នាយកដ្ឋានតម្រង់ទិសវិជ្ជាជីវៈ

«កិច្ចប្រជុំពិនិត្យវឌ្ឍនភាពការអនុវត្តផែនការសកម្មភាពការងារប្រចាំខែឧសភា ឆ្នាំ២០២៦ និងលើកទិសដៅការងារ ខែមិថុនាឆ្នាំ២០២៦»

រាជធានីភ្នំពេញ៖ នាព្រឹកថ្ងៃទី២៩ ខែឧសភា ឆ្នាំ២០២៦ នាយកដ្ឋានតម្រង់ទិសវិជ្ជាជីវៈ បានរៀបចំកិច្ចប្រជុំពិនិត្យវឌ្ឍនភាពការងារប្រចាំខែឧសភា ឆ្នាំ២០២៦ ទិសដៅការងារបន្ត ខែមិថុនា ឆ្នាំ២០២៦។ កិច្ចប្រជុំស្ថិតក្រោមការដឹកនាំដោយ លោក រ័ត្ន សារ៉ា ប្រធាននាយកដ្ឋានតម្រង់ទិសវិជ្ជាជីវៈ និងមានការចូលរួមពីលោក លោកស្រី អនុប្រធាននាយកដ្ឋាន ប្រធាន-អនុប្រធានការិយាល័យ និងមន្ត្រីការិយាល័យ សរុបសមាសភាពអ្នកចូលរួម ៣៦ នាក់ ស្រី ១២ នាក់។

កិច្ចប្រជុំនេះមានរបៀបវារៈ ដូចខាងក្រោម៖ ១. មតិកែលម្អទូទៅនៃការដឹកនាំនិងគ្រប់គ្រងតាមការិយាល័យ ២. ពិនិត្យលើផែនការប្រតិបត្តិប្រចាំឆ្នាំ២០២៧ សកម្មភាព និងសូចនាករសមិទ្ធកម្ម ៣. របាយការណ៍វឌ្ឍនភាពតាមការិយាល័យ និង ៤. សេចក្តីផ្សេងៗ។

ក្នុងកិច្ចប្រជុំនេះ លោកប្រធាននាយកដ្ឋាន បានថ្លែងអំណរគុណនិងវាយតម្លៃខ្ពស់ ដល់លោក លោកស្រី អនុប្រធាននាយកដ្ឋាន ប្រធាន អនុប្រធានការិយាល័យ និងមន្ត្រីការិយាល័យជំនាញទាំងអស់ដែលបានចូលកិច្ចប្រជុំដ៏មានសារៈសំខាន់ ដែលការប្រជុំនេះជាការសិក្សាឈ្វេងយល់ និងឆ្លុះបញ្ចាំងពីវឌ្ឍនភាពការងារ ដំណោះស្រាយ អន្តរាគមន៍ទាន់ពេលវេលា លើកកម្ពស់គុណភាព ប្រសិទ្ធភាពការងារ និងការលើកទិសដៅការងារ។ លោកប្រធាន បានថ្លែងចំណាប់អារម្មណ៍ អំពីទិដ្ឋភាពរួម វឌ្ឍនភាពការងារ របស់ការិយាល័យជំនាញ ផលិតភាព ប្រសិទ្ធភាពការងារ និងបញ្ហាដែលបានកើតមាន និងបានពិភាក្សា សម្របសម្រួលដំណោះស្រាយ និងតម្រង់ទិសនិងយន្តការងារ ដើម្បីឱ្យដំណើរការ កាន់តែល្អ ផលិតភាព និងប្រសិទ្ធភាពខ្ពស់ ការងារ។ កិច្ចប្រជុំបានបន្តពិភាក្សាលើការៀបចំផែនការប្រតិបត្តិប្រចាំឆ្នាំ២០២៧ តាមការិយាល័យជំនាញ។ ចំពោះរបាយការណ៍វឌ្ឍនភាពការងារ ការិយាល័យជំនាញ ត្រូវបញ្ជូនទៅការិយាល័យកិច្ចការទូទៅ ដើម្បីបូកសរុប និងរៀបចំជូនថ្នាក់ដឹកនាំក្រសួងបានជ្រាបជារបាយការណ៍។

កិច្ចប្រជុំនេះ បានប្រព្រឹត្តទៅដោយរលូន ទទួលបានលទ្ធផលផ្លែផ្កាល្អ ប្រសិទ្ធភាព និងប្រកបដោយបរិយាកាសស្និទ្ធស្នាល និងរីករាយ។

២៩ ឧសភា ២០២៦/រាជធានីភ្នំពេញ

សិក្ខាសាលាពិគ្រោះយោបល់ថ្នាក់ជាតិ ស្តីពី «ការប្រឹក្សាគរុកោសល្យ សម្រាប់មុខវិជ្ជាបំណិនជីវិត»

ខេត្តកំពង់ចាម៖ នាយកដ្ឋានតម្រង់ទិសវិជ្ជាជីវៈនៃក្រសួងអប់រំ យុវជន និងកីឡា ដោយមានការគាំទ្រថវិកាពីអង្គការយូនីសែហ្វ (UNICEF) បានរៀបចំ សិក្ខាសាលាពិគ្រោះយោបល់ថ្នាក់ជាតិ ស្តីពី «ការប្រឹក្សាគរុកោសល្យ សម្រាប់មុខវិជ្ជាបំណិនជីវិត» ប្រព្រឹត្តទៅចាប់ពីថ្ងៃទី២៧ ដល់ថ្ងៃទី២៩ ខែ ឧសភា ឆ្នាំ២០២៦ នៅមន្ទីរអប់រំ យុវជន និងកីឡា ខេត្តកំពង់ចាម ។

