ស្លេះ ពុនយ៉ាមុីន/𝐒𝐥𝐞𝐬 𝐏𝐮𝐧𝐲𝐚𝐦𝐢𝐧

ឯកឧត្តម ស្លេះ ពុនយ៉ាមុីន អញ្ជើញចូលរួមពិធីជួបសំណេះសំណាល និងជូនដំណើរបងប្អូនសាសនិកឥស្លាម ទៅបំពេញកាតព្វកិច្ចបុណ្យធម្មាត្រាហាជ្ជី នៅទីក្រុងម៉ាក្កះ ប្រទេសអារ៉ាប៊ីសាអូឌីត
=======
នារសៀលថ្ងៃទី១៤ ខែឧសភា ឆ្នាំ២០២៦ នៅអាកាសយានដ្ឋានអន្តរជាតិតេជោ ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានអញ្ជើញចូលរួមពិធីជួបសំណេះសំណាល និងជូនដំណើរបងប្អូនសាសនិកអ៉ិស្លាមចំនួន១៨០នាក់ទៀត ទៅបំពេញកាតព្វកិច្ចបុណ្យធម្មាត្រាហាជ្ជី នៅទីក្រុងម៉ាក្កះ ប្រទេសអារ៉ាប៊ីសាអូឌីត ក្រោមអធិបតីភាព​ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស។

ឯកឧត្តម ស្លេះ ពុនយ៉ាមុីន អញ្ជើញជូនដំណើរបងប្អូនសាសនិកឥស្លាមទៅបំពេញកាតព្វកិច្ចបុណ្យហាជ្ជី ទៅប្រទេសអារ៉ាប៊ីសាអូឌីត
=======
នារសៀលថ្ងៃទី១៣ ខែឧសភា​ ឆ្នាំ២០២៦
នៅអាកាសយាន្តដ្ឋានអន្តរជាតិតេជោ ឯកឧត្តម ស្លេះ ពុនយ៉ាមុីន សមាជិកក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញចូលរួមអមដំណើរឯកឧត្តម បណ្ឌិត អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេស ជួបសំណេះសំណាល និងជូនដំណើរបងប្អូនសាសនិកឥស្លាមទៅបំពេញកាតព្វកិច្ចបុណ្យហាជ្ជី ចំនួន១២៨នាក់ នៅទីក្រុងម៉ាក្កះ ប្រទេសអារ៉ាប៊ីសាអូឌីត។

នាព្រឹកថ្ងៃទី១៣ ខែឧសភា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានអញ្ជើញចូលរួមអមដំណើរ ឯកឧត្តម ណាសៀត អូស្មាន ទីប្រឹក្សារាជរដ្ឋាភិបាល និងជាប្រធានសមាគមសម្ព័ន្ធយុវជនមុស្លិមកម្ពុជា(CMYA) តំណាងដ៏ខ្ពង់ខ្ពស់ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេស អញ្ជើញជាអធិបតីក្នុងពិធីសំណេះសំណាល និងប្រគល់ប្រាក់ឧបត្ថម្ភចំនួន ១០,៨០០ ដុល្លារអាមេរិក ជូនដល់ប្រជាពលរដ្ឋរងគ្រោះដោយអគ្គីភ័យចំនួន ១២ គ្រួសារ នាពេលថ្មីៗនេះ នៅភូមិទី៦ ឃុំរកាខ្នុរ ស្រុកក្រូចឆ្មារ ខេត្តត្បូងឃ្មុំ ដោយមានការអញ្ជើញចូលរួមពីសំណាក់ ឯកឧត្តម ម៉ូត យូសុះ សមាជិករដ្ឋសភា និងជាគណៈអុីម៉ាខេត្តត្បូងឃ្មុំ ឯកឧត្តមទីប្រឹក្សារាជរដ្ឋាភិបាល និងអាជ្ញាធរមូលដ្ឋានផងដែរ។

អំណោយថវិកានេះ ទទួលបានពីសមាគមបង្ហាញផ្លូវល្អ និងអភិវឌ្ឍន៍សង្គម តាមរយៈសប្បុរសជននៃប្រទេសអារ៉ាប់រួមអេមីរ៉ាត់។ ជាមួយគ្នាដែរ មជ្ឈមណ្ឌលឥស្លាមភ្នំពេញ(PPIC) ក៏បានរួមចំណែកជួយ ១១០០ដុល្លារ ក្នុងនោះគ្រួសាររងផលប៉ះពាល់ទាំងស្រុងទទួលបាន ចំនួន ៤០ម៉ឺនរៀល ក្នុង១ គ្រួសារ និង២ គ្រួសារ ដែលរងផលប៉ះពាល់តិចជាងទទួលបាន ក្នុង ១គ្រួសារ ២០ម៉ឺនរៀល។

