សាលាបឋមសិក្សាប្រាសាទ - Prasat Primary School

យើងខ្ញុំជាគណ:កម្មការគ្រប់គ្រងសាលារៀន នាយិកា លោកគ្រូ អ្នកគ្រូសាលាបឋមសិក្សាប្រាសាទ សូមគោរពថ្លែងអំណរគុណយ៉ាងជ្រាលជ្រៅបំផុតចំពោះ លោក សំ សីហា និងភរិយាដែលបានឧបត្ថម្ភថវិកាចំនួន 50 000រៀល ដើម្បីចូលរួមក្នុងការកែលម្អបរិស្ថានសាលា(ចាក់ថ្មផេះ)បំពេញទីធ្លាសាលា ។
យើងខ្ញុំសូមគោរពជូនពរលោក និងក្រុមគ្រួសារទាំងអស់ សូមមានសុខភាពល្អ រកទទួលទានមានបាន ជួបប្រទះតែសេចក្ដីសុខ សេចក្ដីចំរើន និងជោគជយ័គ្រប់ភារកិច្ច ❤️🥰🙏🙏🙏

យើងខ្ញុំជាគណ:កម្មការគ្រប់គ្រងសាលា នាយិកាលោកគ្រូអ្នកគ្រូសាលាបឋមសិក្សាប្រាសាទ សូមអំពាវនាវដល់សប្បុរសជន គ្រប់ទិសទីចូលរួមថវិការតិចក្តីច្រើនក្តីតាមកម្លាំងសទ្ធាដើម្បីកែលម្អរបរិស្ថានសាលា (ធ្វើកន្លែងទឹកស្អាត លាងដែ សួនច្បារ) ។

សាលាបឋមសិក្សាប្រាសាទគាំទ្រយ៉ាងពេញទំហឹងចំពោះគម្រោងសហប្រតិបត្តិការCLV

ថ្ងៃសៅរ៍ទី១៣ ០៧ ២០២៤ សាលាបឋមសិក្សាប្រាសាទមានកិត្តិយសណាស់ ដោយក្រុមហ៊ុនណាហ្គាវើលដ៍ បេះដូងសប្បុរសបានចុះមកចែកសម្ភារៈសិក្សាដល់សិស្សានុសិស្ស មាន សៀវភៅ ប៊ិក ជា ពិសេសមានជារង្វាន់សម្រាប់សិស្សដែលមានចំណាត់ថ្នាក់ល្អពី លេខ ១ ដល់លេខ ៣ (កាតាប)។
យើងខ្ញុំជាប្រធានគណ:កម្មការ នាយិកា លោកគ្រូ អ្នកគ្រូ និងសិស្សានុសិស្សទាំងអស់ សូមគោរពជូនពរ ដល់ក្រុមហ៊ុននិងក្រុមការងារស្ម័គ្រចិត្តទាំងអស់មានសុខភាពល្អ ជោគជយ័គ្រប់ភារកិច្ច ព្រមទាំងទទួលបាននូវពរចំរើន៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ🥰🥰🥰🙏🙏🙏

សូមគោរពជម្រាបជូនព័ត៌មានដល់ មាតា បិតា អាណាព្យាបាល សិស្សានុសិស្ស ទាំងអស់ឲ្យបានជ្រាបថា ៖
ដោយយោងអាកាសធាតុនារដូវប្រាំងក្ដៅខ្លាំង ក្រសួងអប់រំយុវជន និងកីឡា បានអនុញ្ញាតម៉ោង បង្រៀននិងរៀនដូចខាងក្រោម
*សំណូមពររបស់សាលា
1 សូម មាតា បិតា រៀបចំទឹកសម្រាប់កូនៗ ហូបឲ្យបានគ្រប់គ្រាន់
2 មានកូនកន្សែងពោះគោទុកសំរាប់ស្អំក្បាលពេលកំដៅក្ដៅខ្លាំង។
* ឯសាលាត្រៀមទឹកសំរាប់សិស្សប្រើប្រាស់ឲ្យបានគ្រប់គ្រាន់

យើងខ្ញុំជាគណៈកម្មការ នាយិកា នាយករង លោកគ្រូ អ្នកគ្រូសាលាបឋមសិក្សាប្រាសាទ
សូមគោរពអំពាវនាវ
ឯកឧត្តម លោកជំទាវ អាជ្ញាធរគ្រប់លំដាប់ថ្នាក់ លោក លោកស្រី សប្បុរសជន មាតាបិតា អាណាព្យាបាលសិស្ស អតីតសិស្សគ្រប់ជំនាន់ មេត្តាជួយចូលរួមវិភាគទានជាថវិកាតាមកម្លាំងសទ្ធាជ្រះថ្លា ដើម្បីចូលរួមទិញ តុ កៅអី ក្តារខៀន និង កសាងកែ
លម្អបរិស្ថានសាលារៀនសម្រាប់សិស្សានុសិស្សសិក្សា ដោយសាលាពុំមានលទ្ធភាពក្នុងការទិញ និងកែលម្អបរិស្ថាន ។
ហេតុដូចនេះហើយ ទើបគណៈកម្មការគ្រប់គ្រងសាលា នាយិកា លោកគ្រូ អ្នកគ្រូ មូលមតិគ្នាធ្វើលិខិតអំពាវនាវសុំជំនួយពីសំណាក់ ឯកឧត្តម លោកជំទាវ លោក លោកស្រី មាតាបិតា អតីតសិស្សទាំងអស់ មេត្តាជ្រាបនិងសូមមេត្តាជួយចូលរួមតាមកម្លាំងសទ្ធាជ្រះថ្លា🙏🙏🙏យើងខ្ញុំសូមអរគុណទុកជាមុន🙏

គណ:កម្មការគ្រប់គ្រងសាលា នាយិកា លោកគ្រូ អ្នកគ្រូសាលាបឋមសិក្សាប្រាសាទ សូមគោរពថ្លែងអំណរគុណយ៉ាងជ្រាលជ្រៅបំផុតចំពោះ លោក វ៉ា វ៉ាន់មន: នាយប៉ុស្ដិ៍ស្ដីទី រដ្ឋបាលប្រាសាទ និងភរិយា ភា ស្រីពៅ ដែលបានឧបត្ថម្ភ បង់អង្គុយ ១ ឈុត ។ យើងខ្ញុំសូមគោរពជូនពរលោក និងក្រុមគ្រួសារទាំងអស់ ជួបប្រទះតែសេចក្ដីសុខ សេចក្ដីចំរើន និងជោគជយ័គ្រប់ភារកិច្ច។