សិក្ខាសាលាពិគ្រោះយោបល់នេះមានការចូលរួមពីថ្នាក់ដឹកនាំ បុគ្គលិក និងគ្រូឧទ្ទេសថ្នាក់ជាតិមកពីនាយកដ្ឋានតម្រង់ទិសវិជ្ជាជីវៈ នាយកដ្ឋានអភិវឌ្ឍកម្មវិធីសិក្សានៃនាយកដ្ឋានបឋមសិក្សា នាយកដ្ឋានអភិវឌ្ឍកម្មវិធីយុវជន នាយកដ្ឋានមធ្យមសិក្សាចំណេះទូទៅ នាយកដ្ឋានកិច្ចការវិក្រឹតការ នាយកដ្ឋានបរិវត្តកម្មឌីជីថល នាយកដ្ឋានកិច្ចការបណ្តុះបណ្តាល នាយកដ្ឋានសុខភាពសិក្សា នាយកដ្ឋានអធិការកិច្ចគុណភាពអប់រំ នៃក្រសួងអប់រំ យុវជន និងកីឡា គ្រូឧទ្ទេសថ្នាក់ជាតិមកពី មជ្ឈមណ្ឌលគរុកោសល្យភូមភាគ ខេត្តព្រៃវែង ខេត្តកំពង់ចាម និងខេត្តតាកែវ គ្រូឧទ្ទេសថ្នាក់ជាតិមកពីខេត្តស្ទឹងត្រែង សៀមរាប តាកែវ និងតំណាងមន្ទីរ អប់រំយុវជន និងកីឡា ខេត្តកំពង់ចាម សរុបចំនួន ៤១នាក់ ស្រី ១១ នាក់។

សិក្ខាសាលាពិគ្រោះយោបល់នេះមានគោលបំណង ១. ការប្រើប្រាស់ការប្រឹក្សាគរុកោសល្យដើម្បីគាំទ្រគ្រូបង្រៀនក្នុងដំណើរការអនុវត្តកម្មវិធីអប់រំបំណិនជីវិតតាមមូលដ្ឋាន (LLSE)
២. ការបង្កើតទំនាក់ទំនងវិជ្ជាជីវៈ (Professional Relationship) ដែល «មិនមានការគំរាមកំហែង» និង «ផ្អែកលើភាពជឿជាក់» ដើម្បីជួយឱ្យគ្រូបង្រៀនមានអារម្មណ៍សុវត្ថិភាពក្នុងការអភិវឌ្ឍខ្លួន
៣. ការអនុវត្តវដ្តនៃការប្រឹក្សាគរុកោសល្យ (Mentoring Cycle) បានយ៉ាងស្ទាត់ជំនាញនូវ ៤ ជំហាន គឺ ១)ការជួបពិភាក្សាមុនការសង្កេតថ្នាក់រៀន ២)ការសង្កេតក្នុងថ្នាក់រៀន ៣)ការរៀបចំទិន្នន័យ និង ៤)ការផ្តល់ព័ត៌មានត្រឡប់
៤. ការប្រើប្រាស់ឧបករណ៍វាយតម្លៃ (Assessment Tools) កិច្ចតែងការបង្រៀនតាម Bloom’s Taxonomy និងការវាយតម្លៃបែបឌីណាម៉ិកសម្រាប់មុខវិជ្ជាបំណិនជីវិត (LLSE) ។

២៧ ឧសភា ២០២៦ | ខេត្តកំពង់ចាម

វគ្គបណ្ដុះបណ្ដាល (វគ្គ២) ស្ដីពី «ការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន»

ខេត្តកំពង់ចាម៖ ចាប់ពីថ្ងៃទី១៨ ដល់ថ្ងៃទី២១ ខែឧសភា ឆ្នាំ២០២៦ នាយកដ្ឋានតម្រង់ទិសវិជ្ជាជីវៈ ក្រោមក្របខណ្ឌនៃការអនុវត្តគម្រោងវិទ្យាសាស្ត្រ និងបច្ចេកវិទ្យា សម្រាប់ការអប់រំកម្រិតមធ្យមសិក្សាទុតិយភូមិ (STEP-UP) បានរៀបចំវគ្គបណ្ដុះបណ្ដាល (វគ្គទី២) ស្ដីពី «ការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន» សម្រាប់វិទ្យាល័យគោលដៅ ២៨ (ក្រុម៤) នៅវិទ្យាស្ថានគរុកោសល្យកំពង់ចាម។ វគ្គបណ្ដុះបណ្ដាលនេះ ត្រូវបានរៀបចំឡើង ដោយមានការចូលរួមពីថ្នាក់ដឹកនាំនាយកដ្ឋានជំនាញ ក្រុមការងារគ្រូឧទ្ទេសថ្នាក់ជាតិផ្នែក CGC និងសិក្ខាកាមចូលរួមសរុប ១១១នាក់ ស្រី ៤២នាក់។

គោលបំណងនៃការរៀបចំវគ្គបណ្ដុះបណ្ដាលនេះ ថាជាការអភិវឌ្ឍសមត្ថភាពគណៈគ្រប់គ្រង និងបុគ្គលិកអប់រំនៃវិទ្យាល័យគោលដៅ លើផ្នែកទ្រឹស្ដី ការដឹកនាំយន្ដការបច្ចេកទេស និងសកម្មភាពការងារនានា ក្នុងដំណើរការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន ក្នុងក្របខណ្ឌគម្រោង STEP-UP សំដៅពង្រឹងសមត្ថភាពពេញលេញដល់ប្រតិបត្តិករនៅតាមសាលារៀន។

លោកគ្រូអ្នកគ្រូ គឺជាបុគ្គលដ៏សំខាន់ ដែលជួយឱ្យកំណែទម្រង់វិស័យអប់រំទទួលបានជោគជ័យ។ វគ្គបណ្ដុះបណ្ដាល ៤ថ្ងៃនេះ គឺជាធាតុចូលថ្មីបន្ថែមទៀត ដើម្បីរួមចំណែកផ្ដល់ការគាំទ្រដល់សិស្សានុសិស្សនៅកម្រិតសាលារៀន តាមរយៈការសម្របសម្រួលនិងដឹកនាំកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា កម្មវិធីបន្ថែមក្រៅម៉ោងសិក្សា កម្មវិធីតម្រង់ទិសអាជីព ពិព័រណ៍ស្នាដៃសិស្ស និងការបង្កើតភាពជាដៃគូរវាងរដ្ឋនិងឯកជននៅកម្រិតសាលារៀន ក្រោមការគាំទ្ររបស់នាយកដ្ឋានជំនាញ និងគម្រោង STEP-UP នាពេលខាងមុខ។

