មន្ទីរពាណិជ្ជកម្មខេត្តកំពត Kampot Provincial Department of Commerce

ព្រឹកថ្ងៃទី ៣ ខែ ខែមិថុនា ឆ្នាំ២០២៦ លោក ស្រី កុម្ភៈ ប្រធានមន្ទីរពាណិជ្ជកម្ម បានចូលរួមកិច្ចប្រជុំត្រៀមរៀបចំចូលរួមពិធីតាំងពិព័រណ៍ពាណិជ្ជកម្មអន្តរជាតិ នៅសង្កាត់ទិញបៀន ខេត្តអានយ៉ាង ប្រទេសវៀតណាម ក្រោមអធិបតីភាព ឯកឧត្តម ខៀវ រិទ្ធិភ័ណ្ឌ អភិបាលរង ខេត្តកំពត។

ញត្តិគាំទ្រ ចំពោះចំណាត់ការ របស់រាជរដ្ឋាភិបាលកម្ពុជាក្នុងការចាប់ផ្តើមដំណើរការយន្តការផ្សះផ្សារដោយបង្ខំដើម្បីទាមទារតំបន់សមុទ្រត្រួតស៊ីគ្នាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ(UNCLOS)។

ញត្តិគាំទ្រ៖ ចំពោះចំណាត់ការរបស់រាជរដ្ឋាភិបាលកម្ពុជាក្នុងការចាប់ផ្តើមដំណើរការយន្តការផ្សះផ្សាដោយបង្ខំ (Compulsory Conciliation) ដើម្បីទាមទារតំបន់សមុទ្រត្រួតស៊ីគ្នា ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS)

សេចក្តីជូនដំណឹង៖ ស្តីពី ថ្លៃលក់រាយប្រេងឥន្ធនៈនៅតាមស្ថានីយសម្រាប់ការអនុវត្តជារៀងរាល់សប្ដាហ៍ ដោយផ្តើមអនុវត្តពីសប្ដាហ៍នេះតទៅ ចាប់ពីវេលាម៉ោង ១ រសៀលថ្ងៃទី២ ខែមិថុនា ឆ្នាំ២០២៦ រហូតដល់ថ្ងៃទី៩ ខែមិថុនា ឆ្នាំ២០២៦
…

នារសៀលថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី១ ខែមិថុនា ឆ្នាំ២០២៦ លោក ស្រី កុម្ភៈ ប្រធានមន្ទីរពាណិជ្ជកម្មខេត្តកំពត បានអញ្ជើញចូលរួមក្នុងពិធីបើកព្រឹត្តិការណ៍ «មរតកផ្លែឈើ និងនំចំណីកំពត» ក្រោមប្រធានបទ «រសជាតិទុរេនកំពត និងកិត្យានុភាពទេសចរណ៍រដូវកាលបៃតង» ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្តកំពត ស្ថិតនៅបរិវេណសួនច្បារទល់មុខផ្សារវិថីអាហារ ខេត្តកំពត ៕
ព្រឹត្តិការណ៍រៀបចំឡើងក្នុងគោលបំណង ១).លើកកម្ពស់គុណតម្លៃផល្លានុផលប្រកបដោយភាពល្បីល្បាញ និងរស់ជាតិឆ្ងាញ់ពិសារនំចំណី ម្ហូបអាហារខេត្តកំពត ២). ជំរុញការផ្សព្វផ្សាយកិត្តិនាមផ្លែឈើនិង នំចំណីកំពតឲ្យកាន់តែទូលំទូលាយ ៣).ចូលរួមក្នុងសកម្មភាពកំពតជាគោលដៅទេសចរណ៍ ៤).ជួយសហគមន៍លក់ផលិតផលបានតម្លៃល្អ និងដោយផ្ទាល់ដល់ភ្ញៀវទេសចរណ៍ ៥). ជំរុញលើកទឹកចិត្តដល់កសិករ អាជីវករក្នុងការដាំដុះកាន់តែប្រសើរឡើង។
លើសពីនេះទៅទៀតក្រុមផលិតមាន់ខ្មែរ និងបន្លែសុវត្ថិភាព របស់គម្រោងជំរុញទីផ្សារសម្រាប់កសិកម្មខ្នាតតូចក៏បានចូលរួមដាក់តាំងលក់បន្លែសុវត្ថិភាពគ្រប់ប្រភេទ និងមាន់ស្រែបោចរួច ចំនួន០៤ ស្តង់ផងដែរ។

