មូលនិធិជាតិជំនួយសង្គម - NSAF

សិក្ខាសាលាបូកសរុបលទ្ធផល នៃគំនិតផ្តួចផ្តើមស្តីពី “ការដឹកនាំការផ្លាស់ប្តូរដើម្បីសកម្មភាពឆ្លើយតបការប្រែប្រួលអាកាសធាតុ និងគាំពារសង្គម”
---
នៅរសៀលថ្ងៃទី២៧ ខែឧសភា ឆ្នាំ២០២៦៖ ដោយបានការអនុញ្ញាតពី ឯកឧត្តម ស៊ឹម សុធន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកមូលនិធិជាតិជំនួយសង្គម លោក ហួ តុលា អគ្គនាយករង និងជាសមាជិកក្រុមការងារ Lead the Change for Climate Action and Social Protection Initiatives បានអញ្ជើញចូលរួមសិក្ខាសាលាបូកសរុបលទ្ធផល នៃគំនិតផ្តួចផ្តើមស្តីពី “ការដឹកនាំការផ្លាស់ប្តូរដើម្បីសកម្មភាពឆ្លើយតបការប្រែប្រួលអាកាសធាតុ និងគាំពារសង្គម” ក្រោមអធិបតីភាព ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារសង្គម។ សិក្ខាសាលានេះប្រព្រឹតិ្តនៅសណ្ឋាគារកាំបូឌីយ៉ាណា ភ្នំពេញ ដោយមានការសហការរៀបចំពី GIZ និងមានគោលបំណងដើម្បីពិនិត្យ និងពិភាក្សាលើលទ្ធផលនៃការអនុវត្តរយៈពេល ១ ឆ្នាំកន្លងមក និងការពិភាក្សា បូកសរុប និងលើកទិសដៅបន្ត បន្ទាប់ពីគំនិតផ្តួចផ្តើមនេះត្រូវបានបិទបញ្ចប់ ដោយផ្តោតលើសេចក្តីព្រាង “ឯកសារទស្សនទានស្តីពីការពង្រឹងសមត្ថភាពរបស់រដ្ឋបាលថ្នាក់ក្រោមជាតិក្នុងការអនុវត្តកម្មវិធីក្នុងប្រព័ន្ធគាំពារសង្គម” ដែលបានរៀបចំឡើងជាឯកសារតម្រង់ទិស និងកំណត់អំពីជំហាន ដើម្បីឈានរៀបចំផែនការសម្រាប់ការកែទម្រង់ពាក់ព័ន្ធនឹងសមត្ថភាពរបស់រដ្ឋបាលថ្នាក់ក្រោមជាតិក្នុងការអនុវត្តកិច្ចគាំពារសង្គមដែលឆ្លើយតបនឹងការប្រែប្រួលអាកាសធាតុ និងយេនឌ័ររៀបចំដាក់ចេញយន្តការអន្តរក្រសួង-ស្ថាប័ន ក្នុងការដោះស្រាយបញ្ហាប្រឈមដែលបានកំណត់ ឱ្យមានប្រសិទ្ធភាព និងប្រកបដោយភាពបត់បែន។ សិក្ខាសាលានេះ មានសមាសភាពអញ្ជើញចូលរួមពីថ្នាក់ដឹកនាំ និងមន្ត្រីបច្ចេកទេសពី លេខាធិការដ្ឋានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ក្រសួងមហាផ្ទៃ ក្រសួងបរិស្ថាន ក្រសួងកិច្ចការនារី ក្រសួងផែនការ មូលនិធិជាតិជំនួយសង្គម និងដៃគូរអភិវឌ្ឍពាក់ព័ន្ធ សរុបប្រមាណ ៣៥ នាក់។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website
👉 NSAF Telegram Channel
👉 NSAF page

ស្ត្រីមានផ្ទៃពោះ និងកូនអាយុក្រោម២ឆ្នាំតាមម្ដាយក្នុងពន្ធនាគារចំនួន១នាក់ បានទទួលប្រាក់ឧបត្ថម្ភពីរាជរដ្ឋាភិបាល
---
ថ្ងៃទី២៩ ខែឧសភា ឆ្នាំ២០២៦៖ ក្រុមការងារសាខាមូលនិធិជាតិជំនួយសង្គមខេត្តកំពង់ឆ្នាំង បានសហការជាមួយមន្ត្រីពន្ធនាគារខេត្ត ដើម្បីបើកផ្តល់ប្រាក់ឧបត្ថម្ភជូនអ្នកទទួលផលក្នុងកម្មវិធីឧបត្ថម្ភសាច់ប្រាក់ជូនជនជាប់ឃុំជាស្ត្រីមានផ្ទៃពោះ និងកូនអាយុក្រោម២ឆ្នាំតាមម្ដាយក្នុងពន្ធនាគារនៅកំពង់ឆ្នាំងសរុបចំនួន១នាក់ ស្មើនឹងទឹកប្រាក់សរុបចំនួន ៨០ ០០០រៀលគត់។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website
👉 NSAF Telegram Channel
👉 NSAF page

