ហ្គេមលោកិយ៏

ពូប្រកាសអោយហើយ អ្នកណាក៏ដោយចង់មកតវ៉ារកខុសរកត្រូវនឹងពូ គឺមកបានទាំងអស់ ពូទៅធ្វើការផ្សាយផ្ទាល់នៅហាយវ៉េរាល់ល្ងាចពេលម៉ោង៦តទៅ។ អ្នកណាចង់មកតវ៉ារកខុសរកត្រូវនឹងពូរឿងអីក៏បានដែរ សូមអញ្ជើញ អាណាំសេង មីជើងបីក៏បាន ថាអ្នកណាក៏បាន ប្រាប់តែស្រី ម៉ិចទៅ ស្រី ម៉ិចនឹងរៀបចំអោយបានជួបពូហើយ។ តែពូសូមរំលឹកអោយហើយណា កុំស្តាយក្រោយដូចពួកអាមកយកឡានអោយសោះណា គិតអោយស្រេច កុំបន្ទោសអ្នកណាអោយសោះ។ បើគិតស្រេចបាច់ហើយ សូមអញ្ជើញមកដោយរីករាយចុះ៕

ភ្នែកមនោពូគិតពីពិភពលោកសម័យនេះទៅ ឃើញតែដល់ថ្ងៃវិនាស។ ចំនួនមនុស្សក៏កាន់តែច្រើន អារម្មណ៍របស់មនុស្សក៏វិលបញ្រ្ចាសកម្មរាល់ថ្ងៃ វិទ្យាសាស្ត្រកាន់តែរីកចំរើន វិទ្យាសាស្ត្រប្រើកម្លាំងធាតុខ្លាំងសម្បើមណាស់ ងាកទៅណាក៏ឃើញតែតឹងឡើងៗ មនុស្សនិយាយហេតុផលយល់គ្នាមិនបាន។ អត្តាឡើងដៃណាស់ ទុកអោយអត្តារៀបចំពិភពលោក ពិភពលោកនេះអួរអ័ព្ទឡើងៗ កម្មទ្រាំមិនបានទេ កម្មត្រូវតែរៀបចំពិភពលោកនេះអោយស្រស់បំព្រងឡើងវិញឆាប់ៗនេះហើយក្មួយ៕

អកត្តញ្ញូនាំអ្នកសពគប់ទាំងអស់ ដូចជាក្រុមគ្រួសារ បងប្អូន អ្នករាប់អាន ឬក្រុមមនុស្សដែលបុគ្គលអកត្តញ្ញូនោះដឹកនាំ អោយមុជក្បាលសំយ៉ុងទៅក្រោមលឿនបំផុត។ កត្តញ្ញូនាំផ្លូវមនុស្សដោយពន្យល់ហេតុផល អោយអ្នកសេពគប់ភ្លឺស្វាង មានបញ្ញាចេះគិតហេតុផល ជាដំណើរនាំខ្លួនអោយអណ្តែតឡើងៗរហូតចេញចាកកងទុក្ខរួច។ គិតសំគាល់មើលចុះ មនុស្សដែលមិនស្របនឹងពូទាំងឡាយ សុទ្ធតែនាំមហន្តរាយមកអោយខ្លួនទាំងអស់ ហើយបុគ្គលណាចូលទៅសេពគប់ ត្រូវរ៉ូវគ្នានឹងបុគ្គលទាំងនោះ សុទ្ធនាំមហន្តរាយមកអោយខ្លួនទាំងអស់៕