National Assembly Of Cambodia

គណៈកម្មការទី៧ នៃរដ្ឋសភា ចុះបំពេញបេសកកម្ម និងជំរុញការអភិវឌ្ឍវិស័យគន្លឹះ៤ នៅក្នុងខេត្តកំពង់ឆ្នាំង
--------------

ខេត្តកំពង់ឆ្នាំង៖ គណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍ (គណៈកម្មការទី៧) នៃរដ្ឋសភា ដឹកនាំដោយ ឯកឧត្តម ប៉ា សុជាតិវង្ស ប្រធានគណៈកម្មការ រួមជាមួយតំណាងរាស្ត្រខេត្តកំពង់ឆ្នាំង នាព្រឹកថ្ងៃទី៣ ខែមិថុនា ឆ្នាំ២០២៦ បានអញ្ជើញជួបពិភាក្សាការងារជាមួយ ឯកឧត្តម ស៊ីវ រុន ប្រធានក្រុមប្រឹក្សាខេត្ត លោក អម សុភា អភិបាលរងខេត្ត (តំណាងឯកឧត្តមអភិបាលខេត្ត) និងថ្នាក់ដឹកនាំមន្ទីរជំនាញទាំង៤។

កិច្ចប្រជុំធ្វើឡើងក្នុងគោលបំណងសំខាន់ ដើម្បីឈ្វេងយល់ពីស្ថានភាពទូទៅ របាយការណ៍វឌ្ឍនភាព បញ្ហាប្រឈម និងទិសដៅការងារក្នុងខេត្ត រួមនឹងការប្រមូលព័ត៌មាន ដើម្បីជួយពន្លឿនការអភិវឌ្ឍលើវិស័យទាំង៤ (អប់រំ សាសនា វប្បធម៌ និងទេសចរណ៍) ដែលស្ថិតក្រោមសមត្ថកិច្ចរបស់គណៈកម្មការ។ ទន្ទឹមនេះ ដើម្បីប្រមូលមូលដ្ឋានព័ត៌មានច្បាស់លាស់សម្រាប់រដ្ឋសភា ក្នុងការរៀបចំកសាង និងអនុម័ត «ច្បាប់ស្តីពីសាសនា» នាពេលខាងមុខ។

បន្ទាប់ពីការពិភាក្សា និងឆ្លើយឆ្លងសំណួរ-ចម្លើយយ៉ាងផុសផុល គណៈកម្មការទី៧ នៃរដ្ឋសភា បានផ្តល់អនុសាសន៍គន្លឹះៗមួយចំនួន ដូចខាងក្រោម៖

វិស័យវប្បធម៌ និងសាសនា៖ ត្រូវទប់ស្កាត់អាជីវកម្មសាសនា ហាមដាច់ខាតការយកសាសនាធ្វើជាឧបករណ៍ទាញយកផលប្រយោជន៍ផ្ទាល់ខ្លួន ព្រមទាំងត្រូវជំរុញការចុះបញ្ជីដីវត្តអារាមឱ្យបានលឿន ដើម្បីចេញប័ណ្ណកម្មសិទ្ធិ និងទប់ស្កាត់ការសាងសង់សំណង់អនាធិបតេយ្យក្នុងបរិវេណវត្ត ថែរក្សាអភិរក្សអគារបុរាណ និងវប្បធម៌ ព្រមទាំងគិតគូរវែងឆ្ងាយលើការលក់សម្ភារបម្រើឱ្យវិស័យវប្បធម៌ដើម្បីផ្សារភ្ជាប់នឹងសេដ្ឋកិច្ច។

វិស័យទេសចរណ៍៖ ត្រូវអភិវឌ្ឍតំបន់សក្តានុពល ពិសេសតំបន់ជុំវិញបឹងទន្លេសាប ដែលជាសក្តានុពលធំរបស់ខេត្ត លើកកម្ពស់ការពង្រឹងការធ្វើបដិសណ្ឋារកិច្ច មគ្គុទ្ទេសក៍ទេសចរណ៍ និងសេវាម្ហូបអាហារ និងត្រូវបង្កើតការកែច្នៃអ្វីដែលថ្មី ប្លែក និងមានគុណភាព (មិនដដែលៗ) ដើម្បីទាក់ទាញភ្ញៀវទេសចរជាតិ និងអន្តរជាតិ ព្រោះទេសចរណ៍ប្រៀបដូចជា «មាសបៃតង» ជួយឱ្យសេដ្ឋកិច្ចមូលដ្ឋានរីកចម្រើន។

