មន្ទីរសង្គមកិច្ច អតីតយុទ្ធជន និង យុវនីតិសម្បទា ខេត្តកោះកុង

កោះកុង, ថ្ងៃសុក្រ ១៣កើត ខែពិសាខ ឆ្នាំខាល ចត្វាស័ក ពុទ្ធសករាជ ២៥៦៥ ត្រូវនឹងថៃ្ងទី១៣ ខែឧសភា ឆ្នាំ២០២២ លោក គង់ រឿង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងជាប្រធានសាខាមូលនិធិជនពិការខេត្តកោះកុង បានសហការលោក ហ៊ុត ពន្លឺ នាយករងមូលនិធិជនពិការ ចុះសួរសុខទុក្ខ និងនាំយកកញ្ចប់ឧបត្ថម្ភរបស់មូលនិធិជនពិការ ទៅចែកជូនជនមានពិការភាពជួបការលំបាក ក្រីក្រចំនួន១៥នាក់ ស្រីចំនួន០៨នាក់ នៅវត្តពោធិ៍រង្សី(ហៅវត្តកណ្តោល) ស្ថិតក្នុងភូមិកណ្តោល ឃុំកណ្តោល ស្រុកបូទុមសាគរ ខេត្តកោះកុង ដោយមានការចូលរួមពីលោកស្រី អិន សោភ័ណ្ឌ អភិបាល នៃគណៈអភិបាលរងស្រុកបូទុមសាគរ និងអាជ្ញាធរឃុំកណ្ដោល ដែលមានអ្នកចូលរួមសរុបចំនួន៣០នាក់ ស្រីចំនួន១១នាក់ ក្នុងនោះផងដែរជនមានពិការភាពម្នាក់ៗទទួលបានកញ្ចប់ឧបត្ថម្ភរួមមានគ្រឿងឧបភោគបរិភោគ និងថវិកាមួយចំនួន។

កោះកុងថ្ងៃទី១២ ខែឧសភា ឆ្នាំ​២០២២​ លោក ហ៊ុត ពន្លឺ នាយករងមូលនិធិជនពិការ និងក្រុមការងារ នៃគណៈកម្មការត្រួតពិនិត្យ និងវាយតម្លៃផ្តល់ផ្ទះជូនជនពិការក្រីក្រនៅតាមសហគមន៍របស់មូលនិធិជនពិការ​ បានសហការជាមួយលោក គង់ រឿង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា និងជាប្រធានសាខាមូលនិធិជនពិការខេត្ត​កោះកុង និងអាជ្ញាធរពាក់ព័ន្ធ​ បានចុះពិនិត្យវាយតម្លៃជាក់ស្តែងពីកម្រិតជីវភាព និងស្ថានភាព នៃការរស់នៅរបស់ជនមានពិការភាពក្រីក្រ​ ឈ្មោះ បាន គង់ធរណី ភេទប្រុស អាយុ៣០ឆ្នាំ ស្នាក់នៅភូមិទួលគគីលើ ឃុំទួលគគី ស្រុកមណ្ឌលសីមា ខេត្តកោះកុង មុននឹងឈានដល់ការសម្រេចផ្តល់ផ្ទះជូន។

កោះកុងថ្ងៃទី២៧ ខែមេសា ឆ្នាំ២០២២ មន្រ្តីនៃមន្ទីរស.អ.យ ចំនួន០៣រូប ស្រី០១រូប បានចុះរាប់លុយក្នុងហិបមូលនិធិជនពិការចំនួន02វត្ត នៅវត្តព្រែកស្វាយ និងវត្តជោត្តញ្ញាណ។

កោះកុង,ថ្ងៃចន្ទ ៩ រោច ខែចេត្រ ចត្វាស័ក ព.ស ២៥៦៥ ត្រូវនឹងថ្ងៃទី២៥ ខែមេសា ឆ្នាំ២០២២ វេលាម៉ោង 8:00នាទីព្រឹក មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកោះកុង បានសហការជាមួយក្រុមការងារបេឡាជាតិសន្តិសុខសង្គមសម្រាប់មន្ត្រីរាជការស៊ីវិល (ប.ជ.ស) ចុះធ្វើបច្ចុប្បន្នភាពជូននិវត្តជនថ្មីចំនួន ០៨នាក់ ស្រី ០២នាក់, បានបើកផ្ដល់របបសន្តិសុខសង្គមជូនគ្រួសារសពចំនួន ០៤នាក់ និងបើកផ្ដល់ជូនអ្នកនៅក្នុងបន្ទុកសពចំនួន ០៥នាក់ ។

