ក្រុមការងារគណបក្សចុះជួយឃុំសោប និងឃុំជ្រោយបន្ទាយ ស្រុកព្រែកប្រសព្វ

ឃុំជ្រោយបន្ទាយ និង ឃុំសោប

នៅព្រឹកថ្ងៃទី១៣ ខែកក្កដា ឆ្នាំ២០២២

លោក ទ្រី សុភក្តិ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ និងជាប្រធានក្រុមការងារថ្នាក់ខេត្តចុះជួយឃុំជ្រោយបន្ទាយ និង ឃុំសោប និងក្រុមការងារ បានអមដំណើរ ឯកឧត្តម សរ ចំរុង សមាជិកគណៈកម្មាធិការកណ្តាលគណបក្សប្រជាជនកម្ពុជា សមាជិកអចិន្ត្រៃយ៍រដ្ឋសភា ប្រធានគណៈកម្មការទី១នៃរដ្ឋសភា អនុប្រធានក្រុមការងារគណបក្សចុះមូលដ្ឋានខេត្តក្រចេះ និងជាអនុប្រធានក្រុមការងារគណបក្សចុះមូលដ្ឋានស្រុកព្រែកប្រសព្វ ដោយមានការចូលរួមពីលោកអភិបាលស្រុកព្រែកប្រសព្វ លោកមេឃុំ សមាជិក សមាជិកាក្រុមប្រឹក្សាឃុំ លោក លោកស្រីមេភូមិ និងលោកយាយ លោតា សរុបប្រមាណ ១២៤នាក់។
ដើម្បីនាំយកនូវ ទៀនចំណាំព្រះវស្សា បញ្ច័យ និងទ័យវត្ថុមួយចំនួន មកប្រគេនព្រះសង្ឃ ដែលគង់ចាំព្រះវស្សា នៅវត្តចំនួន៥ ក្នុងឃុំជ្រោយបន្ទាយ និង វត្តចំនួន ៨ ក្នុងឃុំសោប សរុបជាថវិកាចំនួន ៧ ៤៨១ ៥០០រៀល ក្នុងនោះ ឃុំជ្រោយបន្ទាយ ចំនួន ២ ៨៧៧ ៥០០រៀល ឃុំសោប ចំនួន ៤ ៦០៤ ០០០រៀល និងជូនសារ៉ុងដល់អ្នកចូលរួម ចំនួន ១២៤ នាក់ ក្នុងម្នាក់ៗទទួលបានសារ៉ុង ០១។ #គណបក្សប្រជាជនកម្ពុជា

ឃុំជ្រោយបន្ទាយ
នៅថ្ងៃទី២១ ខែឧសភា ឆ្នាំ២០២២
.................................
លោក ទ្រី សុភក្តិ ប្រធានក្រុមការងារថ្នាក់ខេត្តចុះជូយឃុំជ្រោយបន្ទាយ និងឃុំសោប បានដឹកនាំក្រុមការងារថ្នាក់ខេត្តចុះជួយឃុំជ្រោយបន្ទាយ និងឃុំសោប សហការជាមួយក្រុមការងារគណបក្សស្រុកព្រែកប្រសព្វ រួមជាមួយក្រុមការងារគណបក្សតាមភូមិ ឃុំ នឹងសមាជិកគណបក្សប្រជាជនកម្ពុជានៅក្នុងឃុំសោប និងឃុំជ្រោយបន្ទាយ បានរៀបចំយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដោយមានការចូលរួមពីសមាជិក សមាជិកាសរុបប្រមាណ ៨៥០នាក់។ #គណបក្សប្រជាជនកម្ពុជា

