ផែនសណ្តាប់ធ្នាប់ នៃស្នងការដ្ឋាននគរបាលខេត្តកំពង់ចាម

*សារគាំទ្រ*
*របស់កងកម្លាំងនគរបាលជាតិ ផែនការងារនគរបាលសណ្ដាប់ធ្នាប់ នៃស្នងការដ្ឋាននគរបាលខេត្តកំពង់ចាម*

យើងខ្ញុំទាំងអស់គ្នាជាកងកម្លាំងនគរបាលជាតិ ផែនការងារនគរបាលសណ្តាប់ធ្នាប់ នៃស្នងការដ្ឋាននគរបាលខេត្តកំពង់ចាម សូមប្រកាសជាឱឡាឬក គាំទ្រយ៉ាងពេញទំហឹងចំពោះការផ្ដួចផ្ដើមរបស់ *សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា* ក្នុងការធ្វើវិសោធនកម្មរដ្ឋធម្មនុញ្ញ និងច្បាប់ដែលមានការពាក់ព័ន្ធ ដើម្បីកំណត់ឲ្យ *ប្រធានព្រឹទ្ធសភា ប្រធានរដ្ឋសភា នាយករដ្ឋមន្ត្រី និងប្រធានក្រុមប្រឹក្សារដ្ឋធម្មនុញ្ញ នៃព្រះរាជាណាចក្រកម្ពុជា ត្រូវតែជាឥស្សរជន ដែលមានសញ្ជាតិខ្មែរតែមួយគត់*។
ជាការពិតណាស់ឥស្សរជននយោបាយគ្រប់រូប គឺជាថ្នាក់ដឹកនាំកំពូលរបស់ជាតិ ដែលទទួលខុសត្រូវចំពោះជោគវាសនា និងផលប្រយោជន៍របស់ជាតិខ្មែរ ហ៊ានលះបង់គ្រប់បែបយ៉ាង ដើម្បីបុព្វហេតុជាតិ និងប្រជាជនខ្មែរ។
គ្មានបរទេសណាច្បាស់ជាងខ្មែរ និងស្រឡាញ់ខ្មែរជាងខ្មែរស្រឡាញ់ខ្មែរខ្លួនឯងឡើយ។
ការផ្ដួចផ្ដើមប្រកបដោយឧត្តមគតិ ស្នេហាជាតិ និងប្រជាជនរបស់ *សម្ដេចតេជោ* បានធ្វើឱ្យយើងខ្ញុំជាកងកម្លាំងនគរបាលជាតិ ទទួលបាននូវភាពកក់ក្ដៅ និងមានមោទនភាពយ៉ាងក្រៃលែង ព្រមទាំងមានឆន្ទៈកាន់តែមោះមុតបន្ថែមទៀត ក្នុងការថែរក្សាការពារសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម ជាពិសេសការពារដាច់ខាតនូវរាជរដ្ឋាភិបាលស្របច្បាប់។
សូមគោរពជូនពរ *សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា* មានសុខភាពល្អបរិបូណ៍ កម្លាំងកាយពលាំងមាំមួន បន្តដឹកនាំនាវាកម្ពុជាឆ្ពោះទៅកាន់ត្រើយសុខសាន្តសំបូររុងរឿង។
សូម *សម្ដេចតេជោ* មេត្តាទទួលនូវគារវភក្ដីដ៏ខ្ពង់ខ្ពស់បំផុតអំពីយើងខ្ញុំ។