ផ្សារផលិតផលខ្មែរខេត្តកំពត បាននិងកំពុងដំណើរការលក់កសិផល ផលិតផលខ្មែរក្នុងស្រុក បន្លែសុវត្ថិភាព ផ្លែឈើ សាច់មាន់ អាហារកែច្នៃនានា និងផលិតផលប្រើប្រាស់ទូទៅ ដែលមានទីតាំងនៅបេនឡានខេត្តកំពត ភូមិ១ឧសភា សង្កាត់កំពង់កណ្តាល ក្រុងកំពត ​។
_ _ _ _ _ _ _ _ _ _ _ _ _ _ _ _ _ _
(កំពត)៖ ផ្សារផលិតផលខ្មែរខេត្តកំពត បាននឹងកំពុងដំណើរលក់កសិផល និងផលិតផលខ្មែរ ដែលបានដាំដុះ និងកែច្នៃដោយកសិករ ផលិតករ និងសិប្បករខ្មែរ នៅក្នុងខេត្តកំពត នៅរៀងរាល់ថ្ងៃសៅរ៍-អាទិត្យ ចាប់ពីម៉ោង ៦ព្រឹក-១២ថ្ងៃត្រង់។​

https://maps.app.goo.gl/1vxKaiDD9d9hZjDg6?g_st=it

សូមបញ្ជាក់ថា ក្រោមការដឹកនាំ និងការគាំទ្ររបស់ក្រសួងពាណិជ្ជកម្ម និងការសម្របសម្រួលរបស់ មន្ទីរពាណិជ្ជកម្មខេត្តកំពតក្រោមគម្រោងជំរុញទីផ្សារសម្រាប់កសិកម្មខ្នាតតូច (AIMS) នៃក្រសួងពាណិជ្ជកម្ម បានរៀបចំ និងដាក់ឲ្យដំណើរការផ្សារលក់ផលិតផលខ្មែរ ចាប់តាំងពីឆ្នាំ២០១៩ រហូតមកដល់បច្ចុប្បន្ន។

ផ្សារផលិតផលខ្មែរនេះ មានគោលបំណងផ្ដល់ឱកាសទីផ្សារបន្ថែមដល់កសិករ ផលិតករ អាជីវករខ្នាតតូច ជាតំណាងពីក្រុមកសិករផលិត និងជាការតភ្ជាប់ទំនាក់ទំនងទីផ្សារឱ្យកាន់តែប្រសើរ ដល់ក្រុមផលិតដែលអាចរកប្រាក់ចំណូល និងលើកកម្ពស់ជីវភាពរស់នៅពួកគេ។ ការចូលរួមលើកកម្ពស់ និងប្រើប្រាស់ផលិតផលខ្មែរ ជាការរួមចំណែកបង្កើនផលិតភាពផលិតផលក្នុងស្រុក បង្កើនប្រាក់ចំណូល និងលើកស្ទួយជីវភាពប្រជាជន និងជំរុញអភិវឌ្ឍន៍សេដ្ឋកិច្ច-សង្គមឲ្យកាន់តែប្រសើរឡើង។

សូមចូលរួមគាំទ្រផ្សារផលិផលខ្មែរ ដើម្បីលើកស្ទួយជីវភាពកសិករ និងផលិតករខ្មែរ៕
#ក្រសួងពាណិជ្ជកម្ម
#មន្ទីរពាណិជ្ជកម្មខេត្តកំពត

សេចក្តីជូនដំណឹងស្តីពី៖ ថ្លៃលក់រាយប្រេងឥន្ធនៈនៅតាមស្ថានីយ សម្រាប់ការអនុវត្តចាប់ពីម៉ោង ០០:០០ (សូន្យ) ថ្ងៃទី២៧ ខែឧសភា ឆ្នាំ២០២៦
…
#ក្រសួងពាណិជ្ជកម្ម
#មន្ទីរពាណិជ្ជកម្មខេត្តកំពត