គួររំលឹកផងដែរថា ផ្អែកតាមផែនការប្រតិបត្តិឆ្នាំ២០២៦ របស់គម្រោង STET-UP នាយកដ្ឋានតម្រង់ទិសវិជ្ជាជីវៈនឹងត្រូវផ្ដល់ការគាំទ្រដល់ការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន នៅតាមវិទ្យាល័យគោលដៅចាស់ចំនួន១០០ និងពង្រីកទៅកាន់វិទ្យាល័យគោលដៅថ្មីរបស់គម្រោងចំនួន ១០៥ ភ្ជាប់ជាមួយការផ្សារភ្ជាប់កញ្ចប់ថវិកាហិរញ្ញប្បទានរបស់គម្រោងជូនដល់វិទ្យាល័យគោលដៅចំនួន ១២លានរៀល/វិទ្យាល័យ/ឆ្នាំ។

២១ ឧសភា ២០២៦ | ខេត្តកំពង់ចាម

#សេចក្តីជូនដំណឹង ស្តីពីការជ្រើសរើសដៃគូសហការចូលរួមអនុវត្តកម្មវិធីបណ្តុះបណ្តាលជំនាញបន្ថែម ផ្នែកស្អែម (Extra- curricular STEM skills) នៅតាមគ្រឹះស្ថានមធ្យមសិក្សាសាធារណៈ ក្នុងក្របខណ្ឌភាពជាដៃគូសហការសម្រាប់ការបណ្តុះបណ្តាល សម្រាប់គ្រូបង្រៀន និងសិស្សានុសិស្ស
-ទាញយកឯកសារ៖ https://drive.google.com/.../1kgput3BY...
-ផុតកំណត់ទទួលពាក្យ៖ ថ្ងៃទី២៩ ខែឧសភា ឆ្នាំ២០២៦

#សេចក្តីជូនដំណឹង ស្ដីពី ការផ្ដល់សេវាបណ្ដុះបណ្ដាលជំនាញបន្ថែមផ្នែកស្ទែម នៅតាមគ្រឹះស្ថានមធ្យមសិក្សាសាធារណៈក្នុងក្របខណ្ឌភាពជាដៃគូសហការ សម្រាប់ការបណ្ដុះបណ្ដាលគ្រូ និងសិស្ស ចាប់ពីឆ្នាំ២០២៦ ដល់ឆ្នាំ២០២៨

📍ទីកន្លែងទទួលពាក្យ៖ នាយកដ្ឋានតម្រង់ទិសវិជ្ជាជីវៈ
🗓️ផុតកំណត់៖ ថ្ងៃទី២៩ ខែឧសភា ឆ្នាំ២០២៦

កិច្ចប្រជុំស្តីពី «ការពិនិត្យនិងសម្រេចលើបញ្ជីសិស្សចូលរៀនថ្នាក់ឆ្នាំទី១ ផ្នែកអប់រំបច្ចេកទេស សម្រាប់ឆ្នាំសិក្សា ២០២៥-២០២៦ នៅតាមគ្រឹះស្ថានសិក្សាផ្នែកអប់រំបច្ចេកទេស ចំនួន២១ និងវិទ្យាល័យដែលអនុវត្តគន្លងវិជ្ជាជីវៈ ចំនួន២៨»

រាជធានីភ្នំពេញ៖ នាព្រឹកថ្ងៃទី១៩ ខែឧសភា ឆ្នាំ២០២៦ នៅតាមប្រព័ន្ធបញ្ជូនសំឡេង និងរូបភាពផ្ទាល់ Zoom Meeting នាយកដ្ឋានតម្រង់ទិសវិជ្ជាជីវៈ បានរៀបចំកិច្ចប្រជុំស្តីពី «ការពិនិត្យនិងសម្រេចលើបញ្ជីសិស្សចូលរៀនថ្នាក់ឆ្នាំទី១ ផ្នែកអប់រំបច្ចេកទេស សម្រាប់ឆ្នាំសិក្សា ២០២៥-២០២៦ នៅតាមគ្រឹះស្ថានសិក្សាផ្នែកអប់រំបច្ចេកទេស ចំនួន២១ និងវិទ្យាល័យដែលអនុវត្តគន្លងវិជ្ជាជីវៈ ចំនួន២៨» ។

កិច្ចប្រជុំដ៏មានសារៈសំខាន់នេះ ស្ថិតក្រោមអធិបតីភាព ឯកឧត្តមបណ្ឌិត អុឹម កុច រដ្ឋលេខាធិការក្រសួងអប់រំ យុវជន និងកីឡា និងមានការចូលរួមពី ឯកឧត្តម អនុរដ្ឋលេខាធិការ ថ្នាក់ដឹកនាំនៃអគ្គនាយកដ្ឋានអប់រំ ថ្នាក់ដឹកនាំនិងបុគ្គលិកអប់រំ នៃនាយកដ្ឋានតម្រង់ទិសវិជ្ជាជីវៈ ប្រធាន/អនុប្រធានមន្ទីរអប់រំ យុវជន និងកីឡា ប្រធាន/អនុប្រធានការិយាល័យ នៃមន្ទីរអប់រំ យុវជន និងកីឡារាជធានីខេត្តគោលដៅទាំង១៩ គណៈគ្រប់គ្រងគ្រឹះស្ថានសិក្សាផ្នែកអប់រំបច្ចេកទេស២១ គណៈគ្រប់គ្រងវិទ្យាល័យដែលអនុវត្តគន្លងវិជ្ជាជីវៈ ២៨ នៅទូទាំងប្រទេស សរុបសមាសភាព ចំនួន ៨៦នាក់។

របៀបវារៈនៃកិច្ចប្រជុំ៖
1. មតិសំណេះសំណាល និងបើកកិច្ចប្រជុំ ដោយឯកឧត្តមបណ្ឌិត អុឹម កុច រដ្ឋលេខាធិការក្រសួងអប់រំ យុវជន និងកីឡា
2. អានរបាយការណ៍ ស្តីពី ការជ្រើសរើសនិងការរៀបចំបញ្ជីឈ្មោះសិស្សថ្នាក់ឆ្នាំទី១ ផ្នែកអប់រំបច្ចេកទេស សម្រាប់ឆ្នាំសិក្សា ២០២៥-២០២៦ ដោយលោក ប៊ែល ប៊ុណ្ណារិទ្ធិ អនុប្រធានការិយាល័យអភិវឌ្ឍការអប់រំបច្ចេកទេស
3. កិច្ចពិភាក្សានិងសម្រេចលើលទ្ធផល និងបញ្ជីឈ្មោះសិស្សថ្នាក់ឆ្នាំទី១ ផ្នែកអប់រំបច្ចេកទេស សម្រាប់ឆ្នាំសិក្សា ២០២៥-២០២៦។
4. មតិបូកសរុប និងអនុសាសន៍បិទអង្គប្រជុំ ដោយ ឯកឧត្តមបណ្ឌិត អុឹម កុច រដ្ឋលេខាធិការក្រសួងអប់រំ យុវជន និងកីឡា។