*ពីយើងខ្ញុំទាំងអស់គ្នាជាកងកម្លាំងនគរបាលជាតិ ផែនការងារនគរបាលសណ្ដាប់ធ្នាប់*

(កំពង់ចាម)ឆ្លើយតបទៅនឹងម្ចាស់Account Facebook Strong Love ដែលបានសរសេរលើបណ្តាញសង្គមពាក់ព័ន្ធការងាររៀបចំកែលំអរសោភណ្ឌភាពនិងសណ្ដាប់ធ្នាប់ផ្សារផ្អាវ អោយបានជ្រាបថាអាជ្ញាធរកំពុងតែធ្វើការយ៉ាងសស្រាក់សស្រាំ មិនមានថ្ងៃសៅរ៏ រឺថ្ងៃអាទិត្យឬឈប់សំរាកឡើយ ពាក់ព័ន្ធការងារសណ្តាប់ធ្នាប់នៅផ្សារផ្អាវនេះ ដូច្នេះសូមម្ចាស់គណនីខាងលើកុំចេះតែបង្ហោះសារនិងមើលតែមួយជ្រុងតូចនៃផ្ទះរបស់ខ្លួន តាមពិតអាជ្ញាធរបាននិងកំពុងធ្វើជាទូទៅក្នុងប្រជុំជនឃុំផ្អាវទាំងមូលដែលជាហេតុមិនអាចតំរូវលើបុគ្គលម្នាក់ឬក្រុមណាមួយនោះទេ សូមបងប្អូនមេត្តាមើលស្ថានភាពរួមពិសេស ម្ចាស់Acouneខ្លួនឯងសុំមើលការងាររបស់អាជ្ញាធរផងហាក់បីដូចបានជ្រែតជ្រែកលើកាងាររបស់អជ្ញាធរច្រើនពេកហើយ។
សូមបងប្អូនសាធារណៈជនមេត្តាតាមដានពីសកម្មភាពរបស់ក្រុមការងារដែលបាននិងកំពុងធ្វើដែលបានយកអស់កំលាំងកាយ ចិត្តដើម្បីមូលដ្ឋាននោះទាំងមូល។សូមមេត្តាចូលរួមនិងផ្ដល់កំលាំង ដើម្បីមូលដ្ឋានយើងមានភាពស្រស់ស្អាតនិងរស់ប្រកបដោយផាសុខភាពទាំងអស់គ្នា។

លិខិតបំភ្លឺ
ផែនការងារសណ្តាប់ធ្នាប់សូមធ្វើការបំភ្លឺជូនសាធារណៈជននិងអ្នកប្រើប្រាស់បណ្ដាញសង្គមមេត្តាបានជ្រាបថា៖ ករណីដែល Account Facebook ឈ្មោះ Chandan Prak បានបង្ហោះក្នុងបណ្តាញសង្គមFaceBook លើករណីគ្រោះថ្នាក់ចរាចរណ៍ហើយនគរបាលមិនយកចិត្តទុកដាក់នោះ ពុំមានៅក្នុងដែនសមត្ថកិច្ចរបស់នគរបាលខេត្តកំពង់ចាមយើងឡើយ សូមម្ចាស់Account បងប្អូនសាធារណៈជនមេត្តាកុំភន្ត័ច្រឡំ។
យើងខ្ញុំក៏សូមអរគុណចំពោះម្ចាស់Accountដែលបានផ្សាយពត៍មាននេះឡើង តែសូមមេត្តាបញ្ចេញពត៍មានពិតច្បាស់លាស់ ចៀសវាងយល់ច្រឡំនានាកើតមានឡើង។ពិសេសបងប្អូនប្រើប្រាស់បណ្ដាញសង្គមនានាមេត្តាពិនិត្យពិចារណាលើប្រភព និងសារប្រយោជន៍នៃពត៍មាននោះត្រឹមត្រូវមុនធ្វើការស៊ែចេញផ្សព្វផ្សាយ។
សូមអរគុណរាល់ការចូលរួមតាមដាននិងបញ្ចេញយោបល់ស្ថាបនានានាលើកិច្ចការងារសន្តិសុខសង្គម។

