រដ្ឋបាលខេត្តព្រះវិហារ

នៅថ្ងៃទី២០ ខែឧសភា ឆ្នាំ២០២៦ ឯកឧត្តម គីម រិទ្ធី អភិបាល នៃគណៈអភិបាលខេត្ត ព្រះវិហារ អមដំណើរដោយលោក អ៊ុក គឹមសាន អភិបាលរងខេត្ត អញ្ជើញចុះពិនិត្យមើលសួនច្បារភ្នំដែកដ៏ស្រស់ស្អាត ដែលទើបបានកសាងរួចរាល់ដាក់បម្រើជូនបងប្អូនប្រជាពលរដ្ឋមកលេងកំសាន្ត នៅភូមិភ្នំដែក ឃុំរមណីយ ស្រុករវៀង ខេត្តព្រះវិហារ។

រដ្ឋបាលខេត្តព្រះវិហារ បានរៀបចំពិធីមីទ្ទីង «ទិវាជាតិនៃការចងចាំ ២០ ឧសភា» ដើម្បីរំលឹកដល់វិញ្ញាណក្ខន្ធជនរងគ្រោះ និងការឈឺចាប់ពីឧក្រិដ្ឋកម្មដែលបានកើតឡើងក្នុងរបបកម្ពុជាប្រជាធិបតេយ្យ (ខែ្មរក្រហម) ចាប់ពីថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី០៦ ខែមករា ឆ្នាំ១៩៧៩ ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និងឯកឧត្តម គីម រិទ្ធី អភិបាលខេត្តព្រះវិហារ នៅបរិវេណតំបន់ឧក្រិដ្ឋកម្ម១០៣ ស្ថិតក្នុងស្រុករវៀង ខេត្តព្រះវិហារ។

២០ ឧសភា ២០២៦

#រដ្ឋបាលខេត្តព្រះវិហារ

ច្បាប់ ស្តីពី វិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា។

ទិវាជាតិនៃការចងចាំ ២០ ឧសភា បង្កើតឡើងក្នុងគោលបំណងលើកតម្កើងការគោរព វិញ្ញាណក្ខន្ធ និងការធ្វើបុណ្យឧទ្ទិសដល់ជនរងគ្រោះបានស្លាប់ក្នុងរបបកម្ពុជាប្រជាធិបតេយ្យ, លើកតម្កើងការរំឭក ដល់ជនរងគ្រោះ ការស្តារកិត្តិយសនិងសេចក្តីថ្លៃថ្នូររបស់ជនរងគ្រោះ ទោះជានៅរស់រានមានជីវិតឬបានបាត់បង់ ជីវិតក៏ដោយ, ប៉ះប៉ូវការឈឺចាប់ខាងផ្លូវចិត្តនិងផ្នែកសង្គមរបស់ជនរងគ្រោះនិងក្រុមគ្រួសារ, ចូលរួមចំណែកដល់ ការផ្សះផ្សាជាតិនិងជំរុញឱ្យមានសុខដុមនីយកម្មក្នុងសង្គមកម្ពុជា, និង លើកកម្ពស់ការផ្សព្វផ្សាយនិងការយល់ដឹង អំពីអំពើឃោរឃៅដែលកើតមានក្នុងរបបកម្ពុជាប្រជាធិបតេយ្យកុំឱ្យកើតមានឡើងសាជាថ្មី។

សត្វខ្ទីងមួយក្បាល ត្រូវបានប្រទះឃើញ និងមកសំរបខ្លួនរកសុី និងស្នាក់អាស្រ័យជាមួយហ្វូងគោ នៅភូមិសាស្រ្ត ព្រៃឡង់ ស្រុកជ័យសែន ខេត្តព្រះវិហារ កាលពីថ្ងៃទី១៧ ខែឧសភា ឆ្នាំ២០២៦។

សូមបងប្អូនប្រជាពលរដ្ឋចូលរួមសហការជាមួយមន្រ្តីជំនាញ ក្នុងការការពារ អភិរក្ស សត្វព្រៃដ៏កម្រនេះ ឲ្យមានសុវត្ថិភាព។

ពិធីប្រកាសចូលកាន់មុខតំណែងជាប្រធានរតនាគារខេត្តព្រះវិហារ ក្រោមអធិបតីភាព ឯកឧត្តម វ៉ាន់ ពុទ្ធិពល អនុរដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និងឯកឧត្តម គីម រិទ្ធី អភិបាលខេត្តព្រះវិហារ នៅសាលប្រជុំសាលាខេត្តព្រះវិហារ។