ការចុះតាមដានត្រួតពិនិត្យការអនុវត្តរបស់មន្ត្រីកាន់កម្មវិធីតាមឃុំ សង្កាត់ ក្នុងការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ
---
នៅថ្ងៃទី២៩ ខែឧសភា ឆ្នាំ២០២៦៖ ក្រុមការងារសាខាមូលនិធិជាតិជំនួយសង្គមខេត្តរតនគិរី បានចុះតាមដានត្រួតពិនិត្យការអនុវត្តរបស់មន្ត្រីកាន់កម្មវិធីតាមឃុំ សង្កាត់ ក្នុងការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ ដែលស្ថិតក្នុងឃុំសង្កាត់កាចាញក្រុងបានលុង ឃុំតឹន និងមណ្ឌលសុខភាពតឹន ស្រុកកូនមុំ ខេត្តរតនគិរី។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website
👉 NSAF Telegram Channel
👉 NSAF page

សិក្ខាសាលាផ្សព្វផ្សាយស្តីពីការងាររបស់គណៈកម្មាធិការសមាគមអតីតយុទ្ធជន និងនិវត្តជនកម្ពុជា
---
នាព្រឹកថ្ងៃទី ២៦ ខែឧសភា ឆ្នាំ២០២៦លោក ខឹម សំអាត អគ្គនាយករង នៃមូលនិធិជាតិជំនួយសង្គម តំណាងឯកឧត្តម ស៊ឹម សុធន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកមូលនិធិជាតិជំនួយសង្គម បានអញ្ជើញចូលរួមវគ្គបណ្តុះបណ្តាលស្តីពីការងាររបស់គណ:កម្មាធិការសមាគមអតីតយុទ្ធជន និងនិវត្តជនកម្ពុជាតាមវិស័យចំនួន៣២ ក្រសួង-ស្ថាប័ន ក្រោមអធិបតីភាពឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការ សមាគមអតីតយុទ្ធជន និងនិវត្តជនកម្ពុជានៅសាលប្រជុំធំ ទីស្នាក់ការកណ្តាលសមាគមអតីតយុទ្ធជន និងនិវត្តជនកម្ពុជា។សិក្ខាសាលានេះមានការអញ្ជើញចូលរួមពីថ្នាក់ដឹកនាំសមាគម សមាជិកអចិន្ត្រៃ អ.ន.កថ្នាក់កណ្កាល ប្រធាន អនុប្រធាន តំណាង អ.ន.ក. ទាំង ៣២ ក្រសួង ស្ថាប័ន លោកជំទាវ លោក អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន នៃមូលនិធិជាតិជំនួយសង្គម និងលោក លោកស្រី ប្រធានសាខាមូលនិធិជាតិជំនួយសង្គម ទាំង២៥រាជធានីខេត្ត។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website - https://nsaf.gov.kh
👉 NSAF Telegram Channel - https://t.me/NSAFCAMBODIA

ស្ត្រីមានផ្ទៃពោះ និងកូនអាយុក្រោម២ឆ្នាំតាមម្ដាយក្នុងពន្ធនាគារចំនួន១នាក់ បានទទួលប្រាក់ឧបត្ថម្ភពីរាជរដ្ឋាភិបាល
---
ថ្ងៃទី២៨ ខែឧសភា ឆ្នាំ២០២៦៖ ក្រុមការងារសាខាមូលនិធិជាតិជំនួយសង្គមខេត្តក្រចេះ បានសហការជាមួយមន្ត្រីអប់រំកែប្រែ និងស្តារនីតិសម្បទាដើម្បីបើកផ្តល់ប្រាក់ឧបត្ថម្ភជូនអ្នកទទួលផលក្នុងកម្មវិធីឧបត្ថម្ភសាច់ប្រាក់ជូនជនជាប់ឃុំជាស្ត្រីមានផ្ទៃពោះ និងកូនអាយុក្រោម២ឆ្នាំតាមម្ដាយក្នុងពន្ធនាគារនៅរាជធានីភ្នំពេញសរុបចំនួន១នាក់ ស្មើនឹងទឹកប្រាក់សរុបចំនួន ៨០ ០០០រៀលគត់។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website
👉 NSAF Telegram Channel
👉 NSAF page

