រដ្ឋបាលស្រុកកំពង់ត្រឡាច

ថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ ក្រុមហ៊ុនលង្វែកបៃតង បានប្រមូល និងដឹកជញ្ជូនសំរាមសំណល់រឹងទីប្រជុំជនស្រុកកំពង់ត្រឡាច ដោយប្រើឡានកៀប ចំនួន ៣គ្រឿង ប្រមូលបាន ៧ជើង ស្មើប្រមាណ ជាង ១៧.៥​ តោន៕

--------------
https://group.coolapp.chat/ -WGxNO70x9b4eqvi-ni0tnsxh4H4keqbu5i3hfE8RwEhBTURFZsfOv5VR0N4jCmHTL

http://t.me/KTL168

ឯកឧត្តមបណ្ឌិត ហ៊ឺ វីរៈ អញ្ជើញជួបសំណេះសំណាលសួរសុខទុក្ខ វីរកងទ័ពនិងគ្រួសារវីរកងទ័ពជួរមុខ នៅឃុំលង្វែក ស្រុកកំពង់ត្រឡាច ខេត្តកំពង់ឆ្នាំង

ថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦ ឯកឧត្តមបណ្ឌិត ហ៊ឺ វីរៈ អ្នកតំណាងរាស្ត្រមណ្ឌលខេត្តកំពង់ឆ្នាំង រួមជាមួយក្រុមការងារ​អមដំណើរដោយរដ្ឋបាលឃុំលង្វែក បានអញ្ជើញជួបសំណេះសំណាល សួរសុខទុក្ខវីរកងទ័ព និងគ្រួសារវីរកងទ័ពជួរមុខ ចំនួន ៣គ្រួសារ នៅភូមិបឹងកក់ ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។

ឯកឧត្តមបណ្ឌិត បានពាំនាំនូវប្រសាសន៍ផ្ដាំផ្ញើ និងសេចក្ដីនឹករលឹករបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា សម្តេចរដ្ឋសភាធិការធិបតី ឃួន សុដារី ប្រធានរដ្ឋសភា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង នៃព្រះរាជាណាចក្រកម្ពុជា ដែលតែងតែយកចិត្តទុកដាក់គិតគូរពីសុខទុក្ខ និងជីវភាពរស់នៅរបស់បងប្អូនយុទ្ធជនដែលកំពុងឈរជើងនៅជួរមុខ និងក្រុមគ្រួសារ ព្រោះបងប្អូនយុទ្ធជន បានបូជាសាច់ស្រស់ ឈាមស្រស់ ដើម្បីការពារបូរណភាពទឹកដីជូនជាតិ មាតុភូមិ និងជួយឱ្យប្រទេសជាតិយើងមានសុខសន្តិភាព។

ជាមួយគ្នានោះ ឯកឧត្តមបណ្ឌិត បានកោតសរសើរដល់ក្រុមគ្រួសារវីរៈកងទ័ពដែលបានអនុញ្ញាតឱ្យក្រុមគ្រួសារដែលត្រូវជាស្វាមី ជាកូន ជាបងប្អូនទៅធ្វើជាកងទ័ពដើម្បីការពារជាតិមាតុភូមិ ព្រមទាំងថ្នាក់ដឹកនាំចុះមូលដ្ឋានស្រុក ឃុំ នឹងនៅតែបន្តយកចិត្តទុកដាក់ចំពោះវីរកងទ័ពជួរមុខ និងក្រុមគ្រួសារជានិច្ច។

ជាចុងបញ្ចប់ ឯកឧត្តម​បណ្ឌិត បាននាំវត្ថុកំដរដៃមកជូនគ្រួសារវីរកងទ័ពជួរទាំង ៣ គ្រួសារ មួយគ្រួសារទទួលបាន អង្ករ ២៥គីឡូក្រាម មី ១កេស ប្រេងឆា ១ដប ទឹកត្រី ១យួរ ទឹកស៊ីអុីវ ១យួរ និងថវិកាមួយចំនួនជូនដល់កូនស្រីវីរៈកងទ័ពដែលកំពុងមានជំងឺមហារី ជូនថវិកាចាស់ជរា នូវថវិកាមួយចំនួន រដ្ឋបាលឃុំក៏បានឧបត្ថម្ភថវិកាបន្ថែម​ជូនដល់គ្រួសារកងទ័ពជួរមុខទាំង ៣គ្រួសារផងដែរ៕

