វរសេនាតូចនគរបាលការពារព្រំដែនទឹកលេខ៤៣០ ប្រចាំខេត្តកែប

សេចក្តីប្រកាសព័ត៌មាន

យោងតាមព័ត៌មានដែលទទួលបានពីយោធភូមិភាគទី៤ នៃកងយោធពលខេមរភូមិន្ទ បានបញ្ជាក់ថា នៅព្រឹកថ្ងៃទី២៤ ខែឧសភា ឆ្នាំ២០២៦ ចាប់ពីវេលាម៉ោង ៩:២៤នាទី ដល់វេលាម៉ោង ១០:១០នាទី មានឮសំឡេងនៃការបាញ់កាំភ្លើងចំនួន ២២គ្រាប់ នៅតំបន់ច្រកអន្តរជាតិអូរស្មាច់ ខេត្តឧត្តរមានជ័យ ទឹកដីកម្ពុជាដែលកំពុងត្រូវបានកាន់កាប់ដោយខុសច្បាប់ដោយយោធាថៃ។

ទាក់ទងនឹងករណីនេះ ក្រុមការងារទំនាក់ទំនងរបស់យោធភូមិភាគទី៤ កម្ពុជាបានធ្វើលិខិតតវ៉ាទៅក្រុមទំនាក់ទំនងរបស់កងទ័ពភូមិភាគទី២របស់ថៃ ដើម្បីឱ្យភាគីថៃធ្វើការផ្ទៀងផ្ទាត់ និងរឹតបន្តឹងវិធានការគ្រប់គ្រងវិន័យកងទ័ពរបស់ខ្លួនឱ្យបានតឹងរឹង និងគោរពឱ្យបានហ្មត់ចត់ពេញលេញនូវសេចក្តីប្រកាសរួមរបស់គណៈកម្មាធិការព្រំដែនទូទៅកម្ពុជា-ថៃ (GBC) នៅថ្ងៃទី២៧ ខែធ្នូ ឆ្នាំ២០២៥។

Unofficial Translation
Press Release

According to official report received from Military Region 4 of the Royal Cambodian Armed Forces (RCAF), on the morning of May 24, 2026, between 09:24 AM and 10:10 AM, 22 rounds of unprovoked gunfire were heard, fired by Thai military forces in the area of the O’Smach International Border Checkpoint in Oddar Meanchey Province, on Cambodian territory currently being illegally occupied by Thai military forces.

In response to this incident, the Cambodian Military Region 4 Liaison Team dispatched a formal letter of protest to the Thai Army Area 2 Liaison Team, demanding that the Thai side verify the facts, strictly enforce troop discipline, and fully adhere to the Joint Statement of the Cambodia–Thailand General Border Committee (GBC) dated December 27, 2025.

Sunday, May 24, 2026
----------------------------------
- Telegram ក្រសួងការពារជាតិ https://t.me/modgovkhm
- Website ក្រសួងការពារជាតិ https://mod.gov.kh/
- TikTok ក្រសួងការពារជាតិ https://www.tiktok.com/
- X ក្រសួងការពារជាតិ https://x.com/modgovkh
- Youtube ក្រសួងការពារជាតិ https://www.youtube.com/

(កែប) នាព្រឹកថ្ងៃទី២១ ខែ ឧសភាឆ្នាំ២០២៦ លោកវរសេនីយ៍ទោ សៅ សាវុធ មេបញ្ជាការស្ដីទី វរសេនាតូចនគរបាលការពារព្រំដែនទឹក លេខ៤៣០ ប្រចាំខេត្តកែប បានដឹកនាំ លោក-លោកស្រី មេបញ្ជាការរង នាយផ្នែក-នាយរងផ្នែក និងមន្ត្រី ដើម្បីចូលរួមកម្មវិធី ទិវាជាតិនៃចងចាំ ។ ក្រោមអធិបតីភាព ឯកឧត្ដម អ៊ុក ថា ប្រធានក្រុមប្រឹក្សាខេត្ត និង ឯកឧត្តម បណ្ឌិត សោម ពិសិដ្ឋ អភិបាលនៃគណៈអភិបាលខេត្ត នៅវត្តកំពង់ត្រឡាច ៕

