មន្ទីរកសិកម្ម រុក្ខាប្រមាញ់ និងនេសាទខេត្តកែប

ពិធីប្រកាសចូលកាន់តំណែងអភិបាលរងនៃគណៈអភិបាលខេត្តកែប
-------------------------
នៅព្រឹកថ្ងៃព្រហស្បតិ៍ ៤ រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦

លោក ថឹង បូរិន ប្រធានមន្ទីរ លោកស្រី សុខ ចិន្តា និងលោក ហេង យៀន អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកែប បានចូលរួមក្នុងពិធីប្រកាសចូលកាន់តំណែងអភិបាលរងនៃគណៈអភិបាលខេត្តកែប ចំនួន ៣រូប នៅសាលប្រជុំសេះស សាលាខេត្ត ក្រោមអធិបតីភាព ឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

facebook: facebook.com/kep.daff
website: kep.maff.gov.kh/

ញត្តិគាំទរបស់មន្ទីរកសិកម្ម រុក្ខាប្រមាញ់ និងនេសាទខេត្តកែប
ចំពោះចំណាត់ការរបស់រាជរដ្ឋាភិបាលកម្ពុជាក្នុងការចាប់ផ្ដើមដំណើរការ យន្តការផ្សះផ្សាដោយបង្ខំ (Compulsory Conciliation) ដើម្បីទាមទារតំបន់សមុទ្រតួតស៊ីគ្នា ក្រោមអនុសញ្ញាអង្គការសហប្រជាជាតិស្តីពីនីតិសមុទ (UNCLOS)

កិច្ចប្រជុំគណៈកម្មការបណ្តាញសហគមន៍នេសាទទាំង៥ ក្នុងខេត្តកែប
-------------------------
ថ្ងៃពុធ ៣ រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០៣ ខែមិថុនា ឆ្នាំ២០២៦

លោក ហេង យៀន អនុប្រធានមន្ទីរ និងលោក គីង សុផានី នាយរងខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តកែប បានចូលរួមក្នុងកិច្ចប្រជុំគណៈកម្មការបណ្តាញសហគមន៍នេសាទទាំង៥ ក្នុងខេត្តកែប ដើម្បីកសាងភាពជាដៃគូរ និងពង្រឹងសហគ្រប់គ្រងធនធានធម្មជាតិ ជាពិសេសធនធានជលផលសមុទ្រខេត្តកែប រវាងសហគមន៍ និងអាជ្ញាធរពាក់ព័ន្ធ នៅសណ្ឋាគារកែបបេ ក្រុងកែប ខេត្តកែប ក្រោមអធិបតីភាព លោកស្រី កាំង ឃីម អគ្គនាយករងនៃអគ្គនាយកដ្ឋានជលផល និងមានការចូលរួមពី គណៈកម្មការបណ្តាញនិងសហគមន៍នេសាទ, មន្ត្រីជំនាញពាក់ព័ន្ធនៃក្រសួងកសិកម្ម រុក្ខាប្រមាញ់ និងនេសាទ, មន្ទីរ និងអង្គភាពពាក់ព័ន្ធ, អាជ្ញាធរមូលដ្ឋាន, វិស័យឯកជន និងអង្គការដៃគូអភិវឌ្ឍន៍ ចំនួនប្រមាណ ៤០នាក់។

កម្មវិធីនេះត្រូវបានរៀបឡើងចំដោយ អង្គការមជ្ឈមណ្ឌលអភិវឌ្ឍន៍កុមារ និងស្ត្រីនៅកម្ពុជា (CWDCC) ក្នុងគោលបំណងដើម្បី៖
- ពង្រឹងការកសាងភាពជាដៃគូ និងលើកកម្ពស់កិច្ចសហគ្រប់គ្រង និងអភិបាលកិច្ចក្នុងការគ្រប់គ្រងធនធានធម្មជាតិ ជាពិសេសធនធានជលផលសមុទ
- ស្វែងយល់ពីបញ្ហាប្រឈម ដំណោះស្រាយ តម្រូវការ និងសំណើផ្សេងៗ ក្នុងការចូលរួមលើកកម្ពស់ការគ្រប់គ្រងធនធាន និងអភិបាលកិច្ចសេដ្ឋកិច្ចនៅតាមតំបន់ឆ្នេរ
- បង្កើនទំនាក់ទំនង និងយន្តការកិច្ចសហប្រតិបត្តិការ ដើម្បីបង្កើនប្រសិទ្ធភាពការគ្រប់គ្រង និងអភិរក្សធនធានធម្មជាតិ ជាមួយភាគីពាក់ព័ន្ធ និងលើកកម្ពស់កិច្ចគាំទ្រធនធានផ្សេងៗ។