ជាមួយគ្នាដែរ ឯកឧត្តម ណាសៀត អូស្មាន បាននាំមកនូវ ការផ្តាំផ្ញើចែករំលែកទុក្ខដោយក្តីអាណិតអាសូរ ពីសំណាក់ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស ដល់​ក្រុមគ្រួសារ​រងគ្រោះ​ ចំពោះឧបទ្ទវហេតុ ដែលបានបំផ្លាញលំនៅដ្ឋាន និងទ្រព្យសម្បត្តិ របស់គ្រួសាររងគ្រោះ។

នាព្រឹកថ្ងៃទី១២ ខែឧសភា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគទី២ និងជាសមាជិកគណៈកម្មាធិការសាខាកាកបាទក្រហមខេត្តកំពង់ចាម បានអញ្ជើញចូលរួមជាកិត្តិយសក្នុងពិធី អបអរសាទរខួបអនុស្សាវរីយ៍លើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌» ក្រោមអធិបតីភាពដ៏ខ្ពង់ខ្ពស់របស់ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី ប្រធានកិត្តិយសសាខាកាកបាទក្រហម ខេត្តកំពង់ចាម។
ក្នុងកម្មវិធីនោះដែរឯកឧត្តមបានចូលរួម ឧបត្ថម្ភថវិកាចំនួន ១.០០០.០០០ ( មួយលានរៀល ) ដើម្បីទ្រទ្រង់សកម្មភាពមនុស្សធម៌របស់សាខាកាកបាទក្រហមកម្ពុជាខេត្តកំពង់ចាម ។
ពិធីខាងលើនេះប្រព្រឹត្តទៅនៅក្នុងសាលសន្និសីទ សាលាខេត្តកំពង់ចាម។

ឯកឧត្តម ស្លេះ ពុនយ៉ាម៉ីន
បានអញ្ជើញចុះជួបសំណេះសំណាលជាមួយលោកគ្រូ អ្នកគ្រូខ្មែឥស្លាមនៃអនុវិទ្យាល័យ សម្តេចតេជោ ហ៊ុនសែន នៀកម៉ះ
=======
នាព្រឹកថ្ងៃទី១១ ខែឧសភា ឆ្នាំ២០២៦
ឯកឧត្តម ស្លេះ ពុនយ៉ាម៉ីន សមាជិកក្រុមសមាជិកព្រឹទ្ធសភា ប្រចាំភូមិភាគទី២ និងជាអនុប្រធាន សសយក ខេត្តកំពង់ចាម បានចុះជួបសំណេះសំណាលជាមួយលោកគ្រូ អ្នកគ្រូខ្មែរឥស្លាមនៃអនុវិទ្យាល័យ សម្តេចតេជោ ហ៊ុនសែន នៀកម៉ះ នៅភូមិរការក្រោម សង្កាត់សំបួរមាស ក្រុងកំពង់ចាម ខេត្តកំពង់ចាម។
ឆ្លៀតក្នុងឱកាសនេះដែរ ឯកឧត្តមបានមានប្រសាសន៍រំឮកដល់លោកគ្រូ អ្នកគ្រូទាំងអស់គ្នាថា យើងមានថ្ងៃនេះក៏ដោយសារប្រទេសយើងមានសន្តិភាព ក្នុងនាមយើងជាប្រជាជនខ្មែរគ្រប់រូប អ្វីដែរយើងត្រូវធ្វើនៅពេលនេះ គឺជឿជាក់លើប្រមុខថ្នាក់ដឹកនាំ រាជរដ្ឋាភិបាលកម្ពុជាដែលមានសម្តេចតេជោប្រធានព្រឹទ្ធសភា និងសម្តចបវរធិបតីនាយករដ្ឋមន្ត្រី ស្ថិតក្រោមម្លប់សន្តិភាព ។

នាឱកាសនោះផងដែរ ឯកឧត្តមបានឧបត្ថម្ភថវិកាផ្ទាល់ខ្លួនដល់លោកគ្រូ អ្នកគ្រូសរុបចំនន២២នាក់ ដោយម្នាក់ៗទទួលបានប្រាក់ឧបត្ថម១០ម៉ឺនរៀល និងគ្រូបណ្តែតចំនួន១២នាក់ ក្នុងម្នាក់ៗទទួលបានប្រាក់ឧបត្ថម្ភចំនួន១៥ម៉ឺនរៀល
សរុបទាំងអស់ចំនួន ២.៨០០.០០០រៀល។