ថ្លែងក្នុងកិច្ចប្រជុំនេះ ឯកឧត្តមបណ្ឌិត រដ្ឋលេខាធិការ បានថ្លែងអំណរគុណដល់ ថ្នាក់ដឹកនាំក្រសួង ថ្នាក់ដឹកនាំនៃអគ្គនាយកដ្ឋានអប់រំ ថ្នាក់ដឹកនាំនិងបុគ្គលិកអប់រំ នៃនាយកដ្ឋានតម្រង់ទិសវិជ្ជាជីវៈ ដែលបានសហការយ៉ាងល្អក្នុងសកម្មភាពអភិវឌ្ឍការអប់រំបច្ចេកទេស ពិសេសការងារផ្សព្វផ្សាយអំពីការសិក្សាផ្នែកអប់រំបច្ចេកទេស ការប្រមូលសិស្សចូលរៀន និងការៀបចំបញ្ជីឈ្មោះសិស្ស និងបានកោតសរសើរ និងថ្លែងអំណរគុណដល់ លោក លោកស្រី ជាគណៈគ្រប់គ្រងគ្រឹះស្ថានសិក្សាទាំង៤៩ ដែលបានចូលរួមកិច្ចប្រជុំដ៏មានសារៈសំខាន់នេះ ហើយលោកបានបញ្ជាក់ថា កិច្ចប្រជុំនេះវាជាកិច្ចប្រជុំពិនិត្យនិងសម្រេចរួមគ្នាលើលទ្ធផលនិងបញ្ជីឈ្មោះសិស្សចូលរៀន និងជាពេលវេលាសម្រាប់សិក្សារៀនសូត្រអំពីបទពិសោធការផ្សព្វផ្សាយ ការកៀរគរប្រមូលសិស្សចូលរៀន ការៀបចំបញ្ជីឈ្មោះ និងនីតិវិធីនៃការរៀបចំគល់បញ្ជីសិស្សឆ្នាំទី១ ផ្នែកអប់រំបច្ចេកទេស ការរៀបចំព័ត៌មានសិស្សដើមឆ្នាំសិក្សា ដំណើរការដឹកនាំនិងគ្រប់គ្រងតាមបណ្តាសាលារៀន ការឆ្លុះបញ្ចាំងពីស្ថានភាព លទ្ធផលការងារ ប្រសិទ្ធភាពនៃការអនុវត្តផែនការសកម្មភាព និងការអន្តរាគមន៍ទាន់ពេលដើម្បីដោះស្រាយបញ្ហាសាលារៀន។ ឯកឧត្តមបណ្ឌិត រដ្ឋលេខាធិការ បានវាយតម្លៃខ្ពស់ ដល់ថ្នាក់ដឹកនាំ ថ្នាក់ដឹកនាំនិងបុគ្គលិកអប់រំ នៃនាយកដ្ឋានតម្រង់ទិសវិជ្ជាជីវៈ គណៈគ្រប់សាលារៀន ដែលដឹកនាំគ្រប់គ្រង និងចាត់ចែងរៀបចំថ្នាក់រៀន តាំងពីដើមដើមឆ្នាំសិក្សាមកនេះ។ ឯកឧត្តមបណ្ឌិត ប្រធានអង្គប្រជុំ បានលើកទឹកចិត្តដល់គណៈគ្រប់គ្រងសាលាទាំងអស់ ពិសេសសាលារៀនថ្មី ដែលអនុវត្តគន្លងអប់រំថ្មី ត្រូវបន្តការខិតខំដឹកនាំនិងគ្រប់គ្រងដំណើរការសាលារៀនឱ្យបានល្អ ពិនិត្យតាមដាន និងថែរក្សាសិស្សដែលបានចុះឈ្មោះចូលរៀនឱ្យបានគង់វង្ស តាមរយៈការធ្វើបុរេសកម្មសម្របសម្រួល ការរៀបចំបរិស្ថានសិក្សាសាលារៀនឱ្យបានល្អ ការរៀបចំថ្នាក់រៀនដែលមានភាពទាក់ទាញ ថ្នាក់រៀនតាមបែបការងារគម្រោង ការងារពិព័រណ៍ស្នាដៃសិស្សព្រឹត្តិការណ៍នានា ដូចជាការប្រកួតប្រជែងស្នាដៃ កម្មវិធីចែករំលែកពីវាគ្មិនកិត្តិយស អតីតសិស្ស និងតំណាងវិស័យឯកជន ការដាក់បញ្ចូលបច្ចេកវិទ្យាឌីជីថល AI, ការសហការភាពជាដៃគូ ការផ្តល់ព័ត៌មានត្រឡប់ទាន់ពេលវេលា ការធ្វើការសម្រេចចិត្តដោយមានភាពទន់ភ្លន់ បត់បែន និងស្មារតីទទួលខុសត្រូវខ្ពស់។