វិស័យអប់រំ យុវជន និងកីឡា៖ ត្រូវបន្តអភិវឌ្ឍនិងពង្រឹងហេដ្ឋារចនាសម្ព័ន្ធអប់រំ ជំរុញទាំងផ្នែកចំណេះដឹងទូទៅ និងការបណ្តុះបណ្តាលជំនាញ ដើម្បីឆ្លើយតបទៅនឹងតម្រូវការជាក់ស្តែងនៅក្នុងមូលដ្ឋាន។

ថ្នាក់ដឹកនាំខេត្ត និងមន្ទីរជំនាញទាំង៤ នៃរដ្ឋបាលខេត្តកំពង់ឆ្នាំង បានទទួលយកនូវរាល់អនុសាសន៍ណែនាំដ៏មានតម្លៃទាំងនេះ ទៅអនុវត្តដើម្បីជំរុញការអភិវឌ្ឍខេត្តឱ្យកាន់តែរីកចម្រើនបន្ថែមទៀត។

🌐 ភ្ជាប់ទៅកាន់បណ្តាញសង្គមរបស់រដ្ឋសភា៖
Telegram: https://t.me/nac_cam
Facebook: https://www.facebook.com/CambodiaAssembly
Instagram: https://www.instagram.com/national.assembly/
(X): https://x.com/assemblycam?s=21
YouTube: https://youtube.com/?si=5ep5emGTbUBv4Nk7
TikTok: https://www.tiktok.com/.assembly?_t=8j2nnh9CZG5
Website: https://www.na.gov.kh/

ឯកឧត្តម អ៊ុក ផល្លា នាំយកថវិកា ១២លានរៀល របស់ឯកឧត្តមកិត្តិសេដ្ឋាបណ្ឌិត ជាម យៀប ឧបត្ថម្ភជូនកាកបាទក្រហមកម្ពុជារាជធានីភ្នំពេញ
--------

ភ្នំពេញ៖ ឯកឧត្តម អ៊ុក ផល្លា ប្រធានក្រុមទីប្រឹក្សា ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា បាននាំយកថវិកាផ្ទាល់ខ្លួនរបស់ ឯកឧត្តមកិត្តិសេដ្ឋាបណ្ឌិត ចំនួន ១២,០០០,០០០ រៀល (ដប់ពីរលានរៀល) ទៅប្រគល់ជូនកាកបាទក្រហមកម្ពុជា។

ពិធីប្រគល់ និងទទួលនេះ បានប្រព្រឹត្តទៅក្រោមអធិបតីភាពរបស់ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា នារសៀលថ្ងៃទី០២ ខែមិថុនា ឆ្នាំ២០២៦។

គួរជម្រាបថាទីស្នាក់ការកាកបាទក្រហមកម្ពុជារាជធានីភ្នំពេញ បានរៀបចំពិធីប្រគល់ និងទទួលថវិកាឧបត្ថម្ភ ក្នុងស្មារតីសាមគ្គីភាព និងការចែករំលែកដើម្បីការងារមនុស្សធម៌ក្នុងកម្មវិធីខួប១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៦ ។

ការចូលរួមឧបត្ថម្ភថវិកានេះ គឺជាកាយវិការសប្បុរសធម៌ដ៏មានតម្លៃ ឆ្លុះបញ្ចាំងពីការយកចិត្តទុកដាក់ខ្ពស់របស់ថ្នាក់ដឹកនាំរដ្ឋសភា ក្នុងការចូលរួមចំណែកជាមួយកាកបាទក្រហមកម្ពុជា ដើម្បីពង្រឹងសកម្មភាពមនុស្សធម៌ ក្នុងការជួយសង្គ្រោះ និងសម្រាលទុក្ខលំបាករបស់ប្រជាពលរដ្ឋរងគ្រោះ និងងាយរងគ្រោះបំផុត នៅក្នុងភូមិសាស្ត្ររាជធានីភ្នំពេញ ឱ្យបានទាន់ពេលវេលា ដោយមិនប្រកាន់ពូជសាសន៍ សាសនា ឬនិន្នាការនយោបាយណាមួយឡើយ៕

