មន្ទីរពេទ្យបង្អែកខេត្តកំពត/ Kampot Referral Hospital

សេចក្ដីជូនដំណឹង!
ដោយមានកិច្ចសហការល្អរវាងមន្ទីរពេទ្យសម្ព័នមេត្រីភាព មន្ទីរពេទ្យបង្អែកខេត្ដកំពត មន្ទីរសុខាភិបាលនៃរដ្ឋបាលខេត្ដកំពត និង មន្ទីរពេទ្យព្រះអង្គឌួង ។ ក្រុមគ្រូពេទ្យនៃមន្ទីរពេទ្យព្រះអង្គឌួង សហការជាមួយក្រុមគ្រូពេទ្យនៃមន្ទីរពេទ្យបង្អែកខេត្ដ នឹងបើកពិនិត្យសុខភាពភ្នែក ផ្ដល់វ៉ែនតា និង វះកាត់ដោយឥតគិតថ្លៃជូនប្រជាពលរដ្ឋក្នុងខេត្ដកំពត នៅថ្ងៃសៅរ៍ ៧ កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី ២៣ ខែឧសភា ឆ្នាំ ២០២៦ នៅអគារភ្នែក នៃមន្ទីរពេទ្យបង្អែកខេត្ដកំពត ។ សូមគោរអរគុណ៕

មន្ទីរពេទ្យបង្អែកខេត្ដកំពត៖ នៅព្រឹកថ្ងៃពុធ ១២​រោច ខែពិសាខ ឆ្នាំមមី អដ្ឋស័ក ព.ស.២៥៧០ ​​ត្រូវនឹងថ្ងៃទី ១៣ ខែឧសភា ឆ្នាំ២០២៦ លោកវេជ្ជបណ្ឌិត ឈុយ ឆូង ប្រធានមន្ទីរពេទ្យបង្អែកខេត្ដកំពត បានបើកវគ្គបណ្ដុះបណ្ដាលលើកទី ៣ ស្ដីពី ការផ្ទេរព័ត៌មានដោយប្រើទម្រង់ ISBAR (I: Identify, S: Situation, B: Background, A: Assessments, R: Recommendation) និង ភាពត្រឹមត្រូវទាំង៧ នៃការផ្ដល់ឱសថ ដល់បុគ្គលិកនៃមន្ទីរពេទ្យបង្អែកខេត្ដកំពត ដើម្បីពង្រឹងគុណភាពនៃការព្យាបាល និង ថែទាំ ។

មន្ទីរពេទ្យបង្អែកខេត្ដកំពត៖ នៅព្រឹកថ្ងៃអង្គារ ១១​រោច ខែពិសាខ ឆ្នាំមមី អដ្ឋស័ក ព.ស.២៥៧០ ​​ត្រូវនឹងថ្ងៃទី ១២ ខែឧសភា ឆ្នាំ២០២៦ លោកវេជ្ជបណ្ឌិត លន់ រតនៈ អនុប្រធានមន្ទីរពេទ្យបង្អែកខេត្ដកំពត បានបើកវគ្គបណ្ដុះបណ្ដាលលើកទី ២ ស្ដីពី ការផ្ទេរព័ត៌មានដោយប្រើទម្រង់ ISBAR (I: Identify, S: Situation, B: Background, A: Assessments, R: Recommendation) និង ភាពត្រឹមត្រូវទាំង៧ នៃការផ្ដល់ឱសថ ដល់បុគ្គលិកនៃមន្ទីរពេទ្យបង្អែកខេត្ដកំពត ដើម្បីពង្រឹងគុណភាពនៃការព្យាបាល និង ថែទាំ ។

មន្ទីរពេទ្យបង្អែកខេត្ដកំពត៖ នៅព្រឹកថ្ងៃចន្ទ ១០​រោច ខែពិសាខ ឆ្នាំមមី អដ្ឋស័ក ព.ស.២៥៧០ ​​ត្រូវនឹងថ្ងៃទី ១១ ខែ ឧសភា ឆ្នាំ ២០២៦ លោកវេជ្ជបណ្ឌិត ឈុយ ឆូង ប្រធានមន្ទីរពេទ្យបង្អែកខេត្ដកំពត បានបើកវគ្គបណ្ដុះបណ្ដាល ស្ដីពី ការផ្ទេរព័ត៌មានដោយប្រើទម្រង់ ISBAR (I: Identify, S: Situation, B: Background, A: Assessments, R: Recommendation) និង ភាពត្រឹមត្រូវទាំង៧ នៃការផ្ដល់ឱសថ ដល់បុគ្គលិកនៃមន្ទីរពេទ្យបង្អែកខេត្ដកំពត ដើម្បីពង្រឹងគុណភាពនៃការព្យាបាល និង ថែទាំ ។

សារលិខិតគោរពជូនពរជូនចំពោះលោកស្រីឱសថការី លី កែវធីតា អនុប្រធានមន្ទីរសុខាភិបាលនៃរដ្ឋបាលខេត្ដកំពត ។

