រដ្ឋបាលខេត្តកំពង់ឆ្នាំង

នៅព្រឹកថ្ងៃទី៤ ខែមិថុនា ឆ្នាំ២០២៦ នៅសាលប្រជុំសាលាខេត្តកំពង់ឆ្នាំង បានតៀបចំកិច្ចប្រជុំសាមញ្ញលើកទី២៤ អាណត្តិទី៤ របស់ក្រុមប្រឹក្សាខេត្តកំពង់ឆ្នាំង ក្រោមអធិបតីភាព ឯកឧត្តម សុីវ រុន ប្រធានក្រុមប្រឹក្សាខេត្ត និងលោក ឈឹម វុទ្ធា អភិបាលរង តំណាងឯកឧត្តម ស៊ុន សុវណ្ណារិទ្ធិ អភិបាលខេត្ត ដោយមានការចូលរួមពី ឯកឧត្តម លោកជំទវសមាជិកក្រុមប្រឹក្សាខេត្ត នាយករងរដ្ឋបាលសាលាខេត្ត ថ្នាក់ដឹកនាំមន្ទីរអង្គភាពជុំវិញខេត្ត កងកម្លាំងទាំងបី អាជ្ញាធរក្រុង ស្រុក តំណាងអង្កការសង្គមសុីវិល រួមនឹងមន្រ្តីការិយាល័យចំណុះសាលាខេត្តផងដែរ ។

កិច្ចប្រជុំបានពិនិត្យ និងអនុម័តសេចក្តីព្រាងរបៀបវារ:ដូចខាងក្រោម៖
-របៀបវារ:កិច្ចប្រជុំសាមញ្ញលើកទី២៤ របស់ ក្រុមប្រឹក្សាខេត្តកំពង់ឆ្នាំង អាណត្តិទី៤
-កំណត់ហេតុកិច្ចប្រជុំសាមញ្ញលើកទី២៣ របស់ ក្រុមប្រឹក្សាខេត្តកំពង់ឆ្នាំង អាណត្តិទី៤
-របាយការណ៍បូកសរុបលទ្ធផលការងារប្រចាំខែឧសភា ឆ្នាំ២០២៦ និងបញ្ហាផ្សេងៗ ។

នៅថ្ងៃទី៣ ខែមិថុនា ឆ្នាំ២០២៦លោកឈឹម វុទ្ធា អភិបាលរងខេត្ត បានអមដំណើរ ឯកឧត្តម ប៉ាវ ហមផាន រដ្ឋលេខាធិការក្រសួងមហាផ្ទៃ អញ្ជើញចុះពិនិត្យការងារអត្តសញ្ញាណកម្ម ជាមួយកំលាំងអធិការដ្ឋាន នគរបាលស្រុកកំពង់ត្រឡាច លើការចុះបញ្ជី អត្តសញ្ញាណកម្មពលរដ្ឋ ការចុះបញ្ជីស្នាក់នៅ សៀវភៅគ្រួសារ អត្តសញ្ញាណបណ្ណពលរដ្ឋ នៅប៉ុស្តិ៍នគរបាលរដ្ឋបាលឃុំកំពង់ត្រឡាច ស្រុកកំពង់ត្រឡាច។

អនុក្រឹត្យ ស្តីពី សេវាអត្តសញ្ញាណកម្ម ដែលមិនតម្រូវឱ្យបង់កម្រៃសេវា និងតម្រូវឱ្យបង់កម្រៃសេវា។

អនុក្រឹត្យនេះមានគោលបំណងកំណត់ប្រភេទសេវាអត្តសញ្ញាណកម្ម ដែលមិនតម្រូវឱ្យបង់កម្រៃសេវា និងតម្រូវឱ្យបង់កម្រៃសេវា ដើម្បីធានាដល់ការផ្តល់សេវាសាធារណៈប្រកបដោយប្រសិទ្ធភាព ស័ក្តិសិទ្ធភាព តម្លាភាព និងគណនេយ្យភាព និងការប្រមូលចំណូលមិនមែនសារពើពន្ធ សម្រាប់ជាគុណប្រយោជន៍ដល់ ថវិកាជាតិ ។

#ហ៊ុនម៉ាណែត #កម្ពុជា #សន្តិភាពនៅកម្ពុជា

ថ្ងៃទី៣ ខែមិថុនា ឆ្នាំ២០២៦ គណកម្មការទី៧ នៃរដ្ឋភា ដឹកនាំដោយឯកឧត្តម ប៉ា សុជាតិវង្ស ប្រធានគណៈកម្មការ បានដឹកនាំប្រតិភូគណកម្មការ ចុះពិនិត្យនិងសិក្សាស្វែងយល់អំពីដំណើរការ វិស័យចំនួន៤ វិស័យអប់រំ ធម្មការ សាសនា វប្បធម៌ និងទេសចរណ៍

