មន្ទីរបរិស្ថានខេត្តកោះកុង

មន្ទីរបរិស្ថានខេត្តកោះកុង : លោក ស៊ី សុភាព ប្រធានការិយាល័យឧទ្យានជាតិ បានចូលរួមកិច្ចប្រជុំស្តីពី បញ្ហាដីបុរាណស្ថាន ដែលត្រូវស្នើសូមកំណត់ដែនការពារ និងធ្វើការវាស់វែង ចំនួន ១៦ទីតាំង នៅក្នុងខេត្តកោះកុង។

ថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦

មន្ទីរបរិស្ថានខេត្តកោះកុង : លោក អ៊ុល រ៉ាន់ ប្រធានការិយាល័យដែនជម្រកសត្វព្រៃ រួមជាមួយមន្ត្រីឧទ្យានុរក្សតំបន់រ៉ាមសារកោះកាពិ និងមន្ត្រីឧទ្យានុរក្សដែនជម្រកសត្វព្រៃពាមក្រសោប នៃមន្ទីរបរិស្ថាន បានសហការជាមួយគណៈកម្មការ និងសមាជិកសហគមន៍តំបន់ការពារធម្មជាតិកោះស្រឡៅ ចុះដាំស្តារកូនដើមកោងកាងឡើងវិញ លើផ្ទៃដីសរុបចំនួន ៣ ហិកតា ស្ថិតក្នុងភូមិសាស្ត្រភូមិកោះស្រឡៅ ឃុំកោះកាពិ ស្រុកកោះកុង ខេត្តកោះកុង។

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

មន្ទីរបរិស្ថានខេត្តកោះកុង : បានចែកកូនឈើចំនួន ៣០០ដើម ជូនដល់អង្គការក្រុមប្រឹក្សាយុវជនកម្ពុជា និងចំនួន ៣០ដើម ជូនដល់ក្រុមហ៊ុន យ៉ាហ្សាគី (ខេមបូឌា) ប្រដាក់ សរុបរួមមានចំនួន ៣៣០ដើម។

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

មន្ទីរបរិស្ថានខេត្តកោះកុង : លោក សន កក្កដា អនុប្រធានស្នាក់ការតំបន់ប្រើប្រាស់ច្រើនយ៉ាងដងពែង បានចូលរួមក្នុងវគ្គបណ្តុះបណ្តាលស្តីពី «ការកសាងសមត្ថភាព និងការប្រមូលសំណាកដីល្បាប់ព្រៃកោងកាង (កាបូនខៀវ)» នៅសាលប្រជុំមន្ទីរបរិស្ថានខេត្តកំពត។

កម្មវិធីនេះរៀបចំឡើងដោយអង្គការ Fauna & Flora សហការជាមួយអគ្គនាយកដ្ឋានជលផល និងកម្មវិធីកាបូនខៀវនៃអង្គការ CI និងវិទ្យាស្ថាន IBCI (សិង្ហបុរី)។ វគ្គបណ្តុះបណ្តាលនេះក៏មានការចូលរួមពី លោក អេង ប៉ូឡូ ប្រធានមន្ទីរបរិស្ថានខេត្តកំពត, លោក គង់ ហួត នាយករងទីចាត់ការអន្តរវិស័យខេត្តកោះកុង, និស្សិតមហាវិទ្យាល័យវិទ្យាសាស្ត្រព្រៃឈើ និងមន្ត្រីឧទ្យានុរក្ស ដោយមានសិក្ខាកាមចូលរួមសរុប ២០នាក់ (ស្រី ៤នាក់)។

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

មន្ទីរបរិស្ថានខេត្តកោះកុង : សកម្មភាពមន្រ្តីឧទ្យានុរក្ស ល្បាតនិងទប់ស្កាត់បទល្មើសធនធានធម្មជាតិ ក្នុងភូមិសាស្រ្តខេត្តកោះកុង។

