គណៈវិស្វករកម្ពុជា Board of Engineers Cambodia

🔊 សេចក្តីជូនដំណឹង ច្បាប់ស្តីពីសំណង់
👉 មាត្រា ៩៤ ចំពោះវិស្វករ ដែលបំពេញមុខងារជាអ្នកវិជ្ជាជីវៈក្នុងវិស័យសំណង់មិនបានចុះបញ្ជីនៅគណៈវិស្វករកម្ពុជា ត្រូវផ្តន្ទាទោស និងត្រូវពិន័យប្រាក់ទ្វេដងក្នុងករណីនៅតែប្រព្រឹត្តបទល្មើសដដែល ក្នុងរយៈពេល១ ឆ្នាំ។

🙏 សារលិខិតថ្វាយព្រះពររបស់ថ្នាក់ដឹកនាំ និងមន្ត្រីរាជការនៃអគ្គលេខាធិការដ្ឋានគណៈវិស្វករកម្ពុជា សូមក្រាបបង្គំថ្វាយ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សឧត្ដុង្គឧត្តមប្រពៃថ្លៃថ្លា នៃព្រះរាជពិធីបុណ្យចម្រើនព្រះជន្មគម្រប់៧៣ យាងចូល៧៤ ព្រះវស្សា នាថ្ងៃទី១៤ ខែឧសភា ឆ្នាំ២០២៦ 🙏🌻🌷

ខេត្តកំពង់ស្ពឺ: នៅថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ អគ្គលេខាធិការដ្ឋានគណៈវិស្វករកម្ពុជា បានរៀបចំសិក្ខាសាលាចែករំលែកចំណេះដឹង ជំនាញ និងបទពិសោធន៍របស់វិស្វករអាជីពនៃគណៈវិស្វករកម្ពុជា ដល់និស្សិតនៅវិទ្យាស្ថានពហុបច្ចេកទេសខេត្តកំពង់ស្ពឺ ក្រោមអធិបតីភាព ឯកឧត្តម សុខុម រិទ្ធីវុធ អគ្គលេខាធិការគណៈវិស្វករកម្ពុជា ដោយមានការចូលរួមពីសំណាក់ ឯកឧត្តមអគ្គលេខាធិការង ទីប្រឹក្សា គ.វិ.ក លោក ឈួ វិសេស តំណាងឯកឧត្តមបណ្ឌិត ហ៊ីង ស៊ីដេត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ លោក កែម ជាក់នី នាយកវិទ្យាស្ថានពហុបច្ចេកទេសខេត្តកំពង់ស្ពឺ លោក នូ វាសនាតំណាងប្រធានមន្ទីរការងារ និងបណ្តុះបណ្តាលវិជ្ជាជីវៈ វាគ្មិនដែលជាវិស្វករអាជីព ថ្នាក់ដឹកនាំនៃអគ្គលេខាធិការដ្ឋាន គ.វិ.ក អ្នកគ្រូ លោកគ្រូ និងនិស្សិត សរុបចំនួនសរុប ២១២នាក់ ស្រី ៤៨នាក់។

សិក្ខាសាលានេះ ជាការតភ្ជាប់ចំណេះ «ទ្រឹស្ដីនៅក្នុងសាលា» និង «ការអនុវត្តជាក់ស្តែង» ក្នុងវិស័យវិស្វកម្ម ដែលកំពុងរីកចម្រើនយ៉ាងឆាប់រហ័ស ដើម្បីតម្រង់ទិសនិស្សិតឱ្យជ្រួតជ្រាបពីបរិបទការងារ និងការត្រៀមលក្ខណៈសម្បត្តិ ឱ្យក្លាយជាវិស្វករប្រកបដោយសមត្ថភាព និងសីលធម៌វិជ្ជាជីវៈខ្ពស់។ ការត្រៀមខ្លួនសម្រាប់អនាគតអាជីពដ៏ជោគជ័យ វិស្វករត្រូវផ្តោតលើការអភិវឌ្ឍសមត្ថភាពសំខាន់ៗ រួមមាន៖
• ជំនាញបច្ចេកទេស (Hard Skills) ដែលជាមូលដ្ឋានគ្រឹះនៃវិជ្ជាជីវៈវិស្វកម្ម
• ជំនាញទន់ (Soft Skills) ជាការទំនាក់ទំនង, ភាពជាអ្នកដឹកនាំ,ការធ្វើការជាក្រុម និងការដោះស្រាយបញ្ហា
• សមត្ថភាពប្រើប្រាស់បច្ចេកវិទ្យាឌីជីថល, ឧបករណ៍ទំនើប និងបច្ចេកវិទ្យាឆ្លាតវៃក្នុងវិស័យវិស្វកម្ម
• ភាសាបរទេស ដើម្បីពង្រឹង ពង្រីកវិសាលភាពការងារ កម្រិតតំបន់ និងអន្តរជាតិ

