មន្ទីរបរិស្ថានខេត្តតាកែវ

លិខិតថ្កោលទោស ចំពោះបុគ្គលណាដែលលបលួចចូលបំផ្លិចបំផ្លាញធនធានធម្មជាតិក្នុងតំបន់ការពារទេសភាពបឹងព្រែកល្ពៅ ខេត្តតាកែវ។

ញត្តិគាំទ្រចំពោះចំណាត់ការរបស់រាជរដ្ឋាភិបាលកម្ពុជាក្នុងការដោះស្រាយបញ្ហាការទាមទារដែនសមុទ្រដោយសន្តិវិធី និងស្របតាមច្បាប់អន្តរជាតិ

សេចក្តីជូនដំណឹង ស្តីពី ការប្រារព្ធទិវាបរិស្ថានជាតិ និងបរិស្ថានពិភពលោក ៥ មិថុនា ឆ្នាំ២០២៦ ក្រោមប្រធានបទ «សំណល់សូន្យ»

ថ្ងៃទី២៧ ខែឧសភា ឆ្នាំ២០២៦ ក្រុមការងារវាយតម្លៃគុណវុឌ្ឍិមេត្រីបរិស្ថាន នៃមន្ទីរបរិស្ថានខេត្តតាកែវ និងមានការចូលរួមពី លោក សន ថា ប្រធានការិយាល័យ កសិកម្ម ធនធានធម្មជាតិ និងបរិស្ថានស្រុកបូរីជលសារ និងតំណាងអង្គការទស្សនពិភពលោក ចូលរួមប្រគល់បណ្ណសរសើរមេត្រីភាពបរិស្ថាន ជូនដល់សាលាបឋមសិក្សាត្រើយឃ្លោក ស្ថិតក្នុងឃុំដូងខ្ពស់ ស្រុកបូរីជលសារ ខេត្តតាកែវ។

ថ្ងៃទី១៨ ខែឧសភា ឆ្នាំ២០២៦ យុទ្ធនាការពន្លកបៃតង!
ថ្នាក់ដឹកនាំ និងមន្ត្រីរាជការ បានចូលរួមច្រកដីដាក់ថង់បណ្តុះកូនបេង និង កូនក្ងោក ចំនួន ៧៩ ដើម។

សាសនា ផ្សារភ្ជាប់នឹងបរិស្ថាន!

ទូលព្រះបង្គំយើងខ្ញុំ ក្នុងនាមថ្នាក់ដឹកនាំ និងមន្រ្តីរាជការ នៃមន្ទីរបរិស្ថាន ខេត្តតាកែវ សូមថ្វាយព្រះរាជសព្វសាធុការពរថ្វាយព្រះបាទសម្ដេចព្រះបរមនាថ នរោត្តមសីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសចម្រើនព្រះជន្មគម្រប់ ៧៣យាងចូល ៧៤ព្រះវស្សារបស់ព្រះអង្គ ។ សូមព្រះអង្គ ទ្រង់សមប្រកបដោយពរដ៏ប្រសើរថ្លៃថ្លាទាំងប្រាំប្រការគឺ: អាយុ វណ្ណៈ សុខៈ ពលៈ និង បដិភាណៈជាភិយ្យោភាពតរៀងទៅ៕

ថ្ងៃទី១២ ខែឧសភា ឆ្នាំ២០២៦ លោក ឆយ ម៉ុនលី ប្រធានមន្ទីរ និងក្រុមការងារវាយតម្លៃគុណវុឌ្ឍិនៃមន្ទីរបរិស្ថានខេត្តតាកែវ ចូលរួមកម្មវិធីប្រកាសជ័យលាភី ចលនាប្រឡងប្រណាំង «ភូមិ ឃុំ-សង្កាត់» មានសុវត្ថិភាពក្នុងក្របខ័ណ្ឌលក្ខណសម្បត្តទី៦ក្នុងវិស័យបរិស្ថាន ក្រោមអធិបតីភាព ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន នៅសាលប្រជុំម៉ុក ម៉ារ៉េត ទីស្ដីការក្រសួងបរិស្ថាន។ សូមបញ្ជាក់សម្រាប់ឆ្នាំ២០២៦ ខេត្តតាកែវ មានឃុំសំរោង ស្រុកសំរោង ដែលបានជាប់ជ័យលាភី ក្នុងចំណោមជ័យលាភីសរុប៣០ទូទាំងប្រទេស។

សប្ដាហ៍ទីមួយនៃខែឧសភា មន្ត្រីជំនាញចូលរួមចុះអធិការកិច្ចអន្តរក្រសួង រោងចក្រចំនួន៣ ក្នុងស្រុកកោះអណ្ដែត និងក្រុងដូនកែវ ខេត្តតាកែវ។