🌐 ភ្ជាប់ទៅកាន់បណ្តាញសង្គមរបស់រដ្ឋសភា៖
Telegram: https://t.me/nac_cam
Facebook: https://www.facebook.com/CambodiaAssembly
Instagram: https://www.instagram.com/national.assembly/
(X): https://x.com/assemblycam?s=21
YouTube: https://youtube.com/?si=5ep5emGTbUBv4Nk7
TikTok: https://www.tiktok.com/.assembly?_t=8j2nnh9CZG5
Website: https://www.na.gov.kh/

ឯកឧត្តម គិត ទ្រី អញ្ជើញចុះសំណេះសំណាលជាមួយមន្ត្រីមូលដ្ឋាន និងនាំយកទេយ្យទានប្រគេនព្រះសង្ឃ នៅស្រុកកូនមុំ ខេត្តរតនគិរី
--------------------

ខេត្តរតនគិរី៖ ឯកឧត្តម គិត ទ្រី សមាជិកគណៈកម្មការទី១ នៃរដ្ឋសភា និងជាតំណាងរាស្រ្តមណ្ឌលខេត្តរតនគិរី អមដំណើរដោយ លោក ម៉ួង ប៉ាង អភិបាលរងខេត្តរតនគិរី ព្រមទាំងលោកនាយករងរដ្ឋបាលខេត្ត លោកប្រធានមន្ទីរពាក់ព័ន្ធ ថ្នាក់ដឹកនាំនៃគណៈអភិបាលស្រុក និងសហការី នាព្រឹកថ្ងៃទី២ ខែមិថុនា ឆ្នាំ២០២៦ បានអញ្ជើញចុះជួបសំណេះសំណាលជាមួយក្រុមប្រឹក្សាឃុំ មេភូមិ អនុភូមិ និងជំនួយការភូមិទាំង ០៣ នៃឃុំសិរីមង្គល ស្រុកកូនមុំ ខេត្តរតនគិរី ដើម្បីស្វែងយល់ពីវឌ្ឍនភាពការងារនៅតាមមូលដ្ឋាន ព្រមទាំងពិភាក្សាលើការធានារក្សាបាននូវសន្តិភាព សណ្តាប់ធ្នាប់ និងសន្តិសុខសង្គម ជូនដល់ប្រជាពលរដ្ឋក្នុងមូលដ្ឋាន។

បន្ទាប់ពីបានបញ្ចប់កិច្ចសំណេះសំណាលជាមួយមន្ត្រីមូលដ្ឋានរួចមក ឯកឧត្តម គិត ទ្រី និងក្រុមការងារ បានបន្តអញ្ជើញទៅកាន់វត្តគង្គាសោភិត (ហៅវត្តស្រែពកធំ) ដែលស្ថិតនៅភូមិស្រែពកធំ ឃុំសិរីមង្គល ស្រុកកូនមុំ។

ក្នុងឱកាសនោះ ឯកឧត្តម បាននាំយកនូវទេយ្យទាន គ្រឿងឧបភោគបរិភោគ ព្រមទាំងបច្ច័យសាមគ្គីចំនួន ២.០១០.០០០រៀល ប្រគេនដល់ព្រះចៅអធិការវត្ត ដើម្បីជាការរួមចំណែកក្នុងការទ្រទ្រង់ និងលើកកម្ពស់វិស័យព្រះពុទ្ធសាសនា ដែលជាសាសនារបស់រដ្ឋឱ្យកាន់តែរីកចម្រើនថែមទៀត៕