(កែប) ~នាព្រឹកថ្ងៃពុធ ៤កើត ខែជេស្ធ ឆ្នាំមមី អដ្ឋស័ក ព.ស ២៥៦៩ ត្រូវនឹងថ្ងៃទី២០ ខែឧសភា ឆ្នាំ២០២៦ វរសេនីយ៍ទោ ពេជ្រ ចិន្ដា មេបញ្ជាការរងវរៈ បានដឹកនាំ នាយ-នាយរងផ្នែក និងមន្រ្តីក្រោមឱវាទ ចូលរួមគោរពទង់ជាតិ នៃព្រះរាជាណាចក្រកម្ពុជា និង ធ្វើពលកម្ម នៅបរវេណទីបញ្ជាការ វរសេនាតូចនគរបាលការពារព្រំដែនទឹកលេខ៤៣០ ប្រចាំខេត្តកែប ៕

(កែប) នារសៀលថ្ងៃចន្ទ២កើត ខែពិសាខ ឆ្នាំមមី អដ្ឋស័ក ព.ស២៥៦៩ ត្រូវនឹងថ្ងៃទី១៨ ខែឧសភា ឆ្នាំ២០២៦ លោកវរសេនីយ៍ទោ ទេព ដូសំណាង មេបញ្ជាការវរសេនាតូចនគរបាលការពារព្រំដែនទឹកលេខ៤៣០ ប្រចាំខេត្តកែប បានចាត់តាំងលោកវរសេនីយ៍ទោ សៅ សាវុធ មេបញ្ជាការរង និងមន្ត្រីក្រោមឱវាទ នាំយកគ្រឿងឧបភោគបរិភោគ និងបច្ច័យរបស់ ឯកឧត្ដម ឧត្ដមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែនទឹក និងជាអគ្គលេខាធិការរង នៃគ.ជ.ស.ស ជូនក្រុមគ្រួសារសព ក្នុងឧបទ្ទវហេតុលិចទូកស្មាច់ ក្នុងសមុទ្រខេត្តកែប នៅគេហដ្ឋានសព ស្ថិត នៅភូមិអូក្រសារ សង្កាត់អូក្រសារ ក្រុងកែប ខេត្តកែប ។

គួរបញ្ជាក់ថា កាលពីរសៀលថ្ងៃទី១៧ ខែឧសភា ឆ្នាំ២០២៦ មានខ្យល់កន្ត្រាក់ បណ្តាលឲ្យលិចទូកប្រជានេសាទ ចំនួន ០១គ្រឿង នៅត្រង់ចំណុចមុខឃ្លោងព្រែកសរសៀ ស្ថិតក្នុងភូមិសាស្ត្រដែនសមុទ្រខេត្តកែប ក្រោយទទួលបានដំណឹងភ្លាម លោកមេបញ្ជាការវរសេនាតូច បានចាត់តាំងកម្លាំងប៉ុស្តិ៍នគរបាលការពារព្រំដែនទឹកអូរក្រសារ សហការជាមួយប្រជានេសាទ ចេញស្វែងរក ទូក និងមនុស្ស ដែលបានលិច ។ ក្នុងឧបទ្ទវហេតុនេះបានបណ្តាលឲ្យមនុស្សលង់ទឹកស្លាប់ ចំនួន០៣នាក់ ក្នុងនោះមានដូចខាងក្រោម៖
១.ឈ្មោះ ណាំ ធារី ភេទស្រី អាយុ ៣៨ឆ្នាំ (ត្រូវជាម្តាយ)
២.ឈ្មោះ ងាប រិន ភេទប្រុស អាយុ ៧ឆ្នាំ (ត្រូវជាកូន)
៣.ឈ្មោះ ងាបមិន ភេទប្រុស អាយុ ១០ឆ្នាំ (ត្រូវជាកូន) ៕

អបអរសាទរខួបទី៨១ ថ្ងៃកំណើតនគរបាលជាតិកម្ពុជា

នគរបាលជាតិកម្ពុជា ត្រូវបានបង្កើតឡើងនៅថ្ងៃទី១៦ ឧសភា ១៩៤៥ ដែលជាអង្គប្រតិបត្តិច្បាប់ពោរពេញដោយពលានុភាព ប្រសូត្រឡើងក្រោមស្នាព្រះហស្តដ៏ឧត្តុង្គឧត្តមរបស់ ព្រះករុណាព្រះមហាវីរក្សត្រ ព្រះបាទសម្តេចព្រះ នរោត្តម សីហនុ «ព្រះបរមរតនកោដ្ឋ» ជាទីគោរពសក្ការដ៏ខ្ពង់ខ្ពស់បំផុតនៃយើង។