ឯកឧត្តមបណ្ឌិត រដ្ឋលេខាធិការក្រសួងអប់រំ យុវជន និងកីឡា បានមានមតិបូកសរុប និងផ្តល់អនុសាសន៍ ដល់អង្គប្រជុំ ដូចខាងក្រោម៖ ១. ឯកភាពលើបញ្ជីឈ្មោះសិស្សចូលរៀនថ្នាក់ឆ្នាំទី១ ផ្នែកអប់រំបច្ចេកទេស សម្រាប់ឆ្នាំសិក្សា ២០២៥-២០២៦។ ២. សម្រាប់សិក្សាបន្តបន្ទាប់ ស្នើដល់លោក លោកស្រីជា តំណាងមន្ទីរអប់រំ យុវជន និងកីឡា រាជធានីខេត្ត គណៈគ្រប់គ្រងគ្រឹះស្ថានសិក្សា ទាំង៤៩ ត្រូវរៀបចំបញ្ជីឈ្មោះសិស្សថ្នាក់ឆ្នាំទី១ ឱ្យបានត្រឹមត្រូវ ដោយត្រូវពិនិត្យនិងផ្ទៀងផ្ទាត់ឱ្យបានត្រឹមត្រូវ នូវអាគតដ្ឋានសិស្ស និងមានសង្គតិភាពគ្នារវាង ១) ពាក្យសុំសិទ្ធិចុះឈ្មោះចូលរៀនថ្នាក់ឆ្នាំទី១ ២) សំបុត្រកំណើត ឬសេចក្តីចម្លងសំបុត្រកំណើត ៣) សញ្ញាបត្រមធ្យមសិក្សាបឋមភូមិ ឬសញ្ញាបត្រដែលមានតម្លៃសមមូល។ ៣. មន្ទីរអប់រំ យុវជន និងកីឡា រាជធានីខេត្ត និងគណៈគ្រប់គ្រងគ្រឹះស្ថានសិក្សាទាំង៤៩ ត្រូវបន្តភាពខ្លាំងរបស់ខ្លួន ក្នុងដឹកនាំនិងគ្រប់គ្រងដំណើរការបង្រៀននិងរៀន ការពង្រឹងនិងលើកកម្ពស់គុណភាពសិក្សាសិស្ស ការជួយសិស្សរៀនយឺត ពិសេសការត្រៀមលក្ខណសម្បត្តិឱ្យបានរួចរាល់សម្រាប់ការរៀបចំការប្រឡងបញ្ចប់ឆ្នាំទី១ ឆ្នាំទី២ និងការប្រឡងសញ្ញាបត្របច្ចេកទេសនិងវិជ្ជាជីវៈកម្រិត៣ សម័យប្រឡង ២២ កក្កដា ២០២៦ ខាងមុខនេះ។

អង្គប្រជុំ ទទួលបាននូវព័ត៌មាន របាយការណ៍លទ្ធផលសិក្សា និងបានធ្វើការផ្តល់ការឆ្លើយតបនិងអន្តរាគមន៍នូវបញ្ហាមួយចំនួន ដល់សាលារៀន ជុំវិញការជ្រើសរើសនិងចុះឈ្មោះចូលរៀនថ្នាក់ឆ្នាំទី១ ការដឹកនាំនិងគ្រប់គ្រងសាលារៀន និងបានធ្វើការលើកទឹកចិត្តដល់គណៈគ្រប់គ្រងសាលា ឱ្យបន្តដឹកនាំនិងគ្រប់គ្រងសាលារៀនឱ្យមានប្រសិទ្ធភាព ដើម្បីចូលរួមចំណែកឆ្លើយតបទៅនឹងការអនុវត្តកំណែទម្រង់វិស័យអប់រំ និងការចូលរួមចំណែកក្នុងការអនុវត្តផែនការយុទ្ធសាស្ត្របញ្ចកោណ ដំណាក់កាលទី១ នៃរាជរដ្ឋាភិបាលកម្ពុជា នីតិកាលទី៧ នៃរដ្ឋសភា ដែលកំណត់យកការអភិវឌ្ឍន៍មូលធនមនុស្សជាការងារអាទិភាព ពិសេសធនធានមនុស្សផ្នែកអប់រំបច្ចេកទេស ដើម្បីបំពេញតាមតម្រូវការទីផ្សារការងារនាពេលបច្ចុបន្ន និងអនាគត ឈានទៅសម្រេចគោលដៅចក្ខុវិស័យប្រែក្លាយជាប្រទេសមានចំណូលមធ្យមកម្រិតខ្ពស់ក្នុងឆ្នាំ ២០៣០ និងប្រទេសចំណូលខ្ពស់នៅឆ្នាំ២០៥០៕

១៩ ឧសភា ២០២៦/រាជធានីភ្នំពេញ

កិច្ចប្រជុំ ស្តីពី «ការរៀបចំដំណើរការបណ្តុះបណ្តាលជំនាញបន្ថែមផ្នែកស្ទែម នៅតាមគ្រឹះស្ថានមធ្យមសិក្សាសាធារណៈ ក្នុងក្របខណ្ឌកិច្ចសហការភាពជាដៃគូក្នុងការបណ្តុះបណ្តាលគ្រូនិងសិស្ស»

រាជធានីភ្នំពេញ៖ នាថ្ងៃអង្គារ ១១រោច ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១២ ខែឧសភា ឆ្នាំ២០២៦ ក្នុងក្របខណ្ឌការងារគម្រោងវិទ្យាសាស្ត្រនិងបច្ចេកវិទ្យាសម្រាប់ការអប់រំកម្រិតមធ្យមសិក្សាទុតិយភូមិ (STEP UP) នាយកដ្ឋានតម្រង់ទិសវិជ្ជាជីវៈ បានរៀបចំកិច្ចប្រជុំ ស្តីពី «ការរៀបចំដំណើរការបណ្តុះបណ្តាលជំនាញបន្ថែមផ្នែកស្ទែម នៅតាមគ្រឹះស្ថានមធ្យមសិក្សាសាធារណៈ ក្នុងក្របខណ្ឌកិច្ចសហការភាពជាដៃគូក្នុងការបណ្តុះបណ្តាលគ្រូនិងសិស្ស» នៅតាមប្រព័ន្ធបញ្ជូនសំឡេងនិងរូបភាពផ្ទាល់ (ZOOM MEETING)។ កិច្ចប្រជុំដ៏មានសារៈសំខាន់នេះ ស្ថិតក្រោមការដឹកនាំដោយ ឯកឧត្តមបណ្ឌិត ឌី ខាំបូលី អគ្គនាយករង នៃអគ្គនាយកដ្ឋានគោលនយោបាយនិងផែនការ និងជាអនុប្រធានគម្រោង STEP UP និងមានការអញ្ជើញចូលរួមអំពីលោកជំទាវបណ្ឌិត បូ ច័ន្ទគុលិកា អនុរដ្ឋលេខាធិការ ក្រសួងអប់រំ យុវជន និងកីឡា និងជាប្រធានក្រុមបច្ចេកទេសសមាសភាគទី៣ (TIU3) ថ្នាក់ដឹកនាំនិងបុគ្គលិកអប់រំនៃនាយកដ្ឋានតម្រង់ទិសវិជ្ជាជីវៈ និងគណៈគ្រប់គ្រងគ្រឹះស្ថានមធ្យមសិក្សាចំនួន៥៤គ្រឹះស្ថាន ដែលមានសមាសភាពអ្នកចូលរួមសរុបចំនួន 90 នាក់។