កិច្ចប្រជុំ ស្តីពីការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ
=====
នៅថ្ងៃទី២៧ ខែឧសភា ឆ្នាំ២០២៦៖ សាខាមូលនិធិជាតិជំនួយសង្គមខេត្តកណ្តាល សហការជាមួយរដ្ឋបាលក្រុងតាខ្មៅ បានរៀបកិច្ចប្រជុំ ស្តីពីការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ ក្រោមអធិបតីភាព លោក វិន សារឿន ប្រធានសាខា ម.ជ.ជ.ខេត្ត។ កិច្ចប្រជុំនេះមានការអញ្ជើញចូលរួមពីការិយាល័យសង្គមកិច្ច និងសុខុមាលភាពសង្គមក្រុង ការិយាល័យ អប់រំយុវជននិងកីឡាក្រុង ការិយាល័យក្រុង ប្រតិបត្តិ និងលោក លោកស្រី ជាចៅសង្កាត់ព្រមទាំងមន្ត្រីទទួលបន្ទុកកម្មវិធីជំនួយសង្គមសង្កាត់ សរុបចំនួន២៣រូប នៅសាលប្រជុំនៃសាលាក្រុង ខេត្តកណ្តាល។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website - https://nsaf.gov.kh
👉 NSAF Telegram Channel
👉 https://t.me/NSAFCAMBODIA

ស្ត្រីមានផ្ទៃពោះ និងកូនអាយុក្រោម២ឆ្នាំតាមម្ដាយក្នុងពន្ធនាគារចំនួន៤នាក់ បានទទួលប្រាក់ឧបត្ថម្ភពីរាជរដ្ឋាភិបាល
---
ថ្ងៃទី២៧ ខែឧសភា ឆ្នាំ២០២៦៖ ក្រុមការងារសាខាមូលនិធិជាតិជំនួយសង្គមរាជធានីភ្នំពេញ បានសហការជាមួយមន្ត្រីមណ្ឌលសុខភាពអប់រំកែប្រែទី២ ដើម្បីបើកផ្តល់ប្រាក់ឧបត្ថម្ភជូនអ្នកទទួលផលក្នុងកម្មវិធីឧបត្ថម្ភសាច់ប្រាក់ជូនជនជាប់ឃុំជាស្ត្រីមានផ្ទៃពោះ និងកូនអាយុក្រោម២ឆ្នាំតាមម្ដាយក្នុងពន្ធនាគារនៅរាជធានីភ្នំពេញសរុបចំនួន៤នាក់ ស្មើនឹងទឹកប្រាក់សរុបចំនួន ៣២០ ០០០រៀលគគត់។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website
👉 NSAF Telegram Channel
👉 NSAF page

ការចុះធ្វើបច្ចុប្បន្នភាពជូនអតីតយុទ្ធជន អតីតមន្ត្រីរាជការស៊ីវិល និងគ្រួសារអតីតយុទ្ធជន នៅខេត្តបន្ទាយមានជ័យ និងខេត្តកំពង់ស្ពឺ
- - -
ថ្ងៃទី២៧ ខែឧសភា ឆ្នាំ២០២៦ ក្រុមការងារ នៃមូលនិធិជាតិជំនួយសង្គមថ្នាក់កណ្តាល សហការជាមួយសាខាមូលនិធិជាតិជំនួយសង្គមខេត្ត បានចុះធ្វើបច្ចុប្បន្នភាពជូនអតីតយុទ្ធជន អតីតមន្ត្រីរាជការស៊ីវិល និងគ្រួសារអតីតយុទ្ធជន ទទួលបានលទ្ធផលសរុបចំនួន ១៩៦នាក់ ក្នុងរួមនោះមាន៖
+ខេត្តបន្ទាយមានជ័យ
១-អតីតយុទ្ធជន ចំនួន ៤៧នាក់
- និវត្តជន ២៥នាក់
- គ្រួសារជនពលី ៩នាក់
- គ្រួសារមរណៈ ១៣នាក់
២-អតីតមន្ត្រីរាជការស៊ីវិល ៧២នាក់
- និវត្តជន ៣៥នាក់
- ប្រពន្ធ ២៩នាក់
- កូន ៥នាក់
- កូនកំព្រា ៣នាក់