ខេត្តក្រចេះ
នាព្រឹកថ្ងៃទី៣០ ខែមេសា ឆ្នាំ២០២២ នៅមន្ទីរគណបក្សខេត្តក្រចេះ។
....................
លោក ទ្រី សុភក្តិ សមាជិកគណៈកម្មាធិការគណបក្សខេត្តក្រចេះ ត្រូវបានគណៈកម្មាធិការកណ្តាល នៃគណបក្សប្រជាជនកម្ពុជា ផ្តល់សេចក្តីទុកចិត្តតែងតាំងជាសមាជិកគណៈអចិន្រ្តៃយ៍នៃគណៈកម្មាធិការគណបក្សខេត្តក្រចេះ។ #គណបក្សប្រជាជនកម្ពុជា

ខេត្តក្រចេះ
នៅព្រឹកថ្ងៃទី២៩ ខែមេសា ឆ្នាំ២០២២ គណបក្សមូលដ្ឋានមន្ទីរកសិកម្ម រុក្ខាប្រមាញ់ និងនេសាទ បានបើកកិច្ចប្រជុំប្រចាំខែមេសា និងទិសដៅបន្ត ដឹកនាំដោយ លោក ទ្រី សុភក្តិ សមាជិកគណៈអចិន្រ្តៃយ៍គណកម្មាធិការគណបក្សខេត្ត និងជាអនុប្រធានក្រុមការងារថ្នាក់ខេត្តចុះជួយស្រុកព្រែកប្រសព្វ ប្រធានក្រុមការងារថ្នាក់ខេត្តចុះជួយឃុំជ្រោយបន្ទាយ និងឃុំសោប ដោយមានរបៀបវារៈ ដូចខាងក្រោម :
១. ការពង្រឹង និងពង្រីក សមាជិកបក្ស
២.ការរៀបចំផែនការសកម្មភាពចុះជួបតាមភូមិនីមួយៗ
៣.ការត្រៀមមធ្យោបាយធ្វើដំណើ និងវិធីសាស្រ្តនានាក្នុងការចុះឃោសនា
៤.ការចូលរួមយុទ្ធនាការចាក់វ៉ាក់សាំងជំងឺកូវីដ១៩
៥.ទិសដៅបន្ត
ដោយមានការចូលរួមពី លោក លោកស្រី ប្រធាន អនុប្រធានក្រុមការងារថ្នាក់ខេត្តចុះជួយតាមភូមិនីមួយៗ ក្នុងឃុំសោប និងឃុំជ្រោយបន្ទាយ ប្រមាណ ៤០នាក់ ស្រី៨នាក់។ #គណបក្សប្រជាជនកម្ពុជា

នៅព្រឹកថ្ងៃទី២៣ ខែមេសា ឆ្នាំ២០២២ នៅឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ
................................
លោក អោក ដារុណ អនុប្រធានក្រុមការងារថ្នាក់ខេត្តចុះជួយឃុំជ្រោយបន្ទាយ បានដឹកនាំសមាជិកសមាជិកាក្រុមការងារថ្នាក់ខេត្តចុះជួយភូមិក្នុងឃុំជ្រោយបន្ទាយ ដោយមានការចូលរួមពីគណៈកម្មាធិការគណបក្សឃុំជ្រោយបន្ទាយ និងភូមិ ប្រមាណ ៦០នាក់ រៀបចំកិច្ចប្រជុំស្តីពី៖
១.ការពិនិត្យ និងកែសម្រួលបញ្ជីឈ្មោះសមាជិកក្រុមបក្ស
២.ការរៀបចំសម្រាប់ត្រៀមក្នុងការបោះឆ្នោតជ្រើសរើសក្រុមប្រឹក្សាឃុំអាណត្តិទី៥ ខាងមុខនេះ
៣.បញ្ហាផ្សេងៗ #គណបក្សប្រជាជនកម្ពុជា