កិច្ចប្រជុំនេះ ត្រូវបានរៀបចំឡើងក្នុងគោលបំណង 1) ពិនិត្យវឌ្ឍនភាព ស្តីពីការរៀបចំដំណើរការបណ្តុះបណ្តាលជំនាញបន្ថែមផ្នែកស្ទែម នៅតាមគ្រឹះស្ថានមធ្យមសិក្សាសាធារណៈ ក្នុងក្របខណ្ឌកិច្ចសហការភាពជាដៃគូក្នុងការបណ្តុះបណ្តាលគ្រូនិងសិស្ស 2) ពិភាក្សាចែករំលែកចំណេះដឹង បទពិសោធន៍ មេរៀនពិសោធន៍ ឧត្តមានុវត្តន៍ស្តីពីការអនុវត្តកម្មវិធីបណ្តុះបណ្តាលជំនាញបន្ថែមផ្នែកស្ទែម 3) លើកទិសដៅអនុវត្តការងារ ធ្វើឱ្យកាន់តែប្រសើរឡើងនៅកម្រិតសាលារៀន និងត្រៀមពង្រីកវិសាលភាពក្នុងការគាំទ្រសំដៅបង្កើតប្រព័ន្ធអេកូស្ទែមផ្នែកអប់រំស្ទែម (ECO-SYSTEM STEM) ភាពជាដៃគូ និងផលិតភាព និងនៅកម្រិតទូទាំងប្រទេស នាពេលខាងមុខ។

ថ្លែងក្នុងកម្មវិធីបើកកិច្ចប្រជុំ ឯកឧត្តមបណ្ឌិត អនុប្រធានគម្រោង បានថ្លែងអំណរគុណដល់សមាជិកសមាជិកាទាំងអស់ ពិសេសនាយកដ្ឋានជំនាញ និងតំណាងគ្រឹះស្ថានសិក្សា និងអ្នកពាក់ព័ន្ធ ដែលបានអញ្ជើញចូលរួមកិច្ចប្រជុំដ៏មានសារៈសំខាន់ និងគុណតម្លៃប្រយោជន៍ជាតិនេះ បន្ថែមលើនេះ ឯកឧត្តមបណ្ឌិត បានបង្ហាញអំពីសារបានគម្រោង ទស្សនាទាន និន្នាការសាកលលោក ការអប់រំផ្នែកស្ទែមក្នុងបរិបទសាកល និងបរិបទកម្ពុជា ចំណុចអាទិភាពគន្លឹះរបស់រាជរដ្ឋាភិបាលក្នុងការលើកកម្ពស់កម្មវិធីសិក្សាក្រៅម៉ោងបន្ថែម ផែនការអភិវឌ្ឍជាតិកម្ពុជា តម្រូវការទីផ្សារកម្ពុជា។ ដើម្បីធានាបានដំណើរការ ផលិតភាព ប្រសិទ្ធភាព និរន្តរភាពនៃការអនុវត្តនៅតាមសាលារៀនគោលដៅ និងការពង្រីកវិសាលភាព ក្រសួងបានបន្តសកម្មភាពលើការងារនេះតាមរយៈការអនុវត្តគម្រោង STEP UP ក្នុងក្របខណ្ឌកិច្ចប្រតិបត្តិការជាមួយដៃគូ (MOU) ការអនុវត្តសម្ព័ន្ធមេត្រីភាព ជាមួយគ្រឹះស្ថានឧត្តមសិក្សា គ្រឹះស្ថាន TVET អង្គការ ក្រុមហ៊ុន វិស័យឯកជន ដើម្បីអនុវត្តការបណ្តុះបណ្តាលសមត្ថភាពគ្រូនិងសិស្ស។ ការរៀបចំកម្មវិធីសិក្សាដែលផ្សារភ្ជាប់នឹងជំនាញសតវត្សន៍ទី២១ ជំនាញការងារក្រុម ជំនាញការសិក្សាផ្សារភ្ជាប់នឹងការងារ ការស្រាវជ្រាវនិងបង្កើតថ្មី ការដាក់បញ្ចូលនូវបច្ចេកវិទ្យា Digital Skills AI និងសកម្មភាពផលិតភាពសិស្សគ្រូជាដើម ដែលកម្មវិធីត្រូវធ្វើដោយមានការចូលរួមពីវិស័យឯកជន។

ឯកឧត្តមបណ្ឌិត ប្រធានអង្គប្រជុំ បានមានមតិបូកសរុប និងផ្តល់អនុសាសន៍ ដូចខាងក្រោម ៖ ១. គ្រឹះស្ថានមធ្យមសិក្សាសាធារណៈ ដែលបានចុះ អនុសារណៈយោគយល់គ្នា (MOU) អាចចាប់ផ្ដើមអនុវត្តការបណ្ដុះបណ្ដាលជំនាញបន្ថែមផ្នែកស្ទែមឆ្នាំ២០២៦ ដោយឡែកគ្រឹះស្ថានមធ្យមសិក្សាសាធារណៈ ដែលមិនទាន់បានចុះ អនុសារណៈយោគយល់គ្នា (MOU) នាយកដ្ឋានតម្រង់ទិសវិជ្ជាជីវៈ ត្រូវរៀបចំធ្វើការប្រកាសផ្សព្វផ្សាយជ្រើសរើសក្រុមហ៊ុន អង្គការ សមាគមន៍ គ្រឹះស្ថានបណ្តុះបណ្តាល និងដៃគូពាក់ព័ន្ធ ដែលមានបទពិសោធន៍និងសមត្ថភាព ដើម្បីធ្វើជាដៃគូសហការបណ្តុះបណ្តាលជំនាញនៅតាមគ្រឹះស្ថានមធ្យមសិក្សាសាធារណៈគោលដៅ។ ២. រៀបចំករណីសិក្សា និងរបាយការណ៍ឧត្តមានុវត្តន៍ នៅតាមគ្រឹះស្ថានមធ្យមសិក្សាសាធារណៈ និងតាមជំនាញនីមួយៗ សម្រាប់ផ្សព្វផ្សាយ និងចែករំលែកទៅតាមគ្រឹះស្ថានមធ្យមសិក្សាសាធារណៈផ្សេងទៀត។ ៣. ផ្ដល់ការគាំទ្រជាប្រចាំដល់គ្រឹះស្ថានមធ្យមសិក្សាសាធារណៈដែលនៅមានការលំបាកក្នុងការស្វែងរកដៃគូបណ្ដុះបណ្កាល ការចុះអនុសារណៈយោគយល់គ្នា (MOU) ក៏ដូចជាការអនុវត្តដំណើរការបណ្ដុះបណ្ដាលជំនាញ ដើម្បីឱ្យគ្រឹះស្ថានមធ្យមសិក្សាសាធារណៈអាចដំណើរការបាន មានប្រសិទ្ធភាព និងប្រសិទ្ធផល ។ ៤. ធ្វើការវាយតម្លៃ កំណត់ជំនាញដែលជាតម្រូវការទីផ្សារការងារ ក្នុងសហគមន៍ និង ៥. នាយកដ្ឋានជំនាញនិងគណៈគ្រប់គ្រងសាលារៀន ត្រូវជំរុញការអនុវត្តសកម្មភាពការបណ្ដុះបណ្ដាលជំនាញបន្ថែមផ្នែកស្ទែមឱ្យមានប្រសិទ្ធភាព និងនិរន្តរភាព និងត្រៀមរៀបចំឱ្យទៅជាប្រព័ន្ធការងារសំដៅបង្កើតប្រព័ន្ធអេកូស្ទែមផ្នែកអប់រំស្ទែម (ECO-SYSTEM STEM) ភាពជាដៃគូ និងផលិតភាព សម្រាប់ពង្រីកវិសាលភាពការអនុវត្តនៅតាមគ្រឹះស្ថានមធ្យមសិក្សាទូទាំងប្រទេស។