🌐 ភ្ជាប់ទៅកាន់បណ្តាញសង្គមរបស់រដ្ឋសភា៖
Telegram: https://t.me/nac_cam
Facebook: https://www.facebook.com/CambodiaAssembly
Instagram: https://www.instagram.com/national.assembly/
(X): https://x.com/assemblycam?s=21
YouTube: https://youtube.com/?si=5ep5emGTbUBv4Nk7
TikTok: https://www.tiktok.com/.assembly?_t=8j2nnh9CZG5
Website: https://www.na.gov.kh/

សមាជិករដ្ឋសភាកម្ពុជា ជជែកពីអនាគតអាស៊ាន និងការទប់ទល់នឹងការបែកបាក់ភូមិសាស្ត្រនយោបាយសកល ក្នុងកិច្ចសន្ទនាយុទ្ធសាស្ត្រកម្រិតខ្ពស់
................

ភ្នំពេញ៖ ឯកឧត្តមបណ្ឌិត សម តារា អនុប្រធានគណៈកម្មការសិទ្ឋិមនុស្ស ទទួលពាក្យបណ្តឹងនិងអង្កេត និងអធិការកិច្ច (គណៈកម្មការទី១) និង ឯកឧត្តម អ៊ុក សិទ្ធិជាតិ សមាជិកគណៈកម្មការអប់រំ យុវជន កីឡា ធម្មការ សាសនា វប្បធម៌ វិចិតហរសិល្បៈ និងទេសចរណ៍ (គណៈកម្មការទី៧) នៃរដ្ឋសភា បានអញ្ជើញចូលរួមកិច្ចសន្ទនាយុទ្ធសាស្ត្រទីក្រុងភ្នំពេញ (The Phnom Penh Strategic Dialogue) ចាប់ពីថ្ងៃទី១ ដល់ថ្ងៃទី២ ខែមិថុនា ឆ្នាំ២០២៦ នេះ នៅសណ្ឋាគារ ហៃយ៉ាត់ រីជេនស៊ី ភ្នំពេញ។

កិច្ចសន្ទនាយុទ្ធសាស្ត្រកម្រិតខ្ពស់នេះ ត្រូវបានរៀបចំឡើងក្រោមប្រធានបទ “អាស៊ាន និងសណ្តាប់ធ្នាប់ក្នុងតំបន់ ក្នុងយុគសម័យនៃការបែងចែកជាយុទ្ធសាស្ត្រ” រៀបចំដោយវិទ្យាស្ថានខ្មែរសម្រាប់ការសហប្រតិបត្តិការ និងសន្តិភាព (CICP) សហការជាមួយមូលនិធិ Konrad-Adenauer-Stiftung (KAS)។

ព្រឹត្តិការណ៍ការទូតដ៏មានសារៈសំខាន់នេះ បានប្រមូលផ្តុំអ្នកបង្កើតគោលនយោបាយជាន់ខ្ពស់ អ្នកការទូត មន្ត្រីយោធា ព្រមទាំងបណ្ឌិត អ្នកសិក្សាស្រាវជ្រាវ និងអ្នកជំនាញពាក់ព័ន្ឋជាច្រើន ដើម្បីរួមគ្នាជជែកដេញដោល និងបង្កើតធាតុចូល ក្នុងការដោះស្រាយវិបត្តិស្មុគស្មាញដែលអាស៊ាន និងតំបន់អាស៊ីអាគ្នេយ៍កំពុងជួបប្រទះនាពេលបច្ចុប្បន្ននេះ។

នៅក្នុងឱកាសនោះ គណៈប្រតិភូរដ្ឋសភាកម្ពុជា រួមជាមួយអង្គពិធីទាំងមូល បានធ្វើការផ្លាស់ប្តូរទស្សនៈគ្នាយ៉ាងផុសផុល ពាក់ព័ន្ឋនឹងប្រធានបទជាច្រើនរួមមាន៖
តួនាទីស្នូលរបស់អាស៊ាន ៖ ការពង្រឹងសាមគ្គីភាពផ្ទៃក្នុង ដើម្បីរក្សាស្ថិរភាព និងសណ្តាប់ធ្នាប់ក្នុងតំបន់។
ការទប់ទល់នឹងការបែកបាក់សកល៖ យុទ្ធសាស្ត្ររៀបចំខ្លួនឆ្លើយតបនឹងការប្រកួតប្រជែងអំណាច លើផ្នែកសន្តិសុខ និងសេដ្ឋកិច្ចពីសំណាក់ប្រទេសមហាអំណាច។

