Try Dalux - ទ្រី ដាលុច

ក្នុងឱកាសឆ្នាំថ្មីប្រពៃណីជាតិខ្មែរ ឆ្នាំមមី សប្តស័ក ពុទ្ធសករាជ ២៥៦៩-២៥៧០ សូមសូមបួងសួងដល់ទេវតាឆ្នាំថ្មី ព្រះនាងរាក្យសាទេវី សូមជួយអភិបាលប្រោះព្រំសព្ទសាធុការពរជ័យជូនចំពោះ បងប្អូនប្រជាពលរដ្ឋ ជាពិសេស បងប្អូនកម្មករនិយោជិត សូមធ្វើដំណើរប្រកបដោយសុខសុវត្ថិភាពទាំងទីជិតទីឆ្ងាយ និងទទួលបានសេចក្ដីសុខ សុភមង្គល កម្លាំងពលំខ្លាំងក្លា បញ្ញាវាងវៃ ជោគជ័យគ្រប់ភារកិច្ច និងវឌ្ឍនភាព មហាប្រសើរជានិរន្តរ៍រៀងទៅ និងសូមសមប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សារជូនពរ

ឯកឧត្តម​ ជា​ វុទ្ធី​ អគ្គលេខាធិការគណ:កម្មាធិការវិនិយោគកម្ពុជា​ នៃក្រុមប្រឹក្សាអភិវឌ្ឍន៍កម្ពុជា និងលោកជំទាវ ក្នុងឱកាសបុណ្យចូលឆ្នាំថ្មី ប្រពៃណីជាតិ ឆ្នាំមមី ឆស័ក ព.ស.២៥៦៩ គ.ស.២០២៦

សារជូនពរ

លោកអ្នកឧកញ៉ាបណ្ឌិត ទ្រី​ ភា​ព​ ទីប្រឹក្សាផ្ទាល់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងអគ្គនាយកនៃក្រុមហ៊ុន ទ្រី ភាព គ្រុប លោកជំទាវ និងក្រុមគ្រួសារ​ ក្នុងឱកាសបុណ្យចូលឆ្នាំថ្មី ប្រពៃណីជាតិ ឆ្នាំមមី ឆស័ក ព.ស.២៥៧០ គ.ស.២០២៦

សារជូនពរ

ឯកឧត្តម ស៊ុន​ ចាន់ថុល ឧបនាយករដ្ឋមន្រ្តី អនុប្រធានទី១​ នៃក្រុមប្រឹក្សាអភិវឌ្ឍន៍កម្ពុជា​ និងលោកជំទាវ ក្នុងឱកាសបុណ្យចូលឆ្នាំថ្មី ប្រពៃណីជាតិ ឆ្នាំមមី ឆស័ក ព.ស.២៥៧០ គ.ស.២០២៦

សារជូនពរ

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ក្នុងឱកាសបុណ្យចូលឆ្នាំថ្មី ប្រពៃណីជាតិ ឆ្នាំមមី ឆស័ក ព.ស.២៥៧០ គ.ស.២០២៦

សារជូនពរ

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្នុងឱកាសបុណ្យចូលឆ្នាំថ្មី ប្រពៃណីជាតិ ឆ្នាំមមី ឆស័ក ព.ស.២៥៧០ គ.ស.២០២៦

សារថ្វាយព្រះពរ

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសបុណ្យចូលឆ្នាំថ្មី ប្រពៃណីជាតិ ឆ្នាំមមី ឆស័ក ព.ស.២៥៧០ គ.ស.២០២៦

ឯកឧត្តម ទ្រី ដាលុចបានចូលរួមជាគណៈអធិបតីក្នុងខួបលើកទី១១៥ ឆ្នាំ២០២៦ នៃទិវាអន្តរជាតិនារី៨មីនា នៅស្រុកប្រាសាទបល្ល័ង្ក ខេត្តកំពង់ធំ។