--------------
https://group.coolapp.chat/ -WGxNO70x9b4eqvi-ni0tnsxh4H4keqbu5i3hfE8RwEhBTURFZsfOv5VR0N4jCmHTL

http://t.me/KTL168

នាព្រឹកថ្ងៃសៅរ៍ ១៤កើត ខែជេស្ឋ ឆ្នាំមមី
អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦ លោក ព្រំ ប៊ុនធឿន អភិបាលរងស្រុកកំពង់ត្រឡាច តំណាង លោក វន ស៊ីផា អភិបាលស្រុក បានដឹកនាំក្រុមការងារដោះស្រាយទំនាស់ និងសំណូមពរថ្នាក់ស្រុក រួមទាំងអាជ្ញាធរដែលពាក់ព័ន្ធ ចុះពិនិត្យវាស់វែង និងបោះបង្គោលព្រំដី ជាក់ស្តែងស្ថិតនៅភូមិអន្លង់ត្នោត ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង តាមការព្រមព្រៀងរបស់ភាគីទាំងពីរចុះថ្ងៃទី២១ ខែឧសភា ឆ្នាំ២០២៦ នៅរដ្ឋបាលខេត្តកំពង់ឆ្នាំង ក្រោមការដឹកនាំសម្រុះសម្រួលរបស់ លោក ឈិន សេងងួន អភិបាលរងខេត្តកំពង់ឆ្នាំង តំណាងដ៏ខ្ពង់ខ្ពស់ ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង៕

សូមចូលរួមអបអរសាទរជូនចំពោះ លោកស្រី យន វៃ នាយករងរដ្ឋបាលសាលាស្រុកកំពង់ត្រឡាច ត្រូវបានថ្នាក់ដឹកនាំផ្តល់សេចក្តីទុកចិត្ត តែងតាំងជា នាយករដ្ឋបាលសាលាស្រុកកំពង់ត្រឡាច

សូម លោកស្រី យន វៃ និងស្វាមី ព្រមទាំងក្រុមគ្រួសារ សូមទទួលបាននូវព្រះពុទ្ធពរទាំង៤ប្រការ គឺ អាយុ វណ្ណៈ សុខៈ និងពលៈកុំបីឃ្លៀងឃ្លាតឡើយ៕

--------------
https://group.coolapp.chat/ -WGxNO70x9b4eqvi-ni0tnsxh4H4keqbu5i3hfE8RwEhBTURFZsfOv5VR0N4jCmHTL

http://t.me/KTL168

សូមគោរពចូលរួមអបអរសាទរជូនចំពោះ លោក សុខ ចំរើន នាយករងរដ្ឋបាលសាលាស្រុកកំពង់ត្រឡាច ត្រូវបានថ្នាក់ដឹកនាំផ្តល់សេចក្តីទុកចិត្ត តែងតាំងជា អភិបាលរងនៃគណៈអភិបាលស្រុកកំពង់ត្រឡាច។

សូម លោក សុខ ចំរើន និងភរិយា ព្រមទាំងក្រុមគ្រួសារ សូមទទួលបាននូវព្រះពុទ្ធពរទាំង៤ប្រការ គឺ អាយុ វណ្ណៈ សុខៈ និងពលៈកុំបីឃ្លៀងឃ្លាតឡើយ៕

--------------
https://group.coolapp.chat/ -WGxNO70x9b4eqvi-ni0tnsxh4H4keqbu5i3hfE8RwEhBTURFZsfOv5VR0N4jCmHTL

http://t.me/KTL168

នាព្រឹកថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ លោក វន ស៊ីផា អនុប្រធានអចិន្ត្រៃយ៍ក្រុមការងាររាជរដ្ឋាភិបាលចុះមូលដ្ឋានស្រុក ប្រធានលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋានស្រុក និងជាអភិបាល នៃគណ:អភិបាលស្រុក បានចាត់ឲ្យលោក សាយ ប៊ុនថេង អភិបាលរងស្រុក អនុប្រធានក្រុមលេខាធិការដ្ឋានថ្នាក់ស្រុក បានដឹកនាំសមាជិកក្រុមលេខាធិការដ្ឋានថ្នាក់ស្រុក ចូលរួមកិច្ចប្រជុំផ្សព្វផ្សាយរបាយការណ៍បូកសរុបសកម្មភាព និងលទ្ធផលការងារចុះមូលដ្ឋានប្រចាំឆ្នាំ២០២៥ និងទិសដៅការងារបន្តឆ្នាំ២០២៦ នៅសាលប្រជុំសាលាស្រុកកំពង់ត្រឡាច តាមប្រព័ន្ធ zoom នៅសាលប្រជុំសាលាស្រុកកំពង់ត្រឡាច ក្រោមអធិបតីភាពឯកឧត្តម សក់ សេដ្ឋា ទេសរឌៃ្ឋមន្ត្រី រដ្ឋមន្ត្រីទទួលបន្ទុកបេសកកម្មពិសេស និងជាប្រធានលេខាធិការដ្ឋាន ក.រ.ម។