កិច្ចប្រជុំពិនិត្យ និងផ្តល់មតិលើគម្រោងសាងសង់កំពង់ផែនេសាទសហគមន៍ ស្ថិតក្នុងខេត្តកែប
-------------------------
នៅរសៀល ថ្ងៃសុក្រ ១៣ កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦

លោកស្រី សុខ ចិន្តា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកែប បានចូលរួមក្នុងកិច្ចប្រជុំពិនិត្យ និងផ្តល់មតិលើគម្រោងសាងសង់កំពង់ផែនេសាទសហគមន៍ ស្ថិតក្នុងខេត្តកែប ដែលរៀបចំឡើងដោយអគ្គលេខាធិការដ្ឋាន
នៃគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរកម្ពុជា (គ.អ.ច.ក) នៅសាលប្រជុំ ផអ.៣ សាលាខេត្ត ដឹកនាំដោយ លោក ហ៊ួរ មិថុនា អភិបាលរងនៃគណៈអភិបាលខេត្តកែប តាមប្រព័ន្ធអនឡាញ ZOOM MEETING ក្រោមអធិបតីភាព ឯកឧត្តម ប៉ែន សុផល រដ្ឋលេខាធិការក្រសួងដែនដី នគរូបនីយកម្ម និងសំណង់។

កិច្ចប្រជុំផ្សព្វផ្សាយសារាចរណែនាំស្ដីពី ការរៀបចំផែនការយុទ្ធសាស្ត្រថវិកា ឆ្នាំ២០២៧-២០២៩ និងការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៧
-------------------------
នៅរសៀលថ្ងៃព្រហស្បតិ៍ ១២ កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦

លោកស្រី សុខ ចិន្តា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកែប បានចូលរួមក្នុងកិច្ចប្រជុំផ្សព្វផ្សាយសារាចរណែនាំ លេខ៖ ០៦សរ ចុះថ្ងៃទី១៥ ខែឧសភា ឆ្នាំ២០២៦ របស់រដ្ឋាភិបាលកម្ពុជា ស្ដីពីការរៀបចំផែនការយុទ្ធសាស្ត្រថវិកា ឆ្នាំ២០២៧-២០២៩ និងការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៧ នៅសាលប្រជុំធំមន្ទីរសេដ្ឋកិច្ចនិងហិរញ្ញវត្ថុខេត្តកែប ក្រោមអធិបតីភាព លោក អ៊ឹម បញ្ញារិទ្ធិ អភិបាលរងខេត្ត តំណាង ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប។

facebook: facebook.com/kep.daff
website: kep.maff.gov.kh/

កិច្ចប្រជុំសាមញ្ញលើកទី២៤ របស់ក្រុមប្រឹក្សាខេត្តកែប អាណត្តិទី៤
-------------------------
នៅព្រឹកថ្ងៃព្រហស្បតិ៍ ១២ កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦

លោកស្រី សុខ ចិន្តា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកែប បានចូលរួមក្នុងកិច្ចប្រជុំសាមញ្ញលើកទី២៤ របស់ក្រុមប្រឹក្សាខេត្ត អាណត្តិទី៤ នៅសាលប្រជុំក្រុមប្រឹក្សាខេត្ត ក្រោមអធិបតីភាព ឯកឧត្តម អ៊ុក ថា ប្រធានក្រុមប្រឹក្សាខេត្ត និងលោក ព្រុំ គន្ធិ អភិបាលនៃគណៈអភិបាលខេត្តកែបស្តីទី និងមានការចូលរួមពី សមាជិក សមាជិកា ក្រុមប្រឹក្សាខេត្ត, អភិបាលរងខេត្ត, និងមន្ទីរ-អង្គភាពពាក់ព័ន្ធជុំវិញខេត្ត។