នគរបាលជាតិកម្ពុជា ត្រូវបានកត់ត្រាក្នុងទំព័រប្រវត្តិសាស្ត្រអំពីការធ្វើពលិកម្មដ៏ធំធេងរបស់ បុព្វបុរសរៀមច្បង យុទ្ធជន និងយុទ្ធនារីនគរបាលជាតិគ្រប់ជំនាន់ ដែលបានតស៊ូឆ្លងកាត់គ្រប់ឧបសគ្គ និង រាល់ការប្រែប្រួលដ៏ស្មុគស្មាញនៃនិន្នាការសង្គម បង្កើតបាននូវស្នាដៃ និងសមិទ្ធផលជាច្រើនឥតគណនា ដើម្បី បុព្វហេតុសន្តិភាព ឯករាជ្យ អធិបតេយ្យជាតិ បូរណភាពទឹកដី ស្ថិរភាពសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។

១៦ ឧសភា ១៩៤៥ ~ ១៦ ឧសភា ២០២៦

#ហ៊ុនម៉ាណែត #កម្ពុជា #សន្តិភាពនៅកម្ពុជា

(កែប) នាព្រឹកថ្ងៃទី១៤ ខែ ឧសភាឆ្នាំ២០២៦ លោកវរសេនីយ៍ទោ ទេព ដូសំណាង មេបញ្ជាការ វរសេនាតូចនគរបាលការពារព្រំដែនទឹក លេខ៤៣០ ប្រចាំខេត្តកែប បានដឹកនាំ លោក-លោកស្រី មេបញ្ជាការរង នាយផ្នែក-នាយរងផ្នែក និងនាយប៉ុស្តិ៍ ដើម្បីចូលរួមព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា គម្រប់ព្រះជន្ម ៧៣ យាងចូល ៧៤ព្រះវស្សា ។ ក្រោមអធិបតីភាព ឯកឧត្ដម អ៊ុក ថា ប្រធានក្រុមប្រឹក្សាខេត្ត និង ឯកឧត្តម បណ្ឌិត សោម ពិសិដ្ឋ អភិបាលនៃគណៈអភិបាលខេត្ត នៅសាលប្រជុំធំសេះសសាលាខេត្តកែប ៕

(កែប) នារសៀលថ្ងៃទី១៣ ខែ ឧសភា ឆ្នាំ២០២៦ លោកវរសេនីយ៍ទោ ទេព ដូសំណាង មេបញ្ជាការ វរសេនាតូចនគរបាលការពារព្រំដែនទឹក លេខ៤៣០ ប្រចាំខេត្តកែប បានដឹកនាំមេបញ្ជាការរង នាយផ្នែក-នាយរងផ្នែក និងមន្ត្រី ដើម្បីចូលរួមកិច្ចប្រជុំផ្សព្វផ្សាយច្បាប់ ស្ដីពីការប្រឆាំងការឆបោកតាមប្រពន្ធ័បច្ចេកវិទ្យា ក្រោមអធិបតីភាព ឯកឧត្ដម អ៊ុក ថា ប្រធានក្រុមប្រឹក្សាខេត្ត និង ឯកឧត្តម បណ្ឌិត សោម ពិសិដ្ឋ អភិបាលនៃគណៈអភិបាលខេត្ត នៅសាលប្រជុំធំសេះសសាលាខេត្តកែប ៕

(កែប) ~នាព្រឹកថ្ងៃចន្ទ ១០រោច ខែពិសាខ ឆ្នាំមមី អដ្ឋស័ក ព.ស ២៥៦៩ ត្រូវនឹងថ្ងៃទី១១ ខែឧសភា ឆ្នាំ២០២៦ វរសេនីយ៍ទោ ពេជ្រ ចិន្ដា មេបញ្ជាការរងវរៈ បានដឹកនាំ នាយ-នាយរងផ្នែក និងមន្រ្តីក្រោមឱវាទ ចូលរួមគោរពទង់ជាតិ នៃព្រះរាជាណាចក្រកម្ពុជា នៅបរវេណទីបញ្ជាការ វរសេនាតូចនគរបាលការពារព្រំដែនទឹកលេខ៤៣០ ប្រចាំខេត្តកែប ៕