នាព្រឹកថ្ងៃទី១០ ខែឧសភា ឆ្នាំ២០២៦
ឯកឧត្តម ស្លេះ ពុនយ៉ាមុីន អនុប្រធានក្រុមការងារគណបក្សចុះមូលដ្ឋានក្រុងកំពង់ចាម បានអញ្ជើញចូលរួមក្នុងពិធីប្រកាសបញ្ជូលសមាជិកគណបក្សប្រជាជនកម្ពុជា​ថ្មី ក្នុងសង្កាត់កំពង់ចាម និង សង្កាត់បឹងកុក ក្រោមអធិបតីភាពដ៏ខ្ពង់ខ្ពស់ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សខេត្ត និងជាប្រធានក្រុមការងារចុះជួយក្រុងកំពង់ចាម។

នាព្រឹកថ្ងៃទី៩ ខែឧសភា ឆ្នាំ២០២៦
ឯកឧត្តម ស្លេះ ពុនយ៉ាមុីន អនុប្រធានក្រុមការងារគណបក្សចុះមូលដ្ឋានក្រុងកំពង់ចាម បានអញ្ជើញចូលរួមក្នុងពិធីប្រកាសបញ្ជូលសមាជិកគណបក្សប្រជាជនកម្ពុជា​ថ្មីចំនួន ៧៨១នាក់ ក្នុងសង្កាត់សំបួរមាស​ ក្រុងកំពង់ចាម ក្រោមអធិបតីភាពដ៏ខ្ពង់ខ្ពស់ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សខេត្ត និងជាប្រធានក្រុមការងារចុះជួយក្រុងកំពង់ចាម។
ពិធីនេះប្រព្រឹត្តទៅនៅទីស្នាក់ការគណបក្សប្រជាជនកម្ពុជាស្រុកកំពង់សៀម។

វិមាន៧មករា !
នារសៀលថ្ងៃទី៨ ខែឧសភា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគទី២ បានអញ្ជើញចូលរួមកិច្ចប្រជុំ សមាជិក សមាជិការបស់រដ្ឋសភា ព្រឹទ្ធសភា នៃគណបក្សប្រជាជនកម្ពុជា ក្រោមអធិបតីភាពដ៏ខ្ពង់ខ្ពស់ សម្តេចវិបុលសេនាភក្តី សាយ ឈុំ។
របៀបវារៈនៃអង្គប្រជុំ ដើម្បីពិភាក្សា៖
១-ពិភាក្សាសេចក្តីព្រាងច្បាប់ស្តីពីកាតព្វកិច្ចយោធា។
២-ពិភាក្សាសេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជាឱ្យក្រុមហ៊ុនអគ្គិសនីវៀតណាមនៃសាធារណរដ្ឋសង្គមនិយមវៀតណាមសម្រាប់ការធានាលើការទិញថាមពលអគ្គិសនីពីប្រទេសវៀតណាម។