កិច្ចប្រជុំនេះបានប្រព្រឹត្តទៅ មានរបៀបវារៈដូចជា៖
- ពិនិត្យនិងអនុម័តលើសេចក្តីព្រាងកំណត់ហេតុកិច្ចប្រជុំសាមញ្ញលើកទី២៣ របស់ក្រុមប្រឹក្សាខេត្ត អាណត្តិទី៤ កាលពីថ្ងៃទី២៨ ខែមេសា ឆ្នាំ២០២៦
- សេចក្តីព្រាងរបាយការណ៍ ស្តីពីសកម្មភាពសំខាន់ៗ ដែលបានអនុវត្តដោយគណៈអភិបាលខេត្ត ក្នុងចន្លោះកិច្ចប្រជុំសាមញ្ញលើកទី២៣ ដល់កិច្ចប្រជុំសាមញ្ញលើកទី២៤ របស់ក្រុមប្រឹក្សាខេត្តអាណត្តិទី៤
- ពិនិត្យនិងអនុម័តលើសេចក្តីព្រាងរបាយការណ៍បូកសរុបលទ្ធផលការងារប្រចាំខែឧសភា ឆ្នាំ២០២៦ និងលើកទិសដៅអនុវត្តការងារខែបន្ទាប់ របស់រដ្ឋបាលខេត្ត។

facebook: facebook.com/kep.daff
website: kep.maff.gov.kh/

វគ្គបណ្ដុះបណ្ដាលស្ដីពី ឧបករណ៍តាមដាននាវានេសាទនិងទិន្នន័យ សម្រាប់ការអង្កេត តាមដាន និងត្រួតពិនិត្យការនេសាទសមុទ្រ
-------------------------
នៅថ្ងៃព្រហស្បតិ៍ ១២ កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦

លោក គុជ វិរៈ នាយខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តកែប បានចូលរួមក្នុងវគ្គបណ្ដុះបណ្ដាលស្ដីពី ឧបករណ៍តាមដាននាវានេសាទនិងទិន្នន័យ សម្រាប់ការអង្កេត តាមដាន និងត្រួតពិនិត្យការនេសាទសមុទ្រ (VMS Operation and Fisheries Intelligence Tools) ដែលមានការចូលរួមពី អធិការដ្ឋានជលផលសមុទ្រ មន្រ្ដីអគ្គនាយដ្ឋានជលផល ខណ្ឌរដ្ឋបាលជលផលតំបន់ឆ្នេរ និងទីប្រឹក្សាបច្ចេកទេស ចូលរួមសរុបចំនួន ១៣នាក់។

វគ្គបណ្ដុះបណ្ដាលនេះត្រូវបានរៀបចំឡើងដោយអគ្គនាយកដ្ឋានជលផល នៅសណ្ឋាគារ អង្គខេមរា ខេត្ដកំពត ក្នុងគោលបំណងដើម្បីពង្រឹងសមត្ថភាពមន្រ្តីអនុវត្តច្បាប់ស្ដីពីជលផល ក្នុងការតាមដានសកម្មភាពនេសាទ និងសកម្មភាពដែលពាក់ព័ន្ធនឹងការនេសាទនៅតំបន់សមុទ្រ ដោយការប្រើប្រាស់ប្រព័ន្ធគ្រប់គ្រង និងតាមដាននាវានេសាទ (VMS) និងឧបករណ៍តាមដានពីលើអាកាស។

facebook: facebook.com/kep.daff
website: kep.maff.gov.kh/

កម្មវិធីផ្សព្វផ្សាយ និងការអនុវត្ត៍បង្ហាញឧបករណ៍បច្ចេកទេសព្រោះស្រូវ (Angkor Seeder) និងការប្រគល់ ទទួល សម្រាប់គាំទ្រដល់ការធ្វើស្រែរបស់ប្រជាកសិករក្នុងខេត្តកែប
-------------------------
ថ្ងៃព្រហស្បតិ៍ ១២ កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦

ការិយាល័យក្សេត្រសាស្ត្រ និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តកែប បានរៀបចំកម្មវិធីផ្សព្វផ្សាយ និងការអនុវត្ត៍បង្ហាញឧបករណ៍បច្ចេកទេសព្រោះស្រូវ (Angkor Seeder) និងការប្រគល់ ទទួល សម្រាប់គាំទ្រដល់ការធ្វើស្រែរបស់ប្រជាកសិករក្នុងខេត្តកែប នៅភូមិកោះសោម ឃុំអង្កោល ស្រុកដំណាក់ចង្អើរ ក្រោមអធិបតីភាព លោក ហ៊ួរ មិថុនា អភិបាលរងនៃគណៈអភិបាលខេត្តកែប លោក ថឹង បូរិន ប្រធានមន្ទីរកសិកម្ម រុក្ខាប្រមាញ់ និងនេសាទេខេត្ត និងលោក គង់ សំអឿន អនុប្រធាននាយកដ្ឋានអភិវឌ្ឍន៍ដំណាំស្រូវ។