ទន្ទឹមនឹងនេះ កិច្ចសន្ទនាក៏បានរំលេច និងវាយតម្លៃខ្ពស់ផងដែរពីការចូលរួមចំណែកយ៉ាងរឹងមាំរបស់វិទ្យាស្ថាន CICP ក្នុងការជំរុញកិច្ចសន្ទនាថ្នាក់តំបន់ និងការកសាងគោលនយោបាយ ក្នុងរយៈពេលជាង ៣០ឆ្នាំ ចាប់តាំងពីការបង្កើតវិទ្យាស្ថានមក ក្នុងការបម្រើដល់បុព្វហេតុសន្តិភាព និងសហប្រតិបត្តិការអន្តរជាតិផងដែរ៕

🌐 ភ្ជាប់ទៅកាន់បណ្តាញសង្គមរបស់រដ្ឋសភា៖
Telegram: https://t.me/nac_cam
Facebook: https://www.facebook.com/CambodiaAssembly
Instagram: https://www.instagram.com/national.assembly/
(X): https://x.com/assemblycam?s=21
YouTube: https://youtube.com/?si=5ep5emGTbUBv4Nk7
TikTok: https://www.tiktok.com/.assembly?_t=8j2nnh9CZG5
Website: https://www.na.gov.kh/

គណៈកម្មការទី៧រដ្ឋសភានិងថ្នាក់ដឹកនាំខេត្តពោធិ៍សាត់ ពិភាក្សាពីវឌ្ឍនភាព បញ្ហាប្រឈម ដំណោះស្រាយនិងទិសដៅការងារបន្តលើវិស័យសំខាន់ៗ៤
——————-

ខេត្តពោធិ៍សាត់៖ គណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈនិងទេសចរណ៍ (គណៈកម្មការទី៧) នៃរដ្ឋសភាដឹកនាំដោយ ឯកឧត្តម ប៉ា សុជាតិវង្ស ប្រធានគណៈកម្មការ និងមានការចូលរួមពីតំណាងរាស្ត្រមណ្ឌលខេត្តពោធិ៍សាត់ នាថ្ងៃទី២ ខែមិថុនា ឆ្នាំ២០២៦បានអញ្ជើញជួបពិភាក្សាការងារជាមួយ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ព្រមទាំងថ្នាក់ដឹកនាំមន្ទីរជំនាញពាក់ព័ន្ធ។

ជំនួបពិភាក្សានេះ ធ្វើឡើងក្នុងគោលបំណងឈ្វេងយល់អំពីសភាពការណ៍ទូទៅ វឌ្ឍនភាពការងារ បញ្ហាប្រឈម និងទិសដៅការងារបន្តលើវិស័យសំខាន់ៗទាំង៤ ក្រោមសមត្ថកិច្ចរបស់គណៈកម្មការ។ លើសពីនេះ គឺដើម្បីប្រមូលមូលដ្ឋានព័ត៌មានយ៉ាងច្បាស់លាស់ដល់រដ្ឋសភា ក្នុងការរៀបចំកសាង និងអនុម័ត «ច្បាប់ស្តីពីសាសនា» នាពេលខាងមុខ។

