លេខាធិការដ្ឋានកិច្ចការទីប្រឹក្សា និងជំនួយការ

កាលពីថ្ងៃទី៣១ ខែឧសភា ឆ្នាំ២០២៦ លោកជំទាវ
ណុប ម៉ារ៉េត ទីប្រឹក្សាក្រសួងមហាផ្ទៃ បានដឹកនាំប្រតិភូជាទីប្រឹក្សាតំណាងក្រសួងមហាផ្ទៃ ចូលរួមគោរពវិញ្ញាណក្ខន្ធសពឯកឧត្តម យេន ភោស៊ី ទីប្រឹក្សាក្រសួងមហាផ្ទៃ ដែលបានទទួលមរណភាព នៅថ្ងៃទី២៨ ខែឧសភា ឆ្នាំ២០២៦ ក្នុងជន្មាយុ ៧២ឆ្នាំ ដោយជរាពាធ។

ក្នុងពិធីដ៏ក្រៀមក្រំនេះ លោកជំទាវទីប្រឹក្សា បាននាំយកបច្ច័យគោលនយោបាយក្រសួងមហាផ្ទៃ ឯកឧត្តមអភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ ចំនួន ៣.០០០.០០០៛ និងសារំលែកទុក្ខ ជូនក្រុមគ្រួសារនៅគេហដ្ឋានសព ក្នុងភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី។

កាលពីថ្ងៃទី៣១ ខែឧសភា ឆ្នាំ២០២៦
ឯកឧត្តមវេជ្ជបណ្ឌិត កេតុ វណ្ណសេង ទីប្រឹក្សាក្រសួងមហាផ្ទៃ បាននាំយកអំណោយជូនប្រជាពលរដ្ឋ នៅស្រុកភ្នំស្រុក ខេត្តបន្ទាយមានជ័យ។

នៅថ្ងៃទី៣១ ខែឧសភា ឆ្នាំ២០២៦ ឯកឧត្តម លី វិចិត្រ ទីប្រឹក្សាក្រសួងមហាផ្ទៃ និងជាអនុប្រធានក្រុមការងារចុះមូលដ្ឋានឃុំសំបូរ ចូលរួមពិធីអបអរសាទរខួបលើកទី៧៧ ទិវាកុមារអន្តរជាតិ ១មិថុនា និងខួបលើកទី២៥ ទិវាពិភពលោកប្រឆាំងពលកម្មកុមារ ១២ មិថុនា និងទិវាកុមារកម្ពុជា ឆ្នាំ២០២៦ ដែលមានលោកគ្រូ អ្នកគ្រូ និងសិស្សានុសិស្សចូលរួមចំនួនជាង៣០០នាក់ ដែលប្រារព្វធ្វើឡើងនៅ សាលាបឋមសិក្សាអង្គខ្មៅ។

ថ្ងៃទី៣០ ខែឧសភា ឆ្នាំ ២០២៦ លោក សំឃិតវៀន ទីប្រឹក្សាក្រសួងមហាផ្ទៃ ចូលរួមក្នុងពិធីសម្ភោធដាក់អោយប្រើប្រាស់ជាផ្លូវការ នូវស្តូបអនុស្សាវរីយ៍ នយោបាយឈ្នះៗ ខេត្តកោះកុង ក្រោមអធិបតីភាព ឯកឧត្តមនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ តំណាងដ៏ខ្ពង់ខ្ពស់ សម្តេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ។

នៅថ្ងៃទី៣០ ខែឧសភា ឆ្នាំ២០២៦ លោក សេង ឆាយ ទីប្រឹក្សាក្រសួងមហាផ្ទៃ បានចូលរួមកិច្ចប្រជុំផ្សព្វផ្សាយសេចក្ដីសម្រេច ស្ដីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៦ ឆ្នាំ២០២៧ ក្រោមអធិបតីភាព ឯកឧត្ដម ជ វណ្ណារិទ្ធ ប្រធានក្រុមការងារគណបក្សចុះមូលដ្ឋានឃុំពោធិ៍ នៅទីស្នាក់ការគណបក្សស្រុកត្បែងមានជ័យ ខេត្តព្រះវិហារ ។

