គូរ ដារា Kou Dara

#ស្រុកកំពង់ត្រឡាចខេត្តកំពង់ឆ្នាំង
ថ្ងៃសុក្រ ៩កើត ខែអាសាឍ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ៤ ខែកក្កដា ឆ្នាំ២០២៥ អនុវត្តតាមការណែនាំពីលោកគូរ ដារា ប្រធាន ច.យ.ក (ក្រុម១៥៧) សាខាខេត្តកំពង់ឆ្នាំង លោកនាង ស្រៀន ជាតំណាងលោក ស្រ៊ុន ជីម ប្រធាន ច.យ.ក (ក.១៥៧) ស្រុកកំពង់ត្រឡាច ដោយមានការចូលរួមពី លោក សំ សារឿន លោក ប្រាក់ សង្ហា លោក ង៉ូវទ្រី សមាជិក ច.យ.ក (ក.១៥៧) ស្រុកកំពង់ត្រឡាច បាននាំយកគ្រឿងអគ្គីសនីកណ្តឹងរោមួយឈុត នឹង កង្ហាចំនួន១២គ្រឿង (គិតជាទឹកប្រាក់ ៦០០,០០០ ៛ ) ជូនទៅវិទ្យាល័យទឹកហូត នៅភូមិទឹកហូត ឃុំទឹកហូត ស្រុករលាប្អៀរ ខេត្តកំពង់ឆ្នាំង។ លោក នូ សីហា នាយកវិទ្យាល័យទឹកហូត បានថ្លែងអំណរគុណដល់ ចលនាយុវជនកម្ពុជា (ក្រុម ១៥៧) ស្រុកកំពង់ត្រឡាច ដែលបានជួយគ្រឿងអគ្គីសនីដល់សាលាផងដែរ។

#ញត្តិគាំទ្ររបស់សមាគមចលនាយុវជនកម្ពុជា(ក្រុម១៥៧)សាខាខេត្តកំពង់ឆ្នាំង

សមាគមចលនាយុវជនកម្ពុជា(ក្រុម១៥៧)សាខាខេត្តកំពង់ឆ្នាំង សូមប្រកាសជាឱឡារិកគាំទ្រយ៉ាងពេញទំហឹងទាំងស្រុងចំពោះប្រសាសន៍ ដ៏ថ្លៃថ្លាម៉ឺងម៉ាត់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅក្នុងអង្គសមាជរដ្ឋសភា និងព្រឹទ្ធសភា នាព្រឹកថ្ងៃទី២ ខែមិថុនា ឆ្នាំ២០២៥នេះ ក្នុងការរកដំណោះស្រាយបញ្ហាព្រំដែនរវាង ប្រទេសកម្ពុជា និងថៃ ដើម្បីថែរក្សាការពារនូវដែនអធិបតេយ្យភាពរបស់កម្ពុជា និងសូមប្រកាសគាំទ្រជាឱឡារិកនូវប្រសាសន៍ ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានសមាជរដ្ឋសភា និង ព្រឹទ្ធសភា ដែលប្រកាសគាំទ្រនូវរាល់ចំណាត់ការរបស់រាជរដ្ឋាភិបាលក្នុងបុព្វហេតុការពារអធិបតេយ្យភាពរបស់កម្ពុជា។

ស្រុករលាប្អៀរ ខេត្តកំពង់ឆ្នាំង ÷ នាព្រឹកថ្ងៃអង្គារ ១២រោច ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៥ ខែមីនា ឆ្នាំ២០២៥ ចលនាយុវជនកម្ពុជា (ក្រុម១៥៧) សាខាខេត្តកំពង់ឆ្នាំង លោក ស្រ៊ន គីមឆៃ អនុប្រធានលេខាធិការដ្ឋាន តំណាងលោកគូរ ដារា ជាប្រធានប្រតិបត្តិខេត្ត រួមទាំងសមាជិកសកម្ម ថ្នាក់ដឹកនាំក្រុង-ស្រុក និងសមាជិកសមាជិកា បាននាំបច្ច័យ ១,៦៨០,០០០ រៀលចូលរួមពិធីបុណ្យផ្កាសាមគ្គី ចាក់ដីនៅវត្តសេកមាសបុប្ផាសាមគ្គី ស្ថិតនៅភូមិព្រៃលាក់នាង ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។