ពេលព្រឹក
ថ្ងៃសៅរ៍ ៧រោច ខែចេត្រ ឆ្នាំខាល ចត្វាស័ក ព.ស. ២៥៦៥ ត្រូវនឹងថ្ងៃទី២៣ ខែមេសា ឆ្នាំ២០២២ នៅភូមិក្ល ឃុំសោប ស្រុកព្រែកប្រសព្វ ខេត្តក្រចេះ
…………
លោក ទ្រី សុភក្តិ ប្រធានក្រុមការងារគណបក្សខេត្តចុះជួយឃុំសោប និងឃុំជ្រោយបន្ទាយ បានដឹកនាំក្រុមការងារចុះជួយឃុំសោប ដោយមានការចូលរួមពី សមាជិក សមាជិការ គណៈកម្មាធិការគណបក្សឃុំ សោប និងសមាជិកសមាជិការគណៈកម្មាធិការសាខាបក្សភូមិក្ល បានចុះជួបសំណេះសំណាលជាមួយប្រធានក្រុមបក្សក្នុងភូមិក្ល ដែលមានក្រុមបក្សចំនួន ៣៦ក្រុម ដើម្បីពិនិត្យ និងពង្រឹងដល់ប្រធានក្រុមបក្ស : ទី១-ការពង្រឹងសមាជិកបក្សក្នុងក្រុមបក្សឲ្យមានលក្ខណៈគ្រប់គ្រាន់អាចទៅបោះឆ្នោតបាន និងឲ្យស្គាល់សមាជិកក្នុងក្រុមឲ្យបានច្បាស់, ទី២-ការត្រៀមរៀបចំផែនការសកម្មភាពឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ និង បានណែនាំឲ្យស្គាល់លេខរៀងគណបក្សប្រជាជនកម្ពុជាគឺលេខរៀងទី១, ទី៣-ជំរុញការចាក់វ៉ាក់សាំង និងវិធានការណ៍ការពារការីករាលដាលនៃជំងឺកូវិដ-១៩ និងទី៤-បញ្ហាផ្សេងៗ ។

ពេលព្រឹក
ថ្ងៃអាទិត្យ ៩កើត ខែចេត្រ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១០ ខែមេសា ឆ្នាំ២០២២ នៅភូមិព្រែកព្រលូង ឃុំសោប
…………
លោក ទ្រី សុភក្តិ ប្រធានក្រុមការងារគណបក្សខេត្តចុះជួយឃុំសោប និងឃុំជ្រោយបន្ទាយ បានដឹកនាំក្រុមការងារចុះជួយឃុំសោប ដោយមានការចូលរួមពី តំណាងគណបក្សប្រជាជនកម្ពុជាស្រុកសមាជិក សមាជិកា គណៈកម្មាធិការគណបក្សឃុំ សោប និងសមាជិកសមាជិកាគណៈកម្មាធិការសាខាបក្សភូមិព្រែកព្រលូង បានចុះជួបសំណេះសំណាលជាមួយប្រធានក្រុមបក្សក្នុងភូមិព្រែកព្រលូង ដែលមានក្រុមបក្សចំនួន ៤៧ក្រុម ដើម្បីពិនិត្យ និងពង្រឹងដល់ប្រធានក្រុមបក្ស ៖
ទី១-ការពង្រឹងសមាជិកបក្សក្នុងក្រុមបក្សឲ្យមានលក្ខណៈគ្រប់គ្រាន់អាចទៅបោះឆ្នោតបាន និងឲ្យស្គាល់សមាជិកក្នុងក្រុមឲ្យបានច្បាស់
ទី២-ការត្រៀមរៀបចំផែនការសកម្មភាពឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ និង បានណែនាំឲ្យស្គាល់លេខរៀងគណបក្សប្រជាជនកម្ពុជាគឺលេខរៀងទី១
ទី៣-ជំរុញការចាក់វ៉ាក់សាំង និងវិធានការណ៍ការពារការីករាលដាលនៃជំងឺកូវិដ-១៩
ទី៤-បញ្ហាផ្សេងៗ ។

ក្រុមការងារគណបក្សមូលដ្ឋានមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ ចុះជួយឃុំសោប និងឃុំជ្រោយបន្ទាយ