សាលាស្រុកប្រាសាទបល្ល័ង្ក៖ នាព្រឹកថ្ងៃទី១៣ ខែមីនា ឆ្នាំ២០២៦ នៅស្រុកប្រាសាទបល្ល័ង្ក,ខេត្តកំពង់ធំ ក្រុមការងារគណបក្សចុះមូលដ្ឋានស្រុកប្រាសាទបល្ល័ង្កបានរៀបចំទិវាអន្តរជាតិនារី៨មីនា ខួបលើកទី១១៥ ឆ្នាំ២០២៦ ក្រោមអធិបតីភាព ឯកឧត្តម ទ្រី ដាលុច ប្រធានក្រុមការងារយុវជនគណបក្សចុះមូលដ្ឋានស្រុកប្រាសាទបល្ល័ង្ក ព្រមទាំងមានការអញ្ជើញចូលរួមពីប្រធានក្រុមប្រឹក្សាស្រុក គណៈអភិបាលស្រុក ប្រធានការិយាល័យ និងអង្គភាព សមាគមនារីស្រុក សមាគមនារីឃុំទាំង៧ មន្រ្តីរាជការ អ្នកគ្រូ និង អ្នកចូលរួមដទៃទៀតសរុបប្រមាណជិត៤១០ នាក់។
ឯកឧត្តមបានអាននូវព្រះរាជសាររបស់សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គលក្នុងឱកាសអបអរសាទរខួបលើកទី ១១៥ ទិវាអន្តរជាតិនារី ៨មីនា ឆ្នាំ២០២៦។ ក្នុងខ្លឹមសារព្រះរាជសារបានលើកឡើងនូវតម្លៃរបស់ "ស្រ្តី" ក្នុងយុគសម័យថ្មី និងគាំទ្រប្រធានបទដែលបានលើកឡើងស្របទៅតាមបរិការណ៍របស់ប្រទេសយើងគឺ «សន្តិភាព និងសន្តិសុខសម្រាប់ស្ត្រី និងគ្រួសារ» ដែលមានសារៈសំខាន់មិនអាចកាត់ថ្លៃបាននៃ សន្តិភាព និងសន្តិសុខសម្រាប់ស្ត្រី និងក្រុមគ្រួសារ ដែលជាបុរេលក្ខខណ្ឌដ៏ចម្បង ញ៉ាំងឱ្យស្ត្រី និងក្រុមគ្រួសារបាន រស់នៅជួបជុំប្រកបដោយសុភមង្គល សុខដុមរមនា សុខុមាលភាពទាំងផ្លូវកាយ និងផ្លូវចិត្ត ជាការគូសបញ្ជាក់ពីការរួម ចំណែកយ៉ាងសកម្មរបស់ស្ត្រីក្នុងកិច្ចខិតខំប្រឹងប្រែងដើម្បីកសាង និងថែរក្សាសន្តិភាព ដែលជាធាតុផ្សំមិនអាចខ្វះ បានសម្រាប់ការអភិវឌ្ឍប្រកបដោយចីរភាព ស្ថិរភាព និងវិបុលភាពសង្គម។ បន្ថែមពីនេះទៀត «ស្ត្រីគឺជាស្នូល» ក្នុងយុទ្ធសាស្ត្របញ្ចកោណដំណាក់ កាលទី១ សំដៅពង្រឹងភាពជាពលរដ្ឋ រស់នៅក្នុងសង្គមប្រកបដោយសីលធម៌ សមធម៌ និង បរិយាបន្ន ដែលក្នុងនោះតាមរយៈការផ្តោតសំខាន់លើការអភិវឌ្ឍអភិបាលកិច្ចល្អ និងការអភិវឌ្ឍមូលធនមនុស្ស ដើម្បីទាញយកភាគលាភប្រជាសាស្ត្រ និងយេនឌ័រ ដូចជាការបង្កើនភាពអង់អាចដល់ស្ត្រីនៅក្នុងវិស័យ សេដ្ឋកិច្ច អប់រំ សុខភាព និងភាពជាអ្នកដឹកនាំនៅគ្រប់កម្រិត ព្រមទាំងការលើកកម្ពស់ការការពារសិទ្ធិរបស់ស្ត្រី និង ក្មេងស្រីគ្រប់រូប។

