អគ្គនាយកដ្ឋានប្រព័ន្ធចម្រោះទឹកកខ្វក់ GDSWM

សេចក្តីជូនដំណឹង ច្បាប់ស្តីពីប្រព័ន្ធទឹកកខ្វក់
មាត្រា៤
ការអភិវឌ្ឍប្រព័ន្ធទឹកកខ្វក់ ស្ថិតក្រោមការទទួលខុសត្រូវដោយផ្ទាល់របស់រដ្ឋ។ រដ្ឋអាចផ្តល់សិទ្ធិជូន វិស័យឯកជនអភិវឌ្ឍ និងគ្រប់គ្រងប្រតិបត្តិការប្រព័ន្ធទឹកកខ្វក់ ដោយអនុលោមតាមច្បាប់ និងលិខិតបទដ្ឋានគតិយុត្តជាធរមាន។
ក្រសួងសាធារណការ និងដឹកជញ្ជូនមានសមត្ថកិច្ចគ្រប់គ្រងលើការអភិវឌ្ឍប្រព័ន្ធទឹកកខ្វក់នៅក្នុង ព្រះរាជាណាចក្រកម្ពុជា។

រដ្ឋបាលថ្នាក់ក្រោមជាតិ មានសមត្ថកិច្ចគ្រប់គ្រងប្រព័ន្ធលូ និងប្រព័ន្ធប្រព្រឹត្តកម្មទឹកកខ្វក់ ក្នុងដែនសមត្ថកិច្ចរបស់ខ្លួន និងការងារប្រព័ន្ធទឹកកខ្វក់ផ្សេងទៀតតាមការប្រគល់ឬធ្វើប្រតិភូកម្មពីក្រសួង ស្ថាប័ន ទទួលបន្ទុកអភិវឌ្ឍប្រព័ន្ធទឹកកខ្វក់ ក្រោយពីមានការឯកភាពពីរាជរដ្ឋាភិបាល។

ការបែងចែកមុខងារ និងភារកិច្ចលើការគ្រប់គ្រងប្រព័ន្ធលូ និងប្រព័ន្ធប្រព្រឹត្តកម្មទឹកកខ្វក់របស់ស្ថាប័ន នីមួយៗត្រូវកំណត់ដោយអនុក្រឹត្យ។

តាមដានព័ត៌មានបន្ថែម
https://www.mpwt.gov.kh/kh/home
https://www.facebook.com/profile.php?id=100084091956042
https://group.coolapp.chat/...
https://www.tiktok.com/?_t=8qcUZEwrMRj&_r=1
ចូលរួមគ្រុបតេឡេក្រាម
https://t.me/gdswm_mpwt
....

កិច្ចប្រជុំស្តីពីកិច្ចព្រមព្រៀងភាពជាដៃគូរវាងអង្គការ BORDA និងអគ្គនាយកដ្ឋានប្រព័ន្ធចម្រោះទឹកកខ្វក់ នៃក្រសួងសាធារណការ និងដឹកជញ្ជូន

[GDSWM-MPWT]៖ នាថ្ងៃសុក្រ ១៣ កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ ឯកឧត្តម ចៅ សុភៈភិបាល អគ្គនាយក នៃអគ្គនាយកដ្ឋានប្រព័ន្ធចម្រោះទឹកកខ្វក់ និងក្រុមការងារ បានជួបប្រជុំជាមួយលោក ម៉ង់ ឧបសិទ្ធិ ប្រធានអង្គការ BORDA កម្ពុជា លោក នុត មករា ប្រធានអង្គការអនាម័យដើម្បីបរិស្ថានកម្ពុជា (ESC) និងលោក ចែម វិបុល អ្នកប្រឹក្សាយោបល់អង្គការអភិវឌ្ឍជំនាញទឹកស្អាត និងអនាម័យ (WASH-SDO)។
កិច្ចប្រជុំនេះផ្តោតលើការពិភាក្សាអំពីកិច្ចព្រមព្រៀងភាពជាដៃគូរវាងអង្គការ BORDA និងអគ្គនាយកដ្ឋានប្រព័ន្ធចម្រោះទឹកកខ្វក់ នៃក្រសួងសាធារណការ និងដឹកជញ្ជូន ដោយបានពិភាក្សាលើតួនាទី និងទំនួលខុសត្រូវរបស់ភាគីទាំងពីរ យន្តការអនុវត្ត រយៈពេលអនុវត្ត ថវិកា និងធនធានគាំទ្រ។
ជាលទ្ធផល បន្ទាប់ពីកិច្ចព្រមព្រៀងនេះ គ្រោងនឹងរៀបចំសេចក្តីព្រាងគោលការណ៍ណែនាំស្តីពីប្រព័ន្ធប្រព្រឹត្តកម្មទឹកកខ្វក់បែបវិមជ្ឈការ ព្រមទាំងការបណ្តុះបណ្តាល និងការផ្សព្វផ្សាយពាក់ព័ន្ធ ដើម្បីពង្រឹងការគ្រប់គ្រងវិស័យទឹកកខ្វក់នៅកម្ពុជា។

តាមដានព័ត៌មានបន្ថែម
https://www.mpwt.gov.kh/kh/home
https://www.facebook.com/profile.php?id=100084091956042
https://group.coolapp.chat/...
https://www.tiktok.com/?_t=8qcUZEwrMRj&_r=1
ចូលរួមគ្រុបតេឡេក្រាម
https://t.me/gdswm_mpwt
....

