មន្ទីរសេដ្ឋកិច្ច និងហិរញ្ញវត្ថុ ខេត្តកោះកុង DPM of Economic and Finance KK

#នាព្រឹកថ្ងៃចន្ទ ១១រោច ខែចេត្រ ឆ្នំាម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៣ ខែមេសា ឆ្នំា២០២៦
============================================
មន្ទីរសេដ្ឋកិច្ចនិងហិរញ្ញវត្ថុខេត្តកោះកុង បានរៀបចំកម្មវិធីសំណេះសំណាលជាមួយនិវត្តជនរបស់សមាគមសង្គហៈមិត្ត បុគ្គលិក មន្ត្រីរាជការ ខេត្តកោះកុង នៃក្រសួងសេដ្ឋកិច្ចនិងហិរញ្ញវត្ថុ ក្រោមអធិបតីភាព លោកប្រធានមន្ទីរសេដ្ឋកិច្ចនិងហិរញ្ញវត្ថុខេត្ត លោក លោកស្រី អនុប្រធានសាខាពន្ធដារខេត្ត និងអនុប្រធានរតនាគារខេត្ត ព្រមទាំងមានការចូលរួមពីមន្រី្តរាជការដែលចូលនិវត្ត និងមន្ត្រីរាជការ នៃមន្ទីរសេដ្ឋកិច្ចនិងហិរញ្ញវត្ថុខេត្ត។

#នាថ្ងៃចន្ទ ៤រោច ខែចេត្រ ឆ្នំាម្សាញ់ សប្តស័ក ព.ស.២៥៦៩ ត្រូវនឹង ថ្ងៃទី៦ ខែមេសា ឆ្នំា២០២៦
============================================
នៅមន្ទីរសេដ្ឋកិច្ច និងហិរញ្ញវត្ថុខេត្តកោះកុង បានរៀបចំកិច្ចប្រជុំស្តីពីការចុះបញ្ជីសារពើភណ្ឌទ្រព្យសម្បត្តិរដ្ឋ (តារាងកើនឡើង និងថយចុះនូវទ្រព្យសម្បត្តិរដ្ឋប្រចំាឆ្នំា២០២៥) តាមប្រព័ន្ធបច្ចេកវិទ្យាព័ត៌មានវិទ្យាគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ SARMIS_V2 ក្រោមការដឹកនាំលោក កែវ សុខា ប្រធានមន្ទីរសេដ្ឋកិច្ច និងហិរញ្ញ្ញវត្ថុខេត្ត ដោយមានការចូលរួមពីរដ្ឋបាលខេត្ត បណ្តាមន្ទីរ អង្គភាព ជុំវិញខេត្ត រដ្ឋបាលក្រុង ស្រុក និងរដ្ឋបាលឃុំ សង្កាត់។

#នាថ្ងៃព្រហស្បតិ៍ ១០រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១២ ខែកុម្ភ: ឆ្នាំ២០២៦
============================================
#មន្ទីរសេដ្ចកិច្ចនិងហិរញ្ញវត្ថុខេត្តកោះកុង បានរៀបចំប្រជុំផ្សព្វផផ្សាយសារាចរណែនាំលេខ ០២១ សហវ.សរ.អថ ស្តីពីការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៦ ក្រោមការដឹកនាំដោយ លោក កែវ សុខា ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត លោក សេង តាំង អនុប្រធានរតនាគារខេត្ត និងតំណាងក្រសួងសេដ្ឋកិច្ចនិងហិរញ្ញវត្ថុ ព្រមទាំងមានការចូលរួមពីបណ្តាមន្ទីរ អង្គភាពជុំវិញខេត្ត។

#នាថ្ងៃអង្គារ ៨រោច ខែមាឃ ឆ្នំាម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១០ ខែកុម្ភ: ឆ្នាំ២០២៦
============================================
#មន្ទីរសេដ្ឋកិច្ចនិងហិរញ្ញវត្ថុខេត្តកោះកុង បានរៀបចំកិច្ចប្រជុំស្តីពីការដាក់ឱ្យដេញថ្លៃភាស៊ីគ្រប់ប្រភេទទូទាំងខេត្តកោះកុងសម្រាប់ធ្វើអាជីវកម្មឆ្នាំ២០២៦ ក្រោមការដឹកនាំលោក កែវ សុខា ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត លោកស្រី អន លីណា នាយកទីចាត់ការហិរញ្ញវត្ថុខេត្ត និងលោក ជា គឹមតុង តំណាងក្រសួងសេដ្ឋកិច្ចនិងហិរញ្ញវត្ថុ។

