Polytechnic Institute of Kampong Speu Province

ខណៈដែលកងទ័ពកម្ពុជាយើងកំពុងប្រយុទ្ធយ៉ាងអង់អាចក្លាហាននៅសមរភូមិមុខ ប្រជាពលរដ្ឋនៅសមរភូមិក្រោយក៏កំពុងខ្នះខ្នែងយ៉ាងសស្រាក់សស្រាំក្នុងការជួយឧបត្ថម្ភគាំទ្រសព្វគ្រប់បែបយ៉ាងជូនដល់បងប្អូនវីរកងទ័ព ក៏ដូចជាប្រជាជនភៀសសឹក។

ក្រោមស្មារតី «ខ្មែរតែមួយ បេះដូងតែមួយ» អ្នកឧកញ៉ា សំអាង វឌ្ឍនៈ អភិបាល និងជានាយកប្រតិបត្តិ ក្រុមហ៊ុន វឌ្ឍនៈ ប្រ៊ូវើរី បានចូលរួមឧបត្ថម្ភ ថវិកា ចំនួន ១០ ០០០ដុល្លារអាម៉េរិក អង្ករ ចំនួន ១០តោន ភេសជ្ជៈ V-Active Water 1.5L ចំនួន ១០០០កេស
និងភេសជ្ជៈ V-Cola ចំនួន ១ ០០០កេស តាមរយៈក្រសួងការងារ និងបណ្ដុះបណ្ដាលវិជ្ជាជីវៈ ដើម្បីចូលរួមទ្រទ្រង់ដល់បងប្អូនវីរកងទ័ពកម្ពុជានៅសមរភូមិមុខ ក៏ដូចជាប្រជាជនភៀសសឹក។

សាខាសមាគមសហព័ន្ធសិស្សនិស្សិតអប់រំបណ្តុះបណ្តាលបច្ចេកទេស​ និងវិជ្ជាជីវៈប្រចាំវិទ្យាស្ថានពហុបច្ចេកទេសខេត្តកំពង់ស្ពឺ​ មានទុក្ខជាទម្ងន់ដែលលោក​ មុំ​ មករា​ ជាសមាជិក​ បានបាត់បង់ភរិយាជាទីស្រលាញ់​ ដោយរោគគាពាធនៅថ្ងៃទី២៦​ ខែវិច្ឆិកា​ ឆ្នាំ២០២៥​។ ថ្នាក់ដឹកនាំ​ លោកគ្រូ​ អ្នកគ្រូទាំងអស់ពិតជាមានក្តីរន្ធត់ឥតឧប្បមា​ ព្រមទាំងក្តីសោកស្តាយដ៏ធំធេងចំពោះការបាត់បង់លោកស្រី​ ពត​ ចាន់ឌឿន​ ដែលនេះជាការបាត់បង់ភរិយា​ ម្តាយប្រកបដោយព្រហ្មវិហារធម៌។
ជាថ្មីម្តងទៀតក្នុងនាមថ្នាក់ដឹកនាំ​ លោកគ្រូ​ អ្នកគ្រូ​ សូមលំឱនកាយឧទ្ទិសបួងសួងដល់ដួងព្រលឹងលោកស្រី​ ពត​ ចាន់ឌឿន​ សូមបានទៅសោយសុខក្នុងសុគិតភពកុំបីឃ្លៀងឃ្លាតឡេីយ។