សកម្មភាពការងារសាងសង់បណ្តាញលូខ្នែង និងលូខ្នែងរងទឹកកខ្វក់ និងតំណរភ្ជាប់តាមផ្ទះប្រជាពលរដ្ឋ នៅតំបន់ប៉ែកខាងលិចស្ទឹង និងខាងកើតស្ទឹងសៀមរាប សម្រាប់កញ្ចប់ការងារ (MPWT-CW-09) នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP)។ វឌ្ឍនភាពសរុបគិតត្រឹមថ្ងៃទី៣០ ខែ ឧសភា ឆ្នាំ២០២៦ សម្រេចបាន ៣៧,២២%។

[GDSWM/MPWT-សៀមរាប]៖ ថ្ងៃសៅរ៍ ១៤កើត​ ខែ ជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែ ឧសភា ឆ្នាំ២០២៦ ក្រុមហ៊ុនសាងសង់ Phkay Prek & Jace Korea-Joint Venture និងក្រុមហ៊ុនត្រួតពិនិត្យបច្ចេកទេស CTI Engineering International Co., Ltd JV PPIC Co., Ltd នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ក្នុងក្រុងសៀមរាប ខេត្តសៀមរាប បានបន្តសកម្មភាពការងារសាងសង់ និងត្រួតពិនិត្យការងារសាងសង់បណ្តាញលូខ្នែង និងលូខ្នែងរងទឹកកខ្វក់ ការងារចាក់អណ្តូងលូ (Manhole) សម្រាប់តម្លើងបណ្តាញលូខ្នែង និងលូខ្នែងរងទឹកកខ្វក់​ និងការងារធ្វើតេស្ត៍រកម្លាំងសង្កត់បេតុង​ ព្រមទាំងការងារតម្លើង Interceptor Sewer នៅផ្សារដើមក្រឡាញ់។

តាមដានព័ត៌មានបន្ថែម👇
https://www.mpwt.gov.kh/kh/home
https://www.facebook.com/profile.php?id=100084091956042
https://group.coolapp.chat/
https://www.tiktok.com/?_t=8qcUZEwrMRj&_r=1
ចូលរួមគ្រុបតេឡេក្រាម👇
https://t.me/gdswm_mpwt
....

ប្លង់ស្ថានីយប្រព្រឹត្តកម្មទឹកកខ្វក់មើលពីលើស្ថិតក្នុងក្រុងបាត់ដំបង ខេត្តបាត់ដំបង
Landscape of WWTP in Battambang City
...

អគ្គនាយកប្រព័ន្ធចម្រោះទឹកកខ្វក់ កសកដ បានចូលរួមពិភាក្សាការងារជាមួយក្រុមការងារអង្គការ Global Green Growth Institute (GGGI) ដើម្បីស្វែងរកសក្តានុពលសម្រាប់កិច្ចសហប្រតិបត្តិការ ក្នុងការលើកកម្ពស់កំណើនបៃតងនៅក្នុងប្រទេសកម្ពុជា ក្រោមអធិបតីភាពឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន កាលពីព្រឹកថ្ងៃព្រហស្បតិ៍ ទី២៨ ខែឧសភា ឆ្នាំ២០២៦។
....

កិច្ចប្រជុំសហការអនុវត្តការងាររៀបចំចងក្រងគំនូរប្លង់បច្ចេកទេស និងគ្រប់គ្រងទិន្នន័យ (GIS) វិស័យប្រព័ន្ធទឹកកខ្វក់ ក្នុងក្រុងដូនកែវ ខេត្តតាកែវ។

[GDSWM/MPWT-តាកែវ]៖ មន្ទីរសាធារណការ និងដឹកជញ្ជូនខេត្តតាកែវ៖ នៅថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦ លោក ឌុច ប៊ុនថន អគ្គនាយករង តំណាងឯកឧត្តមអគ្គនាយក នៃអគ្គនាយកដ្ឋានប្រព័ន្ធចម្រោះទឹកកខ្វក់ បានអញ្ជើញជាអធិបតីក្នុងកិច្ចប្រជុំណែនាំអំពីកិច្ចសហការរវាង នាយកដ្ឋានស្រាវជ្រាវប្រព័ន្ធចម្រោះទឹកកខ្វក់ ជាមួយមន្ទីរសាធារណការ និងដឹកជញ្ជូនខេត្តតាកែវ ពាក់ព័ន្ធនឹងការងារចងក្រងគំនូរប្លង់បច្ចេកទេស និងគ្រប់គ្រងទិន្នន័យ (GIS) វិស័យប្រព័ន្ធទឹកកខ្វក់ ក្នុងក្រុងដូនកែវ។ កិច្ចប្រជុំនេះ មានការចូលរួមពីលោកអនុប្រធាននាយកដ្ឋាន លោកអនុប្រធានមន្ទីរសាធារណការ និងដឹកជញ្ជូនខេត្ត លោកតំណាងអភិបាលក្រុង និងមន្ត្រីបច្ចេកទេសពាក់ព័ន្ធ សរុបចំនួន ១២រូប។