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

មន្ទីរបរិស្ថានខេត្តកោះកុង : លោក មុយ គួង នាយកតំបន់ប្រើប្រាស់ច្រើនយ៉ាងដងពែង និងមន្ត្រីឧទ្យានុរក្ស បានចូលរួមកិច្ចប្រជុំដោះស្រាយវិវាទដីធ្លី និងពិនិត្យសំណើផ្សេងៗរបស់ប្រជាពលរដ្ឋ ដែលបានដាក់ជូនក្រសួងរៀបចំដែនដី នគររូបនីយកម្ម និងសំណង់ ក្នុងភូមិសាស្ត្រខេត្តកោះកុង។ កិច្ចប្រជុំនេះប្រព្រឹត្តទៅក្រោមអធិបតីភាព ឯកឧត្តម ប៉ែន រ័ត្ន រដ្ឋលេខាធិការ ដោយមានការអញ្ជើញចូលរួមពី លោកស្រី អុី នារីនេត អភិបាលរងខេត្តកោះកុង តំណាងមន្ទីរជំនាញជុំវិញខេត្ត លោកអភិបាលរងស្រុកស្រែអំបិល មន្ត្រីការិយាល័យជំនាញ ព្រមទាំងអាជ្ញាធរភូមិ-ឃុំ ដែលមានសមាសភាពចូលរួមសរុបចំនួន ២៩នាក់ (ស្រី ២នាក់)។

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

មន្ទីរបរិស្ថានខេត្តកោះកុង : ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យាទាំងអស់ នៃមន្ទីរបរិស្ថានខេត្តកោះកុង គាំទ្រចំពោះការសម្រេចចិត្តរបស់ រាជរដ្ឋាភិបាល ដើម្បីចាប់ផ្តើមដំណើរការនៃយន្តការផ្សះផ្សាដោយបង្ខំ

មន្ទីរបរិស្ថានខេត្តកោះកុង : លោក ដួង ភឿន នាយករងឧទ្យានជាតិជួរភ្នំក្រវាញ បានចូលរួមកិច្ចប្រជុំស្តីពី «ការផ្សព្វផ្សាយផែនការការងារត្រួតពិនិត្យរដ្ឋបាល ដើម្បីរក្សាសន្តិសុខ សុវត្ថិភាពនៅតាមទីតាំងរស់នៅប្រមូលផ្តុំ ក្នុងស្រុកថ្មបាំង និងកិច្ចការងារចាំបាច់មួយចំនួន» កិច្ចប្រជុំនេះប្រព្រឹត្តទៅនៅសាលប្រជុំសាលាស្រុកថ្មបាំង ក្រោមអធិបតីភាពរបស់លោកស្រី ទួត ហាទីម៉ា អភិបាល នៃគណៈអភិបាលស្រុកថ្មបាំង ដោយមានការអញ្ជើញចូលរួមពី លោកអភិបាលរងស្រុក លោកនាយករដ្ឋបាល លោកប្រធានការិយាល័យចំណុះរដ្ឋបាលស្រុក លោកមេបញ្ជាការកងរាជអាវុធហត្ថស្រុក លោកអធិការ និងអធិការរងនគរបាលស្រុក លោកមេប៉ុស្តិ៍នគរបាលរដ្ឋបាលឃុំ ព្រមទាំងលោកមេឃុំទាំង៦ នៃស្រុកថ្មបាំង សរុបសមាសភាពចូលរួមចំនួន ៣២នាក់ (ស្រី ២នាក់)។

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

មន្ទីរបរិស្ថានខេត្តកោះកុង : មន្ត្រីនៃមន្ទីរបរិស្ថានខេត្តកោះកុង បានរួមគ្នារៀបចំទីតាំងសម្រាប់ចែកកូនឈើជូនសាធារណជន និងបណ្តាមន្ទីរ-អង្គភាពជុំវិញខេត្តដោយឥតគិតថ្លៃ នៅក្នុងបរិវេណមន្ទីរបរិស្ថាន។ កូនឈើដែលត្រូវចែកជូនទាំងនោះ រួមមាន៖ កកោះ បេង ច្រេស ក្រឡាញ់ និងកូនត្នោត ជាដើម។

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

មន្ទីរបរិស្ថានខេត្តកោះកុង : សកម្មភាពសម្អាតអនាម័យបរិស្ថាន របស់ក្រុមហ៊ុន វេសធី ខឹលេកសិន (WASTIE COLLECTION CO, LTD) ប្រមូលសំរាម នៅក្នុងក្រុងខេមរភូមិន្ទ។

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