នៅថ្ងៃទី៣០ ខែឧសភា ឆ្នាំ២០២៦ ឯកឧត្តមបណ្ឌិត ផែន សុផល ទីប្រឹក្សាក្រសួងមហាផ្ទៃ សមាជិកក្រុមការងាររាជរដ្ឋាភិបាលចុះមូលដ្ឋានស្រុកអង្គរជ័យ និងជាអនុប្រធានក្រុមការងារចុះមូលដ្ឋានឃុំអង្គភ្នំតូច បានអញ្ជើញចូលរួមកិច្ចប្រជុំបូកសរុបលទ្ធផលការងារប្រចាំខែឧសភា និងលើកទិសដៅការងារខែបន្ត របស់ក្រុមការងាររាជរដ្ឋាភិបាលចុះមូលដ្ឋានស្រុកអង្គរជ័យ នៅសាលាឃុំអង្គភ្នំតូច ក្រោមអធិបតីភាព ឯកឧត្តមបណ្ឌិតសភាចារ្យ ណាត ប៊ុនរឿន ដោយមានការចូលរួមពីថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ និងមន្ត្រីពាក់ព័ន្ធសរុបជាង ១៦២ នាក់។

នៅថ្ងៃទី២៩ ខែឧសភា ឆ្នាំ២០២៦ ឧត្តមសេនីយ៍ឯក ខេង សៅវិបុត្ត អនុប្រធានក្រុមការងាររាជរដ្ឋាភិបាលស្រុកកំពង់ត្របែក និងជាប្រធានក្រុមការងារឃុំពាមមន្ទារ បានអមដំណើរឯកឧត្តម ហាស់ សារ៉េត ប្រធានក្រុមការងាររាជរដ្ឋាភិបាលស្រុកកំពង់ត្របែក ចូលរួមរំលែកទុក្ខគ្រួសារសពកម្មករ និយោជិក ដែលបានបាត់បង់ជីវិត ក្នុងឧបទ្ទវហេតុគ្រោះថ្នាក់ ចរាចរណ៍ កាលពីថ្ងៃទី២៣ ខែឧសភា ឆ្នាំ២០២៦ នៅគេហដ្ឋានសព ស្ថិតក្នុងភូមិព្រៃក្រាំង ឃុំព្រៃពាន ស្រុកកំពង់ត្របែក។ ក្នុងពិធីដ៏ក្រៀមក្រំនេះ ឯកឧត្តម ប្រធានក្រុមការងារស្រុក បានឧបត្ថម្ភនូវថវិកាដល់គ្រួសារសព ដើម្បីចូលរួមរំលែកទុក្ខដ៏សែនក្រៀមក្រំនេះ។

នៅថ្ងៃទី២៩ ខែឧសភា ឆ្នាំ២០២៦ ឯកឧត្តម ឆាយ សាម៉េត និងឯកឧត្តម លីម ធូ អនុប្រធានក្រុមទីប្រឹក្សា និងឯកឧត្តម ប៉ិល សំអាត សមាជិកក្រុមទីប្រឹក្សា ជួយការងារបណ្ឌិត្យសភានគរបាលកម្ពុជា បានចូលរួមប្រជុំបូកសរុបលទ្ធផលការងារប្រចាំខែឧសភា និងលើកទិសដៅបន្តសម្រាប់ខែមិថុនា ឆ្នាំ២០២៦ របស់បណ្ឌិត្យសភានគរបាលកម្ពុជា។

កាលពីថ្ងៃទី២៧ ខែឧសភា ឆ្នាំ២០២៦ ឯកឧត្តម ហ៊ី ណាត ទីប្រឹក្សាក្រសួងមហាផ្ទៃ បានចូលរួមពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពជុំវិញខេត្ត ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី ប្រធានព្រឹទ្ធសភា និងជា ប្រធានគណបក្សប្រជាជន នៅ សាលាខេត្ត កំពង់ឆ្នាំង។

នៅព្រឹកថ្ងៃទី២៧ ខែឧសភា ឆ្នាំ២០២៦ ឧត្តមសេនីយ៍ឯក ខេង សៅវិបុត្ត ប្រធានលេខាធិការដ្ឋានកិច្ចការទីប្រឹក្សា និងជំនួយការ បានដឹកនាំកិច្ចប្រជុំអំពីវឌ្ឍនភាពការងារ និងរាយការណ៍អំពីលទ្ធផលការងារ (សម្រេច-នៅសេសសល់) បញ្ហាប្រឈម ដែលបានធ្វើបច្ចុប្បន្នភាព​ មន្ត្រីរដ្ឋបាលសុីវិល​ ទីប្រឹក្សា និងជំនួយការក្រសួងមហាផ្ទៃ

ក្នុងពិធីខាងលើនេះដែរ ក៏មានការអញ្ជើញចូលរួមពីលោក លោកស្រី ជាថ្នាក់ដឹកនាំលេខាធិការដ្ឋាន ប្រធាន-អនុប្រធាន នាយ-នាយរងការិយាល័យ និងមន្ត្រីលេខាធិការដ្ឋានកិច្ចការទីប្រឹក្សា និងជំនួយការ នៅសាលប្រជុំលេខាធិការដ្ឋាន ក្នុងទីស្តីការក្រសួងមហាផ្ទៃ។