ជំរាបជូនសាធារណៈជននឹងម្ចាស់Account Facebook ឈ្មោះ Oudom Sreymom អោយបានជ្រាបថា៖
នៅថ្ងៃទី០៤ ខែតុលា ឆ្នាំ២០២០ វេលាម៉ោង១៦ៈ០០នាទី កំលាំងសណ្តាប់ធ្នាប់ខេត្តនិងស្រុកបាធាយ បានចុះរៀបចំសណ្តាប់ធ្នាប់អ្នកលក់ដូរអាណាធិបតេយ្យ តាមដងផ្លូវសម្តេចហ៊ុន សែនផ្សារផ្អាវ ទាំងអស់ ដោយមានគណកម្មាធិកាត្រឹមត្រូវ ដើម្បីរៀបចំទីតាំងខាងនោះអោយមានសណ្តាប់ធ្នាប់ល្អ ងាយស្រួលដល់ការធ្វើដំណើររបស់ប្រជាពលរដ្ឋ ដើម្បីកុំអោយមានកកស្ទះចរាចរណ៍។ដូច្នេះសូមអោយសាធារណៈជន នឹងអាជីវករនៅផ្សារផ្អាវទាំងអស់មានការយោគយល់ ចូលរួមសហការ នឹងសម្រួលឥរិយាបទ គោរពតាមការណែនាំរបស់អជ្ញាធរមូលអោយបានគ្រប់ៗគ្នា។

(កំពង់ចាម)ថ្ងៃទី១៩ ខែតុលា ឆ្នាំ២០២០
លោកស្នងការរង សោម រស់ ទទួលការងារផែនសណ្តាប់ធ្នាប់ បានទទួលអំណោយអំពីសប្បុរសជនរួមមាន៖
-អាវភ្លៀង ចំនួន៤០
-ឆ័ត្រធំចំនួន ចំនួន០៦
ដោយលោកបានបែងចែកជូនគោលដៅចំនួន០៣៖
១.គោលដៅគល់ស្ពានគីហ្សូណា
២.គោលដៅផ្សារព្រៃទទឹង
៣.គោលដៅរង្វង់មូលផ្សារស្គន់
ដោយសារអំណោយខាងលើមិនទាន់គ្រប់គ្រាន់សំរាប់បែងចែកជូនកងកំលាំងយើងដែលបំពេញការងារក្នុងរដូវភ្លៀងនេះ យើងខ្ញុំសូមអំពាវនាវដល់សប្បុរសជនដែលមានបំណងជួយឧបត្ថម្ភជាអាវភ្លៀង រឺសំភារៈសំរាប់ប្រើប្រាស់នារដូវភ្លៀងនេះសូមអញ្ជើញចូលរួមដោយសទ្ធាជ្រះថ្លា យើងខ្ញុំនឹងរងចាំទទួលដោយក្តីរីករាយ។
លេខទូរស័ព្ទទំនាក់ទំនង 012 939 086

(កំពង់ចាម)ថ្ងៃ២៧ ខែសីហា ឆ្នាំ២០២០
សមត្ថកិច្ចនគរបាលចរាចរណ៏ដែលធ្វើការលើដងផ្លូវគឺត្រូវត្រួតពិនិត្យលើយានយន្តគ្រប់ប្រភេទ មិនមែនឃាត់តែលើយានយន្តដែលដឹកគ្រឿងចក្រកសិកម្មដូច Account Facebook លោក Huy Ou Dom បានលើឡើងឡើយ នគរបាលចរាចរណ៏យើងត្រួតពិនិត្យលើយានយន្តណាដែល យើងពិនិត្យឃើញថាមិនសមស្របតាមលក្ខណៈបទដ្ឋានបច្ចេកទេស នឹងត្រួតពិនិត្យលើឯកសារដែលពាក់ពន្ធតែប៉ុណ្ណោះ ហើយពេលដែលត្រួតពិនិត្យចប់ មិនមានបទល្មើស នគរបាលយើងនឹងអោយបន្តដំណើរទៅជាធម្មតា។យើងខ្ញុំនឹងបន្តការស្រាវជ្រាវករណីនេះ៕

