ទូរទស្សន៍ជាតិ ខេត្តកំពង់ចាម-Kampong Cham National TV

គណៈកម្មាធិការពិគ្រោះយោបល់កិច្ចការស្រ្តី និងកុមារ ខេត្តកំពង់ចាម បើកកិច្ចប្រជុំសាមញ្ញលើកទី២៣ អាណត្តិទី៤

គណៈកម្មាធិការពិគ្រោះយោបល់កិច្ចការស្រ្តី និងកុមារ ខេត្តកំពង់ចាម បើកកិច្ចប្រជុំសាមញ្ញលើកទី២៣ អាណត្តិទី៤ ក្រោមអធិបតីភាព លោកជំទាវ អៀម វណ្ណី ប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារ ខេត្តកំពង់កំពង់ចាម នាព្រឹកថ្ងៃទី០៤ខែមិថុនា ឆ្នាំ២០២៦ នៅសាលប្រជុំសាលាខេត្ត។

កិច្ចប្រជុំនេះក៏មានការអញ្ជើញចូលរួមពីសំណាក់ លោកជំទាវ ជាន ឡេងទៀងអនុប្រធាន គ.ក.ស.ក ខេត្ត ព្រមទាំងលោក លោកស្រីប្រធានមន្ទីរ តំណាងមន្ទីរ អង្គភាពពាក់ព័ន្ធផងដែរ។

លោកជំទាវ អៀម វណ្ណី ប្រធានគណៈកម្មាធិការពិគ្រោះ យោបល់កិច្ចការស្ត្រី និងកុមារខេត្តកំពង់ចាមបានមាន ប្រសាសន៏ថា កិច្ចប្រជុំនាពេលនេះ ពិតជាមានសារៈសំខាន់ ចំពោះ ការសិក្សាលើភាពខ្វះចន្លោះនៃច្បាប់ និងការអនុវត្ត បញ្ហាប្រឈមដែលរាំងស្ទះដល់ប្រសិទ្ធភាព នៃការអនុវត្ត និង ការតាក់តែងនូវឯកសារសម្រាប់កិច្ចប្រជុំ ពិសេសគឺធ្វើឡើង ដើម្បីស្វែងរកនូវចំនុចខ្វះខាត ដោយសមាជិកដែលចូលរួម ទាំងអស់ អាចលើកឡើងក្នុងអង្គប្រជុំ ធ្វើយ៉ាងណាកែលម្អរ អោយកាន់តែប្រសើរឡើង សម្រាប់ទុកជាឯកសារដ៍ល្អទាំង អក្ខរាវិរុទ្ធ ឃ្លោងឃ្លា ខ្លឹមសារពោរពេញដោយអត្ថន័យ។

សូមជម្រាបថា កិច្ចប្រជុំសាមញ្ញលើកទី២៣ អាណត្តិទី៤ របស់ គណៈកម្មាធិការពិគ្រោះយោបល់កិច្ចការស្ត្រី និងកុមារ ខេត្ត កំពង់ចាម មានរបៀបវារៈដូចខាងក្រោម៖

-របៀបវារៈទី១: ពិនិត្យ និងអនុម័ត លើសេចក្តីព្រាងកំណត់ហេតុកិច្ចប្រជុំ សាមញ្ញលើកទី២២ របស់គណៈកម្មាធិការពិគ្រោះយោបល់កិច្ចការ ស្ត្រី និងកុមារ ខេត្ត អាណត្តិទី៤ ។

-របៀបវារៈទី២: ពិនិត្យ ពិភាក្សានិងអនុម័តលើសេចក្តីព្រាងរបាយការណ៍សកម្មភាពប្រចាំខែឧសភា របស់គណៈកម្មាធិកាពិគ្រោះយោបល់កិច្ចការស្ត្រី និងកុមារ ខេត្ត អាណត្តិទី៤។

-របៀបវារៈទី៣: បញ្ហាផ្សេងៗសេចក្តីជូនដំណឹងស្តីពីកាលបរិច្ឆេទនិងទីកន្លែងសំរាប់កិច្ចប្រជុំសាមញ្ញលើកទី២៤និងមតិបិទអង្គប្រជុំ ។