ឯកឧត្តម វ៉ាន់ ពុទ្ធិពល បានណែនាំដល់លោកប្រធានរតនាគារខេត្តថ្មី លើការងាររួមមាន ការពង្រឹងសាមគ្គីភាពផ្ទៃក្នុង ការបង្កើនកិច្ចសហការជិតស្និទ្ធជាមួយរដ្ឋបាលខេត្ត និងមន្ទីរ-អង្គភាពជុំវិញខេត្ត ដើម្បីធានាមានតម្លាភាពក្នុងការគ្រប់គ្រងថវិកាជាតិ ព្រមទាំងការជម្រុញអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈរបស់រាជរដ្ឋាភិបាលឱ្យកាន់តែមានប្រសិទ្ធភាពខ្ពស់។

សូមបញ្ជាក់ថា លោក ជា សុជាតិ ត្រូវបានតែងតាំងជាប្រធានរតនាគាខេត្តព្រះវិហារ ជំនួស លោក អ៊ាង វណ្ណថា ត្រូវចូលនិវត្តន៍ ។

១៨ ឧសភា ២០២៦

#រដ្ឋបាលខេត្តព្រះវិហារ

រដ្ឋបាលខេត្តព្រះវិហារ សូមជម្រាបជូនសាធារណជន និងបងប្អូនសារព័ត៌មាន ជ្រាបថា៖

ពាក់ព័ន្ធនឹងការតវ៉ារបស់ប្រជាពលរដ្ឋជុំវិញការធ្វើ «អត្តសញ្ញាណកម្មដីធ្លី» នៅអមសងខាងផ្លូវថ្មី តភ្ជាប់ពីភូមិក្រឡាពាស (ឃុំព្រីងធំ) មកកាន់ស្រះម្លិះ (ឃុំទឹកក្រហម) ស្រុកជាំក្សាន្ត អាជ្ញាធរខេត្តសូមបញ្ជាក់ពីគោលបំណងពិតប្រាកដនៃការចុះអនុវត្តនេះ ដូចខាងក្រោម៖

• ដើម្បីប្រយោជន៍ពលរដ្ឋ៖ ស្រង់ទិន្នន័យចំនួនគ្រួសារ និងទំហំដីអាស្រ័យផលជាក់ស្តែង ដើម្បីធានាការបង្កបង្កើនផល។
• ដើម្បីការពារធនធានធម្មជាតិ៖ ទប់ស្កាត់ការកាប់ទន្ទ្រានដីព្រៃអភិរក្សខុសច្បាប់ ដែលមានចែងក្នុងព្រះរាជក្រឹត្យ។
• ដើម្បីអនាគត៖ គ្រប់គ្រង និងរៀបចំផែនការដាំស្តារព្រៃឈើឡើងវិញ ទុកជាប្រយោជន៍ដល់កូនចៅជំនាន់ក្រោយ។

អាស្រ័យហេតុនេះ សូមសាធារណជន និងបងប្អូនសារព័ត៌មានទាំងអស់ ជ្រាបជាព័ត៌មាន និងសូមចូលរួមសហការជាមួយអាជ្ញាធរ។

១៦ ឧសភា ២០២៦

រដ្ឋបាលខេត្តព្រះវិហារ ប្រាព្ធពិធីបុណ្យចម្រើនព្រះជន្ម ព្រះករុណា ព្រះបាទសម្តេចបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា គម្រប់ព្រះជន្មាយុ ៧៣ យាងចូល ៧៤ ព្រះវស្សាក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត លោក មុតភិសិទ្ធនា អភិបាលរងខេត្ត តំណាងឯកឧត្តម គីម រិទ្ធី អភិបាលខេត្តព្រះវិហារដោយមានការអញ្ជើញចូលរួមពីសំណាក់ឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត កងកម្លាំងទាំងបីប្រភេទ ថ្នាក់ដឹកនាំមន្ទីរអង្គភាពជុំវិញខេត្ត និងអ្នកពាក់ព័ន្ធជាច្រើនរូបទៀតឦនៅសាលសាលាខេត្តព្រះវិហារ ។

១៤ ឧសភា ២០២៦។

#រដ្ឋបាលខេត្តព្រះវិហារ