ឯកឧត្តម ស្លេះ ពុនយ៉ាម៉ីន អញ្ជើញជាអធិបតីក្នុងពិធីបិទការប្រកួតកីឡាបាល់ទាត់ ដណ្តើមពានរង្វាន់ “សហភាពសហព័ន្ធយុវជនកម្ពុជា ឃុំព្រែកកក់ រដូវកាលទី១ ឆ្នាំ២០២៦
=======
នារសៀលថ្ងៃទី៦ ខែឧសភា ឆ្នាំ២០២៦
ឯកឧត្តម ស្លេះ ពុនយ៉ាម៉ីន សមាជិកក្រុមសមាជិកព្រឹទ្ធសភាប្រចាំភូមិភាគទី២ និងជាអនុប្រធាន ស.ស.យ.ក ខេត្តកំពង់ចាម លោក បាន ស្រេង អភិបាល នៃគណៈអភិបាល ស្រុកស្ទឹងត្រង់ និងជាប្រធានស.ស.យ.ក ស្រុកស្ទឹងត្រង់ បានអញ្ជើញជាអធិបតីក្នុងពិធីបិទការប្រកួតកីឡាបាល់ទាត់ ដណ្តើមពានរង្វាន់”សហភាពសហព័ន្ធយុវជនកម្ពុជា រដូវកាលទី១” ស្ថិតនៅភូមិទួលពោធិ៍ ឃុំព្រែកកក់ ស្រុកស្ទឹងត្រង់ ខេត្តកំពង់ចាម ដោយមានការអញ្ជើញចូលរួមពីសំណាក់ អភិបាលរងក្រុង/ស្រុក អនុប្រធានមន្ទី អាជ្ញាធរស្រុក ឃុំ អជ្ញាធរមូលដ្ឋាន យុវជនសសយកស្រុក ក្រុមកីឡាករ និងបងប្អូនប្រជាពលរដ្ធយ៉ាងច្រើនកុះករផងដែរ។ នាឱកាសនោះ ឯកឧត្តមសមាជិកព្រឹទ្ធសភា បានសម្តែងនូវការកោតសរសើរ និងសូមថ្លែងអំណរគុណចំពោះ គណៈកម្មាធិការរៀបចំកម្មវិធីនេះដែលបានសហការគ្នាយ៉ាងល្អក្នុងការរៀបចំឱ្យមានព្រឹត្តិការណ៍ប្រកួតកីឡាបាល់ទាត់នេះឡើង ឯកឧត្តមក៏បានជម្រុញដល់គណៈកម្មការកីឡាបាល់ទាត់ នឹងបន្តខិតខំរៀបចំឱ្យមានការប្រកួតនេះជារៀងរាល់ឆ្នាំ។
ឆ្លៀតក្នុងឱកាសនេះផងដែរ ឯកឧត្តម ក៏សូមកោតសរសើរដល់ស្មារតីរបស់កីឡាករទាំងអស់ ដែលបានប្រកាន់ខ្ជាប់នូវវិន័យថ្លៃថ្នូរទាំងពេលប្រកួត និងពេលឈប់សម្រាកស័ក្តិសមជាកីឡាករគំរូក្នុងខេត្ត និងទទួលបានសុខភាព សាមគ្គីភាព មិត្តភាព និងអនុស្សាវរីយ៍ដ៏ល្អៗជាច្រើន ដូចពាក្យស្លោកមួយបានលើកឡើងថា “កីឡានាំមកនូវសុខភាពល្អ ប្រាជ្ញាស្មារតីភ្លឺថ្លា និងនាំមកនូវមិត្តភាព សាមគ្គីភាព”។
បន្ថែមពីនេះ ឯកឧត្តមសមាជិក ព្រឹទ្ធសភា ក៏សូមកោតសរសើរ និងចូលរួមអបអរសាទរចំពោះក្រុមកីឡាករ ដែលបានចូលរួមក្នុងការប្រកួតតាំងពីថ្ងៃដំបូងរហូតដល់ថ្ងៃបិទបញ្ចប់ ហើយថែមទាំងបានដណ្ដើមជ័យជំនះជូនក្រុម និងភូមិនានារបស់ខ្លួន ហើយឯកឧត្តមសូមលើកទឹកចិត្តចំពោះក្រុមដែលមិនបានទទួលជ័យជំនះក្នុងរដូវកាលទី១នេះ ត្រូវធ្វើការហ្វឹកហាត់បន្ថែមទៀតដើម្បីត្រៀមចូលរួមប្រកួតដណ្ដើមពាននៅឆ្នាំបន្តបន្ទាប់ទៀត។ ទន្ទឹមជាមួយគ្នានេះផងដែរអធិបតីទាំងពីររូប បានអំពាវនាវដល់បងប្អូនប្រជាពលរដ្ឋ និងយុវជនដែលជាកីឡាករទាំងអស់ ត្រូវតែនាំគ្នាលេងកីឡាអោយបានគ្រប់ៗគ្នា ដើម្បីទទួលបាននូវសុខភាពល្អ ទំនាក់ទំនងល្អ មានមេត្រីភាព សាមគ្គីភាព មិត្តភាព និងជៀសវាងអោយឆ្ងាយពីក្មេងទំនើងបំពុលសង្គម ល្បែងសុីសងនិងជៀសវាងអោយឆ្ងាយពីគ្រឿងញៀនដែលនាំអោយមានគ្រោះថ្នាក់ដល់សុខភាព និងអនាគត់របស់ខ្លួន ក៏ដូចជាសង្គមជាតិទាំងមូល។
ឆ្លៀតក្នុងឱកាសនោះដែរ ឯកឧត្តមបានមានប្រសាសន៍ផ្តាំថា សូមកុំភ្លេចយើងបានមកចូលរួមទស្សនាការប្រកួតយ៉ាងសប្បាយរីករាយដូចថ្ងៃនេះក៏ដោយសារប្រទេសយើងមានសន្តិភាព និងមានការអភិវឌ្ឍ ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី និងជាប្រធានព្រឹទ្ធសភា នៃព្រះរាជាណាចក្រកម្ពុជា និងការដឹកនាំដ៏ឈ្លាសវៃបំផុតរបស់សម្តេចមហាបរវធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បើគ្មានសន្តិភាពក៏គ្មានការជួបជុំថ្ងៃនេះដែរ ហេតុដូច្នេះ យើងទាំងអស់នាំគ្នាចូលរួមការពារសន្តិភាពឱ្យបានគ្រប់ៗគ្នា។
ក្រោយចប់កម្មវិធី ឯកឧត្តមបានឧបត្ថម្ភថវិកាដល់គណៈកម្មការរៀបចំចំនួន ១.០០០.០០០រៀល និងឧបត្ថម្ភដល់យុវជន ស.ស.យ.ក ចំនួន៣០នាក់ ក្នុងម្នាក់ៗទទួលបានថវិកា១មុឺនរៀល ។
គូសបញ្ជាក់ផងដែរថា ក្រុមទាំងអស់ត្រូវឆ្លងកាត់ការប្រកួតយ៉ាងស្និតស្នាលរយៈពេល៥ថ្ងៃ ដែលមានក្រុមបាល់ទាត់ចូលរួមប្រកួតចំនួន១៦ក្រុម ជាលទ្ធផល៖