រាជធានីភ្នំពេញ ថៃ្ងទី១២ ខែឧសភា ឆ្នាំ២០២៦

វគ្គបណ្ដុះបណ្ដាល (វគ្គ២) ស្ដីពី «ការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន»

ខេត្តកំពង់ស្ពឺ៖ ចាប់ពីថ្ងៃទី១១ ដល់ថ្ងៃទី១៤ ខែឧសភា ឆ្នាំ២០២៦ នាយកដ្ឋានតម្រង់ទិសវិជ្ជាជីវៈ ក្រោមក្របខណ្ឌនៃការអនុវត្តគម្រោងវិទ្យាសាស្ត្រ និងបច្ចេកវិទ្យា សម្រាប់ការអប់រំកម្រិតមធ្យមសិក្សាទុតិយភូមិ (STEP-UP) បានរៀបចំវគ្គបណ្ដុះបណ្ដាល (វគ្គទី២) ស្ដីពី «ការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន» សម្រាប់វិទ្យាល័យគោលដៅ ២៧ (ក្រុម៣) នៅសាលប្រជុំនៃមន្ទីរអប់រំ យុវជន និងកីឡាខេត្តកំពង់ស្ពឺ។ វគ្គបណ្ដុះបណ្ដាលនេះ ត្រូវបានរៀបចំឡើង ដោយមានការចូលរួមពីថ្នាក់ដឹកនាំនាយកដ្ឋានជំនាញ ក្រុមការងារគ្រូឧទ្ទេសថ្នាក់ជាតិផ្នែក CGC និងសិក្ខាកាមចូលរួមសរុប ១០៩នាក់ ៤៦នាក់។

គោលបំណងនៃការរៀបចំវគ្គបណ្ដុះបណ្ដាលនេះ ថាជាការអភិវឌ្ឍសមត្ថភាពគណៈគ្រប់គ្រង និងបុគ្គលិកអប់រំនៃវិទ្យាល័យគោលដៅ លើផ្នែកទ្រឹស្ដី ការដឹកនាំយន្ដការបច្ចេកទេស និងសកម្មភាពការងារនានា ក្នុងដំណើរការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន ក្នុងក្របខណ្ឌគម្រោង STEP-UP សំដៅពង្រឹងសមត្ថភាពពេញលេញដល់ប្រតិបត្តិករនៅតាមសាលារៀន។

លោកគ្រូអ្នកគ្រូ គឺជាបុគ្គលដ៏សំខាន់ ដែលជួយឱ្យកំណែទម្រង់វិស័យអប់រំទទួលបានជោគជ័យ។ វគ្គបណ្ដុះបណ្ដាល ៤ថ្ងៃនេះ គឺជាធាតុចូលថ្មីបន្ថែមទៀត ដើម្បីរួមចំណែកផ្ដល់ការគាំទ្រដល់សិស្សានុសិស្សនៅកម្រិតសាលារៀន តាមរយៈការសម្របសម្រួលនិងដឹកនាំកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា កម្មវិធីបន្ថែមក្រៅម៉ោងសិក្សា កម្មវិធីតម្រង់ទិសអាជីព ពិព័រណ៍ស្នាដៃសិស្ស និងការបង្កើតភាពជាដៃគូរវាងរដ្ឋនិងឯកជននៅកម្រិតសាលារៀន ក្រោមការគាំទ្ររបស់នាយកដ្ឋានជំនាញ និងគម្រោង STEP-UP នាពេលខាងមុខ។

គួររំលឹកផងដែរថា ផ្អែកតាមផែនការប្រតិបត្តិឆ្នាំ២០២៦ របស់គម្រោង STET-UP នាយកដ្ឋានតម្រង់ទិសវិជ្ជាជីវៈនឹងត្រូវផ្ដល់ការគាំទ្រដល់ការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន នៅតាមវិទ្យាល័យគោលដៅចាស់ចំនួន១០០ និងពង្រីកទៅកាន់វិទ្យាល័យគោលដៅថ្មីរបស់គម្រោងចំនួន ១០៥ ភ្ជាប់ជាមួយការផ្សារភ្ជាប់កញ្ចប់ថវិកាហិរញ្ញប្បទានរបស់គម្រោងជូនដល់វិទ្យាល័យគោលដៅចំនួន ១២លានរៀល/វិទ្យាល័យ/ឆ្នាំ។