ឯកឧត្តម អ៊ុន ចាន់ដា ដឹកនាំកិច្ចប្រជុំក្រុមការងារលេខាធិការដ្ឋាន នៃគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តកំពង់ចាម

កំពង់ចាម៖ ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា (អ.ន.ក) ខេត្តកំពង់ចាម នាព្រឹកថ្ងៃទី០៤ ខែមិថុនា ឆ្នាំ២០២៦ បានអញ្ជើញជាអធិបតីភាពដ៏ខ្ពង់ខ្ពស់ក្នុង កិច្ចប្រជុំក្រុមការងារលេខាធិការដ្ឋាន នៃគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តកំពង់ចាម ។

កិច្ចប្រជុំនេះត្រូវបានរៀបចំឡើងនៅ អគារសមាគមអតីតយុទ្ធជន និងនិវត្តជនកម្ពុជា ខេត្តកំពង់ចាម ដោយមានការអញ្ជើញចូលរួមពីសំណាក់ លោកអភិបាលរងខេត្ត និងសមាជិក សមាជិកា នៃក្រុមការងារលេខាធិការដ្ឋាន អ.ន.ក ខេត្តជាច្រើនរូបទៀត។

នាឱកាសនោះ ឯកឧត្តម អ៊ុន ចាន់ដា បានសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមការងារលេខាធិការដ្ឋាន អ.ន.ក ខេត្ត ព្រមទាំងអាជ្ញាធរពាក់ព័ន្ធទាំងអស់ ដែលបានយកចិត្តទុកដាក់បំពេញភារកិច្ចនាពេលកន្លងមក។

ឯកឧត្តម បន្តថាដើម្បីឱ្យការងារនេះកាន់តែមានប្រសិទ្ធភាពខ្ពស់បន្ថែមទៀត ឯកឧត្តមប្រធានគណៈកម្មាធិការ បានដាក់ចេញនូវគោលការណ៍ណែនាំសំខាន់ៗដូចខាងក្រោម៖
១. ពង្រឹងការគ្រប់គ្រងទិន្នន័យ៖ ត្រូវបន្តធ្វើបច្ចុប្បន្នភាពទិន្នន័យសមាជិកអតីតយុទ្ធជន និងនិវត្តជនឱ្យបានច្បាស់លាស់ និងត្រឹមត្រូវបំផុត ដើម្បីងាយស្រួលក្នុងការគ្រប់គ្រង និងផ្តល់ការគាំទ្រ។
២. យកចិត្តទុកដាក់លើជីវភាពរស់នៅ៖ ត្រូវចុះពិនិត្យ និងតាមដានសុខទុក្ខរបស់បងប្អូនអតីតយុទ្ធជនដល់មូលដ្ឋាន ជាពិសេសគ្រួសារដែលមានជីវភាពខ្វះខាត ឬជួបការលំបាកខ្លាំង ដើម្បីផ្តល់ជំនួយឧបត្ថម្ភ និងសាងសង់ផ្ទះមនុស្សធម៌ជូនបានទាន់ពេលវេលា។
៣. បង្កើនកិច្ចសហការ៖ គ្រប់ផ្នែកពាក់ព័ន្ធទាំងអស់ ត្រូវសហការគ្នាឱ្យបានស្អិតរមួត និងមានស្មារតីទទួលខុសត្រូវខ្ពស់ ក្នុងការអនុវត្តគោលនយោបាយរបស់រាជរដ្ឋាភិបាល ក្នុងការគិតគូរពីសុខុមាលភាព និងលើកកម្ពស់កម្រិតជីវភាពរបស់បងប្អូនអតីតយុទ្ធជន ដែលជាអ្នកមានគុណបំណាច់ចំពោះជាតិមាតុភូមិ។

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ផ្ញើសារលិខិតជូនពរ សូមគោរពជូន ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងឱកាសពិធីចម្រើនជន្មាយុគម្រប់៤៤ ឈានចូល៤៥ឆ្នាំ នៅថ្ងៃទី៤ ខែមិថុនា ឆ្នាំ២០២៦