ដោយទទួលនូវបដិសណ្ឋារកិច្ចយ៉ាងជ្រាលជ្រៅបំផុតពីសំណាក់ ឯកឧត្តម ស៊ីវ រុន ប្រធានក្រុមប្រឹក្សាខេត្ត និង លោក អម សុភា អភិបាលរងខេត្តកំពង់ឆ្នាំង និងថ្នាក់ដឹកនាំ មន្រ្តីជំនាញ វិស័យទាំង៤ ព្រមទាំងរដ្ឋបាលក្រុង ស្រុកទាំង៨។

រសៀលថ្ងៃទី៣ ខែមិថុនា ឆ្នាំ២០២៦ លោកអម សុភា អភិបាលរងខេត្ត បានដឹកនាំក្រុមការងារពាក់ព័ន្ធជួបប្រជុំពិភាក្សាការងារជាមួយប្រតិភូ គ ជ អ ប រួមនឹង GIZ។

ថ្ងៃទី៣ ខែមិថុនា ឆ្នាំ២០២៦ លោកស្រី ប៊ន សុភី អភិបាលរងខេត្តកំពង់ឆ្នាំង អញ្ជើញជាអធិបតី ខួបអនុស្សាវរីយ៍លើកទី៧៧ ទិវាកុមារអន្តរជាតិ ១មិថុនា ឆ្នាំ២០២៦ ក្រោមប្រធានបទ "សន្តិភាព ជាមូលដ្ឋានគ្រឹះនៃការគោរព និងកិច្ចគាំពារសិទ្ធិកុមារ" និងទិវាពិភពលោកប្រឆាំងពលកម្មកុមារ ១២មិថុនា ក្រោមប្រធានបទ "ប្តេជ្ញាលុបបំបាត់ទម្រង់ធ្ងន់ធ្ងរនៃពលកម្មកុមារនៅគ្រប់ខ្សែច្រវាក់ផលិតកម្ម ដើម្បីកសាងភាពធន់ និងការងារសមរម្យ"

ដោយមានការចូលរួមពីអាជ្ញាធរស្រុក ឃុំ លោកគ្រូ អ្នកគ្រូ ព្រមទាំងអាណាព្យាបាលសិស្សានុសិស្សជាច្រើន នៅវិទ្យាល័យ ប៊ុន រ៉ានី ហ៊ុនសែន រលាប្អៀរ។

ថ្ងៃទី៣ មិថុនា ២០២៦ ឯកឧត្តមស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានអញ្ជើញចូលរួមពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្តកំពង់ធំ ក្រោមអធិបតីភាពដ៏ខ្ពង់ខ្ពស់បំផុត សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា។

នៅថ្ងៃទី១ ខែមិថុនា ឆ្នាំ២០២៦ លោក ជា សុខរិទ្ធិ អភិបាលរងខេត្តកំពង់ឆ្នាំង បានដឹកនាំកម្លាំងចម្រុះ ចុះពិនិត្យនិងទប់ស្កាត់ការចាក់ដីនិង​សាងសង់សំណង់រឹង នៅតំបន់ហាមឃាត់ ក្នុងឃុំឆ្នុកទ្រូ ស្រុកបរិបូណ៌ ។

នៅថ្ងៃទី០២ ខែមិថុនា ឆ្នាំ២០២៦ លោក ឈឹម វុទ្ធា អភិបាល
រងខេត្តកំពង់ឆ្នាំង បានអញ្ជើញ​ចូលរួមវេទិកាពិភាក្សាមហាអនុតំបន់មេគង្គ ស្តីពីយុទ្ធនាការប្រឆាំងព័ត៌មានក្លែងក្លាយ ក្រោមប្រធានបទ «ការកសាងទំនុកចិត្តក្នុងតំបន់ ភាពធន់នឹងប្រព័ន្ធឌីជីថល និងការចែករំលែកព័ត៌មានប្រកបដោយការទទួលខុសត្រូវ»
នៅសណ្ឋាគារ Sun & Moon Riverside រាជធានីភ្នំពេញ ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ៕

នៅថ្ងៃទី១ ខែមិថុនា ឆ្នាំ២០២៦ ឯកឧត្តមស៊ុន សុវណ្ណារិទ្ធិ អភិបាលខេត្ត​កំពង់ឆ្នាំង បានអញ្ជើញ​ចូលរួមពិធីចុះហត្ថលេខាលើផែនទីព្រំប្រទល់រដ្ឋបាលឃុំ-សង្កាត់ ក្នុងភូមិសាស្ត្រខេត្តកំពង់ចាម ក្រោមអធិបតីភាពឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ។