Tipo Commune

🌿 ពីទុក្ខលំបាកនៃការសិក្សា ដល់បន្ទុកពិតនៃជីវិតការងារ

មេរៀនដែលសង្គមមិនដែលបង្រៀន

កាលពីជំនាន់រៀនសូត្រ យើងធ្លាប់គិត និងយល់ថា ទាំងនេះជាភាពលំបាកដ៏ធំធេងបំផុតមួយ។
_ត្រូវភ្ញាក់ពីព្រលឹមស្រាងៗ
_ត្រូវប្រឈមមុខនឹងសៀវភៅរាប់រយ រាប់ពាន់ទំព័រ
_ត្រូវធ្វើកិច្ចការសាលាដល់យប់ជ្រៅ
_ត្រូវប្រឈមនឹងការប្រឡងម្តងហើយម្តងទៀត _ត្រូវទទួលពាក្យស្តីបន្ទោសពីគ្រូ
_ហើយពេលខ្លះ ក៏ធ្វើឲ្យយំដោយមិនដឹងខ្លួនផងដែរក៏មាន។

នៅពេលនោះ យើងគិតថា៖

> “នេះហើយ ជាទុក្ខលំបាកដ៏ធំបំផុតមួយនៃជីវិតមនុស្ស!”

ប៉ុន្តែពេលនេះ ទើបដឹងយ៉ាងច្បាស់ថា ភាពលំបាកទាំងនោះ គ្រាន់តែជាការហាត់សម គ្រាន់តែជាការព្យាយាមប្រឹងប្រែង បោះជំហានទៅរកអនាគតដ៏ភ្លឺស្វាងមួយប៉ុណ្ណោះ។

💼 ពេលឈានជើងចូលក្នុងពិភពការងារ

ទើបដឹងថា — ភាពលំបាកពិតប្រាកដម មួយស្ថិតនៅទីនេះ។

ការងារមិនដូចកិច្ចការផ្ទះដែលអាចបញ្ចប់បានជារៀងរាល់ថ្ងៃទេ!
ចូលក្នុងពិភពការងារ ពោរពេញដោយភាពតានតឹង វាប្រៀបដូចជាខ្សែសង្វាក់ដ៏ធ្ងន់ ដែលចងជាប់លើស្មារបស់យើង មិនអាចដោះចេញបាន។ ពេលនេះហើយ ទើបដឹងថា ភាពលំបាកពិតប្រាកដគឺស្ថិតនៅទីនេះ!

ការងារដែលធ្វើមិនចេះចប់មិនចេះហើយ ប្រាក់កម្រៃហាក់ដូចជាខ្យល់បក់រំលង មិនដែលគ្រប់គ្រាន់នឹងតម្រូវការពេញលេញចំពោះជីវិត ។
ទោះបីជាអស់កម្លាំងលំបាកយ៉ាងណា ចង់សុំពេលសម្រាកខ្លះ ត្រូវមើលកាយវិការរបស់ថៅកែ។
ចង់បញ្ចេញភាពហត់នឿយ ត្រូវទប់ចិត្ត ដើម្បីរក្សាមុខងារ...។

យើងត្រូវទប់អារម្មណ៍
ត្រូវទទួលយកការចង្អុលបង្ហាញ និងរិះគន់ពីអតិថិជន ទោះបីវាមិនសមហេតុផលក៏ដោយ។
ហើយអ្វីដែលពិបាកបំផុតគឺ
យើងត្រូវញញឹមហើយនិយាយថា

> “បាទ… អត់មានបញ្ហាទេ!”
> ទោះបីជាខាងក្នុងកំពុងឈឺចាប់ក៏ដោយ។

📚 ភាពខុសគ្នារវាងរៀនសូត្រ និងការងារ

ភាពលំបាកនៃការរៀន គឺ ផ្អែកលើ លទ្ធផល និងពិន្ទុ។
តែភាពលំបាកនៃការងារ គឺ ផ្អែកលើ ភាពជាក់ស្តែង និងសម្ពាធជីវិត។

_ការខិតខំប្រឹងប្រែងរបស់អ្នក មិនប្រាកដថាមាននរណាមើលឃើញទេ!
_ការតស៊ូរបស់អ្នក មិនប្រាកដថានឹងទទួលបានលទ្ធផលដែលគួរឲ្យរីករាយដែរ។

សង្គមមិននិយាយពី “ហេតុផល” ទេ! អ្វីដែលសង្គមនិយាយគឺ៖

> “តម្លៃដែលអ្នកត្រូវបង់” សម្រាប់អ្វីដែលអ្នកចង់បាន។

_ចង់សម្រាក ➜ បាត់ប្រាក់ចំណូល

_ចង់បានប្រាក់ខែខ្ពស់ ➜ បាត់ពេលវេលាផ្ទាល់ខ្លួន

សិស្សមានតារាងពិន្ទុ ដែលបង្ហាញកំហុសនិងការខកខាន។
អ្នកធ្វើការមានតារាងវាយតម្លៃ (Performance Review) ដែលសម្រេចជោគវាសនាប្រាក់ខែ និងតំណែង។

_ម្នាក់ត្រូវគ្រូស្តីបន្ទោសនៅក្នុងថ្នាក់ មានមិត្តលួងពេលយំ។
_ម្នាក់ទៀតត្រូវជីវិតច្របាច់ក រហូតដល់លែងមានកំហឹង លែងមានអំនួតលើខ្លួនឯង។

🕊 ហេតុនេះ កុំសួរថា “ការងារលំបាកឬអត់?” មិនសាមញ៉ាមច្រើន អាចឆ្លើយយ៉ាងលឿនថា ពិបាកជាងរៀន។

នៅក្នុងពិភពការងារ គ្មាននរណាហ៊ានសុំច្បាប់ឈប់សម្រាក ដើម្បីគេចចេញពីបញ្ហាដែលត្រូវដោះស្រាយ...។

ប៉ុន្តែបើទោះយ៉ាងណាក៏ដោយ ទេវតាមិនដែលផ្តាច់ផ្លូវមនុស្សដែលកំពុងខិតខំប្រឹងប្រែងតស៊ូឡើយ មនុស្សដែលបានខំប្រឹងនៅតែមានតម្លៃជានិច្ច។ហើយចាត់ទុកថាយើងមករៀនសូត្រចុះ ហើយថ្នាក់ខ្ពស់វាលំបាកអ៊ីចឹងហើយ។ ខំប្រឹងប្រែងឲ្យខ្លួនមានសមត្ថភាពកាន់តែខ្លាំង ខំមាត់ សង្កត់ចិត្ត ធ្វើការងារឲ្យបានល្អ ហើយបើគេមិនឃើញ ចាកចេញទៅកន្លែងផ្សេង ហើយបើមានសមត្ថភាពធ្វើដោយខ្លួនឯងបាន ដើរផ្លូវខ្លួនឯងចុះ! តែត្រូវចាំថា! ដើរផ្លួវខ្លួនឯងលំបាកជាងហ្នឹងច្រើនដងណាស់ តែមិនអីទេ! មានអ្នកធ្វើបានជាច្រើនរួមមកហើយ ដូច្នេះយើងក៏អាចនឹងធ្វើបានដែរ ព្រោះយើងមានស្បែកក្រាស់ បេះដូងថ្ម ដែលការងារបង្រៀនយើងជាដើមទុនដ៏សំខាន់មួយហើយ អ្វីដែលសំខាន់បន្ទាប់ត្រូវជឿជាក់លើខ្លួនឯង និងធនធានដែលយើងខំប្រឹងកន្លងមក...។

Ⓒ រក្សាសិទ្ធដោយ #ផ្នត់គំនិត

338 សំណួរ-ចម្លើយ វប្បធម៌ទូទៅ ត្រៀមប្រឡងគ្រូ 🧑‍🏫💥

📚២០០សំណួរចម្លើយ
👉https://forms.gle/jKBPb6Xk4GMyZiKN7

📚៧៥សំណួរចម្លើយ
👉https://forms.gle/oAeZV45mMxtxsY7N7

📚៦៣សំណួរចម្លើយ
👉https://forms.gle/3V6iud1CnxPZx8EZ7

📚សៀវភៅត្រៀមប្រឡងគ្រូ👩🏻‍🏫💥
👉https://t.me/study0969292113

📚កម្រងវិញ្ញាសាពិសេស ត្រៀមប្រឡងគ្រូ ១១មុខវិជ្ជា😍
👉https://t.me/+aJX6diwymDYzZDM1

📚គ្រុបតេស្តQCM វប្បធម៌ទូទៅ
👉https://t.me/+BKmCra8wC55kNWY1

📚គ្រុបគណិតវិទ្យា ត្រៀមប្រឡងគ្រូ
https://t.me/+rIRQ3WIv8tdjODFl

Page : STuDY-សិក្សា
Tell : 096 92 92 113
ទាក់ទងតេលេក្រាម
👉http://t.me/ratanastudy