#នាថ្ងៃសុក្រ ១២កើត ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែមករា ឆ្នាំ២០២៦
========================================
លោក កែវ សុខា ប្រធានមន្ទីរសេដ្ឋកិច្ចនិងហិរញ្ញវត្ថុខេត្តកោះកុង បានដឹកនាំកិច្ចប្រជុំមន្រ្តីក្រោមឱវាទដើម្បីពិនិត្យវឌ្ឍនភាពការងារប្រចាំឆ្នាំ២០២៥ និងលើកទិសដៅបន្តសម្រាប់ឆ្នាំបន្ទាប់។

#នាថ្ងៃព្រហស្បត្តិ៍ ៣កើត ខែជេស្ឋ ឆ្នំាម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៩ ខែឧសភា ឆ្នាំ២០២៥
===========================================
#មន្ទីរសេដ្ឋកិច្ចនិងហិរញ្ញវត្ថុខេត្តកោះកុង បានរៀបចំ កិច្ចប្រជុំផ្សព្វផ្សាយសារាចរណែនាំស្តីពីការរៀបចំផែនការយុទ្ធសាស្រ្តថវិកាឆ្នាំ២០២៦-២០២៨ និងការរៀបចំសេចក្តីព្រាងច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២៦ ក្រោមអធិបតីភាព លោក រ័ត្ន ចិន តំណាងក្រសួងសេដ្ឋកិច្ចនិងហិរញ្ញវត្ថុ លោក កែវ សុខា ប្រធានមន្ទីរសេដ្ឋកិច្ចនិងហិរញ្ញវត្ថុខេត្តកោះកុង ដោយមានការចូលរួមពី មន្ទីរជំនាញជុំវិញខេត្ត និងការិយាល័យ អប់រំ យុវជន និងកីឡា នៃរដ្ឋបាលក្រុង-ស្រុក ទាំង៧ ។

#នាថ្ងៃអង្គារ ១កើត ខែជេស្ឋ ឆ្នំាម្សាញ់ សប្តស័ក ព.ស.២៥៦៩ ត្រូវនឹងថ្ងៃទី ២៧ ខែ ឧសភា ឆ្នាំ២០២៥
==========================================
លោក កែវ សុខា ប្រធានមន្ទីរសេដ្ឋកិច្ចនិងហិរញ្ញវត្ថុខេត្តកោះកុង និង លោក វ៉ា វណ្ណច័ន្ទ ប្រធានការិយាល័យទ្រព្យសម្បត្តិរដ្ឋនិងចំណូលមិនមែនសារពើពន្ធ បានរៀបចំកម្មវិធីស្តីពីការចុះត្រួតពិនិត្យ ផ្គូរផ្គង វាយតម្លៃលើការរៀបចំ និងការគ្រប់គ្រងបញ្ជើសារពើភណ្ឌទ្រព្យសម្បត្តិរដ្ឋឆ្នាំគោល ឆ្នាំ២០២៤ ក្រោមធិបតីភាព លោកស្រី ឈី វ៉ា អភិបាលស្តីទី តំណាងដ៍ខ្ពង់ខ្ពស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង និង លោក សុខ ធី ប្រធានប្រតិភូ តំណាងក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពីរដ្ឋបាលខេត្ត មន្ទីរ អង្គភាព ជំវិញខេត្ត រដ្ឋបាលក្រុង ស្រុក និងឃុំ សង្កាត់។ ក្នុងនោះដែរក៏មាននូវកម្មវិធការប្រគល់ ទទួលកំព្យូទ័រ ជូនរដ្ឋបាលឃុំ ចំនួន៥ មានដូចជា៖
១. រដ្ឋបាលឃុំជ្រោយស្វាយ ២.រដ្ឋបាលឃុំជ្រោយប្រស់ ៣.រដ្ឋបាលកោះកាពិ ៤.រដ្ឋបាលឃុំកោះស្តេច ៥.រដ្ឋបាលឃុំជីខក្រោម។

#ថ្ងៃព្រហស្បតិ៍ ១១រោច ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២២ ខែឧសភា ឆ្នាំ២០២៥
===========================================
#តាមការចាត់តាំងរបស់លោកប្រធានមន្ទីរ លោក តឹក គុន អនុប្រធានការិយាល័យ និងលោក ថុន នាថរិទ្ធី មន្ត្រីទទួលបន្ទុកគ្រប់គ្រងគេហទំព័រផ្លូវការរបស់មន្ទីរសេដ្ឋកិច្ចនិងហិរញ្ញវត្ថុ រាជធានី ខេត្ត ចូលរួមវគ្គបណ្តុះបណ្តាលស្តីពីការបញ្ចូលទិន្នន័យ SWOT ក្នុង Dashboard គេហទំព័រ នៅខេត្តសៀមរាប។ កិច្ចប្រជុំនេះមានគោលបំណងដើម្បីឱ្យមន្ទីរសេដ្ឋកិច្ចនិងហិរញ្ញវត្ថុរាជធានី ខេត្ត ទាំង២៥ មានសមត្ថភាពគ្រប់គ្រាន់ក្នុងការគ្រប់គ្រង និងប្រើប្រាស់ គេហទំព័ររបស់ខ្លួនប្រកបដោយប្រសិទ្ធភាព ជាពិសេសអាចបញ្ចូលទិន្នន័យ SWOT ក្នុង Dashboard គេហទំព័ររបស់ខ្លួន។