--------------
https://group.coolapp.chat/ -WGxNO70x9b4eqvi-ni0tnsxh4H4keqbu5i3hfE8RwEhBTURFZsfOv5VR0N4jCmHTL

http://t.me/KTL168

ឯកឧត្ដមបណ្ឌិត ហ៊ឺ វីរៈ តំណាងលោកជំទាវបណ្ឌិតសភាចារ្យ ភឿង សកុណា អញ្ជើញសួរសុខទុក្ខ ឯកឧត្តម សំរាំង កំសាន្ត ទីប្រឹក្សារាជរដ្ឋាភិបាលកម្ពុជា និងជាអតីតរដ្ឋលេខាធិការក្រសួងវប្បធម៌និងវិចិត្រសិល្បៈ

នារសៀលថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ ឯកឧត្តមបណ្ឌិត ហ៊ឺ វីរៈ ប្រធាននាយកដ្ឋានជំរុញចលនាវប្បធម៌ សាសនា និងប្រវត្តិសាស្ត្រ និងជាប្រធានក្រុមការងារសហភាពសហព័ន្ធយុវជនកម្ពុជាវិស័យវប្បធម៌និងវិចិត្រសិល្បៈ តំណាងលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ បានអញ្ជើញសួរសុខទុក្ខ ឯកឧត្តម សំរាំង កំសាន្ត ទីប្រឹក្សារាជរដ្ឋាភិបាលកម្ពុជា និង ជាអតីតរដ្ឋលេខាធិការក្រសួងវប្បធម៌និងវិចិត្រសិល្បៈ។

ឯកឧត្ដមបណ្ឌិត បានមានប្រសាសន៍ផ្តាំផ្ញើសួរសុខទុក្ខពីសំណាក់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកជំទាវបណ្ឌិតសភាចារ្យ ដល់ឯកឧត្តម សំរាង កំសាន្ត ផងដែរ។ នាឱកាសនោះឯកឧត្តមបណ្ឌិត បានថ្លែងអំណរគុណចំពោះ ឯកឧត្តម សំរាង កំសាន្ត ដែលបានចំណាយពេលវេលា និងកម្លាំងកាយចិត្តបំពេញភារកិច្ចបម្រើស្ថាប័ន នឹងរួមចំណែកយ៉ាងសកម្មក្នុងការដឹកនាំ ថែរក្សា និងលើកស្ទួយវិស័យវប្បធម៌ សិល្បៈប្រពៃណី និងអត្តសញ្ញាណជាតិខ្មែរអស់រយៈពេលច្រើនឆ្នាំកន្លងមកនេះ។ ស្នាដៃ និងបទពិសោធន៍ដ៏មានតម្លៃរបស់លោកនឹងនៅតែជាគំរូដ៏ល្អសម្រាប់មន្ត្រីជំនាន់ក្រោយ។ ក្នុងនោះដែរ ឯកឧត្តមបណ្ឌិត ក៏បាននាំយកថវិកាមួយចំនួនរបស់ លោកជំទាវបណ្ឌិតសភាចារ្យ ភឿង សកុណា និងផ្លែឈើមួយកន្ត្រកជូនដល់ឯកឧត្តមផងដែរ៕

--------------
https://group.coolapp.chat/ -WGxNO70x9b4eqvi-ni0tnsxh4H4keqbu5i3hfE8RwEhBTURFZsfOv5VR0N4jCmHTL

http://t.me/KTL168

ថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦ ក្រុមហ៊ុនលង្វែកបៃតង បានប្រមូល និងដឹកជញ្ជូនសំរាមសំណល់រឹងទីប្រជុំជនស្រុកកំពង់ត្រឡាច ដោយប្រើឡានកៀប ចំនួន ២គ្រឿង ប្រមូលបាន ៤ជើង ស្មើប្រមាណ ជាង ១៥០ តោន៕

--------------
https://group.coolapp.chat/ -WGxNO70x9b4eqvi-ni0tnsxh4H4keqbu5i3hfE8RwEhBTURFZsfOv5VR0N4jCmHTL

http://t.me/KTL168