កម្មវិធីនេះ បានប្រព្រឹត្តទៅដោយមានការចូលរួមពី មន្ត្រីរាជការនៃមន្ទីរកសិកម្ម រុក្ខាប្រមាញ់ និងនេសាទេខេត្តកែប, នាយកដ្ឋានអភិវឌ្ឍន៍ដំណាំស្រូវ, តំណាងមន្ទីរ-អង្កភាពពាក់ព័ន្ធ, តំណាងរដ្ឋបាលស្រុកដំណាក់ចង្អើរ, អាជ្ញាធរមូលដ្ឋាន, មន្ត្រីកសិកម្មឃុំ-សង្កាត់, ក្រុមការងារបច្ចេកទេស និងបងប្អូនប្រជាកសិករ ចំនួនប្រមាណ ៧៥នាក់។ ក្នុងនោះផងដែរ ក្រុមការងាររបស់ក្រុមហ៊ុន អេហ្គ្រី ស្មាត អ៊ិននើវេសិន ឯ.ក (Agrismart Innovation Co., Ltd) ក៏បានធ្វើបទបង្ហាញអំពីបច្ចេកទេសនៃការប្រើប្រាស់ និងបានធ្វើតេស្តជាក់ស្តែងលើឧបករណ៍ព្រោះស្រូវនេះ នៅលើដីស្រែរបស់ប្រជាកសិករផ្ទាល់។

ឧបករណ៍ព្រោះស្រូវនេះ គឺជាអំណោយរបស់ក្រសួងកសិកម្ម រុក្ខាប្រមាញ់ និងនេសាទ ផ្តល់ជូនមន្ទីរកសិកម្ម រុក្ខាប្រមាញ់ និងនេសាទខេត្តកែប តាមរយៈនាយកដ្ឋានអភិវឌ្ឍន៍ដំណាំស្រូវនៃអគ្គនាយកដ្ឋានក្សេត្រសាស្ត្រ ដើម្បីជួយសម្រួលដល់ការព្រោះស្រូវ សន្សំសំចៃគ្រាប់ពូជនិងថវិកា និងកាត់បន្ថយការប្រើកម្លាំងពលកម្ម ដោយការប្រើម៉ាស៊ីនជំនួសវិញ។ នេះជាសមិទ្ធផលបច្ចេកវិទ្យាមួយដែលគាំទ្រដល់វិស័យកសិកម្មក្នុងស្រុក និងរួមចំណែកលើកកម្ពស់ទិន្នផលនិងជីវភាពរបស់ប្រជាកសិករក្នុងមូលដ្ឋាន ឱ្យកាន់តែប្រសើរឡើង។

facebook: facebook.com/kep.daff
website: kep.maff.gov.kh/

សិក្ខាសាលាពិគ្រោះយោបល់ថ្នាក់ជាតិ អំពីគោលនយោបាយសន្ដិសុខសិទ្ធិកាន់កាប់ដីធ្លី ជលផល ព្រៃឈើ និងបរិស្ថាននៅកម្ពុជា
----------------------------------------------
ថ្ងៃពុធ ១១ កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦

លោក ហេង យៀន អនុប្រធានមន្ទីរ លោក ជួន សំរួល នាយខណ្ឌរដ្ឋបាលព្រៃឈើស្តីទី និងលោក គីង សុផានី នាយរងខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តកែប បានចូលរួមក្នុងសិក្ខាសាលាពិគ្រោះយោបល់ថ្នាក់ជាតិ អំពីគោលនយោបាយសន្តិសុខសិទ្ធិកាន់កាប់ដីធ្លី ជលផល ព្រៃឈើ និងបរិស្ថាននៅកម្ពុជា ដែលរៀបចំឡើងដោយ អង្គការមជ្ឈមណ្ឌលអភិវឌ្ឍន៍កុមារ និងស្ត្រីនៅកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្ដម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។