+ខេត្តកំពង់ស្ពឺ
១-អតីតយុទ្ធជន ចំនួន ៥០នាក់
- និវត្តជន ៤២នាក់
- គ្រួសារជនពលី ៥នាក់
- គ្រួសារមរណៈ ៣នាក់
២-អតីតមន្ត្រីរាជការស៊ីវិល ៧២នាក់
- និវត្តជន ១៩នាក់
- កូន ៨នាក់

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website - https://nsaf.gov.kh
👉 NSAF Telegram Channel - https://t.me/NSAFCAMBODIA

កិច្ចប្រជុំ ស្តីពីការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ
---
នៅថ្ងៃទី២៥ ខែឧសភា ឆ្នាំ២០២៦៖ សាខាមូលនិធិជាតិជំនួយសង្គមខេត្តកណ្តាល សហការជាមួយរដ្ឋបាលស្រុកពញាឭ បានរៀបកិច្ចប្រជុំ ស្តីពីការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ ក្រោមអធិបតីភាព លោក វិន សារឿន ប្រធានសាខា ម.ជ.ជ.ខេត្ត។ កិច្ចប្រជុំនេះមានការអញ្ជើញចូលរួមពីការិយាល័យសង្គមកិច្ច និងសុខុមាលភាពសង្គមស្រុក ការិយាល័យ អប់រំយុវជននិងកីឡាស្រុក ការិយាល័យស្រុកប្រតិបត្តិ និងលោក លោកស្រី ជាមេឃុំព្រមទាំងមន្ត្រីទទួលបន្ទុកកម្មវិធីជំនួយសង្គមឃុំ សរុបចំនួន២៥រូប នៅសាលប្រជុំនៃសាលាស្រុកពញាឮ ខេត្តកណ្តាល។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website - https://nsaf.gov.kh
👉 NSAF Telegram Channel
👉 https://t.me/NSAFCAMBODIA

កិច្ចប្រជុំផ្សព្វផ្សាយសារាចរលេខ ០៦ សរ ចុះថ្ងៃទី១៥ ខែឧសភា ឆ្នាំ២០២៦ស្តីពីការរៀបចំផែនការយុទ្ធសាស្ត្រថវិកាឆ្នាំ២០២៧-២០២៩ និងការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៧។
—-
នាព្រឹកថ្ងៃទី២២ ខែឧសភា ឆ្នាំ២០២៦៖ តាមការចាត់តាំងរបស់ឯកឧត្តម ស៊ឹម សុធន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកមូលនិធិជាតិជំនួយសង្គម លោកជំទាវ អ៊ុយ ច័ន្ទនិមល អគ្គនាយករង នៃមូលនិធិជាតិជំនួយសង្គម បានដឹកនាំកិច្ចប្រជុំផ្សព្វផ្សាយសារាចរលេខ ០៦ សរ ចុះថ្ងៃទី១៥ ខែឧសភា ឆ្នាំ២០២៦ស្តីពីការរៀបចំផែនការយុទ្ធសាស្ត្រថវិកាឆ្នាំ២០២៧-២០២៩ និងការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៧ ដោយមានការអញ្ជើញចូលរួមពីតំណាងគ្រប់នាយកដ្ឋាន និងអង្គភាពក្រោមចំណុះមូលនិធិជាតិជំនួយសង្គម។

