កម្រងកំណាព្យខ្មែរមិត្តភាព

ភាសាជាតិ ជាព្រលឹងជាតិ ។

ត្នោតយាមអង្គរ
.........................មឿន សុមេធ
១/ ទឹកត្នោតឈ្ងុយឆ្ងាញ់ចម្រាញ់ពីដើម
ផឹកមួយដង្ហើមអស់មួយបំពង់
ប្រវត្តិត្នោតខ្មែរមានមកយូរលង់
អង្គរសមទ្រង់គង់មានត្នោតក្បែរ ។

២/ គន់មើលដើមត្នោតដូចឃើញអង្គរ
ដើមត្នោតខ្មែរឈរ " ខ្ពស់ដូចដួងខែ "
" ត្នោតយាមអង្គរ " " ដូចកូនម៉ែថែ "
ឯទឹកត្នោតខ្មែរឈ្ងុយឆ្ងាញ់អស្ចារ្យ ។

៣/ ត្នោត " ឆ្មាំអង្គរ " ឈរអភិរក្ស
" ដូចស្រីគ្រប់លក្ខណ៍ " ល្អស្រស់ជាងផ្កា
ចាំយាមអង្គរដោយចិត្តស្នេហា
" អង់អាចហានក្លា " " រក្សាអង្គរ " ។

៤/ ខ្មែរសាងអង្គរឆ្លាក់ក្បាច់ចម្លាក់
ស្រេកទឹកឡើងដាក់ " ទឹកត្នោតបវរ "
ផឹកយកកម្លាំង " ឆ្លាក់ក្បាច់បន្ត "
" គ្រាប់ត្នោតដុះ ត " ជាឆ្មាំចាំយាម ។

៥/ " ត្នោតយាមអង្គរ " ឈរក្រោមសូរ្យសែង
ថ្ងៃក្តៅហុយផ្សែង " ត្នោតស្ទើរស្រក់ឈាម
តែត្នោតញញឹម " ខំប្រឹងឈរយាម "
" ឆ្លៀតអានរឿងរាមកេរ្តិ៍ កំដរចិត្ត ។ល។

០៧ ឧសភា ឆ្នាំ២០១៥

✔ ខ្ញុំបាទ មឿន សុមេធ សូមគោរពជូនដំណឹងដល់កល្យាណមិត្ត ដែលធ្លាប់បានសេវ និងធ្លាប់បានស៑ែរ
កំណាព្យមួយដែលមានចំណងជើងថា គុណសៀវភៅ
សូមមេត្តាជ្រាប...
ខ្ញុំបាទបានកែសម្រួលឡើងវិញត្រង់ល្បះទី១ ត្រង់ព្យាង្គ
ទី ៦ ត្រង់ពាក្យ " ផ្ទុក " > " សព្វ " វិញ ។

ក្រពះរីក​ តម្លៃគុណធម៌ថមថយ​ ។

ចូរកុំព្យាយាមផ្គាប់ចិត្តនរណាម្នាក់អី​ ព្រោះថាការព្យាយាមផ្គាប់
ចិត្តគេច្រើនពេក វាធ្វើអ្នកបាត់បង់ខ្លួនឯង។

✔ ថ្វីបើខ្ញុំខ្សត់ចំណេះ ក្រទ្រព្យ ខ្វះស្នាមញញឹមក៏ដោយ
តែខ្ញុំចូលចិត្តបង្រៀនគេឱ្យចេះដឹងដោយមេត្តា ណែនាំគេ
ឱ្យចេះរក្សានិងរកទ្រព្យ ព្រមទាំងពន្យល់គេឱ្យរៀនកាត់ចិត្ត
កុំដេកឱបទុក្ខកង្វល់ បើរស់ៗដោយរីករាយ ។
✔កំណាព្យ វាជាតន្ត្រីកំដរជីវិតខ្ញុំ ហើយមានតែវាទេ ដែល
យល់ពីជម្រៅចិត្តរបស់ខ្ញុំ...?

ឈ្វេងយល់

អត់លុយអ្វីអស្ចារ្យឱ្យតែមានប្រាក់គ្រប់គ្រាន់ហើយ។

ក្លិនលុយ

កំណាព្យ បាត់ហើយ