សិក្ខាសាលានេះ បានប្រព្រឹត្តទៅនៅសាលប្រជុំក្រសួងរៀបចំដែនដី នគររូបនីយកម្ម និងសំណង់ និងមានការចូលរួមពី ថ្នាក់ដឹកនាំ និងមន្ត្រីរាជការ នៃក្រសួងរៀបចំដែនដី នគររូបនីយកម្ម និងសំណង់, ក្រសួងកសិកម្ម រុក្ខាប្រមាញ់ និងនេសាទ, ក្រសួងបរិស្ថាន, មន្ទីរ អង្គភាពពាក់ព័ន្ធ, អាជ្ញាធរមូលដ្ឋាន, អង្គការដៃគូជាតិ អន្តរជាតិ, សហគមន៍នេសាទ សហគមន៍ព្រៃឈើ សហគមន៍តំបន់ការពារធម្មជាតិ សហគមន៍កសិកម្ម និងសហគមន៍ជនជាតិដើមភាគតិច, វិស័យឯកជន និងដៃគូសហការអភិវឌ្ឍន៍។

facebook: facebook.com/kep.daff
website: kep.maff.gov.kh/

ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអញ្ជើញជាអធិបតីភាព ក្នុងពិធីបើកយុទ្ធនាការចាក់វ៉ាក់សាំងការពារជំងឺសារទឹកគោ-ក្របី
----------------------------------------------
ថ្ងៃពុធ ១១ កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦

ការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្តកែប បានរៀបពិធីបើកយុទ្ធនាការចាក់វ៉ាក់សាំងការពារជំងឺសារទឹកគោ-ក្របី ជូនដល់ប្រជាកសិករទូទាំងខេត្តកែប ដែលបានប្រព្រឹត្តទៅនៅភូមិទួលសាងាំ ឃុំអង្កោល ស្រុកដំណាក់ចង្អើរ ខេត្តកែប ក្រោមអធិបតីភាព ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប និងមានការចូលរួមពី លោក ហ៊ួរ មិថុនា អភិបាលរងខេត្ត, លោក ថឹង បូរិន ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត, កងកំលាំងប្រដាប់អាវុធ, មន្ទីរ អង្គភាពពាក់ព័ន្ធ, អាជ្ញាធរមូលដ្ឋាន, មន្ត្រីកសិកម្មឃុំ-សង្កាត់, ភ្នាក់ងារសុខភាពសត្វភូមិ និងបងប្អូនប្រជាកសិករ សរុបចំនួនប្រមាណ ១០០នាក់។

ឆ្លៀតក្នុងឱកាសនេះ ឯកឧត្តមបណ្ឌិតអភិបាល បានផ្ដាំផ្ញើនូវការសួរសុខទុក្ខពីសម្ដេចតេជោ ហ៊ុន សែន ប្រមុខរដ្ឋស្ដីទី និងសម្ដេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងមានប្រសាសន៍សំណេះសំណាលជាមួយប្រជាកសិករ ព្រមទាំងណែនាំដល់មន្ទីរ អង្គភាព ត្រូវខិតខំបម្រើសេវា និងយកចិត្តទុកដាក់ដោះស្រាយបញ្ហាប្រឈមនានារបស់ប្រជាពលរដ្ឋឱ្យបានទាន់ពេលវេលា។ ឯកឧត្តមបណ្ឌិតអភិបាល ក៏បានលើកឡើងអំពីភាពចាំបាច់នៃការចាក់ថ្នាំបង្ការជំងឺឆ្លងគោ-ក្របី និងលើកទឹកចិត្តដល់ប្រជាកសិករត្រូវយកសត្វមកចាក់វ៉ាក់សាំង ដើម្បីជៀសវាងពីជំងឺឆ្លងដែលនាំឱ្យខាតបង់ផលប្រយោជន៍ និងប៉ះពាល់ដល់សុខភាពសាធារណៈ។

មុននឹងបញ្ចប់ពិធី ឯកឧត្តមបណ្ឌិតអភិបាល បានផ្តល់ថ្នាំព្យាបាលសត្វ និងប្លឺមេទីឡែនជូនដល់ភ្នាក់ងារសុខភាពសត្វភូមិ និងប្រជាកសិករម្ចាស់សត្វ ព្រមទាំងបានចាក់វ៉ាក់សាំងការពារជំងឺសារទឹកដល់សត្វគោ ដើម្បីជានិមិត្តរូបនៃការចាប់ផ្តើមយុទ្ធនាការនេះទូទាំងខេត្ត។ ទន្ទឹមនឹងនោះ មន្ត្រីការិយាល័យផលិតកម្ម និងបសុព្យាបាល និងភ្នាក់ងារសុខភាពសត្វភូមិ បានបន្តការចាក់វ៉ាក់សាំងដល់សត្វគោ បានសរុបចំនួន ៥៥ក្បាល។

facebook: facebook.com/kep.daff
website: kep.maff.gov.kh/