#ថ្ងៃចន្ទ ៨រោច ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែឧសភា ឆ្នាំ២០២៥
========================================
នៅសាលមហោស្រពខេត្តកោះកុង លោក កែវ សុខា ប្រធានមន្ទីរសេដ្ឋកិច្ចនិងហិរញ្ញវត្ថុខេត្តកោះកុង បានសហការជាមួយនិយ័តករអាជីវកម្មអចនវត្ថុ និងបញ្ចាំ(ន.អ.ប) បានរៀបចំកិច្ចប្រជុំ “ផ្សព្វផ្សាយប្រកាសស្តីពីការគ្រប់គ្រងអាជីវកម្មអភិវឌ្ឍអចលនវត្ថុ និងអាជីវកម្មបញ្ចាំនិងប្រាតិភោគដោយអនុប្បទាន” ក្រោមអធិបតីភាពឯកឧត្ដម ជូ វណ្ណៈ អគ្គនាយកនៃនិយ័តករអាជីវកម្មអចលនវត្ថុនិងបញ្ចាំ(ន.អ.ប.) នៃក្រសួងសេដ្ឋកិច្ច និងហិរញ្ញវត្ថុ និង លោក ឈេង សុវណ្ណដា អភិបាលរង នៃគណៈអភិបាលខេត្តកោះកុង តំណាងដ៍ខ្ពង់ខ្ពស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង។ កិច្ចប្រជុំនេះរៀបចំឡើងដើម្បីបង្កើនការយល់ដឹងបន្ថែមអំពីលិខិតបទដ្ឋានគតិយុត្ត លើការពង្រឹងការគ្រប់គ្រងអាជីវកម្មអភិវឌ្ឍអចលនវត្ថុ និងអាជីវកម្មទទួលបញ្ចាំ និងទទួលប្រាតិភោគដោយអនុប្បទាន ជូនក្រុមហ៊ុន សហគ្រាស មន្ត្រីជំនាញ និងអាជ្ញាធរពាក់ព័ន្ធ នៅទូទាំងខេត្តកោះកុង។

#នាព្រឹក​ថ្ងៃពុធ ១៤រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨
ត្រូវនឹងថ្ងៃទី២៦ ខែកុម្ភៈ ឆ្នាំ២០២៥
===========================================
#កិច្ចប្រជុំត្រួតពិនិត្យការអនុវត្តថវិកាប្រចាំឆ្នាំ២០២៤ របស់ក្រសួងសេដ្ឋកិច្ច និងហិរញ្ញវត្ថុ ដឹកនាំដោយ ឯកឧត្តមអគ្គបណ្ឌិត​សភា​ចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពី លោក កែវ សុខា ប្រធានមន្ទីរ​ និង​ លោក លោកស្រី ប្រធានការិយាល័យ តាមប្រព័ន្ធ Video Conference ។

#នារសៀលថ្ងៃសុក្រ ១០កើត ខែមាឃ ឆ្នំារោង ​ឆស័ក ​ព.ស.២៥៦៨ ​ត្រូវនឹងថ្ងៃទី៧ ​ខែកុម្ភៈ ​ឆ្នំា២០២៥ ​
===========================================
#មន្ទីរ​សេដ្ឋកិច្ច​និង​ហិរញ្ញវត្ថុ​ខេត្ត​​ បានរៀបចំកម្មវិធី​កិច្ចប្រជុំផ្សព្វផ្សាយសារាចរណែនំាលេខ ០១៧ សហវ ស្តីពីការអនុវត្តច្បាប់ហិរញ្ញវត្ថុសម្រាប់ការគ្រប់គ្រងឆ្នំា២០២៥​ របស់​រដ្ឋ​បាល​ថ្នាក់​ជាតិ​ ដឹក​នាំ​ដោយ​ លោក ​កែវ សុខា ​ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត ​លោក​ ម៉ៅ​ សុទ្ធី​ លោក​ រ័ត្ន​ ជិន​ លោក​ វ៉ាត​ វុត្ថា​ លោក​ វ៉ង់​ រេបេណា​ ប្រធាន​គណៈ​ប្រតិភូ​ នាយក​ដ្ឋាន​ថវិកា​នីយកម្ម​ នៃ​អគ្គនាយកដ្ឋាន​ថវិកា​ ក្រសួង​សេដ្ឋកិច្ច​និង​ហិរញ្ញវត្ថុ​ ​លោក ​ជា ​ហេង ​អនុប្រធាន​រតនាគារខេត្ត​ និងមាន​ការ​ចូលរួម​បណ្តាមន្ទីរជុំវិញខេត្ត។