មន្ទីរកិច្ចការនារី និងមជ្ឈមណ្ឌលអភិវឌ្ឍន៍ស្រ្តីខេត្តកំពង់ស្ពឺ

ថ្ងៃសុក្រ ៥រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែមិថុនា ឆ្នាំ២០២៦ លោកស្រី សួង នឿន អនុប្រធានមន្ទីរកិច្ចការនារីខេត្ត បានអញ្ជើញចូលរួម
«យុទ្ធនាការផលិតផលជាតិ» ក្រោមអធិបតីភាព លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម ឯកឧត្តម ជាវ វិជ្ជាក់ អភិបាលរងនៃគណៈអភិបាលខេត្ត នៅសួនសម្ដេចសង្ឃរាជ ជួន ណាត ខេត្តកំពង់
ស្ពឺ ក្នុងនោះមជ្ឈមណ្ឌលអភិវឌ្ឍន៍ស្ត្រីសម្ដេចម៉ែនៃមន្ទីរកិច្ច
ការនារីខេត្ត បានដាក់តាំងលក់ផលិតផល និងវត្ថុអនុស្សាវរីយ៍ដែលធ្វើពីក្រមាអំបោះសុទ្ធជាស្នាដៃរបស់ក្រុមស្រ្តីសហគមន៍ក្នុងខេត្ត ដែលមានដូចជា៖ ក្រមាធំ ក្រមាតូច សំពត់សឹង និងវត្ថុអនុស្សាវរីយ៍ផ្សេងៗទៀត ។
👉បើបងប្អូនអាចទំនាក់ទំនងតាមរយ:លេខទូរស័ព្ទ
081 848 736 & 016 907 396

មន្ទីរកិច្ចការនារីខេត្តកំពង់ស្ពឺ សហការជាមួយរដ្ឋបាលក្រុងឧដុង្គម៉ែជ័យ បានរៀបចំវគ្គបណ្តុះបណ្តាលស្ដីពី«ការកែច្នៃ
ចំណីអាហារ»ជូនដល់ក្រុមគោលដៅ នៅសង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ ក្នុងគោលបំណង៖ ដើម្បីផ្ដល់នូវជំនាញ និងបង្កើតមុខរបរបន្ថែម ជាពិសេសជួយបង្កើនប្រាក់ចំណូលក្នុងគ្រួសារបានមួយកំរិតបន្ថែមទៀត ។

ញត្តិគាំទ្រ ចំណាត់ការរបស់រាជរដ្ឋាភិបាលកម្ពុជា ពាក់ព័ន្ធនឹងការទាមទារដែនសមុទ្រត្រួតសុីគ្នាជាមួយប្រទេសថៃ។

ញត្តិគាំទ្រ

ថ្ងៃចន្ទ ១កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែមិថុនាឆ្នាំ២០២៦
~~~~~~~~~~~~~
លោកស្រី សួង នឿន អនុប្រធានមន្ទីរកិច្ចការនារីខេត្ត បានដឹកនាំលោកស្រីអនុប្រធានការិយាល័យ និងមន្ត្រី ចំនួន២រូប ចូលរួមកិច្ចប្រជុំទៅលើបច្ចុប្បន្នភាពសៀវភៅបណ្តុះបណ្តាលជំនាញវិជ្ជាជីវៈកាត់ដេរ និងសម្អាងកាយ សម្រាប់WDC 14ខេត្ត របស់ក្រសួងកិច្ចការនារី (តាមរយៈប្រព័ន្ធវីដេអូ ZOOM) ។

#សកម្មភាពចុះត្រួតពិនិត្យ និងប្រមូលក្រមាអំបោះឆៅសុទ្ធ
នៅ ភូមិសាឡាំ ឃុំពោធិម្រាល ស្រុកបសេដ្ឋ ខេត្តកំពង់ស្ពឺ ។
✅ទីតាំងលក់ក្រមាស្ថិតនៅក្នុង ភូមិចំបក់ ឃុំវល្លិ៍ស
ស្រុកសំរោងទង ខេត្តកំពង់ស្ពឺ ។
✅ប្រសិនបើពុកម៉ែ បងប្អូនមានចំណាប់អារម្មណ៍ចង់កម្មង់
ឬអញ្ជើញមកផ្ទាល់ អាចទំនាក់ទំនងតាមរយ:លេខទូរស័ព្ទ
016 907 396 /081 848 736
សូមអរគុណ!

អបអរសាទរ​ ខួបទី៧៧ ទិវាកុមារអន្តរជាតិ (១មិថុនា) ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

ការប្រារព្ធទិវាកុមារអន្តរជាតិនេះឡើង គឺដើម្បីរម្លឹកដល់ការ
អនុវត្តសិទ្ធិជាមូលដ្ឋានរបស់កុមារ និងបង្ហាញពីការយកចិត្តទុកដាក់របស់រាជរដ្ឋាភិបាល ក្នុងការដោះស្រាយបញ្ហា ប្រឈមនានារបស់កុមារ ជាពិសេសការបង្ការទប់ស្កាត់ និងឆ្លើយតបចំពោះអំពើហិង្សាលើកុមារ ពលកម្មកុមារ សុវត្ថិភាពកុមារតាមប្រព័ន្ធអនឡាញ ដោយជួយគាំទ្រដល់កុមាររងគ្រោះ និងងាយរងគ្រោះពីហានិភ័យ ការគំរាមកំហែង ការកេងប្រវ័ញ្ច និងការរំលោភបំពានគ្រប់ទម្រង់បានទាន់ពេលវេលាប្រកបដោយប្រសិទ្ធភាព ដើម្បីឱ្យកុមាររស់នៅ និងអភិវឌ្ឍដោយសុខដុមរមនាក្រោមម្លប់សន្តិភាព ។

🇰🇭🇰🇭 គោរពទង់ជាតិ នៃព្រះរាជាណាចក្រកម្ពុជា
~~~~~~~~~~~~~
ព្រឹកថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែមិថុនា ឆ្នាំ២០៦ មន្ទីរកិច្ចការនារីខេត្តកំពង់ស្ពឺ បានចូលរួមគោរពទង់ជាតិនៃព្រះរាជាណាចក្រកម្ពុជាដោយ
មានការចូលរួមពីថ្នាក់ដឹកនាំមន្ទីរ លោក លោកស្រីប្រធានអនុប្រធានការិយាល័យ មន្រ្តីនៃមន្ទីរកិច្ចការនារីខេត្ត ៕