"ឥទ្ធិពលនៃទម្លាប់ប្រចាំថ្ងៃ"
ទម្លាប់ប្រចាំថ្ងៃ គឺជាសកម្មភាព ឬអាកប្បកិរិយាដែលមនុស្សម្នាក់ៗធ្វើជារឿយៗរៀងរាល់ថ្ងៃ ដោយមិនខ្លាច ឬគ្មានការស្ទាក់ស្ទើរទេ ។ ទម្លាប់អាចមានវិជ្ជមាន ឬអវិជ្ជមាន ហើយវាអាចមានឥទ្ធិពលយ៉ាងខ្លាំងលើជីវិតយើង ទាំងសុខភាពផ្លូវកាយ ផ្លូវចិត្ត ការងារ សិក្សា និងទំនាក់ទំនងសង្គម ។ ទម្លាប់ល្អអាចជួយឲ្យមនុស្សមានជីវិតប្រសើរឡើង ខណៈដែលទម្លាប់អាក្រក់អាចនាំឲ្យជីវិតយើងធ្លាក់ចូលទៅរកបញ្ហានានា ។

ឧទាហរណ៍ នៃទម្លាប់វិជ្ជមាន មានដូចជា ៖
» ការចំណាយពេលវេលាអានសៀវភៅរៀងរាល់ថ្ងៃ
» ការហាត់ប្រាណទៀងទាត់រៀងរាល់ថ្ងៃ
» ការសរសេរបញ្ជីការងារ (to-do list)
» ឬការបរិភោគអាហារដែលមានប្រយោជន៍ជាដើម ។
ទម្លាប់ទាំងនេះអាចជួយបង្កើនប្រសិទ្ធភាព កែលម្អសុខភាព និងបង្កើនកម្រិតសមត្ថភាពផ្លូវចិត្ត។ ជាពិសេស ការមានទម្លាប់គ្រប់គ្រងពេលវេលាដោយប្រសើរ អាចជួយឲ្យមនុស្សសម្រេចបានគោលដៅរបស់ខ្លួនយ៉ាងមានប្រសិទ្ធភាព។ ផ្ទុយទៅវិញ ទម្លាប់អវិជ្ជមាន ដូចជា :
» ការគេងយូរ
» ការបរិភោគអាហារមិនមានប្រយោជន៍
» ការចំណាយពេលច្រើនលើបច្ចេកវិទ្យា
» ឬការធ្វើការលើសហួសហេតុនាំសម្ពាធដល់ផ្លូវចិត្តជាប្រចាំ អាចបង្ហាញឥទ្ធិពលអវិជ្ជមានដល់សុខភាព
» ការគិតអវិជ្ជមានជាប្រចាំ
» ការចំណាយពេលវេលាខ្ជះខ្ជាយជាប្រចាំថ្ងៃ ជាដើម ។ ជាពិសេស ទម្លាប់អាក្រក់តូចៗ បើបន្តទៀត នឹងអាចក្លាយជាបញ្ហាធំៗក្នុងជីវិតរបស់អ្នកបាន ។

តាមការស្រាវជ្រាវជាច្រើនបានបញ្ជាក់ថា ទម្លាប់ គឺជាផ្នែកសំខាន់នៃការអភិវឌ្ឍន៍ខ្លួនឯង។ មនុស្សជោគជ័យជាច្រើន បានអះអាងថា "កត្តាសំខាន់មួយ ដែលធ្វើឲ្យពួកគេរឹងមាំ គឺព្រោះពួកគេមានទម្លាប់ល្អៗ ដែលបន្តជាប្រចាំ" ។

ទ​ម្លាប់ប្រចាំថ្ងៃមានឥទ្ធិពលដ៏ធំលើទិសដៅនៃជីវិតមនុស្សយើងម្នាក់ៗ ។ ទម្លាប់ល្អអាចជួយអភិវឌ្ឍន៍ខ្លួនឯង និងជីវិតនៅទិសដៅវិជ្ជមាន តែទម្លាប់អវិជ្ជមានអាចនាំឲ្យអ្នកជួបនូវបញ្ហារាប់មិនអស់ ។

#អានសៀវភៅជួយពង្រីកគំនិត