*ចំណាត់ថ្នាក់លេខ១ បានទៅលើក្រុមស.ស.យ.ក ឃុំព្រែកកក់ ស្រុកស្ទឹងត្រង់ ខេត្តកំពង់ចាម ដែលទទួលបានពានរង្វាន់១ មេដៃមាសចំនួន១៨គ្រឿងនិងប្រាក់រង្វាន់ចំនួន៤.០០០.០០០៛។

*ចំណាត់ថ្នាក់លេខ២ បានទៅលើក្រុម ឥន្ទ្រីមាស ភូមិ៥ ដំឡឹង ទទួលបានមេដៃប្រាក់ចំនួន១៨គ្រឿង និងប្រាក់រង្វាន់ចំនួន៣.០០០.០០០៛។

*ចំណាត់ថ្នាក់លេខ៣ បានទៅលើក្រុមខ្លាសរ អូរយួន មកពីស្រុកស្ទឹងត្រង់ ទទួលបានប្រាក់រង្វាន់ចំនួន ២.០០០.០០០៛។

និងលេខបាន៤ បានទៅលើក្រុមអធិរាជ ស្ទឹងជិនីត ទទួលបានប្រាក់រង្វាន់ចំនួន១.០០០.០០០៛ផងដែរ។

ឯកឧត្តមស្លេះ ពុនយ៉ាមុីន ឧបត្ថម្ភឯកសណ្ឋានកីឡាបាល់ទាត់ជូនដល់ប្អូនៗក្រុមកីឡាយុវជនស.ស.យ.ក ឃុំព្រែកកក់ ស្រុកស្ទឹងត្រង់ ខេត្តកំពង់ចាម
=======
នាព្រឹកថ្ងៃទី៥ ខែឧសភា ឆ្នាំ២០២៦
ឯកឧត្តមស្លេះ ពុនយ៉ាមុីន សមាជិកក្រុម សមាជិកព្រឹទ្ធសភាប្រចាំភូមិភាគទី២ និងជាអនុប្រធានស.ស.យ.ក ខេត្តកំពង់ចាម បានឧបត្ថម្ភឯកសណ្ឋានកីឡាបាល់ទាត់ចំនួន១៨កំប្លេ ស្មើនឹងថវិកាចំនួន២០០$ដុល្លា ជូនដល់ប្អូនៗកីឡាបាល់ទាត់យុវជន ស.ស.យ.ក ឃុំព្រែកកក់ ស្រុកស្ទឹងត្រង់ សម្រាប់ការប្រកួតដណ្តើមពានរង្វាន់ “សហភាពសហព័ន្ធយុវជនកម្ពុជា ឃុំព្រែកកក់ រដូវកាលទី១ “ ស្ថិតនៅភូមិទួលពោធិ៍ ឃុំព្រែកក់ ស្រុកស្ទឹងត្រង់ ខេត្តកំពង់ចាម ។