សិក្ខាសាលានេះ បានប្រព្រឹត្តទៅដោយរលូន និងជោគជ័យ ក្រោមភាពស្និតស្នាលជាសហភាតរៈ🌹🌹

🔊 សេចក្តីជូនដំណឹងស្តីពីការការពារសារណាវិស្វករអាជីពជំនាន់ទី៣៥ នៅគណៈវិស្វករកម្ពុជា❤️🌷💐

🔊 សេចក្តីជូនដំណឹងស្ដីពីការកែសម្រួលប្រកាសលេខ ១៩២ ប្រក.ដនស/អសណ ចុះថ្ងៃទី១៣​ ខែវិច្ឆិកា ឆ្នាំ២០០៧ ស្តីពីការគ្រប់គ្រងរូបវន្តបុគ្គលសិក្សាគំរោងប្លង់ និងប្រកាសលេខ ៧៥ប្រក/ដនស ចុះថ្ងៃទី០២ ខែកញ្ញា​ ឆ្នាំ១៩៩៩​ ស្តីពីការគ្រប់គ្របសហគ្រាស និងក្រុមហ៊ុនសិក្សាគំរោងប្លង់ និងសាងសង់
​
​👷 អគ្គលេខាធិការដ្ឋាន​គណៈវិស្វករកម្ពុជា សូមជូនដំណឹងដល់វិស្វករគ្រប់ជំនាញឱ្យបានជ្រាបថា៖ តាមសេចក្តីប្រកាសលេខ ០២៦ ដនស/ប្រក ចុះថ្ងៃទី១៦ ខែមីនា ឆ្នាំ២០២៦ របស់ក្រសួងរៀបចំដែនដីនគរូបនីយកម្ម និងសំណង់បានចែងថា៖
​✅ វិញ្ញាបនបត្រសិក្សាគម្រោងប្លង់គ្រឿងបង្គុំសំណង់ កម្រិត១ / កម្រិត២​, វិញ្ញាបនបត្រសិក្សាគម្រោងប្លង់ប្រព័ន្ធមេកានិច, វិញ្ញាបនបត្រសិក្សាគម្រោងប្លង់ប្រព័ន្ធអគ្គិសនី, វិញ្ញាបនបត្រសិក្សាគម្រោងប្លង់ប្រព័ន្ធទឹក, សម្រាប់ផ្តល់ជូនអ្នកវិជ្ជាជីវៈជាវិស្វករអាជីព
​✅ នាយកបច្ចេកទេសរបស់សហគ្រាស និងក្រុមហ៊ុនសាងសង់ត្រូវជា​វិស្វករអាជីព
✅ វិស្វករបស់សហគ្រាស និងក្រុមហ៊ុនសិក្សាគម្រោងប្លង់ និងសាងសង់ត្រូវជាវិស្វករដែលបានចុះបញ្ជីនៅគណៈវិស្វករកម្ពុជា។

(ភ្នំពេញ) នារសៀលថ្ងៃទី៦ ខែឧសភា ឆ្នាំ២០២៦ នៅទីស្ដីការក្រសួងការងារ និងបណ្ដុះបណ្ដាលវិជ្ជាជីវៈ ក្រុមប្រឹក្សាគណៈវិស្វករកម្ពុជា បានរៀបចំកិច្ចប្រជុំបូកសរុបសកម្មភាពការងាររបស់គណៈវិស្វករកម្ពុជា ឆ្នាំ២០២៥ និងលើកទិសដៅការងារបន្ត ឆ្នាំ២០២៦ ក្រោមអធិបតីភាព ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាគណៈវិស្វករកម្ពុជា និងមានការអញ្ជើញចូលរួមពីសំណាក់អនុប្រធាន សមាជិក សមាជិកា នៃក្រុមប្រឹក្សាគណៈវិស្វករកម្ពុជា មកពីក្រសួង ស្ថាប័នពាក់ព័ន្ធ។

