ មានទីតាំងស្ថិតនៅក្នុងភូមិក្រាំងល្ហុង ឃុំមហាសាំង និងភូមិពង្រ ភូមិក្អែកពង ឃុំតាំងស្យា ស្រុកភ្នំស្រួច ខេត្តកំពង់ស្ពឺ ក្រោមកិច្ចដឹកនាំដោយ លោក ជេត ដុំ នាយករងរដ្ឋបាលសាលាខេត្ត ដោយមានការចូលរួមពី ក្រុមការងារទីចាត់ការអន្តរវិស័យខេត្ត តំណាងមន្ទីរ អង្គភាពពាក់ព័ន្ធជុំវិញខេត្ត តំណាងបញ្ជាការដ្ឋានរថក្រោះ អគ្គបញ្ជាការ តំណាងសាលាហ្វឹកហ្វឺនកងកម្លាំងរក្សាសន្តិភាពពហុជាតិ តំណាងរដ្ឋបាលស្រុក អាជ្ញាធរឃុំទាំង២ឃុំ មេភូមិ និងប្រជាពលរដ្ឋពាក់ព័ន្ធ នៅសាលប្រជុំទីបញ្ជាការវរៈសេនាតូចលេខ ៦៣ ស្ថិតនៅភូមិពង្រ ឃុំតាំងស្យា ស្រុកភ្នំស្រួច ខេត្តកំពង់ស្ពឺ។

“កម្មវិធីសម្ពោធឆ្លងកុដិ និងដងទង់មួយគូ ក្នុងវត្តអង្គ្រងមានជ័យសិរីឧត្តម ហៅវត្តអង្រ្គង”

ថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែឧសភា ឆ្នាំ២០២៦ លោក ស៊ុន មានជ័យ ប្រធានមន្ទីរវប្បធម៌ និងវិចិត្រសិល្បៈខេត្តកំពង់ស្ពឺ បានចាត់លោក ថូ ចន្ធី អនុប្រធានការិយាល័យអភិវឌ្ឍន៍វប្បធម៌ ឱ្យចូលរួមក្នុងកម្មវិធីសម្ពោធឆ្លងកុដិ និងដងទង់មួយគូក្នុងវត្តអង្គ្រងមានជ័យសិរីឧត្តម ហៅវត្តអង្រ្គង ស្ថិតនៅក្នុងភូមិអង្គ្រង ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ។ កម្មវិធីបុណ្យនេះរៀបចំធ្វើនៅ ក្នុងបរិវេណវត្តអង្គ្រងមានជ័យសិរីឧត្តម ហៅវត្តអង្រ្គង ស្ថិតនៅក្នុងភូមិអង្គ្រង ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ៕

រសៀលថ្ងអង្គារ ទី១៩ ខែឧសភា ឆ្នាំ២០២៦ លោក ឃឹម សុខន អនុប្រធានមន្ទីរ បានចូលរួមក្នុងកិច្ចប្រជុំ ត្រៀមរៀបចំពិព័រណ៍ សមិទ្ធផលខេត្តកំពង់ស្ពឺ និងការរត់ម៉ារ៉ាតុង ដើម្បីអបអរពិធីសម្ពោធដាក់ឱ្យប្រើប្រាស់ជាផ្លូវការស្តូបអនុស្សាវរីយ៍ នយោបាយឈ្នះ ឈ្នះ កោះកុង ក្រោមការដឹកនាំ លោក ជេត ដុំ នាយករងរដ្ឋបាលខេត្ដកំពង់ស្ពឺ នៅសាលប្រជុំ «យឹម សុខុម» ជាន់ទី១ អគាររដ្ឋបាលខេត្ត៕

#មន្ទីរវប្បធម៌និងវិចិត្រសិល្បៈខេត្តកំពង់ស្ពឺ

ថ្ងៃចន្ទ២កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦
———————*——————
👉មន្ត្រីរាជការនៃមន្ទីរវប្បធម៌និងវិចិងត្រសិល្បៈខេត្តកំពង់ស្ពឺ បានគោរពទង់ជាតិ នៃព្រះរាជាណាចក្រកម្ពុជា ។

Cambodia’s Ministry of Culture Strongly Protests Thailand’s Activities at K’nar Temple, Reaffirms Cambodian Sovereignty Over Historic Sites Along Border

“ការចុះស្រង់ស្ថិតិសំណង់បេតិកភណ្ឌ ពិនិត្យគំនូរចម្លាក់ក្បាច់ខ្មែរ និងផ្សព្វផ្សាយច្បាប់ស្ដីពីការជួញដូរវត្ថុសិល្បៈ នៅក្រុងឧដុង្គម៉ែជ័យ”

ថ្ងៃសុក្រ ទី១៥ ខែឧសភា ឆ្នាំ២០២៦
លោក ស៊ុន មានជ័យ ប្រធានមន្ទីរវប្បធម៌ និងវិចិត្រសិល្បៈខេត្តកំពង់ស្ពឺ បានចាត់ក្រុមការងារបេតិកណ្ឌចំនួន ៥រូប ដោយមានការនិមន្តចូលរួមពីព្រះចៅអធិការ គណៈកម្មការ អាចារ្យវត្ត ដើម្បីធ្វើការស្រង់ស្ថិតិសំណង់បេតិកភណ្ឌ ពិនិត្យគំនូរចម្លាក់ក្បាច់ខ្មែរ និងផ្សព្វផ្សាយច្បាប់ស្ដីពីការជួញដូរវត្ថុសិល្បៈក្នុងភូមិសាស្រ្តក្រុងឧដុង្គម៉ែជ័យ បានចំនួន៣វត្តដូចខាងក្រោម៖
១- សង្កាត់វាំងចាស់ ចំនួន ២វត្ត និង
២- សង្កាត់ព្រះស្រែ ចំនួន ១វត្ត។