ឆ្លៀតក្នុងឱកាសនេះដែរ ឯកឧត្តម ទ្រី ដាលុច ក៏បាននាំយកនូវអំណោយដ៏ថ្លៃថ្លារបស់លោកអ្នកឧកញ៉ាបណ្ឌិត ទ្រី ភាព មកប្រគល់ជូនរដ្ឋបាលសាលាស្រុកប្រាសាទបល្ល័ង្ក អ្នកចូលរួមជានារី និងសមានជិកសរុបជាទឹកប្រាក់ប្រមាណ ១២០ លានរៀល។

អបអរសាទរ ខួបលើកទី១១៥ ទិវាអន្តរជាតិនារី ៨មីនា ឆ្នាំ២០២៦ ក្រោមប្រធានបទ “សន្តិភាព និងសន្តិសុខសម្រាប់ស្រ្តី និងគ្រួសារ”

ឯកឧត្តម ទ្រី ដាលុចបានចូលរួមជាគណៈអធិបតីក្នុងពិធីប្រកាសចាត់តាំង និងកែសម្រួលសមាសភាពក្រុមការងារគណបក្សចុះមូលដ្ឋានភូមិក្នុងឃុំសាមគ្គី ស្រុកប្រាសាទបល្ល័ង្ក ខេត្តកំពង់ធំ។

ឃុំសាមគ្គី, ស្រុកប្រាសាទបល្ល័ង្ក, ខេត្តកំពង់ធំ៖ ថ្ងៃទី២៤ ខែមករា ឆ្នាំ២០២៦ ក្រុមការងារគណបក្សចុះមូលដ្ឋានឃុំសាមគ្គី បានរៀបចំពិធីប្រកាសចាត់តាំង និងកែសម្រួលសមាសភាពក្រុមការងារគណបក្សចុះមូលដ្ឋានតាមភូមិទាំង ៥ ចំណុះឃុំសាមគ្គី ស្រុកប្រាសាទបល្ល័ង្ក ខេត្តកំពង់ធំ ក្រោមអធិបតីភាព ឯកឧត្តម ទ្រី ដាលុច ប្រធានក្រុមការងារយុវជនគណបក្សចុះមូលដ្ឋានស្រុកប្រាសាទបល្ល័ង្ក ព្រមទាំងមានការអញ្ជើញចូលរួមពីប្រធានគណបក្សស្រុក ប្រធានគណបក្សឃុំ ប្រធានក្រុមការងារគណបក្សចុះមូលដ្ឋានឃុំទាំង៧ លោក លោកស្រី អនុប្រធាន សមាជិក សមាជិកា និងអ្នកចូលរួមដទៃទៀតសរុបប្រមាណជិត ១៥០០ នាក់។