(កំពង់ចាម)យើងខ្ញុំសូមថ្លែងអំណរគុណដល់Account Face Book​ ឈ្មោះ​ Socheata Sok ដែលបានផ្តល់ពត៌មានអំពីបញ្ហាប្រឈមនិងកង្វល់ភាពកកស្ទះចរាចរណ៍ប្រជុំជនស្គន់ នឹងផ្សារព្រៃទទឹង​។ យេីងខ្ញុំបាននឹងកំពុងខិតខំរៀបចំសណ្តាប់ធ្នាប់ជាបន្តបន្ទាប់​ ដេីម្បីជៀសវៀងការកកស្ទះណាមួយ​៖ ១. ជាក់ស្តែងនៅទីតាំងរង្វង់មូលផ្សារស្គន់យេីងខ្ញុំកំពុងតែកសាងប៉ុស្តិ៍ប្រចាំការ២៤នៅទីតាំងនោះដេីម្បីត្រៀមចាំដោះស្រាយ​ នឹងជួយសម្រួលចរាចរជូនបងប្អូនដែលធ្វេីដំណេីរឆ្លងកាត់។ ២.ទីតាំងផ្សារផ្អាវក្រុមការងារយេីងខ្ញុំក៏កំពុងតែចុះអនុវត្តន៏ជាប្រចាំដេីម្បីរុះរេីសំណង់ដែលរំលោភយកចំណីផ្លូវសាធារណៈធ្វេីអាជីវកម្ម​ ដែលនាំអោយមានការកកស្ទះចរាចរ​ នឹងដេីម្បីអោយមានសណ្តាប់ធ្នាប់ល្អប្រសេីរឡេីង។ ៣.ទីតាំងផ្សារព្រៃទទឹងនិងស្គន់យើងបានធ្វើការរៀបចំកាត់តំរឹមសំរួលចំណីនិងចិញ្ចើមផ្លូវរួចរាល់ចប់គ្រប់ទីតាំងអស់ហើយកន្លងមក នឹងសម្រួលចរាចរណ៍រៀបចំរក្សាសណ្ដាប់ធ្នាប់ជាប់ជាប្រចាំ។ សំរាប់គោលទាំងពីរខាងលេីដែលលោកស្រី​ រឺ​ កញ្ញា​ កំពុងបារម្ភនោះកម្លាំងមានប្រចាំការជារៀងរាល់ថ្ងៃមិនថាថ្ងៃធម្មតា​ រឺថ្ងៃបុណ្យឡេីយ គឺត្រៀមចាំជួយសម្រួល​ ដោះស្រាយជូនបងប្អូនដែលធ្វេីដំណេីរឆ្លងកាត់មិនដែលអាក់ខានឡេីយ។ យេីងខ្ញុំក៏សូមថ្លែងអំណគុណដល់បងប្អូនប្រជាពលរដ្ឋទាំងអស់ដែលបានចូលរួមសហការកន្លងមកនិងសង្ឃឹមថាបងប្អូនបន្តចរួមថែមទៀត។

(កំពង់ចាម)នាព្រឹកថ្ងៃទី៣១ ខែកក្កដា ឆ្នាំ២០២០ ក្រុមការងារចំរុះដែលដឹកនាំដោយឯកឧត្តម អ៊ុំ ភឿនគុណវុឌ្ឍ ក្រោមការចង្អុលដឹកនាំផ្ទាល់របស់ឯកឧត្តម អ៊ុន ចាន់ដា អភិបាលខេត្តកំពង់ចាម។ ក្រុមការងារដែលដឹកនាំដោយឯកឧត្តម អ៊ុំ ភឿនគុណវុឌ្ឍ បានចុះអនុវត្តន៏ផ្ទាល់នៅតំបន់ប្រជុំជនផ្សារផ្អាវ ដែលស្ថិតនៅក្នុងស្រុកបាធាយ ចាប់តាំងពីថ្ងៃទី២៧ ខែកក្កដា ឆ្នាំ២០២០ មកដល់ថ្ងៃនេះរៀបរយបាន៨០%ហើយ ដោយមានការចូលរួមសហការពីម្ចាស់ផ្ទះ ម្ចាស់អាជីវកម្ម ក្នុងការអនុវត្តន៏ ដើម្បីរក្សាសុវត្ថិភាព សណ្តាប់ធ្នាប់ បរិស្ថានល្អ នៅក្នុងមូលដ្ឋានរបស់ពួកគាត់ និងអាចជៀសវាងបាននូវគ្រោះថ្នាក់ចរាចរណ៏ដែលអាចកើតមានជាយថាហេតុ។

(កំពង់ចាម)នៅថ្ងៃទី០៩ ខែកក្កដា ឆ្នាំ២០២០ នៅគោលដៅលើផ្លូវជាតិលេខ០៦ចន្លោះគីឡូម៉ែត្រលេខ74-75ចំណុចមុខអធិការដ្ឋាននគរបាលស្រុកជើងព្រៃ ក្នុងភូមិស្គន់ ឃុំសូទិព្វស្រុកជើងព្រៃខេត្តកំពង់ចាមកំលាំងជំនាញសណ្តាប់ធ្នាប់ចរាចរណ៍ស្រុកជើងព្រៃ ចំនួន០៧នាក់ សហការជាមួយអង្គការAIP ចំនួន០៩នាក់ ចុះអប់រំនិងចែកខិតបណ្ណដល់អ្នកបើកបរយានយន្តរួមមាន៖
-ខិតបណ្ណ ចំនួន០៤មុខស្មើ១៥០០សន្លឹក
-ឡាន ចំនួន៥០០
-ម៉ូតូ ចំនួន៤០០
-មនុស្សសរុប១៥០០នាក់

(កំពង់ចាម)នៅព្រឹកថ្ងៃទី០៩ ខែកក្កដា ឆ្នាំ២០២០ វេលាម៉ោង ៨:០០ នាទី លោកឧត្តមសេនីយ៍ត្រី សោម រស់ ស្នងការរងទទួលផែនការងារនគរបាលសណ្ដាប់ធ្នាប់ បានធ្វើការប្រជុំនៅ សាលាស្រុកកោះសូទិន ប្រជុំផ្សព្វផ្សាយដល់អ្នកអាជីវកម្មរកសុី ដឹកដី ថ្ម គ្រួស ខ្សាច់ និងម្ចាស់ដេប៉ូ និងប្រជុំដល់ផ្នែកជំនាញសណ្តាប់ធ្នាប់សាធារណះដល់មន្រ្តីនៃអធិការដ្ឋាននគរបាលស្រុកកោះសូទិន ផ្សព្វផ្សាយអំពីច្បាប់ចរាចរណ៍ផ្លូវគោក .ការងារសណ្តាប់ធ្នាប់ និងអនុក្រឹតលេខ ៣៩ អនក្រ ប.ក ថ្មី ដល់អ្នកបើកបររថយន្តធ្វើអាជីវកម្មរកសុី ដឹកដី ថ្ម គ្រួស ខ្សាច់ និង ម្ចាស់ដេប៉ូ នៅស្រុកកោះសូទិន។
សមាសភាពអញ្ជើញ:លោក អភិបាលស្រុកកោះសូទិន លោកប្រធាន ការិយាល័យ សេដ្ឋកច្ចិ លោក អធិការរង លោកនាយ-នាយរងផ្នែកសណ្តាប់ធ្នាប់ និង ម្ចាស់អាជីវកម្មរកសុីដឹកដី ថ្ម គ្រួស ខ្សាច់ និងម្ចាស់ដេប៉ូ ចំនួន ៤១នាក់ ស្រី០២នាក់ នៅស្រុកកោះសូទិន។

(កំពង់ចាម)ស្រុកបាធាយ: នៅព្រឹកវេលាម៉ោង ៧:៣០ នាទី លោកឧត្តមសេនីយ៍ត្រី សោម រស់ ស្នងការរងទទួលផែនការងារសណ្ដាប់ធ្នាប់ បានដឹកនាំជំនាញចុះផ្សព្វផ្សាយអំពីច្បាប់ចរាចរណ៍ផ្លូវគោក , ការងារសណ្តាប់ធ្នាប់ និងអនុក្រឹតលេខ ៣៩ អនក្រ ប.ក ថ្មី ដល់អ្នកបើកបររថយន្ដដឹកកម្មកររោងចក្រ លី ឈាងខប ចំនួន ១៨នាក់ និងអ្នកបើកបររថយន្តធ្វើអាជីវកម្មដឹក ថ្ម គ្រោះនិង ខ្សាច់ ក្នុងស្រុកបាធាយ ចំនួន25នាក់ ។