កិច្ចប្រជុំនេះ ត្រូវបានរៀបចំឡើងក្នុងគោលបំណងប្រមូលទិន្នន័យបណ្តាញលូ និងប្រព័ន្ធទឹកកខ្វក់ក្នុងក្រុង ដើម្បីគ្រប់គ្រង វិភាគ និងអភិវឌ្ឍប្រព័ន្ធគ្រប់គ្រងបណ្តាញលូរំដោះទឹកភ្លៀង លូប្រមូលទឹកកខ្វក់ ព្រមទាំងរក្សាទុកទិន្នន័យទាំងនោះសម្រាប់ប្រើប្រាស់ក្នុងការរៀបចំផែនការសាងសង់ ប្រតិបត្តិការ និងថែទាំ ឱ្យកាន់តែមានប្រសិទ្ធភាពខ្ពស់។
ការអភិវឌ្ឍប្រព័ន្ធគ្រប់គ្រងទិន្នន័យវិស័យប្រព័ន្ធទឹកកខ្វក់នេះ គឺជាផ្នែកមួយដ៏សំខាន់ក្នុងការលើកកម្ពស់គុណភាពជីវិត និងការរស់នៅរបស់ប្រជាពលរដ្ឋក្នុងទីក្រុង និងទីប្រជុំជន តាមរយៈការគ្រប់គ្រងទឹកកខ្វក់ និងប្រព័ន្ធអនាម័យឱ្យកាន់តែប្រសើរឡើង។
ជាទិសដៅបន្ត មន្ត្រីបច្ចេកទេសនៃនាយកដ្ឋាន នឹងសហការយ៉ាងជិតស្និទ្ធជាមួយក្រុមការងារបច្ចេកទេសរបស់មន្ទីរសាធារណការ និងដឹកជញ្ជូនខេត្ត ក៏ដូចជារដ្ឋបាលក្រុង ដើម្បីសម្រេចឱ្យបាននូវការរៀបចំទិន្នន័យសម្រាប់ប្រើប្រាស់ក្នុងការអភិវឌ្ឍ ជួសជុល ថែទាំ និងគ្រប់គ្រងប្រព័ន្ធទឹកកខ្វក់ឱ្យទទួលបានជោគជ័យ ប្រកបដោយគុណភាព សំដៅលើកកម្ពស់សុខភាពសាធារណៈ និងនិរន្តរភាពបរិស្ថាន៕

តាមដានព័ត៌មានបន្ថែម👇
https://www.mpwt.gov.kh/kh/home
https://www.facebook.com/profile.php?id=100084091956042
https://group.coolapp.chat/...
https://www.tiktok.com/?_t=8qcUZEwrMRj&_r=1
ចូលរួមគ្រុបតេឡេក្រាម👇
https://t.me/gdswm_mpwt

[GDSWM/MPWT-ព្រះសីហនុ] ៖ សកម្មភាពការងារថែទាំស្ថានីយចម្រោះទឹកកខ្វក់ និងស្ថានីយបូមទាំង៨ កន្លែង របស់អង្គភាពគ្រប់គ្រងប្រព័ន្ធចម្រោះទឹកកខ្វក់ នៃមន្ទីរសាធារណការ និងដឹកជញ្ជូនខេត្តព្រះសីហនុ សម្រាប់ថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦ រួមមាន៖
១) បន្តការងារស្តាររឺហ្គាស្ទះនៅផ្លូវលេខ២០៧ កែងផ្លូវលេខ២០០។
២) បន្តការងារដងចក និងកាត់ស្មៅនៅស្ថានីយប្រព្រឹត្តកម្ម ១៦ហិកតា
៣) ការងារលាបថ្នាំបង្កាន់ដៃស្ថានីយបូមលេខ៥០២
៤) បន្តសកម្មភាពថែទាំតាមស្ថានីយបូមទាំង ៨ទីតាំង។

តាមដានព័ត៌មានបន្ថែម
https://www.mpwt.gov.kh/kh/home
https://www.facebook.com/profile.php?id=100084091956042
https://group.coolapp.chat/...
https://www.tiktok.com/?_t=8qcUZEwrMRj&_r=1
ចូលរួមគ្រុបតេឡេក្រាម
https://t.me/gdswm_mpwt
....