រដ្ឋបាល ខេត្តកំពង់ធំ

ញត្តិគាំទ្រ ចំពោះសេចក្តីថ្លែងការណ៍របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ស្ដីពី "ការសម្រេចចិត្តរបស់រាជរដ្ឋាភិបាល ពាក់ព័ន្ធនឹងការទាមទារដែនសមុទ្រត្រួតស៊ីគ្នាជាមួយប្រទេសថៃ" នាព្រឹកថ្ងៃទី២ ខែមិថុនា ឆ្នាំ២០២៦។

សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្តកំពង់ធំ នាព្រឹកថ្ងៃទី៣ ខែមិថុនា ឆ្នាំ២០២៦។

ឯកឧត្តម នួន ផារ័ត្ន អភិបាលខេត្តកំពង់ធំ ទទួលជួប ជំនួបពិភាក្សាការងារជាមួយ ឯកឧត្តម ចិន យ៉ាង (Chen Yang) ប្រធានសភាប្រឹក្សានយោបាយនៃទីក្រុងយ៉ាងចូវ សាធារណរដ្ឋប្រជាមានិតចិន និងពិធីចុះហត្ថលេខាលើអនុស្សរណៈនៃការយោគយល់គ្នា ស្តីពីការបង្កើតទំនាក់ទំនងកិច្ចសហប្រតិបត្តិការរវាងខេត្តកំពង់ធំ នៃព្រះរាជាណាចក្រកម្ពុជា និងទីក្រុងយ៉ាងចូវ នៃខេត្តជាំងស៊ូ នៃសាធារណរដ្ឋប្រជាមានិតចិន។

សាលាខេត្តកំពង់ធំ, ថ្ងៃទី២៨ ខែឧសភា ឆ្នាំ២០២៦!

ឯកឧត្តម នួន ផារ័ត្ន អភិបាលខេត្តកំពង់ធំ អញ្ជើញចូលរួមក្នុងពិធីប្រគល់-ទទួលសម្ភារកីឡា ចំនួន ៥២១ ឈុត ជូនដល់គ្រឹះស្ថានសិក្សាចំនួន ១៤៧ នៅក្នុងភូមិសាស្ត្រក្រុងស្ទឹងសែន ស្រុកកំពង់ស្វាយ និងស្រុកតាំងគោក ដែលជាអំណោយរបស់មូលនិធិចិន ដើម្បីអភិវឌ្ឍជនបទ (CFRD) តាមរយៈវេទិកាសម្ព័ន្ធសង្គមស៊ីវិល។

វិទ្យាល័យហ៊ុនសែនបល្ល័ង្ក, ថ្ងៃទី២៣ ខែឧសភា ឆ្នាំ២០២៦!

ឯកឧត្តម នួន ផារ័ត្ន អភិបាលខេត្តកំពង់ធំ ទទួលជួបពិភាក្សាការងារជាមួយ លោក Shigeyuki Kubota ប្រធានក្រុមហ៊ុនគ្រប់គ្រងសំណល់រឹង Naotomi Shoji Corporation ប្រចាំកម្ពុជា ដើម្បីសិក្សាស្វែងយល់អំពីឱកាសវិនិយោគក្នុងការកែច្នៃសំណល់រឹងនៅក្នុងភូមិសាស្ត្រក្រុងស្ទឹងសែន និងតំបន់ជុំវិញ »

សាលាខេត្តកំពង់ធំ, ថ្ងៃទី២០ ខែឧសភា ឆ្នាំ២០២៦!

ថ្មីៗនេះ មានសារព័ត៌មានមួយចំនួនចុះផ្សាយថា រដ្ឋបាលខេត្តកំពង់ធំបានជំពាក់​ថវិកាឧបត្ថម្ភប្រចាំខែដល់អ្នកសារព័ត៌មាន។

ពាក់ព័ន្ធនឹងការចុះផ្សាយដោយគ្មានមូលដ្ឋានខាងលើនេះ យើងខ្ញុំ​សូមបញ្ជាក់ថា រដ្ឋបាលខេត្តមិនមានគោលការណ៍ឧបត្ថម្ភជូនដល់អ្នកសារព័ត៌មាននោះទេ។ ទន្ទឹមនេះ អ្នកសារព័ត៌មានមានសិទ្ធិសេរីភាពពេញលេញក្នុងការផ្សព្វផ្សាយព័ត៌មានស្របតាមច្បាប់ស្តីពីសារព័ត៌មាន និងក្រមសីលធម៌វិជ្ជាជីវៈអ្នកសារព័ត៌មាន។

រីករាយថ្ងៃចន្ទ ដើមសប្តាហ៍ ថ្នាក់ដឹកនាំ ចូលរួមជាមួយមន្ត្រីក្រោមឱវាទ គោរពទង់ជាតិ នៃព្រះរាជាណាចក្រកម្ពុជា នៅសាលាខេត្តកំពង់ធំ។

ឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ បានដឹកនាំក្រុមការងារ ចុះពិនិត្យស្ថានភាពព្រៃលិចទឹក នៅក្នុងតំបន់ ៣ ក្នុងភូមិសាស្ត្រស្រុកស្ទោង ខេត្តកំពង់ធំ។

ដោយអនុវត្តតាមបទបញ្ជាដ៏ម៉ឺងម៉ាត់របស់សម្ដេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា ព្រៃលិចទឹកនៅក្នុងតំបន់៣ ប្រមាណ ១០ម៉ឺន ហិកតា នៅក្នុងភូមិសាស្ត្រខេត្តកំពង់ធំ ត្រូវបានការពារយ៉ាងម៉ឺងម៉ាត់ មិនឱ្យមានការទន្ទ្រានកាប់ព្រៃលិចទឹក និងកាន់កាប់ដីដោយខុសច្បាប់ថ្មីណាមួយនោះឡើយ ក្នុងដំណាក់កាលប៉ុន្មានឆ្នាំចុងក្រោយនេះ ហើយតំបន់មួយចំនួន ព្រៃលិចទឹកក៏បាននិងកំពុងដុះលូតលាស់ឡើងវិញជាបណ្តើរៗផងដែរ។

សូមបងប្អូនប្រជាពលរដ្ឋទាំងអស់មេត្តាយោគយល់ និងអធ្យាស្រ័យខ្ពស់ ចំពោះការអនុវត្តច្បាប់របស់មន្ត្រីដែលកំពុងឈរជើងនៅតាមបណ្តាទីបញ្ជាការស្រាលទាំងអស់ នៅក្នុងភូមិសាស្ត្រខេត្តកំពង់ធំ ក្នុងបុព្វហេតុការពារធនធានធម្មជាតិដ៏មានសារសំខាន់នេះ។

ស្រុកស្ទោង, ថ្ងៃទី១៤ ខែឧសភា ឆ្នាំ២០២៦!