កិច្ចប្រជុំនេះត្រូវបានរៀបចំឡើង ក្រោមការសម្របសម្រួលរបស់នាយកដ្ឋានគ្រប់គ្រងថវិកា ហិរញ្ញវត្ថុ និងគណនេយ្យដែលជាអង្គភាពទទួលបន្ទុកហិរញ្ញវត្ថុរបស់មូលនិធិជាតិជំនួយសង្គម។
កិច្ចប្រជុំនេះ ផ្តោតទៅលើចំណុចសំខាន់ៗដូចខាងក្រោម៖
១- ណែនាំជារួមអំពីក្របខ័ណ្ឌម៉ាក្រូសេដ្ឋកិច្ច និងហិរញ្ញវត្ថុ រយៈពេលមធ្យម, គោលការណ៍រួម នៃការគ្រោងថវិកាឆ្នាំ២០២៧, និងនីតិវិធីនៃការរៀបចំថវិកាឆ្នាំ២០២៧ របស់មូលនិធិជាតិជំនួយសង្គម
២-ត្រៀមលក្ខណៈបុរេសកម្ម និងសកម្មក្នុងការអនុវត្តនូវនីតិវិធីហិរញ្ញវត្ថុថ្មីៗ ក្នុងបរិបទនៃការធ្វើទំនើបកម្មក្របខណ្ឌច្បាប់ និងបច្ចេកវិទ្យាសម្រាប់ការគ្រប់គ្រងហិរញ្ញវត្ថុសាធារណៈ ដែលរួមមាន៖ ការអនុវត្តប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងហិរញ្ញវត្ថុសាធារណៈ (FMIS) និងប្រព័ន្ធបច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ (SARMIS) ,ការអនុវត្តច្បាប់ស្តីពីប្រព័ន្ធហិរញ្ញវត្ថុសាធារណៈ ឆ្នាំ២០២៣, អនុក្រឹត្យ ស្តីពីគ្រប់គ្រងថវិកា និងគណនេយ្យសាធារណៈឆ្នាំ២០២៣, អនុក្រឹត្យ ស្តីពីការគ្រេប់គ្រងថវិកា គណនេយ្យ និងទ្រព្យសម្បត្តិរដ្ឋ នៃគ្រឹះស្ថានសាធារណៈរដ្ឋបាលថ្នាក់ជាតិ ឆ្នាំ២០២៤,ប្រកាស ស្តីពីវិធាន និងនីតិវិធីអនុវត្តថវិការបស់គ្រឹះស្ថានសាធារណៈរដ្ឋបាលថ្នាក់ជាតិ ឆ្នាំ២០២៥ និងប្រកាស ស្តីពីសិទ្ធិអំណាច ការទទួលខុសត្រូវ និងនីតិវិធីអនុវត្តថវិការបស់អង្គភាពថវិកាឆ្នាំ២០២១ ព្រមទាំងលិខិតបទដ្ឋានគតិយុត្តពាក់ព័ន្ធនឹងនីតិវិធីហិរញ្ញវត្ថុ ផ្សេងៗទៀត។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website - https://nsaf.gov.kh
👉 NSAF Telegram Channel - https://t.me/NSAFCAMBODIA

សិក្ខាសាលាពិគ្រោះយោបល់ ស្ដីពី “ការវាយតម្លៃកម្មវិបាកពាក់កណ្តាលគ្រា នៃកម្មវិធីជាតិជំនួយសង្គមក្នុងកញ្ចប់គ្រួសារ”
===========================
កាលពីថ្ងៃទី១៩ ខែឧសភា ឆ្នាំ២០២៦, ដោយបានការអនុញ្ញាតពីឯកឧត្តម ស៊ឹម សុធន ប្រតិភូរាជរដ្ឋាភិបាលទទួលបន្ទុកជាអគ្គនាយកមូលនិធិជាតិជំនួយសង្គម លោក ហួ តុលា អគ្គនាយករង បានដឹកនាំក្រុមការងារជំនាញ ចូលរួមសិក្ខាសាលាពិគ្រោះយោបល់ ស្ដីពី “ការវាយតម្លៃកម្មវិបាកពាក់កណ្តាលគ្រា នៃកម្មវិធីជាតិជំនួយសង្គមក្នុងកញ្ចប់គ្រួសារ” ក្នុងគោលបំណងពិភាក្សាលើការប្រមូលធាតុចូលបន្ថែម ដើម្បីឱ្យការវាយតម្លៃកម្មវិបាកពាក់កណ្ដាលគ្រានេះ ប្រព្រឹត្តទៅដោយរលូន, គ្រប់ជ្រុងជ្រោយ និងមានប្រសិទ្ធភាពខ្ពស់។
សិក្ខាសាលានេះ មានការអញ្ជើញចូលរួមពីតំណាងក្រសួងអប់រំ យុវជន និងកីឡា, មូលនិធិជាតិជំនួយសង្គម (NSAF), មូលនិធិសហប្រជាជាតិដើម្បីកុមារ (UNICEF) ប្រចាំកម្ពុជា, ធនាគារពិភពលោក (World Bank) ប្រចាំកម្ពុជា, កម្មវិធីស្បៀងអាហារពិភពលោក (WFP) ប្រចាំកម្ពុជា, និងក្រសួង, ស្ថាប័ន, និងដៃគូរអភិវឌ្ឍន៍ដែលពាក់ព័ន្ធ។

🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖
👉 NSAF Website - https://nsaf.gov.kh
👉 NSAF Telegram Channel - https://t.me/NSAFCAMBODIA