នាឱកាសនោះ ឯកឧត្តមរដ្ឋមន្ត្រីបានសម្តែងនូវការកោតសរសើរ និងវាយតម្លៃខ្ពស់ដល់អគ្គលេខាធិការដ្ឋានគណៈវិស្វករកម្ពុជា ចំពោះកិច្ចខិតខំប្រឹងប្រែងបំពេញការងាររបស់ខ្លួនក្នុងរយៈពេលពេញមួយឆ្នាំកន្លង រហូតសម្រេចបានសមិទ្ធផលតាមផែនការដែលបានគ្រោងទុកប្រកបដោយប្រសិទ្ធភាព ពិសេសក្នុងការបណ្តុះបណ្តាលបង្កើនសមត្ថភាពប្រតិបត្តិវិជ្ជាជីវៈ ការចុះបញ្ជីវិស្វករ និងការបន្តផ្សព្វផ្សាយស្តីពី សារៈប្រយោជន៍នៃការចុះបញ្ជីវិស្វករ និងបទដ្ឋានគតិយុត្តពាក់ព័ន្ធនឹងវិស័យវិស្វកម្ម នៅតាមក្រសួង-ស្ថាប័ន និងរាជធានី-ខេត្ត។

អង្គប្រជុំក៏បានលើកឡើងពីបញ្ហាប្រឈម បញ្ចេញមតិយោបល់ ប្រមូលធាតុចូលលើការអនុវត្ត និងសកម្មភាពការងាររបស់អគ្គលេខាធិការដ្ឋានគណៈវិស្វករកម្ពុជានាឆ្នាំ២០២៥ ដើម្បីរួមគ្នាពិភាក្សា ពង្រឹង និងកែសម្រួលចំណុចខ្វះខាត ដោយធ្វើយ៉ាងណាជួយឱ្យអគ្គលេខាធិការដ្ឋានគណៈវិស្វករកម្ពុជា បំពេញបេសកកម្មរបស់ខ្លួនកាន់តែមានប្រសិទ្ធភាព និងប្រសិទ្ធផលខ្ពស់ជាងមុនសម្រាប់ឆ្នាំ២០២៦នេះ។

ដើម្បីបង្កើនប្រសិទ្ធភាពការងារ ឯកឧត្តម ហេង សួរ ប្រធានក្រុមប្រឹក្សាគណៈវិស្វករកម្ពុជា បានផ្ដល់នូវអនុសាសន៍ដ៏មានតម្លៃសម្រាប់យកទៅអនុវត្ត ជាពិសេសគឺសិក្សាពីមូលហេតុដែលវិស្វករចុះបញ្ជីដំបូងមិនបន្តចុះបញ្ជីជាវិស្វករអាជីព, យកចិត្តទុកដាក់ខ្ពស់ចំពោះវិស្វករដែលបានចុះបញ្ជីរួចហើយដូចជាការផ្តល់ការបណ្តុះបណ្តាលបន្ថែម និងខិតខំបញ្ចុះបញ្ចូលទាក់ទាញឱ្យមានការចុះបញ្ជីវិស្វករកាន់តែច្រើន ព្រមទាំងពិនិត្យមើលលក្ខខណ្ឌនៃការចុះបញ្ជីសម្រាប់វិស្វករដំបូង និងអាជីព។

🌷🌷🌷អបអរសាទរព្រះរាជពិធីបុណ្យច្រត់ព្រះនង្គ័ល🎊🎊🎊
#គណៈវិស្វករកម្ពុជា #កម្ពុជា

🎊 អបអរសាទរទិវាពលកម្មអន្តរជាតិ ខួបលើកទី១៤០
១ ឧសភា ១៨៨៦ - ១ ឧសភា ២០២៦
ក្រោមប្រធានបទ៖ រួមគ្នាកសាងភាពធន់ដើម្បីការងារសមរម្យ

❤️ សូមអនុមោទនា បុណ្យវិសាខបូជា🙏🌷💐