ជាកិច្ចចាប់ផ្ដើម ឯកឧត្តមបានសម្តែងនូវសេចក្ដីសោមនស្ស ដែលបានចូលរួមជាគណៈអធិបតីក្នុងពិធីប្រកាសចាត់តាំង និងកែសម្រួលសមាសភាពក្រុមការងារគណបក្សចុះមូលដ្ឋានតាមភូមិនៅក្នុងឃុំសាមគ្គី ស្រុកប្រាសាទបល្ល័ង្ក។ ឯកឧត្តមបានសម្ដែងនូវការកោតសរសើរយ៉ាងក្រៃលែងដល់ថ្នាក់ដឹកនាំក្នុងក្របខ័ណ្ឌគណបក្សរួមមាន ឯកឧត្តម វង្សី វិស្សុត ប្រធានក្រុមការងារគណបក្សចុះមូលដ្ឋានខេត្តកំពង់ធំ និង លោកអ្នកឧកញ៉ាបណ្ឌិត ទ្រី ភាព ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកប្រាសាទបល្ល័ង្ក ដែលបានដឹកនាំធ្វើឲ្យស្រុកប្រាសាទបល្ល័ង្ក ខេត្តកំពង់ធំរបស់យើងទទួលបានសមិទ្ធផលបន្ថែមនោះគឺការកៀរគរបានសមាជិកថ្មីនៃក្រុមការងារគណបក្សចុះមូលដ្ឋានតាមភូមិទាំង៥ នៅក្នុងឃុំសាមគ្គី ដែលសមិទ្ធផលនេះគឺជាការបង្កើនកម្លាំងស្នូលបន្ថែមដើម្បីចុះតាមផ្ទះ និងរួមចំណែក ដោះស្រាយនូវបញ្ហាប្រឈម និងសំណូមពរនានារបស់ប្រជាពលរដ្ឋ។ បន្ថែមលើនេះ ឯកឧត្ដមក៏បានលើកឡើងអំពីគុណូបការ:ដ៏ធំធេងរបស់វីរកងទ័ពរបស់យើងដែលបានពលី និងបូជាសាច់ស្រស់ ឈាមស្រស់ ក្នុងបុព្វហេតុការពារអធិបតេយ្យភាព និងបូរណភាពទឹកដីជាតិមាតុភូមិជាទីស្រឡាញ់ពីការឈ្លានពានរបស់ប្រទេសជិតខាង ដែលជាចំណែកដែលធ្វើឱ្យប្រជាជនកម្ពុជាគ្រប់រូបស្គាល់តម្លៃពិតនៃ “សន្តិភាព”។ ក្នុងន័យនេះ ឯកឧត្ដមក៏បានបន្តរំលេចអំពីគោលជំហរដោះស្រាយបញ្ហាព្រំដែនដោយសន្តិវិធី និងអត់ធ្មត់បំផុតរបស់រាជរដ្ឋាភិបាល ដោយផ្អែកលើយន្តការទ្វេភាគីដែលមានស្រាប់ រហូតឈានដល់ការឯកភាពគ្នាអនុវត្តបទឈប់បាញ់នៅនឹងកន្លែង ដើម្បីបញ្ចប់នូវទុក្ខសោករបស់ប្រជាជនភៀសសឹកជាងកន្លះលាននាក់ ទប់ស្កាត់ការបំផ្លិចបំផ្លាញ និងបន្តដើរលើមាគ៌ាឆ្ពោះទៅរកសន្តិភាពយូរអង្វែង។ ឯកឧត្ដមបានបន្តទៀតថាការសម្រេចចិត្តបែបនេះពុំមែនមានន័យថារាជរដ្ឋាភិបាលសុខចិត្តយកបូរណភាពទឹកដីទៅដោះដូរនឹងសន្តិភាពឡើយ តែគឺជាការឆ្លុះបញ្ចាំងថាកម្ពុជាប្រកាន់យកមាគ៌ាសន្តិភាពក៏ដូចជាយកអាយុជីវិត និងសុខទុក្ខរបស់ប្រជាជនជាអាទិភាពចម្បងបំផុត។ អាស្រ័យហេតុនេះរាជរដ្ឋាភិបាលដែលដឹកនាំដោយគណបក្សប្រជាជនកម្ពុជាតែងតែផ្តល់ តម្លៃខ្ពស់បំផុតចំពោះ “សន្តិភាព និងការអភិវឌ្ឍ” ព្រោះសន្តិភាពគឺជាលក្ខខណ្ឌចាំបាច់សម្រាប់ការអភិវឌ្ឍខឿនសេដ្ឋកិច្ចជាតិ, ការកែលម្អបរិយាកាសវិនិយោគ, ការបង្កើតការងារ, និងការលើកស្ទួយជីវភាពរបស់ប្រជាពលរដ្ឋដើម្បីឈានទៅសម្រេចបាននូវចក្ខុវិស័យឆ្នាំ ២០៥០ ក្នុងការក្លាយខ្លួនជាប្រទេសមានប្រាក់ចំណូលខ្ពស់។ ឯកឧត្តមក៏បានជម្រាបទៅអង្គពិធីអំពីសមិទ្ធផលសេដ្ឋកិច្ចនានាដែលរាជរដ្ឋាភិបាលសម្រេចបានរួមមាន ស្ថិរភាពនៃកំណើនសេដ្ឋកិច្ចយ៉ាងល្អប្រសើរ ក៏ដូចជាកំណត់ត្រានៃទំហំទុនវិនិយោគសរុបប្រមាណ ១០ ពាន់លានដុល្លារអាម៉េរិក និងអាចបង្កើតការងារបានប្រមាណ ៤៣៨ ពាន់កន្លែង។ ឯកឧត្ដមក៏បានរំលេចទៀតថា ស្ថិតក្នុងសភាពការណ៍ពិភពលោកដែលវិវត្តកាន់តែស្មុគស្មាញ មិនប្រាកដប្រជា និងគ្រោះថ្នាក់បែបនេះ តទៅមុខនាវាកម្ពុជាក្រោមការដឹកនាំដ៏វាងវៃរបស់ សម្តេចមហាបវរធិបតីនាយករដ្ឋមន្ត្រី ហ៊ុន ម៉ាណែត នឹងនៅតែបន្តធ្វើដំណើរទៅមុខប្រកបដោយភាពប្រុងប្រយ័ត្នខ្ពស់ និងថ្លឹងថ្លែងបំផុតនៅលើផ្ទៃសមុទ្រនៃភាពតានតឹងផ្នែកភូមិសាស្ត្រនយោបាយ និងសេដ្ឋកិច្ច ដោយឈរលើជំហរឯករាជ្យ ស្រឡាញ់សន្តិភាព សន្តិសហវិជ្ជមាន អព្យាក្រឹត្យ និងមិនចូលបក្សសម្ព័ន្ធ។ ឆ្លៀតក្នុងឱកាសនេះដែរ ឯកឧត្តមក៏បានវាយតម្លៃខ្ពស់ចំពោះវឌ្ឍនភាពការងារជារួមរបស់ក្រុមការងារគណបក្សចុះមូលដ្ឋានស្រុកប្រាសាទបល្ល័ង្ក និងសូមចូលរួមអបអរសាទរចំពោះសមាជិកសមាជិកាថ្មីនៃក្រុមការងារគណបក្សចុះមូលដ្ឋានតាមភូមិទាំង៥ ចំណុះឃុំសាមគ្គី ស្រុកប្រាសាទបល្ល័ង្ក ដែលនឹងត្រូវបំពេញភារកិច្ចជាកម្លាំងស្នូលក្នុងការរួមចំណែកដោះស្រាយបញ្ហាប្រឈម ក្តីកង្វល់ និងស្តាប់នូវសំណូមពររបស់ប្រជាជនក្នុងមូលដ្ឋានភូមិទាំង៥។ ឯកឧត្តមក៏បានថ្លែងអំណរគុណយ៉ាងជ្រាលជ្រៅចំពោះ ប្រធានគណបក្សស្រុក ប្រធានគណបក្សឃុំ ប្រធានក្រុមការងារចុះមូលដ្ឋានឃុំទាំង៧ លោក លោកស្រី ប្រធាន អនុប្រធាន សមាជិក សមាជិកា និងអ្នកចូលរួមទាំងអស់ ដែលបានអញ្ជើញចូលរួមក្នុងពិធីប្រកាសចាត់តាំង និងកែសម្រួលសមាសភាពក្រុមការងារគណបក្សចុះមូលដ្ឋានតាមភូមិនៅក្នុងឃុំ សាមគ្គី ស្រុកប្រាសាទបល្ល័ង្ក។

ឆ្លៀតក្នុងឱកាសនេះដែរ ឯកឧត្តម ទ្រី ដាលុច ក៏បាននាំយកនូវអំណោយដ៏ថ្លៃថ្លារបស់លោកអ្នកឧកញ៉ាបណ្ឌិត ទ្រី ភាព មកប្រគល់ជូនប្រធានគណបក្សស្រុក ប្រធានគណបក្សឃុំ ប្រធានក្រុមការងារចុះមូលដ្ឋានឃុំទាំង៧ លោក លោកស្រី អនុប្រធាន សមាជិក សមាជិកា និងប្អូនៗសិស្សនុសិស្សទាំងអស់សរុបជាទឹកប្រាក់ប្រមាណ ១៤០ លានរៀល។

អបអរសាទរ! ខួបលើកទី៤៧ "ទិវាជ័យជម្នះលើរបបប្រល័យពូជសាសន៍ ៧មករា" (៧.មករា.១៩៧៩ - ២០២៦)

Congratulations! The 47th Anniversary of the Victory Day over the Genocide (07/JAN/1979 – 2026)