បន្ទាប់ពីការស្តាប់របាយការណ៍លម្អិត អង្គប្រជុំបានបើកឱ្យមានការពិភាក្សា ដោះដូរយោបល់ និងឆ្លើយឆ្លងសំណួរ-ចម្លើយ យ៉ាងផុសផុល ដើម្បីស្វែងរកដំណោះស្រាយរួមចំពោះបញ្ហាប្រឈមនានា។
ផ្អែកលើលទ្ធផលនៃកិច្ចប្រជុំ គណៈកម្មការទី៧នៃរដ្ឋសភា បានផ្តល់អនុសាសន៍និងការណែនាំសំខាន់ៗតាមវិស័យដូចខាងក្រោម៖
-វិស័យធម្មការ និងសាសនា៖ ត្រូវទប់ស្កាត់ការយកសាសនាធ្វើអាជីវកម្ម ដើម្បីទាញយកផលប្រយោជន៍ផ្ទាល់ខ្លួន ជំរុញការចុះបញ្ជីដីវត្តឱ្យបានលឿន ដើម្បីចេញប័ណ្ណកម្មសិទ្ធិ និងមានប្លង់ត្រឹមត្រូវ ងាយស្រួលដល់ការគ្រប់គ្រង ពង្រឹងការគ្រប់គ្រងច្បាប់សាងសង់ និងត្រូវទប់ស្កាត់ដាច់ខាតនូវរាល់ការសាងសង់សំណង់អនាធិបតេយ្យផ្សេងៗនៅក្នុងបរិវេណវត្ត។
-វិស័យអប់រំ យុវជន និងកីឡា៖ ត្រូវពង្រឹងហេដ្ឋារចនាសម្ព័ន្ធអប់រំ បន្តលើកកម្ពស់ការអប់រំទាំងផ្នែកចំណេះដឹងទូទៅ និងការបណ្តុះបណ្តាលជំនាញ ដើម្បីឆ្លើយតបទៅនឹងតម្រូវការជាក់ស្តែងក្នុងមូលដ្ឋាន។

-វិស័យវប្បធម៌ និងវិចិត្រសិល្បៈ៖ត្រូវសហការជាមួយមន្ទីរជំនាញដើម្បីថែរក្សាសំណង់បុរាណ វត្ថុសិល្បៈ និងកេរដំណែលវប្បធម៌នានានៅក្នុងខេត្ត ពិសេសសំណង់ប្រវត្តិសាស្ត្រដែលស្ថិតក្នុងទីវត្តអារាម។

-វិស័យទេសចរណ៍៖ ត្រូវពង្រឹងការគ្រប់គ្រងបរិស្ថាន ត្រូវយកចិត្តទុកដាក់ខ្ពស់លើការគ្រប់គ្រងកាកសំណល់ អនាម័យ និងការផ្តល់សេវាបដិសណ្ឋារកិច្ចឱ្យបានល្អជូនដល់ភ្ញៀវទេសចរជាតិ និងអន្តរជាតិ និងការបង្កើតផលិតផលទេសចរណ៍កែច្នៃក្នុងស្រុក ដើម្បីលើកកម្ពស់សេដ្ឋកិច្ចគ្រួសារ៕

🌐 ភ្ជាប់ទៅកាន់បណ្តាញសង្គមរបស់រដ្ឋសភា៖
Telegram: https://t.me/nac_cam
Facebook: https://www.facebook.com/CambodiaAssembly
Instagram: https://www.instagram.com/national.assembly/
(X): https://x.com/assemblycam?s=21
YouTube: https://youtube.com/?si=5ep5emGTbUBv4Nk7
TikTok: https://www.tiktok.com/.assembly?_t=8j2nnh9CZG5
Website: https://www.na.gov.kh/

តំណាងរាស្ត្រមណ្ឌលខេត្តកំពត អញ្ជើញជួបសំណេះសំណាល និងចែកអំណោយជូនចាស់ជរា

--------------

កំពត ៖ ឯកឧត្តម វ៉ាន់ ដារ៉ា តំណាងរាស្ត្រមណ្ឌលខេត្តកំពត និងជាសមាជិកគណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយម នៃរដ្ឋសភា និងលោកជំទាវ នាព្រឹកថ្ងៃទី១ ខែមិថុនា ឆ្នាំ២០២៦ បានអញ្ជើញជួបសំណេះសំណាល សួរសុខទុក្ខ និងនាំយកអំណោយយកអំណោយមនុស្សធម៌ជូនដល់ចាស់ជរាគ្មានទីពឹង ខ្វះខាត ចំនួន ១៦រូប ដែលស្ថិតនៅក្នុងឃុំទទុង ស្រុកដងទង់ ខេត្តកំពត។