១៤ ឧសភា ២០២៦ | ខេត្តកំពង់ស្ពឺ

នាព្រឹកថ្ងៃទី១១ ខែឧសភា ឆ្នាំ២០២៦ ក្រុមការងារនៃនាយកដ្ឋានតម្រង់ទិសវិជ្ជាជីវៈ ដឹកនាំដោយលោក រ័ត្ន សារ៉ា ប្រធាននាយកដ្ឋាន បានជួបពិភាក្សាជាមួយ លោកឳ Roel Soto អធិការនៃសាលាបច្ចេកទេសដុនបូស្កូប៉ោយប៉ែត និងសាលាដុនបូស្កូបាត់ដំបង ដើម្បីពិភាក្សាការងារអំពីការអភិវឌ្ឍការអប់រំបច្ចេកទេស ការសិក្សាស្វែងយល់ ការចែករំលែក និងយន្តការ និងនីតិវិធីនៃការអនុវត្តកម្មវិធីកម្មសិក្សាសិស្ស។ ក្នុងជំនួបនេះ លោកប្រធាននាយកដ្ឋាន បានចែករំលែកអំពី ចក្ខុវិស័យ បេសកកម្ម និងផែនការសកម្មភាព និងវឌ្ឍនភាពសកម្មភាពដែលក្រសួងកំពុងរៀបចំនិងអនុវត្តក្នុងក្របខណ្ឌក្រសួង ការគាំទ្រពីដៃគូជាតិ និងអន្តរជាតិ ហើយក៏មានការពិភាក្សាលើវិធីសាស្ត្រកែលម្អគុណភាពសិក្សា ការងារសុវត្ថិភាពសិស្ស ការតភ្ជាប់ជំនាញទៅនឹងតម្រូវការទីផ្សារការងារ ការងារភាពជាដៃគូជាមួយវិស័យឯកជន និងការលើកកម្ពស់សមត្ថភាពសិស្សឱ្យមានជំនាញអនុវត្តបានពិតប្រាកដ។

វគ្គបណ្ដុះបណ្ដាល (វគ្គ២) ស្ដីពី «ការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន»

ខេត្តកំពង់ឆ្នាំង៖ ចាប់ពីថ្ងៃទី៤ ដល់ថ្ងៃទី៧ ខែឧសភា ឆ្នាំ២០២៦ នាយកដ្ឋានតម្រង់ទិសវិជ្ជាជីវៈ ក្រោមក្របខណ្ឌនៃការអនុវត្តគម្រោងវិទ្យាសាស្ត្រ និងបច្ចេកវិទ្យា សម្រាប់ការអប់រំកម្រិតមធ្យមសិក្សាទុតិយភូមិ (STEP-UP) បានរៀបចំវគ្គបណ្ដុះបណ្ដាល (វគ្គទី២) ស្ដីពី «ការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន» នៅ២ទីតាំងផ្សេងគ្នាក្នុងខេត្តកំពង់ឆ្នាំង ដោយក្រុម១ រៀបចំនៅអគារធនធាននៃវិទ្យាល័យព្រះបាទសុរាម្រឹត និងក្រុម២ រៀបចំនៅមន្ទីរអប់រំ យុវជន និងកីឡា ខេត្តកំពង់ឆ្នាំង។ វគ្គបណ្ដុះបណ្ដាលទាំង២ក្រុមនេះ ត្រូវបានរៀបចំឡើង ដោយមានការចូលរួមពីថ្នាក់ដឹកនាំនាយកដ្ឋានជំនាញ ក្រុមការងារគ្រូឧទ្ទេសថ្នាក់ជាតិផ្នែក CGC និងសិក្ខាកាមចូលរួមសរុប ១៩៤នាក់ ៩៧នាក់។

គោលបំណងនៃការរៀបចំវគ្គបណ្ដុះបណ្ដាលនេះ ថាជាការអភិវឌ្ឍសមត្ថភាពគណៈគ្រប់គ្រង និងបុគ្គលិកអប់រំនៃវិទ្យាល័យគោលដៅ លើផ្នែកទ្រឹស្ដី ការដឹកនាំយន្ដការបច្ចេកទេស និងសកម្មភាពការងារនានា ក្នុងដំណើរការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន ក្នុងក្របខណ្ឌគម្រោង STEP-UP សំដៅពង្រឹងសមត្ថភាពពេញលេញដល់ប្រតិបត្តិករនៅតាមសាលារៀន។

លោកគ្រូអ្នកគ្រូ គឺជាបុគ្គលដ៏សំខាន់ ដែលជួយឱ្យកំណែទម្រង់វិស័យអប់រំទទួលបានជោគជ័យ។ វគ្គបណ្ដុះបណ្ដាល ៤ថ្ងៃនេះ គឺជាធាតុចូលថ្មីបន្ថែមទៀត ដើម្បីរួមចំណែកផ្ដល់ការគាំទ្រដល់សិស្សានុសិស្សនៅកម្រិតសាលារៀន តាមរយៈការសម្របសម្រួលនិងដឹកនាំកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា កម្មវិធីបន្ថែមក្រៅម៉ោងសិក្សា កម្មវិធីតម្រង់ទិសអាជីព ពិព័រណ៍ស្នាដៃសិស្ស និងការបង្កើតភាពជាដៃគូរវាងរដ្ឋនិងឯកជននៅកម្រិតសាលារៀន ក្រោមការគាំទ្ររបស់នាយកដ្ឋានជំនាញ និងគម្រោង STEP-UP នាពេលខាងមុខ។

គួររំលឹកផងដែរថា ផ្អែកតាមផែនការប្រតិបត្តិឆ្នាំ២០២៦ របស់គម្រោង STET-UP នាយកដ្ឋានតម្រង់ទិសវិជ្ជាជីវៈនឹងត្រូវផ្ដល់ការគាំទ្រដល់ការអនុវត្តកម្មវិធីមគ្គុទ្ទេសក៍អាជីពនិងការផ្ដល់ប្រឹក្សា និងសកម្មភាពភាពជាដៃគូរវាងរដ្ឋនិងឯកជន នៅតាមវិទ្យាល័យគោលដៅចាស់ចំនួន១០០ និងពង្រីកទៅកាន់វិទ្យាល័យគោលដៅថ្មីរបស់គម្រោងចំនួន ១០៥ ភ្ជាប់ជាមួយការផ្សារភ្ជាប់កញ្ចប់ថវិកាហិរញ្ញប្បទានរបស់គម្រោងជូនដល់វិទ្យាល័យគោលដៅចំនួន ១២លានរៀល/វិទ្យាល័យ/ឆ្នាំ។

៧ ឧសភា ២០២៦ | ខេត្តកំពង់ឆ្នាំង