សារលិខិតគោរពជូនពរជូនចំពោះលោកឱសថការី លឹម ចាន់ អនុប្រធានមន្ទីរសុខាភិបាលនៃរដ្ឋបាលខេត្ដកំពត ។

សារលិខិតគោរពជូនពរជូនចំពោះលោកវេជ្ជបណ្ឌិត តាន់ ឆេង អនុប្រធានមន្ទីរសុខាភិបាលនៃរដ្ឋបាលខេត្ដកំពត ។

សារលិខិតគោរពជូនពរជូនចំពោះលោកជំទាវវេជ្ជបណ្ឌិត យូ សុគន្ធ ប្រធានមន្ទីរសុខាភិបាលនៃរដ្ឋបាលខេត្ដកំពត ។

មន្ទីរពេទ្យបង្អែកខេត្ដកំពត ៖ នៅព្រឹកថ្ងៃអង្គារ ៦កើត ខែចេត្រ ឆ្នាំម្សាញ់ សប្ដស័ក ពុទ្ធសករាជ ២៥៦៩ ត្រូវនឹងថ្ងៃទី ២៤ ខែ មីនា ឆ្នាំ ២០២៦ លោកជំទាវវេជ្ជបណ្ឌិត យូ សុគន្ធ ប្រធានមន្ទីរសុខាភិបាលនៃរដ្ឋបាលខេត្ដកំពត អមដំណើរដោយថ្នាក់ដឹកនាំមន្ទីរសុខាភិបាល និង លោកវេជ្ជបណ្ឌិត ឈុយ ឆូង ប្រធានមន្ទីរពេទ្យបង្អែកខេត្ដកំពត និង ថ្នាក់ដឹកនាំមន្ទីរពេទ្យ បានចូលរួមគោរពវិញ្ញាណក្ខន្ធ លោកឧបាសក សុង លន់ ដែលត្រូវជាឪពុកលោកវេជ្ជបណ្ឌិត លន់ រតនៈ អនុប្រធានមន្ទីរពេទ្យបង្អែកខេត្ដកំពត ដែលបានទទួលមរណៈភាពក្នុងជន្មាយុ ៨៦ ឆ្នាំ ដោយរោគាពាធ ។

មន្ទីរពេទ្យបង្អែកខេត្ដកំពត ៖ នៅព្រឹកថ្ងៃចន្ទ ៥កើត ខែចេត្រ ឆ្នាំម្សាញ់ សប្ដស័ក ពុទ្ធសករាជ ២៥៦៩ ត្រូវនឹងថ្ងៃទី ២៣ ខែ មីនា ឆ្នាំ ២០២៦ លោកវេជ្ជបណ្ឌិត ឈុយ ឆូង ប្រធានមន្ទីរពេទ្យបង្អែកខេត្ដកំពត បានដឹកនាំក្រុមការងារថែទាំ និង ត្រួតពិនិត្យការបង្ការ ការចម្លងរោគនៅក្នុងមន្ទីរពេទ្យ ចុះពិនិត្យ វាយតម្លៃ តាមផ្នែកក្នុងមន្ទីរពេទ្យ ដើម្បីពង្រឹងលើកិច្ចការងារបម្រើសេវាព្យាបាល ថែទាំ និង ពង្រឹងការងារការបង្ការការចម្លងរោគនៅក្នុងមន្ទីរពេទ្យ ។

មន្ទីរពេទ្យបង្អែកខេត្ដកំពត៖ នៅរសៀលថ្ងៃព្រហស្បតិ៍ ២រោច ខែផល្គុន ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី ០៥ ខែ មីនា ឆ្នាំ២០២៦ លោកវេជ្ជបណ្ឌិត តាន់ ឆេង អនុប្រធានមន្ទីរសុខាភិបាលនៃរដ្ឋបាលខេត្ដកំពត លោកវេជ្ជបណ្ឌិត ងួន ចន្ទ័បូរ៉ា អនុប្រធានមន្ទីរពេទ្យបង្អែកខេត្ដកំពត បានជួបទទួលស្វាគមន៍ លោក SHAWN Baker នាយករងប្រតិបត្ដិជាន់ខ្ពស់សកល ទទួលបន្ទុកទំនាក់ទំនងអន្ដរជាតិនៃអង្គការហេឡែន ខែល័រ អន្ដរជាតិ និង​ លោកស្រី Philomena Orji នាយកកម្មវិធីគម្រោង TLTN នៃអង្គការ ហេឡែន ខែល័រ អន្ដរជាតិ ប្រចាំតំបន់អាស៊ី និង អាហ្វ្រិក ដែលបានអញ្ជើញមកទស្សនកិច្ច នៅមន្ទីរពេទ្យបង្អែកខេត្ដកំពត ដើម្បីពង្រឹងកិច្ចសហការ និង ការលើកកម្ពស់ការបំបៅកូនដោយទឹកដោះម្ដាយ ។