សេចក្តីជូនដំណឹង ស្តីពីការបម្រើសេវាបើកផ្តល់របបសន្តិសុខសង្គម ប្រចាំខែមេសា ឆ្នាំ២០២២ (បើកពេញ១ខែ) និងប្រាក់ឧបត្ថម្ភបុណ្យចូល ឆ្នាំប្រពៃណីជាតិ ឆ្នាំខាល ចត្វាស័ក ព.ស ២៥៦៦ (៥០,០០០៛) ជូននិវត្តជន ជនបាត់បង់សមត្ថភាពការងារ ជនពិការ គ្រួសារជនពលី និងគ្រួសារជនមរណៈ ជាអតីតយុទ្ធជន ដែល ប្រព្រឹត្តទៅនៅថ្ងៃទី ១២ ខែមេសា ឆ្នាំ២០២១ វេលាម៉ោង ២:០០ រសៀល នៅធនាគារកាណាឌីយ៉ា ក.អ និងអេស៊ីលីដា ភីអិលស៊ី ទូទាំងប្រទេស។

សូមជូនដំណឹងដល់ និវត្តជន ជនពិការ បាត់បង គ្រប់ប្រភេទសូមអញ្ជើញបើកប្រាក់បៀវត្សន៍នៅថ្ងៃទី ២៨ ខែមីនា ឆ្នាំ២០២២ ម៉ោង២រសៀល នៅធរនាគារអេស៊ីលីដាភីអីលស៊ី។

-ព្រឹកថ្ងៃទី ២៥ ខែ មីនា ឆ្នាំ ២០២២ ក្រុមការងារ ស.ស.យ.ក វិស័យសង្គមកិច្ច មានសមាជិកបានចូលរួមមានចំនួន ៨ នាក់ស្រី ២ នាក់ បានសហការជាមួយអាជ្ញាធរសង្កាត់ស្មាច់មានជ័យ ដែលមានអ្នកចូលរួម មានលោកស្រី ជាសមាជិកក្រុមប្រឹក្សាសង្កាត់ លោក មេប៉ុស្តិ៍ លោក-លោកស្រីជាមេភូមិ មានចំនួនសរុប ៧ នាក់ស្រី ៤ នាក់ បានចុះសួរសុខទុក្ខ និងចែកអំណោយ ជូនដល់ប្រជាពលរដ្ឋក្រីក្រ ដែលមានជំងឺប្រចាំកាយធ្ងន់ធ្ងរ កំពុងជួបការលំបាក មានចំនួន ៥ គ្រួសារ នៅក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។ ក្នុងនោះផងដែរ:
- ភូមិ១ ស្មាច់មានជ័យមានចំនួន ២គ្រួសារ
- ភូមិ៣ ស្មាច់មានជ័យ មានចំនួន ២គ្រួសារ និង
-ភូមិ បឹងឃុនឆាង មានចំនួន ១គ្រួសារ ហើយក្នុងមួយគ្រួសារៗ ទទួលបាននូវគ្រឿងឧបភោគ-បរិភោគមួយចំនួន

ថ្ងៃទី០៩ ដល់ថ្ងៃទី11 ខែមីនា ឆ្នាំ​២០២២ លោក យន សុជាតិ ប្រធានការិ.ហិរញ្ញវត្ថុ និងផែនការ នឹងលោកស្រី ចេង ពេជ្រធីតា ប្រធានការិ.រដ្ឋបាល និងបុគ្គលិក បានចូលរួមវគ្គបណ្ដុះបណ្ដាលស្តីពីគោលការណ៏ណែនាំស្តីពីការរៀបចំថវិកាសមិទ្ធកម្ម តាមប្រព័ន្ធអនឡាញ(Zoom)។​ សូមអរគុណ​!

ថ្ងៃទី០៩ ខែមីនា ឆ្នាំ​២០២២ មន្ដ្រី​នៃមន្ទីរ ស.អ.យ​ខេត្ដកោះកុង បានបើកវគ្គបណ្ដុះបណ្ដាលតម្រង់ទិសស្ដីពីការផ្ទៀងផ្ទាត់ទិន្នន័យជនមានពិការភាពចាក់វ៉ាក់សាំងការពារជំងឺកូវីត-១៩​ដល់មន្ដ្រីទទួលបន្ទុកកម្មវិធីអត្ដសញ្ញាណកម្មពិការភាពក្រុងខេមរភូមិន្ទ និងស្រុកស្រែអំបិល ទាំង០៦ ឃុំ/សង្កាត់​។

កោះកុង៖ថ្ងៃពុធ ១៤រោច ខែមាឃ ឆ្នាំឆ្លូវ ត្រីស័ក ព.ស២៥៦៥ត្រូវនឹងថ្ងៃទី ០២ ខែមីនា ឆ្នាំ២០២២។ លោក គង់ សុមុន្នី ប្រធានការិយាល័យអតីតយុទ្ធជនខេត្ត បានសហការជាមួយ សអក ខេត្ត និងសអក ស្រុកស្រែអំបិល ចុះប្រគល់ថវិកាបេឡាជាតិមរណៈសង្គ្រោះជូនដល់គ្រួសារសមាជិក សអក ស្លាប់ចំនួន០១សព្វ ដែលមានទឹកប្រាក់៤.០០០.០០០៛ សប្បុរសជនទឹកប្រាក់១.២០០.០០០៛ អង្ករ៤បាវ និងថវិការរបស់លោកជំទាវមិថុនា ភូថង អភិបាល នៃគណៈអភិបាលខេត្ត ចំនួន៥០០.០០០៛។