ក្នុងឱកាសនោះ ឯកឧត្តម វ៉ាន់ ដារ៉ា បាននាំមកនូវការផ្ដាំផ្ញើសាកសួរសុខទុក្ខដោយក្តីនឹករលឹកនិងអាណិត ស្រឡាញ់ដ៏ជ្រាលជ្រៅពីពីសំណាក់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ឯកឧត្តម កិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា និងឯកឧត្តម វង សូត អនុប្រធានទី២នៃរដ្ឋសភា ដែលជានិច្ចកាល សម្តេចនិងឯកឧត្តមជាថ្នាក់ដឹកនាំ តែងតែគិតគូរជាប្រចាំអំពីសុខទុក្ខ និងជីវភាពរស់នៅរបស់ប្រជាពលរដ្ឋនៅទូទាំងប្រទេស។

ក្នុងគោលបំណងជួយសម្រាលការលំបាក ឯកឧត្តម និងលោកជំទាវ បានឧបត្ថម្ភគ្រឿងឧបភោគបរិភោគ និងសម្ភារប្រើប្រាស់ជូនដូនចាស់ជរាទាំង ១៦រូប ដោយក្នុងម្នាក់ៗទទួលបាន៖ អង្ករ១០គីឡូក្រាម មី ត្រីខ ប៊ីចេង អំបិល ស្ករស ក្រមា ១ និងថវិកាចំនួន ១០,០០០ រៀលផងដែរ។

ជាមួយគ្នានោះដែរ តំណាងរាស្ត្រមណ្ឌលខេត្តកំពត ក៏បានអំពាវនាវដល់អាជ្ញាធរមូលដ្ឋាន ត្រូវបន្តយកចិត្តទុកដាក់ដោះស្រាយសេវាសាធារណៈ និងតាមដានមើលការរស់នៅរបស់ចាស់ជរាគ្មានទីពឹងព្រមទាំងបាន ដាស់តឿនដល់លោកតា លោកយាយ ឱ្យថែរក្សាសុខភាពឱ្យបានល្អ ហូបស្អាត ផឹកស្អាត និងរស់នៅស្អាត ដើម្បីចៀសវាងពីជំងឺតម្កាត់ផ្សេងៗ៕

🌐 ភ្ជាប់ទៅកាន់បណ្តាញសង្គមរបស់រដ្ឋសភា៖
Telegram: https://t.me/nac_cam
Facebook: https://www.facebook.com/CambodiaAssembly
Instagram: https://www.instagram.com/national.assembly/
(X): https://x.com/assemblycam?s=21
YouTube: https://youtube.com/?si=5ep5emGTbUBv4Nk7
TikTok: https://www.tiktok.com/.assembly?_t=8j2nnh9CZG5
Website: https://www.na.gov.kh/

ឯកឧត្តមសន្តិបណ្ឌិត ឡូយ សុផាត ប្រធានគណៈកម្មការទី៣ នៃរដ្ឋសភា ផ្ញេីសារលិខិតជូនពរ​ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ​ ក្នុងឱកាសដ៏មហានក្ខត្តឫក្សឧត្តុង្គឧត្តម ប្រកបដោយសេចក្តីសោមនស្សរីករាយ នៃពិធីចម្រើនជន្មាយុគម្រប់ ៤៤ឆ្នាំ ឈានចូល៤៥ឆ្នាំ របស់ ឯកឧត្តមអភិសន្តិបណ្ឌិត ដែលនឹងចូលមកដល់នៅថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦ ខាងមុខនេះ។

🌐 ភ្ជាប់ទៅកាន់បណ្តាញសង្គមរបស់រដ្ឋសភា៖
Telegram: https://t.me/nac_cam
Facebook: https://www.facebook.com/CambodiaAssembly
Instagram: https://www.instagram.com/national.assembly/
(X): https://x.com/assemblycam?s=21
YouTube: https://youtube.com/?si=5ep5emGTbUBv4Nk7
TikTok: https://www.tiktok.com/.assembly?_t=8j2nnh9CZG5
Website: https://www.na.gov.kh/